ဇန်န၀ါရီ ၉၊ ၂၀၂၄
M-Media
-ရာစုနှစ်ချီ ရှိနေတဲ့ ခွေးသားစားမှုဓလေ့ကို တိုက်ဖျက်မယ့် ဥပဒေတစ်ခုကို တောင်ကိုရီးယားလွှတ်တော်က ဒီကနေ့မှာ အတည်ပြုလိုက်ပါတယ်။
ခွေးသားစားသုံးမှု တိုက်ဖျက်ရေး ဥပဒေလို့ အမည်ပေးထားပြီး ၂၀၂၇ ခုနှစ်မှာ စတင်သက်ရောက်မှာဖြစ်ပါတယ်။
ဥပဒေမှာ ခွေးတွေကို စားသုံးဖို့အတွက် မွေးမြူရောင်းချတာ၊ သတ်ဖြတ်တာတွေကို အဓိက တားမြစ်ထားပြီး ခွေးသားစားမှုကိုတော့ မပိတ်ပင်ထားပါဘူး။
ခွေးတွေကို စားသုံးဖို့အတွက် စီးပွားဖြစ် မွေးမြူ၊ ရောင်းချ သတ်ဖြတ်သူတွေဟာ ထောင် ၃ နှစ် ဒါမှမဟုတ် ၀မ် သန်း ၃၀ ဒဏ်ငွေ ချမှတ်ခံရမှာဖြစ်ပါတယ်။
ခွေးသားစားသုံးမှုဟာ ကျန်းမာရေးကောင်းတယ်လို့ ကိုရီးယားလူမျိုးတွေက ယူဆထားပြီး ခွေးစတူးဟာ ကိုရီးယားရဲ့ နာမည်ကျော် ဟင်းလျာဖြစ်ပါတယ်။
အရင်အစိုးရတွေက ဒီဓလေ့ကို တိုက်ဖျက်ဖို့ ကြိုးပမ်းခဲ့ပေမယ့် မအောင်မြင်ခဲ့ပါဘူး။ အခု လွှတ်တော်က အတည်ပြုလိုက်တဲ့ ဥပဒေကို လူအများစုက ထောက်ခံကြိုဆိုခဲ့ကြပါတယ်။
တောင်ကိုရီးယားမှာ ခွေးမွေးမြူရေးလုပ်ငန်း ၃၅၀၀ လောက်ရှိပြီး ခွေးကောင်ရေ ၁ ဒဿမ ၅ သန်းလောက်ကို စားဖို့အတွက် မွေးမြူရောင်းချနေတာ ဖြစ်ပါတယ်။
Ref: Reuters
(ဓာတ်ပုံ – ခွေးသားရောင်းဆိုင်တစ်ခုတွင် တွေ့ရသည့် ခွေးများ)