ဖေဖော်ဝါရီ ၂၄၊ ၂၀၁၉
M-Media
– အာဖဂန်နစ္စတန်နိုင်ငံမှာ ၂၀၁၈ ခုနှစ်အတွင်း အရပ်သားသေဆုံးမှု အရေအတွက်ဟာ အမေရိကန်က ကျူးကျော်တိုက်ခိုက်ခဲ့ပြီးနောက်ပိုင်း တစ်နှစ်အတွင်း စံချိန်တင်ပမာဏာ ဖြစ်လာခဲ့တယ်လို့ ဒီကနေ့ ကုလက ထုတ်ပြန်တဲ့ ကြေငြာချက်မှာ ဖော်ပြထားပါတယ်။
၂၀၁၇ ခုနှစ်က အာဖဂန်မှာ အရပ်သားသေဆုံးမှုထက် ၁၁ ရာခိုင်နှုန်း တိုးကာ ၃၈၀၄ ဦး ရှိခဲ့ပြီး အဲဒီအထဲမှာ ကလေးငယ် ၉၂၇ ဦး ပါဝင်ပါတယ်။ ပြီးခဲ့တဲ့နှစ်မှာ ဒဏ်ရာရသူကတော့ ၇၁၈၉ ဦး ရှိခဲ့ပါတယ်။ တိုင်းပြည်အတွင်း ပဋိပက္ခ ရပ်တန့်ရေးအတွက် အမေရိကန်နဲ့ တာလီဘန်တို့ တနင်္လာနေ့မှာ နောက်တစ်ဆင့်ဆွေးနွေးမှု ပြုလုပ်ဖို့ ရှိနေတဲ့အချိန် ကုလက အခုလို ထုတ်ပြန်လိုက်တာ ဖြစ်ပါတယ်။
ပြီးခဲ့တဲ့ ၁၀ နှစ်အတွင်း အာဖဂန်မှာ အရပ်သား အနည်းဆုံး ၃၂၀၀၀ လောက် သေဆုံးခဲ့ပြီး ဒဏ်ရာရရှိသူက ၆ သောင်းရှိတယ်လို့လည်း ကုလက ပြောပါတယ်။ တာလီဘန်အဖွဲ့ရဲ့ မဟာမိတ်တွေ၊ IS အကြမ်းဖက်အဖွဲ့တွေက အရပ်သားတွေကို ပစ်မှတ်ထား တိုက်ခိုက်မှုဟာလည်း ၂၀၁၈ ခုနှစ်မှာ မြင့်တက်လာခဲ့ပါတယ်။
၂၀၁၈ ခုနှစ်အတွင်း အရပ်သားသေဆုံးမှုရဲ့ ၆၃ ရာခိုင်နှုန်းက အာဖဂန်အစိုးရကိုဆန့်ကျင်တဲ့ အဖွဲ့တွေရဲ့ လက်ချက်ကြောင့်ဖြစ်ပြီး၊ အမေရိကန်နဲ့ အာဖဂန်တပ်ဖွဲ့တွေရဲ့ လေကြောင်းက တိုက်ခိုက်မှုတွေကြောင့် သေဆုံးသူအရေအတွက်ကလည်း ပြီးခဲ့တဲ့နှစ်မှာ မြင့်တက်ခဲ့ပါတယ်။
“လူသားတွေခံစားနေရတဲ့ ဒီဖြစ်ရပ်ဆိုးတွေ၊ ကံမကောင်း အကြောင်းမလှမှုတွေကို အဆုံးသတ်ဖို့ အချိန်တန်ပါပြီ။ အရပ်သားတွေ သေဆုံးမှု၊ ထိခိုက်ကျိုးပဲ့မှုတွေကို ရပ်တန့်ဖို့အတွက် အကောင်းဆုံးနည်းလမ်းက တိုက်ခိုက်မှု ရပ်တန့်ခြင်းပဲ ဖြစ်ပါတယ်” လို့ အာဖဂန်နစ္စတန်ဆိုင်ရာ ကုလကိုယ်စားလှယ်အဖွဲ့ အကြီးအကဲ တာဒါမီချီ ယာမာမိုတိုက ပြောကြားခဲ့ပါတယ်။
အရပ်သားတွေ ထိခိုက်ခံစားရတာ လက်ခံနိုင်စရာကိစ္စမျိုး လုံးဝ မဟုတ်ဘဲ ပါဝင်ပတ်သက်နေတဲ့ အဖွဲ့အစည်းတွေအနေနဲ့ တင်းမာမှုတွေ ထပ်မံမြင့်တက်မလာရေး ထိထိရောက်ရောက် ဆောင်ရွက်ဖို့လည်း ယာမာမိုတိုက တိုက်တွန်းဆော်သြခဲ့ပါတယ်။
Ref: Aljazeera