ဒီဇင်ဘာ ၅၊ ၂၀၂၂
M-Media
-နျူကလီးယားဗုံး သယ်ဆောင်ကြဲချနိုင်မယ့် ကိုယ်ပျောက် ဗုံးကြဲလေယာဥ်သစ်တစ်စီးကို အမေရိကန်က ချပြလိုက်ပါတယ်။
B-21 လို့ အမည်ပေးထားပြီး နှစ်ပေါင်း ၃၀ အတွင်း ပထမဆုံး ထွက်ပေါ်လာတဲ့ ဗုံးကြဲလေယာဥ်သစ်ပါ။ ဒီလေယာဥ်ရဲ့ ကုန်ကျစားရိတ်က ဒေါ်လာ သန်း ၇၀၀ ရှိပါတယ်။
အမေရိကန် ကာကွယ်ရေး၀န်ကြီး လွိုက်အော်စတင်က B-21 ဟာ အမေရိကန်စစ်တပ်မှာ လက်ရှိ အသုံးပြုနေတဲ့ ဗုံးကြဲလေယာဥ်တွေထက် ရှေ့ပိုရောက်ပြီး အဆင့်အမြင့်ဆုံး လေကြောင်းရန်ကာကွယ်ရေးစနစ်တွေတောင်မှ ဖမ်းမိဖို့ ခက်ခဲတယ်လို့ သောကြာနေ့ကပြုလုပ်တဲ့ မိတ်ဆက်ပွဲ အခမ်းအနားမှာ ပြောကြားခဲ့ပါတယ်။
B-21 နဲ့ပတ်သက်တဲ့ အသေးစိတ်အချက်အလက်တွေကို အမေရိကန်စစ်တပ်က မထုတ်ပြန်ပါဘူး။
အနာဂတ်မှာ ပေါ်ထွက်လာမယ့် လက်နက်တွေ တပ်ဆင်အသုံးပြုနိုင်အောင်လည်း ဒီလေယာဥ်ကို ဖန်တီးထားပါတယ်။ လက်ရှိမှာ ၆ စီး ထုတ်လုပ်ဖို့ အမေရိကန်က ရည်ရွယ်ထားပြီး လာမယ့်နှစ်မှာ ပထမဆုံး ပျံသန်းအသုံးပြုမှာ ဖြစ်ပါတယ်။
အမေရိကန်လေတပ်က B-1နဲ့ B-2 တို့လို ဗုံးကြဲလေယာဥ်တွေဟာလည်း ကမ္ဘာကျော်ပါတယ်။
Ref: BBC