ဇွန် ၁၇၊ ၂၀၁၇
M-Media
– ဂျပန်ကမ်းလွန်တွင် ဖိလစ်ပိုင် ကုန်တင်သင်္ဘောတစ်စီးနှင့် တိုက်မိသည့် အမေရိကန် ဖျက်သင်္ဘောမှ သင်္ဘောသား ၇ ဦး ပျောက်ဆုံးနေသည်ဟု သိရသည်။
ရေငုပ်သင်္ဘောနှင့် သင်္ဘောပေါင်း ၈၀ ဖြင့် ဖွဲ့စည်းထားသည့် အမေရိကန် ရေတပ်မတော် တပ်မ ၇ မှ USS Fitzgerald ဖျက်သင်္ဘောမှာ ယိုကိုဆူကာမြို့ အနောက်တောင်ပိုင်း ရေမိုင် ၅၆ မိုင်တွင် ဒေသစံတော်ချိန် ယနေ့မနက်အစောပိုင်းက ဖိလစ်ပိုင်အလံလွှင့်ထားသည့် ကွန်တိန်နာတင် သင်္ဘော ACX Crystal နှင့် တိုက်မိခဲ့ခြင်းဖြစ်ပြီး ဆိုးဆိုးဝါးဝါး ပျက်ဆီးခဲ့သည်။
ထိုအဖြစ်အပျက်ကြောင့် မေရိကန်စစ်သင်္ဘောမှ ရေယာဉ်မှူးအပါအ၀င် လူအချို့ ဒဏ်ရာရရှိခဲ့ပြီး စစ်သား ၇ ဦး ပျောက်ဆုံးနေကာ ဂျပန် ကမ်းခြေစောင့်တပ်ဖွဲ့က ပူးပေါင်းရှာဖွေပေးနေသည်။
ACX Crystal သင်္ဘောမှာ တိုက်မိမှု မဖြစ်ပွားခင် ၂၅ မိနစ်အလိုတွင် ရုတ်တရက် ဂငယ်ကွေ့ ကွေ့ခဲ့ပြီး အဘယ့်ကြောင့် ထိုကဲ့သို့ လမ်းကြောင်းပြောင်းသွားခြင်းဖြစ်သည်ကို မသိရှိရဘဲ၊ အမေရိကန်စစ်သင်္ဘော၏ လမ်းကြောင်းကိုမူ မထုတ်ပြန်သေးပေ။
ဖိလစ်ပိုင်သင်္ဘောသားပေါင်း ၂၀ ပါဝင်သည့် ကွန်တိန်နာသင်္ဘောတွင် မည်သည့် ထိခိုက်ဒဏ်ရာရမှုမှ မရှိဘဲ၊ USS Fitzgerald ဖျက်သင်္ဘောမှာ အရှိန်လျှော့မောင်းနှင်၍ ယိုကိုဆူကာမြို့သို့ ပြန်လည်သွားရောက်ခဲ့သည်။
Ref: BBC