ဧပြီ ၁၁၊ ၂၀၁၈
M-Media
– သုံးစွဲသူတွေရဲ့ အချက်အလက်တွေ ပေါက်ကြားမှု ဖြစ်ပွားခဲ့ပြီးတဲ့နောက် လုံခြုံရေးဆိုင်ရာ ပေါ်လစီတွေကို ဘယ်လိုလုပ်ဆောင်ထားလဲဆိုတာနဲ့ ပတ်သက်ပြီး Facebook စီအီးအို မာ့ခ် ဇက်ကာဘဂ်ဟာ မနေ့က အမေရိကန်အောက်လွှတ်တော်မှာ ရှင်းပြခဲ့ပါတယ်။
၅ နာရီကြာမြင့်တဲ့ ဒီရှင်းပြမှုအတွင်း ဇက်ကာဘက်က ယူကေ နိုင်ငံရေးအကြံပေးအဖွဲ့ Cambridge Analytica က လူပေါင်း ၈၇ သန်းလောက်ရဲ့ အချက်အလက်တွေ တရားမ၀င်ရယူသွားမှုနဲ့ပတ်သက်ပြီး တောင်းပန်ကြောင်း ပြောကြားခဲ့ပါတယ်။
၂၀၁၆ ခုနှစ် အမေရိကန်သမ္မတ ရွေးကောက်ပွဲအတွင်း ရုရှားအုပ်စုတွေ ၀င်ရောက်စွက်ဖက်မှု ရှိခဲ့တယ်ဆိုတဲ့ကိစ္စမှာ Facebook ကို အသုံးချခဲ့လားဆိုတဲ့ မေးခွန်းလည်း အမေးခံခဲ့ရပါတယ်။
ဒီကိစ္စအတွက် စုံစမ်းစစ်ဆေးမှုတွေပြုလုပ်နေတဲ့ အထူးကိုယ်စားလှယ် မူလာနဲ့ ပူးပေါင်းဆောင်ရွက်နေတယ်လို့ ဇူကာဘက်က ဖြေကြားခဲ့ပြီး ရုရှားဟာ Facebook ကို အသုံးချနိုင်ရေး အားသွန်ခွန်စိုက် ကြိုးစားနေတယ်လို့လည်း သတိပေးခဲ့ပါတယ်။
အမေရိကန်လွှတ်တော်အမတ်တွေက အချက်အလက်တွေ ပေါက်ကြားခံရတာနဲ့ပတ်သက်ပြီး မကျေနပ်ကြောင်း ပြောကြားခဲ့ကြသလို၊ ဒီမေးမြန်းမှုကနေ အချက်အလက်ကာကွယ်ရေး ဥပဒေသစ်တွေ ထွက်လာဖို့လည်း ရှိနေပါတယ်။ Facebook ကတော့ ရှေ့ဆက် အကန့်အသတ်တွေနဲ့ ကြုံတွေ့ရမယ့် အနေအထားပါ။
“ကျွန်တော်တို့ရဲ့ တာဝန်ဝတ္တရားတွေနဲ့ပတ်သက်ပြီး ကျယ်ကျယ်ပြန့်ပြန့် သုံးသပ်နိုင်ခြင်း မရှိဘဲ့ပါဘူး။ ဒါဟာ ကြီးမားတဲ့ အမှားတစ်ခုပါ။ ကျွန်တော့်အမှားပါ။ တောင်းပန်ပါတယ်။ ကျွန်တော် Facebook ကို စတင်ခဲ့တယ်။ ကိုင်တွယ်နေတယ်၊ အဲဒီမှာဖြစ်တဲ့ကိစ္စအတွက် ကျွန်တော့်မှာ တာဝန်ရှိပါတယ်” လို့ ဇက်ကာဘတ်က ပြောပါတယ်။
Cambridge Analytica က အချက်အလက်တွေကို ယူခဲ့ပေမယ့် အသုံးမပြုခဲ့ဘဲ ဖျက်ပစ်လိုက်တယ်လို့ သူ့ကို ပြောခဲ့တဲ့အတွက် ပြဿနာဖြစ်မလာနိုင်ဘူးလို့ ထင်ခဲ့ကြောင်း၊ ဒီလိုထင်ခဲ့တာကိုက အမှားတစ်ခုဖြစ်ခဲ့ပြီး သူတို့ရဲ့စကားကို နားမထောင်ခဲ့သင့်ကြောင်း၊ ဒီလိုအမှားမျိုး ထပ်မဖြစ်အောင်လို့ ပေါ်လစီကို ပြင်ဆင်ထားကြောင်း သူက ထည့်သွင်းပြောဆိုခဲ့ပါတယ်။
“အရင်က သတင်းအချက်အလက် တော်တော်များများ ရယူခဲ့တဲ့ အက်ပလီကေးရှင်းတိုင်းကို ကျွန်တော်တို့ စုံစမ်းစစ်ဆေးမှု လုပ်နေပါတယ်။ အချက်အလက်တွေကို မလျော်မကန် အသုံးပြုတယ်ဆိုတာ တွေ့ခဲ့ရင် အဲဒီ အက်ပလီကေးရှင်းတွေကို Facebook ကနေ ပိတ်ပစ်ပြီး ထိခိုက်ခဲ့သူတွေကိုလည်း ဒီအကြောင်း အသိပေးသွားမှာ ဖြစ်ပါတယ်”
ရုရှားကိစ္စ
၂၀၁၆ ခုနှစ် အမေရိကန်ရွေးကောက်ပွဲမှာ ရုရှားက Facebook ကို အသုံးချခဲ့မှုနဲ့ပတ်သက်ပြီးလည်း ဇက်ကာဘက်က အခုလို ပြောခဲ့ပါတယ်။
“ဒီကုမ္ပဏီကို လုပ်ကိုင်နေတဲ့အချိန်အတွင်း အကြီးမားဆုံး နောင်တတွေထဲကတစ်ခုဟာ ၂၀၁၆ ခုနှစ် ရုရှားရဲ့ အချက်အလက်စစ်ဆင်ရေးနဲ့ပတ်သက်ပြီး ဖော်ထုတ်မှု နှေးကွေးခဲ့တာဖြစ်ပါတယ်။ ရုရှားမှာ ကျွန်တော်တို့ရဲ့စနစ်နဲ့ အခြား အင်တာနက်စနစ်တွေအပေါ် အမြတ်ထုတ်ဖို့ ကြိုးစားနေတဲ့ အုပ်စုတစ်ခု သပ်သပ်ရှိတယ်။ ဒါဟာ သူတင်ကိုယ်တင်ချဲရမယ့် ကိစ္စဖြစ်ပါတယ်။ သူတို့ဟာ ဒီအတွက် ပိုကောင်းအောင် ဆက်လုပ်နေသလို ကျွန်တော်တို့ကလည်း ပိုမိုကာကွယ်နိုင်ဖို့အတွက် ရင်းနှီးမြှုပ်နှံမှုလုပ်ဖို့ လိုအပ်ပါတယ်”
လွှတ်တော်အမတ် ဒစ်ဒါဘင်က “မနေ့ညက ခင်ဗျားတည်းခဲ့တဲ့ ဟိုတယ်ရဲ့နာမည် ကျွန်တော်တို့ကို ပြောပါဆိုရင် ခင်ဗျား ကျေနပ်မလား” လို့ မေးခဲ့ပြီး ဇက်ကာဘက်က ‘ဘယ်ကျေနပ်မလဲ’ လို့ ဖြေခဲ့ပါတယ်။
ဒစ်ဒါဘင် – “ဒီတစ်ပတ်အတွင်း ခင်ဗျား လူတွေကို မက်ဆေ့တွေ ပို့ခဲ့တယ်ဆိုပါတော့ဗျာ။ ခင်ဗျားမက်ဆေ့ပို့ခဲ့တဲ့ လူတွေရဲ့အမည်ကို ကျွန်တော်တို့ကို ပြောပြမလား”
ဇက်ကာဘက် – “မပြောပါဘူး။ ဒီနေရာမှာ လူသိရှင်ကြား ထုတ်မပြောဖို့ ကျွန်တော် ဆုံးဖြတ်မှာပါ”
ဒစ်ဒါဘင် – “ဒါပဲဗျ။ ဒါဟာ ခင်ဗျားရဲ့ ကိုယ်ရေးကိုယ်တာကို လျှို့ဝှက်ထားခွင့်ပဲ။ ကန့်သတ်ထားခွင့်ပဲ။ ‘ကမ္ဘာတစ်ဝှမ်းက လူတွေကို ဆက်သွယ်ပေးရေး’ ဆိုတဲ့ ခေါင်းစဉ်နဲ့ ခေတ်သစ်အမေရိကမှာ ခင်ဗျားဟာ ဒါကို ဘယ်လောက်တောင် လစ်လျူရှုလိုက်ပြီလဲ”
အမေရိကန်ရွေးကောက်ပွဲမှာ ရုရှားရဲ့ ၀င်ရောက်စွက်ဖက်မှုကို စုံစမ်းစစ်ဆေးနေတဲ့ အထူးကိုယ်စားလှယ် ရောဘတ်မူလာနဲ့ Facebook အမှုဆောင်အဖွဲ့တွေ တွေ့ဆုံပြီးပြီလားလို့ မေးတဲ့အခါ ဇက်ကာဘတ်က မူလာနဲ့ သူတို့ရဲ့ ပူးပေါင်းဆောင်ရွက်မှုဟာ လျှို့ဝှက်ထားတဲ့ကိစ္စတစ်ခုဖြစ်ကြောင်း၊ တရားဝင် ဖြေကြားရတယ်ဆိုတဲ့ကိစ္စမျိုး မရှိသေးပေမယ့် ဒီလို ဖြစ်လာနိုင်ကြောင်း၊ လက်ရှိမှာ မူလာနဲ့ ပူးပေါင်းဆောင်ရွက်နေကြောင်း ပြန်လည်ဖြေကြားခဲ့ပါတယ်။
Ref: Aljazeera