ဧပြီ ၇၊ ၂၀၂၂
M-Media
-အခုနှစ် ကာတာနိုင်ငံမှာလုပ်မယ့် ကမ္ဘာ့ဖလားပြိုင်ပွဲမှာ တစ်ပွဲကို မိနစ် ၁၀၀ ကစားခိုင်းဖို့ စီစဥ်နေတယ်ဆိုတဲ့ သတင်းတွေကို ကမ္ဘာ့ ဘောလုံးအဖွဲ့ချုပ် ဖီဖာက ငြင်းဆိုလိုက်ပါတယ်။
ဘောလုံး ကွင်းထဲမှာရှိမနေတဲ့အချိန်တွေကို ကာမိစေဖို့အတွက် နာကျင်အချိန်ပိုကို ၁၀ မိနစ်အထိ ကန်ခိုင်းဖို့ ဖီဖာဥက္ကဌ ဂီယန်နီ အင်ဖာတီနိုက ဒိုင်လူကြီးတွေကို တိုက်တွန်းဖို့ရှိတယ်ဆိုတဲ့ သတင်းတွေကို ဥရောပ သတင်းဌာနတစ်ချို့က ပြီးခဲ့တဲ့ ရက်ပိုင်းမှာ ဖော်ပြခဲ့ကြပါတယ်။
ဒါပေမယ့် ဖီဖာရဲ့ မနေ့ကထုတ်ပြန်တဲ့ ကြေငြာချက်မှာတော့ အခုနှစ်ကုန်ပိုင်းမှာ ကျင်းပမယ့် ကာတာကမ္ဘာ့ဖလားပြိုင်ပွဲမှာ ဘယ်စည်းမျဥ်းကိုမှ ပြောင်းလဲမှာ မဟုတ်ဘူးလို့ ဖော်ပြထားပါတယ်။
၂၀၂၂ ခုနှစ် ကမ္ဘာ့ဖလားပြိုင်ပွဲကို ကာတာနိုင်ငံမှာ နို၀င်ဘာ ၂၁ ရက်နေ့ကနေ ဒီဇင်ဘာ ၁၈ ရက်နေ့အထိ ကျင်းပမှာဖြစ်ပြီး လက်ရှိမှာတော့ ဘရာဇီးလ်အသင်းက ဗိုလ်စွဲဖို့ ရေပန်းအစားဆုံး ဖြစ်နေပါတယ်။
Ref: Goal