ဒီဇင်ဘာ ၁ ၊ ၂၀၁၆
M-Media
သတင်း-သီဟ
သာကေတမြို့နယ် ၁၀ရပ်ကွက် ရတနာပုံလမ်း ရှိ ပလတ်စတစ်ပစ္စည်း အရောင်းဆိုင် ရှေ့မှာ လာရောက်ဆိုင်ခင်းတဲ့ပျံကျ ဈေးသည်တွေနဲ့ ပလတ်စတစ်ပစ္စည်း အရောင်းဆိုင်ပိုင်ရှင်တို့ကြား ခိုက်ရန်ဖြစ်ပွားပြီး အငြင်းပွားမှုဖြစ်ပွားခဲ့ပါတယ်။
ပလတ်စတစ်ပစ္စည်း အရောင်းဆိုင်ပိုင်ရှင်က ဆိုင်မျက်နှာစာမှာ ဈေးဗန်း လာခင်းတဲ့ဈေးသည် ခြောက်ဦးခန့်ကို နေရာက ဖယ်ခိုင်းခဲ့ပါတယ်။ ဈေးသည်တွေက မဖယ်ပေးတာကြောင့် အဆိုပါ ပလတ်စတစ်အရောင်းဆိုင် ပိုင်ရှင်က ဗျံကျ ဈေးသည်တွေရဲ့ ပစ္စည်းတွေကိုရိုက် ခွဲတာ ဖျက်ဆီးတာတွေပြုလုပ်ခဲ့ပါတယ်။ လက်ရှိ အချိန်မှာ ပစ္စည်းတွေကိုဖျက်ဆီးခဲ့တဲ့ ဈေးဆိုင်ပိုင်ရှင်ကို သာကေတ နယ်မြေရဲစခန်းက လာရောက်ထိန်းသိမ်းသွားပြီဖြစ်ပါတယ်။
အဆိုပါဖြစ်စဉ်ကို အကြောင်းပြုပြိး လူစုလူဝေးဖြစ်ပေးခဲ့ပြီး ကော်ပစ္စည်းဆိုင်၊ ကုန်မာဆိုင် နဲ့လျှပ်စစ်ပစ္စည်းဆိုင်များ ဖျက်ဆီးမှုကြောင့် ပျက်ဆီးမှု အနည်းငယ်ဖြစ်ပွားခဲ့ပြီး ထပ်မံဖျက်ဆီးဖို့ လုပ်ဆောင်ရန် လှုံ့ဆောင်မှုများကို ဒေသခံ ရဲတပ်ဖွဲ့ နှင့် သံဃာ့မဟာနာယက ဆရာတော်များက ထိန်းသိမ်းဆောင်ရွက်နိုင်ခဲ့ကြောင်းသိရှိရပါတယ်။
ယခုဖြစ်စဉ်ကို ဆိုရှယ်မီဒီယာ စာမျက်နှာထပ်တွင် လူမျိုးရေး အဓိကရုန်းဖြစ်ပွားနေကြောင်း လှုံ့ဆော်ရေးသားမှုများကိုလည်း တွေ့ရှိရပါတယ်။
ref: ကုမုဒြာ