နိုဝင်ဘာ ၂၄၊ ၂၀၁၇
M-Media
– အာဏာရှင်မူဂါဘီ နှုတ်ထွက်သွားပြီးနောက် ဒုတိယသမ္မတဟောင်း အီမာဆန် မန်ဂါဂွါမှာ ယနေ့တွင် ဇင်ဘာဘွေသမ္မတသစ်အဖြစ် ကျမ်းကျိန်ခဲ့ပြီး နိုင်ငံသားအားလုံးကို အလုပ်အကျွေးပြုသွားမည်ဟု ကတိပြုခဲ့သည်။
မြို့တော်ဟာရာရီရှိ အမျိုးသားအားကစားရုံတွင် ပြုလုပ်ခဲ့သည့် ကျမ်းကျိန်ပွဲအခမ်းအနားကို ပြည်သူ ထောင်ပေါင်းများစွာ တက်ရောက်ခဲ့ပြီး မန်ဂါဂွါက နိုင်ငံရေးနှင့် လူမျိုးရေးကွဲပြားမှုရှိနေသော်လည်း ယခုလိုနေ့မျိုး ရောက်ရှိလာအောင် ၎င်းအား ကူညီပေးခဲ့သူများအားလုံးကို ကျေးဇူးတင်ကြောင်း ပြောကြားခဲ့သည်။
ထို့ပြင် အာဏာရှင်ဟောင်း မူဂါဘီမှာ ‘အဖေကြီး၊ ထူးချွန်သူ၊ ရဲရင့်သူ’ စသဖြင့် သမုတ်ကာ မိမိလေးစားရသည့် ခေါင်းဆောင်ဖြစ်သည်ဟု ချီးကျူးခဲ့သည်။
မူဂါဘီမှာ ဇနီးဖြစ်သူ ဂရေ့စ်မူဂါဘီကို အာဏာပေးရန်အတွက် ၎င်း၏ လူယုံ မန်ဂါဂွါအား ထုတ်ပယ်ခဲ့ပြီးနောက် ဇင်ဘာဘွေနိုင်ငံရေးအခြေအနေမှာ မတည်မငြိမ်ဖြစ်လာခဲ့ပြီး မန်ဂါဂွါနှင့် နီးစပ်သည့် စစ်တပ်က ပြီးခဲ့သည့်တစ်ပတ်တွင် အစိုးရရုံးများကို သိမ်းပိုက်ကာ မူဂါဘီမိသားစုကိုလည်း ထိန်းသိမ်းခဲ့သည်။
ထို့နောက် ပြည်သူများနှင့် မူဂါဘီ၏ ပါတီတို့က ၎င်းအား နှုတ်ထွက်ရန် တောင်းဆိုခဲ့ပြီး အစောပိုင်းတွင် လက်မခံသော်လည်း အင်္ဂါနေ့တွင် လွှတ်တော်သို့ နှုတ်ထွက်စာတင်ကာ ၃၇ နှစ်ကြာ အုပ်စိုးမှုကို အဆုံးသတ်ခဲ့သည်။
မန်ဂါဂွါမှာ ဒုသမ္မတရာထူးမှ ထုတ်ပယ်ခံရပြီးနောက်ပိုင်း တိုင်းပြည်မှ ထွက်ခွာသွားခဲ့ပြီး ဗုဒ္ဓဟူးနေ့တွင် ပြန်လည်ရောက်ရှိလာခဲ့ကာ ပြည်သူများက သောင်းသောင်းဖျဖျ ကြိုဆိုခဲ့သည်။
မူဂါဘီလက်ထက် ပြည်သူများအား အဖိနှိပ်ဆုံးသူများအဖြစ် ကျော်ကြားသူများနှင့် ရင်းနှီးသော ဆက်ဆံရေးရှိပြီး၊ ၎င်းကိုယ်တိုင်လည်း မကောင်းသတင်းဖြင့် ကျော်ဇောခဲ့သောကြောင့် မန်ဂါဂွါ သမ္မတသစ် ဖြစ်လာသော်လည်း ပြည်သူများ၏ အခြေအနေမှာ တိုးတက်လာမည့် အလားအလာမရှိဟု ကျွမ်းကျင်သူများက သုံးသပ်ကြသည်။
Ref: BBC