နို၀င်ဘာ ၂၆၊ ၂၀၂၂
M-Media
-ဆော်ဒီအာရေဗျနိုင်ငံ မဒီနာမြို့က တမန်တော်မြတ် ဗလီ၀တ်ကျောင်းတော်မှာ ကိုယ်၀န်ဆောင်အမျိုးသမီးတစ်ဦး မီးဖွားမှု မနေ့က ဖြစ်ပွားခဲ့ပါတယ်။
ကိုယ်၀န်အရင့်အမာနဲ့ အဲဒီအမျိုးသမီးဟာ ဗလီပရု၀ုဏ်အတွင်း ၀တ်ပြုဆုတောင်းနေစဥ် ရုတ်တရက် ဗိုက်နာလာခဲ့တာပါ။
ဗလီက ဆေး၀န်ထမ်းတွေနဲ့ ဆော်ဒီလခြမ်းနီအဖွဲ့တို့က ကူညီပေးခဲ့ပြီး ဆေးရုံကို သွားရောက်ဖို့ အချိန်မမီတော့တဲ့အတွက် ဗလီ ပရ၀ုဏ်ထဲမှာပဲ အရေးပေါ် မီးဖွားပေးခဲ့ပါတယ်။
ဆော်ဒီလခြမ်းနီအဖွဲ့ အကြီးအကဲ အဟ်မဒ် အလ်-ဇဟ်ရာနီက ဗလီ၀န်ထမ်းတွေ၊ ဆေး၀န်ထမ်းတွေရဲ့ ဂရုတစ်စိုက် စောင့်ရှောက်မှုကြောင့် အောင်မြင်စွာ မီးဖွားနိုင်ခဲ့ပြီး ကလေးရော မိခင်ပါ ကျန်းမာတယ်လို့ ပြောကြားခဲ့ပါတယ်။
မတ်စ်ဂျစ်ဒ် နဗ၀ီလို့ အမည်ရတဲ့ ဗလီ၀တ်ကျောင်းတော်ကို အစ္စလာမ်သာသနာ အစောပိုင်းကာလမှာ တမန်တော် မုဟမ္မဒ်သခင်ကိုယ်တိုင် ဆောက်လုပ်ခဲ့တာ ဖြစ်ပါတယ်။
Ref: Al Arabiya