နို၀င်ဘာ ၁၇၊ ၂၀၂၅
M-Media
ပါလက်စတိုင်းနိုင်ငံ ဂါဇာကမ်းမြှောင်က ရှေးဟောင်းပစ္စည်းပြတိုက် Al-Basha Palace Museum ကနေ ပစ္စည်းအားလုံးနီးပါးကို အစ္စရေးက ခိုးယူသွားတယ်လို့ ပြတိုက် ကြီးကြပ်ရေးမှူး ဟာမူဒါ အလ်-ဒဟ်ဒါက ပြောပါတယ်။
ပြတိုက်မှာ မမ်လူက်ခေတ်၊ အော်တိုမန်ခေတ်၊ ဘိုင်ဇန်တိုင်းခေတ်၊ ရောမခေတ်နဲ့ သမိုင်းမတိုင်ခင်ခေတ်တွေက ရှေးဟောင်းပစ္စည်းပေါင်း ၁၇၀၀၀ ကျော် ရှိခဲ့တာပါ။ အလ်-ဒဟ်ဒါက ရှေးဟောင်းပစ္စည်း အားလုံးနီးပါးကို အစ္စရေးက ခိုးယူသွားခဲ့ပြီး လက်ရှိ ပြတိုက်အပျက်အစီးတွေကြားမှာ ၂၀ လောက်သာ ပြန်တွေ့တော့တယ်လို့ ဆိုပါတယ်။
၂၀၂၃ ခုနှစ် အောက်တိုဘာလက စတင်တဲ့ ဂါဇာက တစ်ကျော့ပြန် လူသတ်ပွဲအတွင်း အစ္စရေးဟာ Al-Basha Palace Museum ပြတိုက်ကို ဗုံးကြဲဖျက်ဆီးခဲ့သလို၊ နောက်ပိုင်းမှာ ဘူဒိုဇာနဲ့ ထိုးကာ ရှင်းလင်းခဲ့ပါတယ်။
Ref: Roya News