ဖေဖော်ဝါရီ ၁၅၊ ၂၀၁၇
M-Media

– မြောက်ကိုရီးယားခေါင်းဆောင်၏ အဖေတူ အမေကွဲ အစ်ကို ကင်ဂျုံနမ်ကို ကွာလာလမ်ပူလေဆိပ်၌ လုပ်ကြံမှုနှင့် ဆက်စပ်၍ မလေးရှားရဲတပ်ဖွဲ့က သံသယရှိသူ အမျိုးသမီးတစ်ဦးကို ဖမ်းဆီးလိုက်ပြီး ၎င်းမှာ ဗီယက်နမ် နိုင်ငံကူးလက်မှတ် ကိုင်ဆောင်ထားသည်ဟု သိရသည်။
ယနေ့တွင် လေဆိပ်ရှိ စရိတ်နည်း လေကြောင်းလိုင်းဝင်ပေါက်၌ ဖမ်းဆီးခဲ့ခြင်းဖြစ်ပြီး ဖမ်းဆီးသည့်အချိန်တွင် သူမတစ်ယောက်တည်း ဖြစ်သည်ဟု ရဲတပ်ဖွဲ့က သတင်းထုတ်ပြန်ခဲ့သည်။ ကင်ဂျုံနမ်ကို မြောက်ကိုရီးယားမှ အမျိုးသမီး သူလျှို နှစ်ဦးက လုပ်ကြံခဲ့သည်ဟု သတင်းထွက်ပေါ်ခဲ့ပြီး လေဆိပ် CCTV ကင်မရာတွင် မှတ်တမ်းတင်ထားသည့် သံသယဖြစ်ဖွယ် အမျိုးသမီးတစ်ဦး၏ ဓာတ်ပုံကို မလေးရှားက ယမန်နေ့တွင် ထုတ်ပြန်ခဲ့သည်။
ယခုဖမ်းဆီးလိုက်သည့် အမျိုးသမီးမှာ ထိုမှတ်တမ်းမှ အမျိုးသမီးနှင့် တူညီနေပြီး Doan Thi Huong ဟု အမည်ရကာ ၁၉၈၈ ခုနှစ် မေလ ၃၁ ရက်နေ့တွင် မွေးသွားသည်ဟု နိုင်ငံကူးလက်မှတ်တွင် ဖော်ပြထားသည်။
မလေးရှားရဲတပ်ဖွဲ့ကမူ ယခုဖမ်းဆီးရမိသူမှာ ဗီယက်နမ်နိုင်ငံသား ဟုတ်၊ မဟုတ်ကို အတည်ပြုရန်အတွက် မြောက်ကိုရီးယား၊ ဗီယက်နမ်သံရုံးများနှင့် ပူးပေါင်းဆောင်ရွက်နေကြောင်း ပြောကြားခဲ့သည်။
ယခု သံသယရှိသူအပြင် မလေးရှား ရဲတပ်ဖွဲ့မှာ အခြားအမျိုးသမီးတစ်ဦးကို ဖမ်းဆီးထားပြီး၊ အမျိုးသား ၄ ဦး၊ အမျိုးသမီးတစ်ဦးအပါအ၀င် လူအများအပြားကို ရှာဖွေနေသည်။
Ref: Aljazeera