News @ M-Media

ချန်ပီယံလိဂ်ဆုတံဆိပ်ရဖို့ ကံမပါလာတဲ့ အီဘရာဟီမိုဗစ်

ဧပြီ ၂၁၊ ၂၀၂၃

M-Media 


-အေစီမီလန်အသင်းရဲ့ ဆွီဒင်တိုက်စစ်မှူး အီဘရာဟီမိုဗစ်ဟာ ဘောလုံးလောကက ဆုတံဆိပ်တော်တော်များများကို ရရှိထားသူပါ။ 

ဒါပေမယ့် ဥရောပချန်ပီယံလိဂ်မှာတော့ သူ့အတွက် ကံမပါဘူးလို့ ဆိုရပါလိမ့်မယ်။

အခုတစ်ပတ် ကွားတာဖိုင်နယ် ဒုတိယအကျော့ ပွဲစဥ်တွေအပြီး အေစီမီလန်အသင်းဟာ ဆီမီးဖိုင်နယ်ကို တက်ရောက်နိုင်ခဲ့ပြီး မြို့ခံပြိုင်ဘက် အင်တာမီလန်နဲ့ ဆုံရမှာပါ။ 

အေစီမီလန်အသင်း ဗိုလ်စွဲခဲ့ရင်တောင် မိုဗစ်ဟာ ချန်ပီယံလိဂ် ဆုတံဆိပ်ကို ရရှိမှာမဟုတ်ပါဘူး။ 

စက်တင်ဘာနဲ့ ဖေဖော်၀ါရီအစောပိုင်းက ဥရောပဘောလုံးအဖွဲ့ချုပ်ကို လူစာရင်းပေးရာမှာ ဒူးဒဏ်ရာရနေတဲ့ မိုဗစ်ကို အသင်းက ချန်ထားခဲ့တဲ့အတွက် ဖြစ်ပါတယ်။ 

ဒီနှစ်ကုန်ရင် အေစီမီလန်က မိုဗစ်ကို သက်တမ်းဆက်တိုးတော့မှာမဟုတ်ဘဲ အသက်အရွယ်အရ အနားယူရမှာဖြစ်တာကြောင့် ဂန္တ၀င်တိုက်စစ်မှူးကြီးဟာ ချန်ပီယံလိဂ်ဆုတံဆိပ်လက်မဲ့နဲ့ ဘောလုံးလောကကို နှုတ်ဆက်ရဖွယ် ရှိနေပါတယ်။ 

Ref: Goal