သြဂုတ် ၄၊ ၂၀၁၈
M-Media
– ယခုလအတွင်း ကျင်းပပြုလုပ်မယ့် အာရှအားကစားပြိုင်ပွဲအတွက် တပ်ဖွဲ့ဝင် ၄ သောင်း ချထားကာ လုံခြုံရေးကို အထူးတင်းကြပ်သွားမယ်လို့ အင်ဒိုနီးရှားနိုင်ငံက မနေ့မှာ ကြေငြာလိုက်ပါတယ်။
သြဂုတ်လ ၁၈ ရက်နေ့ကနေ စက်တင်ဘာ ၂ ရက်နေ့အထိ ကြာမြင့်မယ့် အဲဒီပြိုင်ပွဲကို မြို့တော် ဂျကာတာနဲ့ ပါလိမ်ဘန်မြို့တွေမှာ ကျင်းပပြုလုပ်မှာဖြစ်ပါတယ်။
အင်ဒိုနီးရှားရဲတပ်ဖွဲ့က လုံခြုံရေးတပ်ဖွဲ့ဝင် ၄ သောင်း ချထားမယ့်အပြင် တစ်သောင်းကိုလည်း အသင့်အနေအထား ပြင်ဆင်ထားတယ်လို့ ဆိုပါတယ်။ ပြိုင်ပွဲကျင်းပမယ့် ကွင်းတွေရဲ့ အတွင်း၊ အပြင်တွေမှာ လုံခြုံရေးကင်မရာတွေကိုလည်း ရာနဲ့ချီ တပ်ဆင်ထားပါတယ်။
“ကျွန်တော်တို့ ကောင်းကောင်းမွန်မွန် ပြင်ဆင်ထားပြီး၊ အာရှအားကစားပြိုင်ပွဲကို လုံခြုံစေဖို့ အဆင်သင့် ဖြစ်နေပါပြီ” လို့ အင်ဒိုနီးရှားရဲတပ်ဖွဲ့ရဲ့ ပြောရေးဆိုခွင့်ရှိသူ ယူဆရီ ယူနွတ်စ်က ပြောကြားခဲ့ပါတယ်။
ရဲတပ်ဖွဲ့အကြီးအကဲ တီတို ကာရ်နာဗီယန်က အကြမ်းဖက်မှု၊ လမ်းပေါ်က ရာဇ၀တ်မှုတွေ၊ ဂျကာတာရဲ့ ယာဉ်ကြောပိတ်ဆို့မှုတွေက အားကစားပြိုင်ပွဲအတွက် အဓိကအာရုံစိုက်ရမယ့် ကိစ္စတွေဖြစ်တယ်လို့ အခုတစ်ပတ်အစေပိုင်းမှာ ပြောကြားခဲ့ပါတယ်။
အင်ဒိုနီးရှားနိုင်ငံရဲ့ ဒုတိယမြို့တော် ဆူရာဘာယာမှာ မေလအတွင်းက အကြမ်းဖက်တိုက်ခိုက်မှုကြောင့် အနည်းဆုံး လူ ၁၃ ဦး သေဆုံးခဲ့ပါတယ်။
ကာရ်နာဗီယန်က အဲဒီတိုက်ခိုက်မှုနောက်ပိုင်း အကြမ်းဖက်သံသယရှိသူ ၂၄၂ ဦးကို ဖမ်းဆီးထားတယ်လို့ ပြောကြားခဲ့ပါတယ်။
အာရှအာကစားပြိုင်ပွဲမတိုင်ခင် အင်ဒိုရဲတပ်ဖွဲ့ဟာ အကြမ်းဖက် သံသယရှိသူတွေ၊ ရာဇ၀တ်ကောင်တွေကို ဖော်ထုတ်ဖမ်းဆီးဖို့လည်း ပြင်ဆင်နေပါတယ်။
Ref: CNA