မေ ၁၆၊ ၂၀၂၁
M-Media
-ကလေးငယ်တွေကို မူလတန်းအဆင့်ကနေ ကွန်ပျူတာပရိုဂရမ်းမင်း သင်ကြားပေးမယ့်အစီအစဥ်ကို ဘရူနိုင်းနိုင်ငံမှာ စတင်လိုက်ပါတယ်။
ဘန်ဒါဆရီ ဘက်ဂ၀မ်မြို့က Seri Mulia Sarjana ကျောင်းမှာ ၂ တန်းနဲ့ ၃ တန်းကလေးတွေကို ဇန်န၀ါရီ ၁၈ ရက်နေ့ကနေ မတ်လ ၆ ရက်နေ့အထိ Bee-Bot နဲ့ Microbit ဆိုတဲ့ စက်ရုပ်လေးတွေနဲ့ ပရိုဂရမ်းမင်း အခြေခံတွေကို အစမ်းလေ့ကျင့်ပေးခဲ့တာပါ။
အခုအချိန်မှာတော့ ပရိုဂရမ်းမင်းသင်ကြားရေး ရှေ့ပြေးစီမံကိန်းကို စတင်တော့မှာဖြစ်ပြီး လိုအပ်တဲ့ သင်ထောက်ကူပစ္စည်းတွေလည်း ကျောင်းမှာ ရောက်ရှိနေပါပြီ။ ဒီစီမံကိန်းကို ဘရူနိုင်းအစိုးရရဲ့ ဆက်သွယ်ရေး၀န်ကြီးဌာန (AITI) က ဆောင်ရွက်တာ ဖြစ်ပါတယ်။
Seri Mulia Sarjana က လေ့ကျင့်သင်ကြားပေးမှုမှာ ကုဒ်ရေးနိုင်မှု၊ တွေးခေါ်ဖန်တီးမှု၊အုပ်စုဖွဲ့လုပ်ဆောင်နိုင်မှု၊ စဥ်းစားတွေးခေါ်နိုင်မှု စတဲ့ ကျွမ်းကျင်မှုတွေကို စစ်ဆေးပြီး ထူးချွန်တဲ့ ကလေးငယ် ၅ ဦးကို ဆုချီးမြှင့်ခဲ့ပါတယ်။
Ref: The Star