သြဂုတ် ၂၅၊ ၂၀၁၇
M-Media
– ၁၉၈၇ ခုနှစ်က လူမျိုးရေးခွဲခြားသည့်စိတ်ဖြင့် လူသတ်မှုကျူးလွန်ခဲ့သည့် လူဖြူအမျိုးသားတစ်ဦးကို အမေရိကန်ပြည်ထောင်စု ဖလော်ရီဒါပြည်နယ်က ယမန်နေ့တွင် ကွပ်မျက်လိုက်သည်ဟု သိရသည်။
အသက် ၅၃ နှစ်အရွယ်ရှိ မက် အာဆေးဆိုသူဖြစ်ပြီး ယမန်နေ့ည ၆ နာရီ ၂၂ မိနစ်က ဆေးထိုး၍ ကွပ်မျက်ခဲ့ခြင်းဖြစ်သည်ဟု အာဏာပိုင်များက ပြောကြားခဲ့သည်။ ၎င်းမှာ ဖလော်ရီဒါတွင် လူမည်းတစ်ဦးအား လူမျိုးရေးခွဲခြားစိတ်ဖြင့် သတ်ဖြတ်သောကြောင့် ကွပ်မျက်ခံရသည့် ပထမဆုံး လူဖြူအမျိုးသားဖြစ်သည်။
တရားသူကြီးများက အာဆေးမှာ ၁၉၈၇ ခုနှစ်တွင် အသက် ၃၄ နှစ်အရွယ် လူမည်းအမျိုးသား ရောဘတ်လီ ဘိုကာကို သေနတ်ဖြင့် ပစ်သတ်ခဲ့မှုအတွင်း လူမျိုးရေးခွဲခြားသည့် စကားများ ပြောဆိုခဲ့သည်ဟု ပြောကြားခဲ့သည်။
အာဆေးမှာ အဆိုပါနှစ်အတွင်းမှာပင် လူဖြူ-စပိန်ကပြား အသက် ၂၆ နှစ်အရွယ် ရောဘတ် မက်ဒိုဝဲလ်ကို သတ်ဖြတ်မှုအတွက်လည်း ပြစ်မှုထင်ရှားခဲ့သူ ဖြစ်သည်။
၁၉၆၇ ခုနှစ်တွင် သေဒဏ်ကို ပြန်လည်ပြဌာန်းပြီးနောက်ပိုင်း ဖလော်ရီဒါတွင် လူဖြူများကို သတ်ဖြတ်မှုဖြင့် အနည်းဆုံး လူမည်း ၂၀ ကွပ်မျက်ခံခဲ့ရသည်ဟု သေဒဏ်အချက်အလက်စင်တာ၏ ထုတ်ပြန်မှုအရ သိရသည်။ ထိုအချိန်မှစ၍ ဖလော်ရီဒါတွင် သေဒဏ်ကျခံရသူ အရေအတွက်မှာ ၉၂ ဦး ရှိခဲ့သည်။
Ref : Aljazeera