အောက်တိုဘာ ၃၊ ၂၀၁၇
M-Media
– မနေ့က လက်စ်ဗီးဂက်စ်မြို့ မန္တလေးဘေးမှာ တိုက်ခိုက်တဲ့ သေနတ်သမားမှာ အနည်းဆုံး သေနတ် ၄၂ လက်ရှိနေတယ်လို့ အမေရိကန်ရဲတပ်ဖွဲ့က ပြောကြားခဲ့ပြီး ပစ်ခတ်မှု နောက်ကွယ်က အကြောင်းအရင်းကို စုံစမ်းစမ်းနေတုန်းလို့ ဆိုပါတယ်။
အသက် ၆၄ ကျော်အရွယ် စတီဖင် ပဒ်ဒေါ့က်ဆိုသူဟာ ဂီတဖျော်ဖြေပွဲကြည့်ရှုနေတဲ့ လူအုပ်ထဲကို မန္တလေးဘေးဟိုတယ် ၃၇ ထပ်ကနေ စက်သေနတ်နဲ့ ပစ်ခတ်ခဲ့တာဖြစ်ပြီး အနည်းဆုံး လူ ၅၉ ဦး သေဆုံးကာ ၅၂၇ ဦး ဒဏ်ရာရရှိခဲ့ပါတယ်။
ပဒ်ဒေါ့က်ကိုတော့ ရဲတပ်ဖွဲ့က အသေပစ်သတ်ခဲ့ပါတယ်။
ပစ်ခတ်မှုဖြစ်ပွားပြီးနောက်ပိုင်း သူတည်းတဲ့ ဟိုတယ်အခန်းထဲမှာ လက်နက် ၂၃ လက် တွေ့ခဲ့ပြီး သူ့အိမ်မှာ နောက်ထပ် ၁၉ လက်တွေ့ခဲ့တယ်လို့ ရဲတပ်ဖွဲ့က ထုတ်ပြန်ပါတယ်။
သေနတ်အများစုဟာ ရိုင်ဖယ်တွေဖြစ်ပြီး DDM4၊ FN-15၊ AK-47 နဲ့ AR-15 တွေလည်း ပါဝင်ပါတယ်။ သေနတ်တွေနဲ့အတူ ထောင်နဲ့ချီတဲ့ ကျည်ဆန်တွေကိုလည်း တွေ့ခဲ့ရပါတယ်။
ပက်ဒေါ့က်ဟာ ရာဇ၀တ်မှု ကျူးလွန်ဖူးတဲ့ သမိုင်းမရှိသလို၊ စိတ်ပိုင်းဆိုင်ရာ ပြဿနာလည်း မရှိကြောင်း၊ နိုင်ငံရပ်ခြား လက်နက်ကိုင်အဖွဲ့တွေနဲ့ ပတ်သက်မှုမရှိကြောင်း အမေရိကန်တာဝန်ရှိသူတွေက ထုတ်ပြန်ခဲ့ပြီး ပစ်ခတ်မှု နောက်ကွယ်က အကြောင်းအရင်းကို စုံစမ်းနေဆဲဖြစ်တယ်လို့ ဆိုပါတယ်။
Gun Violence Archive အဖွဲ့က အခုနှစ်အတွင်း အမေရိကန်မှာ သေနတ်ပစ်ခတ်မှုပေါင်း ၂၇၃ ခုကို မှတ်တမ်းတင်ထားနိုင်ပြီး အဲဒီပစ်ခတ်မှုတွေအတွင်းမှာ ၁၁၆၂၁ ဦးသေဆုံးခဲ့ကာ၊ ၂၃၄၃၃ ဦး ဒဏ်ရာရရှိခဲ့တယ်လို့ ဆိုပါတယ်။
Ref: Aljazeera