News @ M-Media

ကိုလံဘီယာ အစုလိုက်အပြုံလိုက်အသတ်ခံရမှု ၁၇ ကြာမှာ ဈာပနကျင်းပနိုင်

နိုဝင်ဘာ ၂၀၊ ၂၀၁၉
M-Media

-လွန်ခဲ့တဲ့ ၁၇ နှစ်က ကိုလံဘီယာနိုင်ငံမှာ ဖြစ်ပွားခဲ့တဲ့ အစုလိုက်အပြုံလိုက် သတ်ဖြတ်မှုတစ်ခုမှာ သေဆုံးသွားသူတွေရဲ့ ဈာပနအခမ်းအနားကို အခုတစ်ပတ်အတွင်းမှာ ကျင်းပခဲ့ပါတယ်။

နိုင်ငံအနောက်ပိုင်း ‌ချိုကိုပြည်နယ်က ဘိုဂျာယာမြို့မှာ ၂၀၀၂ ခုနှစ် မေလ ၂ ရက်နေ့က FARC သူပုန်တွေနဲ့ ကိုလံဘီယာအစိုးရတပ်တွေအကြား တိုက်ပွဲဖြစ်ပွားစဉ် ‌‌အရပ်သားတွေ ခိုလှုံနေတဲ့ ခရစ်ယာန်ဘုရားကျောင်းပေါ်ကို စလင်ဒါဗုံး ကျရောက်လာတာကြောင့် အစုလိုက်အပြုံလိုက် သေဆုံးခဲ့တာပါ။

တရားဝင်‌စာရင်းအရ ၇၄ ဦး သေဆုံးတယ်လို ထုတ်ပြန်ပေမယ့် အနည်းဆုံး ၁၁၉ ဦး သေဆုံးခဲ့ပြီး ၉၈ ဦး ဒဏ်ရာရတယ်လို့ ဆိုပါတယ်။ ဗုံးကြဲမှုကို FARC အဖွဲ့က ပြုလုပ်တာဖြစ်ပြီး ‘ဘိုဂျာယာ အစုလိုက်အပြုံလိုက်သတ်ဖြတ်မှု’ လို့ အမည်တွင်ပါတယ်။ သေဆုံးသူအများစုက အမျိုးသမီးနဲ့ ကလေးတွေ ဖြစ်ပါတယ်။

သေဆုံးသွားသူတွေရဲ့ ရုပ်ကြွင်းတွေကို ကျန်ရစ်သူတွေက အခုတစ်ပတ်မှာ ရရှိခဲ့ပြီး ဈာပနအခမ်းအနားတွေ ကျင်းပခဲ့ကြပါတယ်။

ကိုလံဘီယာ အစိုးရပ်တပ်ဟာ ခရစ်ယာန်ဘုရားကျောင်းရဲ့ ပတ်ဝန်းကျင်မှာ စခန်းချရာကနေ တိုက်ပွဲဖြစ်ပွားပြီး ဒီလို အစုလိုက်အပြုံလိုက်သေဆုံးမှု ဖြစ်ပွားခဲ့တာပါ။ ကုလကတော့ ဒီဖြစ်ရပ်အတွက် ကိုလံဘီယာအစိုးရနဲ့ FARC သူပုန် နှစ်ဖက်စလုံးမှာ တာဝန်ရှိတယ်လို့ ပြောကြားခဲ့ပါတယ်။

Ref: Aljazeera