ဩဂုတ် ၂၅၊ ၂၀၂၀
M-Media
-တောင်အာဖရိကနိုင်ငံ ကမ်းရိုးတန်း ဒါဘန်မြို့က သမိုင်းဝင် Grey Street ဗလီဝတ်ကျောင်းတော်မှာ မနေ့က မီးအကြီးအကျယ်လောင်ခဲ့ပါတယ်။
Grey Street ဗလီဟာ နှစ်ပေါင်း ၁၃၉ နှစ်သက်တမ်းရှိပြီး ကမ္ဘာ့တောင်ဘက်အခြမ်းက အကြီးဆုံး ဗလီဝတ်ကျောင်းတော်တွေထဲက တစ်လုံးလည်း ဖြစ်ပါတယ်။ မီးလောင်ရတဲ့အကြောင်းအရင်းကို တိတိကျကျ မသိရသေးပါဘူး။
တောင်အာဖရိက မွတ်စလင်ကွန်ယက် ဥက္ကဌ ဖိုင်ဆယ် ဆူလိုင်မန်က ဗလီအပေါ်ထပ်မှာရှိတဲ့ ဗလီဝန်ထမ်းတိုက်ခန်းမှာ ဝါယာရှော့ဖြစ်တာကြောင့် မီးလောင်တယ်လို့ ယူဆရကြောင်း ပြောကြားခဲ့ပါတယ်။
မီးသတ်တပ်ဖွဲ့ဟာ ၂ နာရီအတွင်း မီးညှိမ်းနိုင်ခဲ့ပြီး လူတွေ ထိခိုက်ဒဏ်ရာရတာမျိုးတော့ မရှိပါဘူး။ မီးလောင်မှုကြောင့် ဗလီဘေးနားက အဆောက်အဦး ၃ ခုလည်း ပျက်ဆီးခဲ့ပါတယ်။
Grey Street ဗလီဟာ လူပေါင်း ၇ ထောင်လောက် တစ်ပြိုင်တည်းဝတ်ပြုနိုင်ပြီး ဒါဘန်မြို့ရဲ့ အမှတ်သညာ အဆောက်အဦးတစ်ခုလည်း ဖြစ်ပါတယ်။
ကမ္ဘာကျော် လူဖြူလူမည်းခွဲခြားမှု တိုက်ဖျက်ရေးခေါင်းဆောင် နဲလ်ဆင် မင်ဒဲလား၊ လက်ဝှေ့ကျော် မိုဟာမက် အလီ၊ အစ္စလာမ်ကိုပြောင်းလဲသက်ဝင်ခဲ့တဲ့ ဗြိတိသျှနာမည်ကျော်အဆိုတော် ယူစွဖ် အစ္စလာမ်တို့လည်း အဲဒီ ဗလီဝတ်ကျောင်းတော်ကို သွားရောက်လည်ပတ်ဖူးပါတယ်။
Ref: Aljazeera