ဧပြီ ၉၊ ၂၀၁၉
M-Media
– ဘုန်းကြီးတစ်ချို့ဟာ ကလေးငယ်တွေအပေါ် လိင်ပိုင်းဆိုင်ရာ ကျူးလွန်မှုတွေ ရှိခဲ့တယ်ဆိုတဲ့ သတင်းအတွက် စုံစမ်းစစ်ဆေးမှုတွေ ပြုလုပ်သွားမယ်လို့ ဂျပန် ခရစ်ယာန်ကက်သလစ်အသင်းတော်က ဒီကနေ့မှာ ကြေငြာလိုက်ပါတယ်။
ပြီးခဲ့တဲ့တစ်ပတ် ဂိုဏ်းအုပ်ဘုန်းတော်ကြီးများအသင်းရဲ့ ညီလာခံမှာ ကက်သလစ်သာသနာ့နယ် ၁၆ ခုစလုံးမှာ စုံစမ်းစစ်ဆေးမှုတွေ ပြုလုပ်သွားဖို့ ဆုံးဖြတ်ခဲ့တာဖြစ်တယ်လို့ ဘုန်းတော်ကြီးများအသင်းရဲ့ ပြောရေးဆိုခွင့်ရှိသူတစ်ဦးက AFP သတင်းဌာနကို ပြောကြားခဲ့ပါတယ်။
ဂျပန်နိုင်ငံမှာ ခရစ်ယာန်ကက်သလစ်သာသနာဝင်တွေဟာ လူနည်းစုဖြစ်ပြီး အရေအတွက်အားဖြင့် ၄ သိန်း ၅ သောင်းလောက်သာ ရှိပါတယ်။
သာသနာ့ဘောင်ဝင်သူတွေ အိမ်ထောင်မပြုရစည်းမျဉ်းရှိတဲ့ ခရစ်ယာန် ကက်သလစ်သာသနာက ဘုန်းကြီးတစ်ချို့ဟာ သီလရှင်တွေ၊ ဒကာမတွေ၊ ယောက်ျားလေး၊ မိန်းကလေးငယ်တွေအပေါ် လိင်ပိုင်းဆိုင်ရာ ကျူးလွန်မှုတွေ ပြုလုပ်ခဲ့တယ်လို့ ကမ္ဘာ့နိုင်ငံတစ်ချို့မှာ သတင်းထွက်ခဲ့ပြီး သြစတေးလျ၊ ချီလီနဲ့ အမေရိကန်အစိုးရတွေကတော့ ဒီကိစ္စအတွက် စုံစမ်းစစ်ဆေး အရေးယူမှုတွေ လုပ်ခဲ့ပါတယ်။
ဒီကိစ္စကို တိုက်ဖျက်ဖို့ ကမ္ဘာတစ်ဝှမ်းက ဂိုဏ်းအုပ်ဘုန်းတော်ကြီးတွေကို ဆင့်ခေါ်ကာ ပုပ်ရဟန်မင်းကြီးက ဖေဖော်ဝါရီလမှာ အစည်းအဝေးတစ်ခု ပြုလုပ်ခဲ့ပါတယ်။ အဲဒီအစည်းအဝေးမှာ ဘုန်းကြီးတွေရဲ့ လိင်ပိုင်းဆိုင်ရာ ကျူးလွန်မှုတွေကို ထိထိရောက်ရောက် တိုက်ဖျက်သွားမယ်လို့ ကတိပြုခဲ့ပါတယ်။
ဂျပန်နိုင်ငံက ကက်သလစ်အာဏာပိုင်တွေဟာ ၂၀၀၂ ခုနှစ်နဲ့ ၂၀၁၂ ခုနှစ်က သာသနာ့နယ်အားလုံးမှာ စစ်တမ်းကောက်ခဲ့ပြီး ဘုန်းကြီးတွေရဲ့ လိင်ပိုင်းဆိုင်ရာစော်ကားခဲ့တယ်ဆိုတဲ့ တိုင်ကြားမှုပေါင်း အနည်းဆုံး ၅ ခု ရရှိခဲ့ပါတယ်။
ဂိုဏ်းအုပ်ဘုန်းတော်ကြီးများအသင်းရဲ့ ပြောရေးဆိုခွင့်ရှိသူက စုံစမ်းဖော်ထုတ်မှုရဲ့ ပထမအဆင့်အဖြစ် တိုင်ကြားခံထားရတဲ့ အမှု ၅ ခုကို စစ်ဆေးဖော်ထုတ်ကာ ကျူးလွန်သူတွေကို အရေးယူမှာဖြစ်ပြီး အသေးစိတ်အချက်အလက်ကို အများပြည်သူထံ ထုတ်ပြန်သွားမယ်လို့ ပြောကြားခဲ့ပါတယ်။
ဒုတိယအဆင့်မှာတော့ တိုင်ကြားမှုမရှိသေးတဲ့ ကျူးလွန်မှုတွေကို စုံစမ်းဖော်ထုတ်မှာဖြစ်ပါတယ်။
ဘုန်းတော်ကြီးများအသင်းရဲ့ တာဝန်ရှိသူတွေဟာ တနင်္ဂနွေနေ့က ကျူးလွန်ခံရတယ်လို့ တိုင်ကြားထားတဲ့ လူတွေနဲ့ တိုကျိုမှာ တွေ့ဆုံခဲ့ပါတယ်။ အဲဒီအထဲက အသက် ၆၂ နှစ်အရွယ် အဖိုးအိုတစ်ဦးက ကလေးဘ၀ ကက်သလစ် တိုကျိုမြို့အနောက်ပိုင်း ကက်သလစ် ယောက်ျားလေးကျောင်းမှာ တက်နေစဉ် ဘုန်းကြီးတစ်ပါးရဲ့ လိင်စော်ကားမှုကို ခံစားခဲ့ရတယ်လို့ ဖွင့်ဟခဲ့ပါတယ်။
တွေ့ဆုံပွဲကို တက်ရောက်ခဲ့တဲ့ နာဂါဆာကီဒေသ ဂိုဏ်းအုပ်ဘုန်းတော်ကြီး မိုင်နီချီ ရှင်ဘွန်က ‘ကျူးလွန်မှုကို ဖော်ထုတ်ဖြေရှင်းဖို့ ထိထိရောက်ရောက် မလုပ်နိုင်ခဲ့တဲ့အတွက် ၀မ်းနည်းမိတယ်’ လို့ ပြောကြားခဲ့ပါတယ်။
ဂျပန်နိုင်ငံမှာ ကက်သလစ်အသင်းတော်က ဖွင့်လှစ်ထားတဲ့ စာသင်ကျောင်းတွေမှာ ဘုန်းကြီးတွေက လိင်ပိုင်းဆိုင်ရာ စော်ကားမှုတွေ ရှိတယ်ဆိုတဲ့ သတင်းတွေကို ဂျပန်မီဒီယာတွေက ယခင်က ဖော်ပြခဲ့ဖူးပါတယ်။ နိုင်ငံတစ်ဝှမ်း ဘယ်လောက်များများ ရှိနေလဲဆိုတာကိုတော့ တိတိကျကျ မသိရသေးပါဘူး။
ပုပ်ရဟန်းမင်းကြီး ဖရန်စစ်ဟာ လာမယ့် နိုဝင်ဘာလမှာ ဂျပန်နိုင်ငံကို လာရောက်လည်ပတ်ဖို့ ရှိနေပြီး ပုပ်ရဟန်းမင်းကြီး ဂျွန်ပေါလ် ၂ နောက်ပိုင်း နှစ် ၄၀ အတွင်း ပထမဆုံးလာရောက်တဲ့ ပုပ်လည်း ဖြစ်ပါတယ်။
Ref: CNA