ဇွန် ၁၃၊ ၂၀၂၃
M-Media
-နယ်စပ်ကုန်သွယ်ရေးမှာ အမေရိကန်ဒေါ်လာအစား ကျပ်-ရူပီး အပြန်အလှန်သုံးစွဲရေးကို မြန်မြန်အကောင်အထည်ဖော်ဖို့ အိန္ဒိယက မြန်မာ အာဏာသိမ်းစစ်ကောင်စီကို တိုက်တွန်းလိုက်ပါတယ်။
စစ်အာဏာသိမ်းပြီးနောက် နိုင်ငံခြားအရန်ငွေ လျော့နည်းလာတဲ့ စစ်ကောင်စီဟာ နယ်စပ်ကုန်သွယ်ရေးကို သက်ဆိုင်ရာ နိုင်ငံတွေရဲ့ ငွေကြေးနဲ့ ဆောင်ရွက်ဖို့ ကြိုးပမ်းလာတာပါ။
စစ်ကောင်စီ ကုန်သွယ်ရေး၀န်ကြီး ဦးအောင်နိုင်ဦးရဲ့ လတ်တလောခရီးစဥ်မှာ ဒီလုပ်ငန်းစဥ်ကို အလျင်အမြန် အကောင်အထည်ဖော်ဖို့ အိန္ဒိယဖက်က တိုက်တွန်းခဲ့ပါတယ်။
လက်ရှိ နှစ်နိုင်ငံ ကုန်သွယ်ရေးဟာ တစ်နှစ်ကို ကန်ဒေါ်လာ ၁ ဒဿမ ၈ ဘီလီယံဖိုးလောက် ရှိနေပြီး ဒေသသုံးငွေကြေး အသုံးပြုနိုင်ရင် ဒီထက် ပမာဏ ပိုများလာဖို့ရှိတယ်လို့ ခန့်မှန်းထားပါတယ်။
ကျပ်-ရူပီး သုံးစွဲရေးအတွက် မြန်မာဖက်က CB နဲ့ UAB ဘဏ်တို့ဟာ အိန္ဒိယဘဏ်မှာ ရူပီအကောင့် ဖွင့်ထားပြီး၊ ပြည်တွင်းက အခြားဘဏ်တွေလည်း ဒီလုပ်ငန်းစဥ်မှာ ပါ၀င်ဖို့ စစ်ကောင်စီက အလိုရှိနေတာ ဖြစ်ပါတယ်။
Ref: Reuters