ဧပြီ ၂၆၊ ၂၀၁၇
M-Media
– အမေရိကန်၏ THAAD လေကြောင်းရန် ကာကွယ်ရေးစနစ်မှ အဓိက အစိတ်အပိုင်းများကို တပ်ဆင်ပြီးဖြစ်သည်ဟု တောင်ကိုရီးယားက ပြောကြားလိုက်သည်။
ယခုနှစ်အတွင်း အပြီးတပ်ဆင်ရန်ရှိနေသည့် အဆိုပါ လေကြောင်းရန်ကာကွယ်ရေးစနစ်၏ အားကောင်းသည့် ရေဒါကြောင့် မြောက်ကိုရီးယား၊ တရုတ်နှင့် ရုရှားတို့က လုံခြုံရေးဆိုင်ရာ ခြိမ်းခြောက်မှုအဖြစ် မှတ်ယူထားသည်။
တောင်ကိုရီးယားက ယနေ့တွင်ထုတ်ပြန်သော ကြေငြာချက်၌ မြောက်ကိုရီးယား၏ မြင့်တက်လာသော နျူကလီးယားနှင့် ဒုံးကျည်ခြိမ်းခြောက်မှုများကို ကျော်လွှားရန်အတွက် မိမိတို့နှင့် အမေရိကန်မှာ THAAD ကို မကြာမီ အလုပ်လုပ်သွားနိုင်ရန် အပြင်းအထန် ဆောင်ရွက်နေကာ လက်ရှိတွင် စနစ်၏ အချို့အစိတ်အပိုင်းများကို တပ်ဆင်ပြီးဖြစ်သည်ဟု ဆိုသည်။
တောင်ကိုရီးယား၏ Yonhap သတင်းဌာနကမူ ဒုံးပစ်စင် ၆ ခု၊ ဒုံးခွင်းဒုံးကျည်အချို့နှင့် အနည်းဆုံး ရေဒါစနစ်တစ်ခု တပ်ဆင်ပြီးဖြစ်သည်ဟု ဖော်ပြခဲ့သည်။
အမေရိကန်နှင့် မြောက်ကိုရီးယားတို့အကြား ပြီးခဲ့သည့် သီတင်းပတ်များအတွင်း တင်းမာမှုများ မြင့်တက်လာခဲ့ပြီးနောက် ယမန်နေ့တွင် မြောက်ကိုရီးယားက စစ်တပ်ဖွဲ့စည်းသည့် ၈၅ နှစ်မြောက် နေ့အဖြစ် လက်နက်ကြီး စစ်ရေးလေ့ကျင်မှုကို အကြီးအကျယ် ပြုလုပ်ခဲ့သည်။
Ref: Aljazeera