နိုဝင်ဘာ ၂၀၊ ၂၀၁၆
M-Media
– တစ်ဖြည်းဖြည်းနဲ့ ပိုအန္တရာယ်ရှိလာတဲ့ ကမ္ဘာကြီးမှာ ပဋိပက္ခကနေ လုံးဝ လွတ်ကင်းတယ်ဆိုတဲ့ နိုင်ငံဟာ ၁၀ နိုင်ငံသာရှိတယ်လို့ ၁၀ ကြိမ်မြောက် ကမ္ဘာ့ငြိမ်းချမ်းရေးအညွှန်းကိန်း (Global Peace Index) မှာ ဖော်ပြထားပါတယ်။
ပဋိပက္ခတွေ ဖြစ်ပွားရာမှာ အဆိုးဆုံးဒေသကတော့ အရှေ့အလယ်ပိုင်းဒေသဖြစ်ပြီး ဒုက္ခသည်ပြဿနာ၊ အကြမ်းဖက်မှုကြောင့် ထိခိုက်သေဆုံးမှု မြင့်တက်လာတဲ့ပြဿနာတွေအတွက် အဖြေမရှာနိုင်သေးဘဲ ပြီးခဲ့တဲ့နှစ်ကထက်ယှဉ်ရင် ဒီနှစ်မှာ ကမ္ဘာကြီးဟာ ပိုပြီး ငြိမ်းချမ်းမှုနည်းသွားတယ်လို့လည်း အညွှန်းကိန်းက ဆိုပါတယ်။
လုံးဝငြိမ်းချမ်းတဲ့နိုင်ငံ – ဆိုလိုတာက ပဋိပက္ခတွေမှာ တိုက်ရိုက်၊ ဒါမှမဟုတ် သွယ်ဝိုက်တဲ့နည်းလမ်းတွေနဲ့ လုံးဝမပတ်သက်တဲ့နိုင်ငံဟာ ၂၀၁၄ ခုနှစ်ထက်စာရင် ဒီနှစ်မှာ ပိုနည်းသွားပါတယ်။
လွန်ခဲ့တဲ့ ၁၀ နှစ်လုံးလုံး ကမ္ဘာ့ငြိမ်းချမ်းရေးအညွှန်းကိန်းကို လေ့လာထုတ်ပြန်ခဲ့တဲ့ တတ်သိပညာရှင်များအဖွဲ့ Institute for Economics and Peace (IEP) ရဲ့ အဆိုအရ ဘော့စ်ဝါနာ၊ ချီလီ၊ ကော့စတာရီကာ၊ မော်ရေးရှက်စ်၊ ပနားမား၊ ကာတာ၊ ဆွစ်ဇာလန်၊ ဥရုဂွေးနဲ့ ဗီယက်နမ်တွေကသာ ပဋိပက္ခနဲ့ ကင်းလွတ်ပြီး ငြိမ်းချမ်းတဲ့နိုင်ငံတွေ ဖြစ်တယ်လို့ ဆိုပါတယ်။
ဒီစာရင်းထဲမှာ ဘရာဇီးလ်ဟာ ဖယ်ရှားခံလိုက်ရပြီး IEP တည်ထောင်သူ စတီဗ် ကီလီလီယာကတော့ ရီယိုအိုလံပစ်မတိုင်ခင် ဖြစ်ပွားခဲ့တဲ့ ပြဿနာတွေက တစ်နှစ်တာအတွင်းမှာ အခြေအနေအဆိုးရွားဆုံး နိုင်ငံအဖြစ် သတ်မှတ်ခံခဲ့ရတယ်လို့ ဆိုပါတယ်။
ဒီနှစ် ငြိမ်းချမ်းရေးအညွှန်းကိန်းရဲ့ သိသာတဲ့ ရလဒ်တစ်ခုကတော့ ကမ္ဘာ့ငြိမ်းချမ်းရေးနဲ့ပတ်သက်လာရင် အရှေ့အလယ်ပိုင်းဒေသက အခြေအနေတွေရဲ့ ပမာဏဟာ သိသိာသာသာ ရိုက်ခတ်မှုရှိတယ်ဆိုတဲ့အချက် ဖြစ်ပါတယ်။
“ကမ္ဘာကြီးကိုခြုံကြည်ရင် ပြီးခဲ့တဲ့ ၁၂ လအတွင်းမှာ ငြိမ်းချမ်းမှု နည်းနည်းလေး လျော့သွားတာကို တွေ့ရမှာပါ။ ဒါပေမယ့် ပြီးခဲ့တဲ့ ၁၀ နှစ်နဲ့ ပြီးခဲ့တဲ့နှစ်က အညွှန်းကိန်းမှာ အရှေ့အလယ်ပိုင်းဒေသကိုထုတ်လိုက်ရင် ကမ္ဘာကြီးဟာ ပိုပြီး ငြိမ်းချမ်းတယ်ဆိုတာကို တွေ့ရမှာဖြစ်ပါတယ်။ ဒါက အရှေ့အလယ်ပိုင်းဟာ ကမ္ဘာကြီးမှာ တော်တော်လေး သက်ရောက်မှုရှိနေတယ်ဆိုတာကို မီးမောင်းထိုးပြနေတာလည်း ဖြစ်ပါတယ်” လို့လည်း ကီလီလီယာက ဆိုပါတယ်။
အညွှန်းကိန်းအရတော့ ပြီးခဲ့တဲ့နှစ်ကထက်ယှဉ်ရင် နိုင်ငံပေါင်း ၈၁ နိုင်ငံက ပိုငြိမ်းချမ်းလာခဲ့ပြီး ၇၉ နိုင်ငံမှာ မငြိမ်းချမ်းမှု ပိုဆိုးရွားလာခဲ့ပါတယ်။
မနှစ်ကနဲ့မတူတာက ငြိမ်းချမ်းတဲ့နိုင်ငံတွေဟာ ပိုငြိမ်းချမ်းလာပြီး၊ မငြိမ်းချမ်းတဲ့နိုင်ငံတွေက ပိုပြီး မငြိမ်းမချမ်း ဖြစ်လာတယ်ဆိုတဲ့ လားရာတစ်ခုကို IEP က သတိပြုမိခဲ့ကာ ဒါကို “ငြိမ်းချမ်းရေး မညီမျှမှု” လို့ သူတို့က ကင်ပွန်းတပ်ခဲ့ပါတယ်။
“ဒီမညီမျှမှုနောက်ကွယ်က အဓိကအကြောင်းအရင်းဟာ မြင့်တက်လာတဲ့ ပဋိပက္ခတွေကို ဖြေရှင်းဖို့ ကျွန်တော်တို့ မစွမ်းဆောင်နိုင်တာ ဖြစ်ပါတယ်။ အာဖဂန်နဲ့ အီရတ်က ပြဿနာတွေဆိုရင် ၁၀ စုနှစ်တစ်ခုကျော်လောက်ကို ကြာသွားပြီး ဆီးရီးပြဿနာဆိုရင်လည်း ၂၀၁၁ ခုနှစ်က စတင်ခဲ့ပါတယ်။ နောက်ပိုင်း လစ်ဗျားနဲ့ ယီမင်တို့မှာလည်း ပြဿနာတွေ ဆက်တိုက် ဖြစ်ခဲ့ပါတယ်။ ငြိမ်းချမ်းအောင် မဆောင်ရွက်နိုင်တာက ပြဿနာရဲ့ အဓိက သော့ချက်ပါပဲ”
“ဥပမာ စစ်ပွဲတွေအတွင်း သေဆုံးမှုကို တွက်ကြည့်မယ်ဆိုရင် (၁၂လအတွင်း) ၁၁၂၀၀၀ အထိရှိပြီး နှစ် ၂၀ အတွင်း အမြင့်ဆုံးဖြစ်ပါတယ်။ ဒါပေမယ့် ဆီးရီးယား၊ အီရတ်နဲ့ အာဖဂန်တို့ ပေါင်းလိုက်ရင် သေဆုံးမှုအားလုံးရဲ့ ၇၅ ရာခိုင်နှုန်း ရှိပါတယ်” လို့ မစ္စတာ ကီလီလီယာက ပြောကြားခဲ့ပါတယ်။
အညွှန်းကိန်းအရတော့ ပြီးခဲ့တဲ့ ၁၂ လအတွင်းမှာ နိုင်ငံပေါင်း ၃၉ နိုင်ငံအတွင်း နိုင်ငံရေး မတည်ငြိမ်မှုဟာ ဆိုးဝါးခဲ့ပြီး ဘရာဇီးလ်က ‘သပိတ်မှောက်တဲ့ ကိစ္စ’ လည်း ပါဝင်တယ်လို့ အစီရင်ခံစာမှာ ဖော်ပြထားပါတယ်။
အိုက်စလန်ဟာ ကမ္ဘာ့အငြိမ်းချမ်းဆုံး တိုင်းပြည်များစာရင်းမှာ ထိပ်ဆုံးက ဆက်ရှိနေပြီး သူ့နောက်မှာတော့ ဒိန်းမတ်၊ သြစတြီးယား၊ နယူးဇီလန်နဲ့ ပေါ်တူဂီတို့ ရှိနေပါတယ်။ ပေါ်တူဂီဟာ ၉ ဆင့်တက်လာတာပါ။ ဆီးရီးယားကတော့ မငြိမ်းချမ်းဆုံး တိုင်းပြည်အဖြစ် ဆက်ရှိနေပါတယ်။
ငြိမ်းချမ်းရေးအတွက် အိုက်စလန်ကနေ ဘယ်လိုသင်ယူနိုင်မလဲဆိုတာနဲ့ ပတ်သက်ပြီး ကီလီလီယာက “အိုက်စလန်မှ မဟုတ်ပါဘူး။ နိုင်ငံတော်တော်များများကနေလည်း ကျွန်တော်တို့ သင်ယူနိုင်ပါတယ်။ အဲဒီနိုင်ငံတွေဟာ ငြိမ်းချမ်းတဲ့ လူ့အဖွဲ့အစည်းတွေကို ဖြစ်စေတဲ့၊ ထိန်းသိမ်းထားပေးတဲ့ အကြောင်းအရင်းဖြစ်တဲ့ အပြုသဘောဆောင်တဲ့ ငြိမ်းချမ်းကို ကျင့်သုံးနေကြပါတယ်” လို့ ဖြေကြားခဲ့ပါတယ်။
IEP ဟာ အဲဒီ အပြုသဘောဆောင်တဲ့ ငြိမ်းချမ်းရေးကို ကိန်းဂဏန်းပုံစံမျိုးနဲ့ အဓိပ္ပါယ်ဖွင့်ဖို့ ကြိုးစားခဲ့ပြီး ‘အခြားသူများ၏ အခွင့်အရေးကို လက်ခံခြင်း’ ‘ခြစားမှု နည်းပါးခြင်း’ ‘သတင်းအချက်အလက် လွတ်လပ်စွာ စီးဆင်းခြင်’ နဲ့ ‘အစိုးရယန္တယား အပြည့်အ၀လည်ပတ်ခြင်း’ တွေအပါအ၀င် ခေါင်းစဉ်တော်တော်များများအတွက် အမှတ်တွေ သတ်မှတ်ခဲ့ပါတယ်။
“အပြုသဘောဆောင်တဲ့ငြိမ်းချမ်းရေးဟာ လုံလုံလောက်လောက် ခိုင်မာမယ်ဆိုရင် တုန်လှုပ်စရာတွေနဲ့ ကြုံတွေ့ရပေမယ့် အဲဒီနိုင်ငံဟာ ငြိမ်းချမ်းရေးအခြေအနေ ဆိုးရွားမှာ မဟုတ်ပါဘူး” လို့ ကီလီလီယာက ပြောကြားခဲ့ပါတယ်။
ဥရောပဟာ အငြိမ်းချမ်းဆုံးဒေသအဖြစ် အညွှန်းကိန်းက ဖော်ပြခဲ့ပြီး ငြိမ်းချမ်းမှုအရှိဆုံး ထိပ်တန်း ၁၀ နိုင်ငံမှာ ဥရောပက ၇ နိုင်ငံ ပါဝင်နေပါတယ်။
ဥရောပတိုက်က စစ်ပွဲနဲ့ ကင်းကွာနေပေမယ့်လည်း ဗြိတိန်၊ ပြင်သစ်၊ ဘယ်လ်ဂျီယံနဲ့ အခြားနိုင်ငံတွေကတော့ အရှေ့အလယ်ပိုင်းမှာဖြစ်ပွားနေတဲ့ ပဋိပက္ခတွေမှာ သိသိသာသာ ပါဝင်မှုတွေ ရှိနေပြီး နိုင်ငံတကာ အကြမ်းဖက်ဝါဒရဲ့ ခြိမ်းခြောက်မှုတွေလည်း မြင့်တက်လာခဲ့ပါတယ်။
Ref: Independent