စက်တင်ဘာ ၂၃၊ ၂၀၁၆
M-Media
– အာဆင်နယ်၏ သက်တော်ရှည်နည်းပြ အာဆင်ဝင်းဂါး၏ နည်းပြဘ၀မှာ အံ့သြလောက်စရာဖြစ်သည်ဟု ချယ်ဆီးနည်းပြ အန်တိုနီယိုကွန်တီက ပြောကြားလိုက်ပြီး အသင်းအား ထိပ်ဆုံးအဆင့်တွင် ရှိနေအောင် ဆောင်ရွက်မှုကိုလည်း ချီးကျူးခဲ့သည်။
အာဆင်နယ်အတွက် ပရီးမီးယားလိဂ်ဖလား ၃ ကြိမ်နှင့် FA ဖလား ၆ ကြိမ် ရယူပေးထားသည့် အာဆင်ဝင်းဂါးမှာ အောက်တိုဘာ ၁ ရက်နေ့တွင် အာဆင်နယ်အသင်းနှင့် နည်းပြသက်တမ်း နှစ် ၂၀ ပြည့်မည်ဖြစ်သည်။
ပြီးခဲ့သည့် ၁၀ စုနှစ်အတွင်း အသင်းအား သိသာသည့် အောင်မြင်မှုမျိုး ရရှိအောင် မစွမ်းဆောင်ပေးနိုင်သောကြောင့် ချယ်ဆီးနည်းပြဟောင်း မော်ရင်ဟိုက အာဆင်ဝင်းဂါးမှာ ‘ကျဆုံးမှု စပါယ်ရှယ်လစ်’ ဟု ဝေဖန်ခဲ့သည်။ သို့သော်လည်း ကွန်တီကမူ ၀င်းဂါးလက်အောက် အသင်း၏ အခြေအနေကို ချီးကျူးရမည်ဟု ဆိုသည်။
“အာဆင်နယ်မှာ သမိုင်းကြောင်းကောင်းရှိတယ်။ သူတို့ဟာ ထိပ်တန်းအသင်းတစ်သင်းပါ။ ၀င်းဂါးဟာ ကောင်းမွန်အောင် ဆောင်ရွက်နေတယ်လို့ ကျွန်တော် ထင်ပါတယ်။ အသင်းတစ်သင်းမှာ နှစ် ၂၀ လောက်နေနိုင်တာဟာ အံ့သြလောက်စရာပါပဲ” ဟု ပြောကြားခဲ့သည်။
အာဆင်နယ်နှင့် ချယ်ဆီးတို့မှာ စနေနေ့တွင် တွေ့ဆုံရမည်ဖြစ်ပြီး မိမိတို့နှစ်သင်းစလုံးမှာ ရေကုန်ရေခန်း ကစားသွားမည်ဖြစ်ကြောင်း ၎င်းက ထည့်သွင်းပြောဆိုခဲ့သည်။
Ref : Goal
Leave a Reply
You must be logged in to post a comment.