ဧပြီ ၆၊ ၂၀၁၈
M-Media
– ရာထူးရှိစဉ်က ခြစားမှုများအတွက် တောင်ကိုရီးယားသမ္မတဟောင်း ပက်ဂျုံဟေးမှာ ယနေ့တွင် ထောင်ဒဏ် ၂၄ နှစ် ချမှတ်ခံလိုက်ရသည်ဟု သိရသည်။
ခြစားမှု၊ အာဏာအလွဲသုံးစားလုပ်မှု၊ အကြပ်ကိုင်မှု စသည့် စွဲချက်များစွာဖြင့် အပြစ်ရှိကြောင်း တွေ့ရှိခဲ့ရခြင်းဖြစ်ပြီး ဒဏ်ငွေ ကန်ဒေါ်လာ ၁၆ သန်း ပေးဆောင်ရန်လည်း တရားရုံးက အမိန့်ချခဲ့သည်။
အသက် ၆၆ နှစ်အရွယ်ရှိ ပက်ဂျုံဟေးမှာ ၎င်း၏ အကြံပေးဟောင်းဖြစ်သူ ချိုဆွန်ဆီလ်နှင့် ပူးပေါင်းကာ စီးပွားရေးလုပ်ငန်းများကို ဖိအားပေးပြီး ၎င်းတို့တည်ထောင်ထားသော ဖောင်ဒေးရှင်းများသို့ ငွေကြေးထည့်ဝင်ခိုင်းသည်ဟု စွပ်စွဲခံခဲ့ရသည်။
ထို့ပြင် အစိုးရ၏ မျက်နှာသာပေးမှုကို ရရှိရန်အတွက် Samsung Group ထံမှ လာဘ်ငွေများ ရယူမှုဖြင့်လည်း တရားစွဲခံခဲ့ရသည်။
မိတ်ဆွေဖြစ်သူ ချိုဆွန်ဆီလ် ပိုင်ဆိုင်သည့် ကုမ္ပဏီအတွက် ကြော်ငြာပေးရန် ဟွန်ဒိုင်းကားကုမ္ပဏီအား အကြပ်ကိုင်မှုနှင့် ပတ်သက်သည့် စွဲချက်အတွက် ပတ်ဂျုံဟေးမှာ တရားသေ လွတ်မြောက်ခဲ့သည်။
အမိန့်ချမှုအတွင်း ပက်ဂျုံဟေးမှာ တရားရုံးသို့ လာရောက်ခဲ့ခြင်းမရှိချေ။ ၂၀၁၆ ခုနှစ် ဒီဇင်ဘာတွင် တောင်ကိုရီးယားလွှတ်တော်က သူမအား သမ္မတအဖြစ်မှ ဖြုတ်ခဲ့ပြီးနောက် တစ်နှစ်ကျော်ကြာ ဖမ်းဆီးခံထားရသော်လည်း သူမမှာ ရုံးချိန်းအများစုကို လာရောက်ခြင်း မရှိပေ။
ပက်ဂျုံဟေးမှာ ခြစားမှုဖြင့် စွဲချက်တင်ခံရသည့် တတိယမြောက် တောင်ကိုရီးယားသမ္မတလည်း ဖြစ်သည်။
Ref: Aljazeera