သြဂုတ် ၂၄၊ ၂၀၁၇
M-Media
– တရုတ်နိုင်ငံမှ မွတ်စလင်ခရီးသွားများကို စွဲဆောင်ရန် ရည်ရွယ်သော ဆောင်ရွက်မှုများကို မလေးရှားရှိ ဂျိုဟိုးပြည်နယ်က လုပ်ဆောင်နေသည်ဟု သိရသည်။
မလေးရှား ခရီးသွားလာရေး၊ ကုန်သွယ်ရေးနှင့် စားသုံးကုန်ဆိုင်ရာ ကော်မတီမှ ဥက္ကဌဖြစ်သူ Tee Siew Kiong က ဂျိုဟိုးပြည်နယ်တွင် တရုတ်နိုင်ငံမှ အစ္စလာမ်ဘာသာဝင်များ အထူးသဖြင့် ရှင်ကျန်းနှင့် ဂန်းဆူပြည်နယ်မှ တရုတ်မွတ်စလင်ခရီးသွားများကို ဆွဲဆောင်နိုင်မည့် နေရာများစွာ ရှိနေသည်ဟု ဆိုသည်။
“ဘာသာရေးနဲ့ ယဉ်ကျေးမှုရှုထောင့်အရ ကြည့်မယ်ဆိုရင် ကျွန်တော်တို့မှာ တူညီမှုတွေ အများကြီးရှိပါတယ်။ ဗလီတွေရှိတယ်၊ ၀တ်ပြုဆောင်တွေ၊ ဟာလာလ်လက်မှတ်ရ စားသောက်ဆိုင်တွေ၊ ကျွန်းတွေ၊ ကမ်းခြေတွေ၊ ကစားကွင်းတွေလည်းရှိပြီး ကျွန်တော်တို့အကြောင်း ပိုသိချင်တဲ့သူတွေအတွက် ဒါတွေက စွဲဆောင်နိုင်စရာတွေပါပဲ” ဟု Tee Siew Kiong က ပြောကြားခဲ့သည်။
“ဂန်းဆူပြည်နယ်မှာ လူ ၂၃ သန်းလောက်ရှိပြီး အများစုက မွတ်စလင်တွေပါ။ ရှင်ကျန်းမှာလည်း ၂၅ သန်းရှိပြီး ၆၀ ရာခိုင်နှုန်းက မွတ်စလင်တွေဖြစ်ပါတယ်”
တရုတ်နိုင်ငံမှ ခရီးသွားများမှာ မလေးရှားသို့ ဇူလိုင်လအလယ်မှ သြဂုတ်လအထိ၊ ဆောင်းရာသီ၊ တရုတ်နှစ်သစ်ကူး၊ အောက်တိုဘာလတွင် ကျရောက်သည့် အမျိုးသားနေ့ ပိတ်ရက် စသည့်ကာလများတွင် လာရောက်လည်ပတ်လေ့ရှိသည်။
မလေးရှား ခရီးသွားလာရေး မှတ်တမ်းများအရ ဂျိုးဟိုးသို့ ၂၀၁၆ ခုနှစ် ဇန်န၀ါရီမှ စက်တင်ဘာလအထိ ခရီးသွားပေါင်း ၄.၉ သန်း လာရောက်ပြီး ၁.၈၁၆ သန်းမှာ နိုင်ငံခြားသားများဖြစ်သည်ဟု သိရသည်။
Ref: Straitstimes