ဖေဖော်ဝါရီ ၁၅၊ ၂၀၁၈
M-Media
– အမေရိကန်ပြည်ထောင်စု ကယ်လီဖိုးနီးယားပြည်နယ် ပါ့က်လန်းမြို့ရှိ အထက်တန်းကျောင်းတစ်ခုတွင် သေနတ်သမားတစ်ဦးက ၀င်ရောက်ပစ်ခတ်မှုကြောင့် ကျောင်းသားများ အပါအ၀င် အနည်းဆုံး ၁၇ ဦး သေဆုံးခဲ့သည်ဟု သိရသည်။
Marjory Stoneman Douglas High School ကျောင်းတွင် အသက် ၁၉ နှစ်အရွယ် ကျောင်းသားဟောင်း နီကိုလက်စ် ခရုဇ်က ဗုဒ္ဓဟူးနေ့ နေ့လည်ပိုင်းတွင် ၀င်ရောက်ပစ်ခတ်ခဲ့ခြင်းဖြစ်ပြီး ထိုအဖြစ်အပျက်မှာ ခေတ်သစ်အမေရိကန်သမိုင်းတွင် အဆိုးဝါးဆုံး အစုလိုက်အပြုံလိုက် ပစ်ခတ်သတ်ဖြတ်မှု ၁၀ ခုတွင် ပါဝင်လာခဲ့သည်။
ခရုဇ်မှာ လူအများအပြား သေကြေစေရန် ရည်ရွယ်၍ မီးဘေး အရေးပေါ်အချက်ပေးခလုပ်ကို နှိပ်ကာ ကျောင်းသားများ စာသင်ခန်းပြင်ပသို့ ထွက်လာစေရန် ဆောင်ရွက်ခဲ့ကြောင်း၊ သို့သော်လည်း မနက်ပိုင်းက မီးဘေးအန္တရာယ် ကြိုတင်လေ့ကျင်မှု ပြုလုပ်ခဲ့ခြင်းကြောင့် ကျောင်းသားတစ်ချို့မှာ မှားယွင်းသော အချက်ပေးသံဟု
ယူဆခဲ့ကြောင်း ရဲတပ်ဖွဲ့က ပြောကြားခဲ့သည်။
သေနတ်သမား နီကိုလက်ဇ်ခရ်ုဇ်ကို ရဲတပ်ဖွဲ့က ဖမ်းဆီးထိန်းသိမ်းနိုင်ခဲ့သည်။
ဖလော်ရီဒါ အုပ်ချုပ်ရေးမှူး ရစ် စကော့က ၀မ်းနည်းခြင်းအထိမ်းအမှတ်အဖြစ် တနင်္လာနေ့အထိ အလံတိုင်တစ်ဝက် လွှင့်ထူရန် အမိန့်ပေးခဲ့သည်။ ကျောင်းသား ၃၀၀၀ ခန့် တက်ရောက်နေသည့် အဆိုပါ အထက်တန်းကျောင်းကိုလည်း လာမည့်သီတင်းပတ်အထိ ပိတ်ထားမည်ဖြစ်သည်။
ခရုဇ်မှာ စည်းကမ်းပိုင်းဆိုင်ရာ ပြဿနာများကြောင့် ကျောင်းမှ ထုတ်ပယ်ခံခဲ့ရသူဖြစ်ပြီး အွန်လိုင်းအသုံးပြုမှုအား ခြေရာခံရာတွင် တုန်လှုပ်ဖွယ်ရာများကို တွေ့ခဲ့ရသည်ဟု ရဲတပ်ဖွဲ့က ပြောကြားခဲ့သည်။
၂၀၁၃ ခုနှစ်ကတည်းက အမေရိကန်တွင် စာသင်ကျောင်းများ၌ သေနတ်ပစ်ခတ်မှု ၃၀၀ နီးပါး ဖြစ်ပွားခဲ့သည်။ ဇန်န၀ါရီ ၂၃ ရက်နေ့အထိ မှတ်တမ်းများအရ ယခုနှစ်အတွင်း စာသင်ကျောင်းများတွင် သေနတ်ဖြင့်ပစ်ခတ်မှုပေါင်း ၁၁ ခု ဖြစ်ပွားခဲ့သည်ဟု နယူးယောက်တိုင်းမ်စ် သတင်းဌာနက ဖော်ပြခဲ့သည်။
Ref: CNN, Aljazeera