News @ M-Media

Author: editor

  • လူမျိုး/ဘာသာမရွေး အခမဲ့ ကုသပေးမယ့် “ကျိုလီယာအထူးကုဆေးခန်း” ဖွင့်လှစ်

    လူမျိုး/ဘာသာမရွေး အခမဲ့ ကုသပေးမယ့် “ကျိုလီယာအထူးကုဆေးခန်း” ဖွင့်လှစ်

     

    13394198_1733453900255752_8232211882510538519_n
    ဇွန် ၅ ၊ ၂၀၁၆(M-Media)။ ။ ပြည်ထောင်စု သမ္မတ မြန်မာနိုင်ငံ ကျိုလီယာ မွတ်စလင်မ် သာသနာရေး အဖွဲ့ က ဖွင့်လှစ်တဲ့ လူမျိုး/ဘာသာမရွေး အခမဲ့ ကုသပေးမယ့် ” ကျိုလီယာ အထူးကု ဆေးခန်း ” ဖွင့်ပွဲကို ဇွန်လ ၄ ရက် မနက် ၉း၃၀ တွင် ရန်ကုန်မြို့ ပန်းဘဲတန်းမြို့နယ် ဗိုလ်ဆွန်ပက်လမ်း(အလယ်) အမှတ် ၁၁၄ တွင် ကျင်းပပြုလုပ်ခဲ့ကြောင်း သိရှိရပါတယ်။
    .
    ဆေးခန်း ဖွင့်ပွဲ အခမ်းအနားသို့ အမျိုးသားဒီမိုကရေစီအဖွဲ့ချုပ် ရန်ကုန်တိုင်းဥက္ကဋ္ဌ ဦမြင့်ဌေး၊ ပန်းဘဲတန်းမြို့နယ်မှ လွှတ်တော်ကိုယ်စားလှယ်များဖြစ်ကျသော ဦးနေဖူးဗဆွေ၊ ဦးဘမျိုးသိန်း၊ ဦးသန်းနိင်ဦး၊ ဒေါ်စိုးပပလှိုင် မြို့နယ်အလုပ်အမှုဆောင်များ ပါတီဝင်များ မြို့နယ်အုပ်ချုပ်ရေးမှူးနှင့်မြို့နယ်အဆင့်ဋ္ဌာနဆိုင်ရာများ ဆရာဝန်များ “ကျိုလီယာ အထူးကုဆေးခန်း ” ၏ ဥက္ကဋ္ဌနှင့်အဖွဲ့ဝင်များ ဧည့်သည်တော်များနှင့် ပြည်သူများ တက်ရောက်ခဲ့ကြပါတယ်။
    .
    အဆိုပါ ကျိုလီယာ အထူးကုဆေးခန်းတွင် လူမျိုးဘာသာမရွေး အခမဲ့ ကုသနိုင်ကြောင်းသိရှိရပါတယ်။
    13321691_1733452983589177_7580397205271584198_n
    .13307321_672774386221726_972654152345700785_n 13307346_672774539555044_980806349621449727_n  13333017_672774332888398_8245319433722774807_n
    သတင်း-သီဟ
    ဓါတ်ပုံ Credit– nld Pabedan FB,Ko Tin Shwe
  • လူမျိုး/ဘာသာ မခွဲဘဲ ကူညီပေးသွားမယ်လို့ မြန်မာသံအမတ်ကြီး(မလေးရှား) ပြော

    လူမျိုး/ဘာသာ မခွဲဘဲ ကူညီပေးသွားမယ်လို့ မြန်မာသံအမတ်ကြီး(မလေးရှား) ပြော

    ဇွန် ၅ ၊ ၂၀၁၆
    M-Media
    အောင်သူရ
    ဓါတ်ပုံ- KL CJ
    0.02.01.2e1b7cb398a6f02470a63b52d3190a586c90b30ef4d9b6aad3d13f253f67ee58_full
    မလေးရှားနိုင်ငံရောက် မြန်မာနိုင်ငံသားများအကျိုး ကာကွယ်စောင့်ရှောက်သည့်လုပ်ငန်းများ ပိုမိုထိရောက်စွာ ဆောင်ရွက်နိုင်ရေးအတွက် အလုပ်သမားများ စောင့်ရှောက်ရေးကော်မတီတစ်ရပ် ဖွဲ့စည်းမည့်ကိစ္စနှင့်ပတ်သက်၍ ညှိနှိုင်းအစည်းအဝေးတစ်ရပ်ကို ၅-၆-၂၀၁၆ ရက်၊ တနင်္ဂနွေနေ့၊ နေ့လည် ၁း၀၀ နာရီအချိန်တွင် မြန်မာသံရုံး၊ ကွာလာလမ်ပူမြို့၌ ကျင်းပပြုလုပ်ခဲ့ပါသည်။
    .
    အဆိုပါ ညှိုနှိုင်းအစည်းအဝေးသို့ ဖိတ်ကြားထားသော မလေးရှားနိုင်ငံတဝှမ်း ရှိ ပရဟိတ အသင်းအဖွဲ့ ပေါင်းစုံမှ ကိုယ်စားလှယ်များ တက်ရောက်ခဲ့ကြကြောင်း သိရှိရပါသည်။
    .
    ညှိနှိုင်းအစည်းအဝေးတွင် မလေးရှားနိုင်ငံဆိုင်ရာ မြန်မာသံအမတ်ကြီး ဦးဇော်မြင့်မှ အလုပ်သမားများ စောင့်ရှောက်ရေးကော်မတီ တစ်ရပ် ဖွဲ့စည်းမည့် ကိစ္စ အတွက် ပရဟိတ လူမှုအဖွဲ့အစည်းများ ထံမှာ အကြံဥာဏ်များရရှိလို၍ ယခုကဲ့သို့ တွေ့ဆုံရခြင်းဖြစ်ကြောင်း ပြောကြား ခဲ့သည်။ အဆိုပါကော်မတီတွင် သံအမတ်ကြီးမှ နာယက အဖြစ်ဆောင်ရွက်ပြီး နယ်မြေဒေသအလိုက် ပရဟိတ အဖွဲ့အစည်းများကိုလည်း ထည့်သွင်းဖွဲ့စည်းသွားမှာဖြစ်ကြောင်း ပြောကြားခဲ့တယ်လို့ သိရှိရပါသည်။
    .0.02.01.841afa7d29fd824839d6ec93d2a55b7cdffde3b43d44b77b6f06d6c4862499dc_full
    တွေ့ဆုံပွဲ အတွက် မူလဖိတ်ကြားသည့် စာရင်းတွင် မပါရှိ၍ ဝေဖန်မှုများ ထွက်ပေါ်လာပြီး နောက်ပိုင်း ဖိတ်ကြားခံရသည့် မြန်မာနိုင်ငံသား အစ္စလာမ်ဘာသာဝင် လူမှုရေး အဖွဲ့အစည်းများအနက်မှ စလရန်း နာရေး ကူညီမှုအသင်း ကိုယ်စားပြု တင်ရောက်လာသည့် ဦးမောင်မောင် (ရွှေကရဝိတ်)အား ဖိတ်ခေါ်ပြီး အကြံပြု စကားပြောခွင့်ပြုခဲ့တာကို တွေ့ရပါသည်။
    .
    ဦးမောင်မောင်(ရွှေကရဝိတ်)မှ မြန်မာနိုင်ငံတွင် ယခုအခါ အမျိုးသားရင်ကြားစေ့ရေး လုပ်ဆောင်နေတဲ့အချိန်မှာ မလေးရှားနိုင်ငံရောက် မြန်မာနိုင်ငံသား အကြား မြန်မာသံအမတ်ကြီး၏ ဦးဆောင်မှုဖြင့် စံပြအနေဖြင့် ဆောင်ရွက်ဖို့ အကြံပြုပါကြောင်း၊ အဆိုပါ လုပ်ငန်းစဉ်ကို ပြည်တွင်းအထိ သယ်ဆောင်သွားဖို့ ၊ ယခုအချိန်အခါတွင် မြန်မာနိုင်ငံသား မွတ်စလင်မ်များကိ မြန်မာသံရုံး (မလေးရှား) မှ ပစ်ပယ်ထားသည့်ဟု ခံစားရပါကြောင်း၊ မြန်မာသံရုံး(မလေးရှား) မှ လိုအပ်သည်များရှိလျှင် မြန်မာနိုင်ငံသား မွတ်စလင်မ်များကို ခေါ်ယူတာဝန်ပေးနိုင်ကြောင်း၊ မြန်မာနိုင်ငံသား မွတ်စလင်မ်များ အနေဖြင့်လည်း မိမိတို့ လိုအပ်ချက်များအတွက် မြန်မာသံရုံး(မလေးရှား) ကို အကူအညီ တောင်းခံခွင့်ပေးဖို့ ဆွေးနွေးတင်ပြခဲ့ကြောင်း သိရပါသည်။
    .
    တက်ရောက်လာတဲ့ အခြားသော တိုင်းရင်းသား ကိုယ်စားပြု အဖွဲ့အသီးသီး၊ ပရဟိတ အဖွဲ့အသီးသီးမှ ကိုယ်စားလှယ်များမှ ၄င်းတို့ အမြင်များကို ဆွေးနွေးတင်ပြခဲ့ကြတယ်လို့ သိရပါသည်။
    .0.02.01.34109ab9aab588dc2e582a461ac53063ffc19f5183833654d3f7200bd700fe98_full
    ဆွေးနွေးချက်များကို မလေးရှားနိုင်ငံဆိုင်ရာ မြန်မာ သံအမတ်ကြီး ဦးဇော်မြင့်မှ ပြန်လည်ဆွေးနွေးပြောကြားရာတွင် ၄င်းနှင့်အတူ မြန်မာသံရုံး (မလေးရှား)မှ သံရုံးအဖွဲ့ဝင်များအနေဖြင့် လူမျိုး/ဘာသာ ခွဲခြားမှုမရှိပါကြောင်း၊  ဝန်ထမ်း အင်အားနည်းပါးပြီး လုပ်ငန်း အများအပြားဆောင်ရွက်ရ၍ အားနည်းချက်များကို ခွင့်လွှတ်နားလည်ပေးဖို့ ပြောကြားပြိး ယခုဖွဲ့စည်းဆောင်ရွက်မည့်  မြန်မာ အလုပ်သမားများ စောင့်ရှောက်ရေးကော်မတီ ၏ လုပ်ငန်းဖြစ်သော အကူအညီပေးရေးကိစ္စ များတွင် လူမျိုး/ဘာသာ မခွဲခြားဘဲ မြန်မာနိုင်ငံသားအားလုံး ပူးပေါင်းပါဝင်ဖို့၊ သက်ဆိုင်ရာအဖွဲ့အစည်းများနှင့်လည်း သီးခြားတွေ့ဆုံသွားဖို့ ရှိကြောင်း ၊ လိုအပ်သည့် အကူအညီများအတွက် မြန်မာသံရုံး(မလေးရှား) သို့ ဆက်သွယ် အကူအညီတောင်းနိုင်ကြောင်း၊ နိုင်ငံကူး လက်မှတ်များကိုလည်း အမြန်ဆုံး ထုတ်ပေးနိုင်ရန် သက်ဆိုင်ရာသို့ တင်ပြပေးသွားမယ်လို့ ပြောကြားခဲ့ပါသည်။

  • ကမ္ဘာ့ဟဲဗီးဝိတ် ချန်ပီယံဟောင်း မိုဟာမက်အလီ (၇၄)နှစ် ကွယ်လွန်

    ကမ္ဘာ့ဟဲဗီးဝိတ် ချန်ပီယံဟောင်း မိုဟာမက်အလီ (၇၄)နှစ် ကွယ်လွန်

    ဇွန် ၄၊ ၂၀၁၆
    M-Media
    . maxresdefault

    ကမ္ဘာ့လက်ဝှေ့ချန်ပီယံ ၃ ကြိမ် ဖြစ်ခဲ့တဲ့ အမေရိကန် လက်ဝှေ့ကျော် မိုဟာမက်အလီဟာ အသက်ရှူလမ်းကြောင်းဆိုင်ရာ ရောဂါကြောင့် အမေရိကန်နိုင်ငံ ဖီးနစ်မြို့ ဆေးရုံတွင် ကုသမှု ခံနေရမှ ဒီကနေ့မှာ ကွယ်လွန်သွားပြီဖြစ်ကြောင်း သိရပါတယ်။
    .
    ၂၀၁၄ ခုနှစ်မှာတော့ သူဟာ အဆုတ်ယောင်ရောဂါ ခံစားခဲ့ရကာ ၂၀၁၅ ခုနှစ်မှာတော့ ဆီးလမ်းကြောင်းဆိုင်ရာ ရောဂါကြောင့် ဆေးရုံတက်ရောက် ကုသမှုတွေ ခံယူခဲ့ရပါတယ်။
    .
    အမည်ပြောင် The Greatest နဲ့ ကျော်ကြားတဲ့ မိုဟာမက်အလီဟာ ၎င်းရဲ့ လက်ဝှေ့သက်တမ်းမှာ ကမ္ဘာ့ချန်ပီယံ ၃ ကြိမ်ဖြစ်ခဲ့ပြီး ၅၆ ပွဲ အနိုင်ရကာ ၅ ပွဲသာ ရှုံးနိမ့်ခဲ့ပါတယ်။ ၁၉၈၁ ခုနှစ်မှာတော့ လက်ဝှေ့လောကကနေ အနားယူခဲ့ပါတယ်။ အလီဟာ ၎င်းရဲ့ လက်ဝှေ့စွမ်းရည်ကြောင့်သာမက နိုင်ငံသားအခွင့်အရေး လှုပ်ရှားမှုအတွက်လည်း ကျော်ကြားသူဖြစ်ပါတယ်။

    လက်ဝှေ့သမားများမှာ အဖြစ်များတဲ့ ပါကင်ဆန်ရောဂါကို အလီဟာ နှစ်ပေါင်း ၃၀ ကြာခံစားခဲ့ရပြီး အဲဒီရောဂါ ခံစားနေရသူတွေကို ကူညီထောက်ပံ့နိုင်ရေးအတွက် ပရဟိတအသင်းတစ်ခုဖြစ်တဲ့ Muhammad Ali Parkinson စင်တာကို ဖွင့်လှစ်ခဲ့ပါတယ်

    ကိုယ်ရေးအကျဉ်း
    —————–
    ငယ်နာမည်မှာ ကက်စီးယက်စ်ကလေး ဖြစ်ပြီး ၁၉၄၂ ခုနှစ် ဇန်န၀ါရီ ၁၇ ရက်နေ့တွင် အမေရိကန်ပြည်ထောင်စု၊ ကန်တာကီ ပြည်နယ်၊ လူဝီဗေးလ်မြို့တွင် မွေးဖွားခဲ့ပါသည်။
    .
    ကက်စီးယက်စ်ကလေး၏ အပျော်တမ်းလက်ဝှေ့သမားဘ၀တွင် ကန်တာကီ ရွှေလက်အိတ် ချန်ပီယံ (၆)ကြိမ်၊ အမေရိကန် ရွှေလက်အိတ် ချန်ပီယံ (၂) ကြိမ်၊ အပျော်တမ်းလက်ဝှေ့ချန်ပီယံ တစ်ကြိမ်၊ ၁၉၆၀ ခုနှစ် အီတလီနိုင်ငံ ရောမမြို့တွင် ကျင်းပပြုလုပ်သည့် နွေရာသီ အိုလံပစ်တွင် လိုက်ဟဲဗီးဝိတ်တန်း လက်ဝှေ့ပြိုင်ပွဲတွင် ရွှေတံဆိပ်တစ်ကြိမ်၊ စသဖြင့် ဆုတံဆိပ်ပေါင်း မြောက်များစွာရရှိခဲ့သည်။
    .
    ဟဲဗီးဝိတ်ချန်ပီယံ ဆန်နီ လစ်စတန်(Sonny Liston)ကို  ၁၉၆၄ ဖေဖော်ဝါရီလ ၂၅ ရက်နေ့တွင် စိန်ခေါ်ထိုးသတ်အနိုင်ရပြီး ဟဲဗီးဝိတ်ချန်ပီယံ ဖြစ်လာခဲ့သည်။ ထိုစဉ် ကက်စီးယက်စ်ကလေးမှာ အသက်(၂၂)နှစ်သာ ရှိသေးသည်။
    .Muhammad-Ali-Converted-to-Islam-Religion
    ဟဲဗီးဝိတ်ချန်ပီယံဖြစ်ပြီးနောက် ကလေးသည် အစ္စလာမ်သာသနာသို့ ကူးပြောင်းခဲ့ပြိး သူ၏ အမည်ကိုလည်း မိုဟာမက်အလီ အဖြစ် ပြောင်းလဲခဲ့သည်။
    .
    ၁၉၆၇ ခုနှစ်တွင် အမေရိကန်စစ်တပ်သို့ ၀င်ရောက်အမှုထမ်းရန် ငြင်းဆိုမှုကြောင့် ဟဲဗီးဝိတ်ချန်ပီယံဘွဲ့ကို ရုပ်သိမ်းခံခဲ့ရသည်။ လက်ဝှေ့ထိုးသတ်ခွင် လိုင်စင်ပိတ်သိမ်းခံရပြီး လက်ဝှေ့ထိုးသတ်ခွင့်ကို ၅နှစ် ရပ်နားခံခဲ့ရသည်။
    .
    လက်ဝှေ့ထိုးခွင့်လိုင်စင်ပြ၇ပြိး ၁၉၇၀ခုနှစ် တွင် လက်ဝှေ့ ထိုးသတ်ခွင့်လိုင်စင် ပြန်လည်ရရှိသည်။
    .
    ၁၉၇၄ အောက်တိုဘာ ၃၀ ရက်နေ့တွင် ထိုစဉ်က ဟဲဗီးဝိတ်ချန်ပီယံ ဂျော့ဂ်ျ ဖိုမန်(George Foreman)ကို အလဲထိုး အနိုင်ယူနိုင်ခဲ့ကာ ဟဲဗီးဝိတ်ချန်ပီယံဘွဲ့ကို ဒုတိယအကြိမ် ပြန်လည် ဆွတ်ခူးနိုင်ခဲ့သည်။
    .
    ၁၉၇၈ ခုနှစ် ဖေဖော်ဝါရီလတွင် လက်ဝှေ့ကျော် လီယွန် စပင့်(Leon Spinks) နှင့် ထိုးသတ်ရာတွင် ရှုံးနိမ့်ခဲ့ပြီး ဟဲဗီးဝိတ် ချန်ပီယံဘွဲ့ကို လက်လွှတ်ခဲ့ရသော်လည်း ထိုနှစ် စက်တင်ဘာလတွင် လီယွန်စပင့်နှင့် မကြေပွဲ ပြန်လည်ထိုးသတ်ခဲ့ရာ အလီမှ အနိုင်ရရှိခဲ့ကာ ဟဲဗီးဝိတ်ချန်ပီယံဘွဲ့ကို သုံးကြိမ်ဆွတ်ခူးနိုင်သည့် ပထမဦးဆုံး လက်ဝှေ့သမား ဖြစ်လာခဲ့သည်။
    Mohammad ali
    ၁၉၇၉ ခုနှစ် ဇူလိုင်လတွင် အလီသည် လက်ဝှေ့လောကမှ အနားယူလိုက်ပြီဟု ကြေညာခဲ့သည်။ သို့သော်လည်း မကြာမီပင် လက်ဝှေ့ကြိုးဝိုင်းအတွင်းသို့ ပြန်လည်ဝင်ရောက်လာခဲ့ကာ ၁၉၈၁ ခုနှစ် ဒီဇင်ဘာလတွင်မှ လက်ဝှေ့လောကမှ အပြီးတိုင် အနားယူခဲ့သည်။
    .portland-press-herald_3672761
    မိုဟာမက်အလီ သည် ဟဲဗီးဝိတ်လက်ဝှေ့သမိုင်း၏ ရွှေခေတ်ဟု ခေါ်ဝေါ်သည့် သူ့ခေတ်သူ့အခါက ထိပ်တန်းဟဲဗီးဝိတ်ချန်ပီယံများကို အနိုင်ယူနိုင်ခဲ့သည်။ ရင်းမဂ္ဂဇင်း(Ring Magazine) ၏ “တစ်နှစ်တာအကောင်းဆုံးလက်ဝှေ့သမား” (Fighter of the Year) အဖြစ် အခြားလက်ဝှေ့သမားများထက် အကြိမ်များစွာ ရွေးချယ်ခံခဲ့ရသည်။  ထို မဂ္ဂဇင်းကပင် ရွေးချယ်သော “တစ်နှစ်တာ အကောင်းဆုံးလက်ဝှေ့ပွဲ” (Fight of the Year) တွင်လည်း အလီမှာ အခြားသူများထက် အကြိမ်များစွာ ဖော်ပြခံခဲ့ရသည်။ ၎င်းအပြင် အလီမှာ နိုင်ငံတကာလက်ဝှေ့အကျော်အမော်များ Hall of fame တွင် ပါဝင်ပြီး Sports Illustrated  မဂ္ဂဇင်း၏ “တစ်နှစ်တာအကောင်းဆုံး အားကစားသမား” စာရင်းတွင်ပါဝင်သည့် လက်ဝှေ့သမားသုံးဦးအနက်မှ တစ်ဦးဖြစ်သည်။

     

    မုဟမ္မဒ် အလီ (ခ) ကက်စီးယက်စ် ကလေး အကြောင်း အသေးစိတ်ဖတ်ရန်
    http://www.m-mediagroup.com/news/13732

  • မလေးရှားက မြန်မာသံရုံး လူမျိုး/ဘာသာ ခွဲခြားပြီး ဆက်ဆံနေပြီလား?

    မလေးရှားက မြန်မာသံရုံး လူမျိုး/ဘာသာ ခွဲခြားပြီး ဆက်ဆံနေပြီလား?

    ဇွန် ၄၊ ၂၀၁၆
    M-Media
    မြတ်သူရ
    13331073_1024761880953193_2614554473106368766_n
    မလေးရှားနိုင်ငံရောက် မြန်မာ အလုပ်သမားများ စောင့်ရှောက်ရေး ကော်မတီ တရပ် ဖွဲ့စည်းဖို့အတွက် မလေးရှားနိုင်ငံ တဝှမ်းရှိ မြန်မာ ပရဟိတ လူမှုရေး အသင်းများနှင့် ညှိနှိုင်းအစည်းအဝေး တရပ်ကို ဇွန်လ ၅ ရက်နေ့မှာ ကျင်းပမည်ဖြစ်ကြောင်း ကွာလာလမ်ပူမြို့ရှိ မြန်မာသံရုံးမှ ၄င်းတို့၏ တရားဝင် Facebook စာမျက်နှာ သတင်း ထုတ်ပြန်ခဲ့ပါတယ်။
    .
    ထိုသို့ ကျင်းပမည့် အစည်းအဝေးကို လူမှုရေး အသင်းအဖွဲ့တဖွဲလျင် ကိုယ်စားလှယ်(၂) ဦး တက်ရောက်နိုင်ကြောင်း အသင်းအဖွဲ့ ၃၉ ဖွဲ့ကို နာမည်စာရင်း နှင့် တကွ ထုတ်ပြန်ပြီး ဖိတ်ကြားခဲ့တာကိုတွေ့ရှိပါတယ်။
    .
    ထိုသို့ ဖိတ်ကြားရာတွင် မလေးရှားနိုင်ငံရောက် မြန်မာနိုင်ငံသား အစ္စလာမ်ဘာသာဝင်များ ဖွဲ့စည်းဆောင်ရွက်နေတဲ့ လူမှုရေး အဖွဲ့အစည်းများကို ထည့်သွင်းဖိတ်ကြားထားခြင်း မရှိတာကိုတွေ့ရပါတယ်။
    .
    စာရင်းမှာ မပါသည့် အဖွဲ့လည်း တက်ရောက်နိုင်ကြောင်း ရေးသားထားတာကိုလည်း တွေ့ရပါတယ်။

    ဒါဟာ ဝိနည်းလွတ် ရေးသားတာဖြစ်ကြောင်း မြန်မာသံရုံးအနေဖြင့် မလေးရှားရောက် မြန်မာနိုင်ငံသား မွတ်စလင်မ် အဖွဲ့အစည်း တခုတလေရဲ့ အမည်စာရင်း မသိဘူးဆိုတာ လက်ခံနိုင်စရာ မရှိဘူးလို့ မလေးရှားတွင် နှစ်ပေါင်းများစွာ ရောက်ရှိ အလုပ်လုပ်ကိုင်နေပြီး လူမှုရေး လုပ်ငန်းများ တက်ကြွစွာ ဆောင်ရွက်ခဲ့သူ အစ္စလာမ်ဘာသာဝင်တဦးက သူအမြင်ကို ပြောပါတယ်။
    .
    ဒါကိစ္စနှင့် ပတ်သက်ပြီး နိုင်ငံရေး/လူမှုရေး တက်ကြွလှုပ်ရှားသူ တစ်ဦးဖြစ်တဲ့ ယခင်မန္တလေးမြို့တွင် နေထိုင်ခဲ့ပြီး ယခု မလေးရှားနိုင်ငံသို့ ရောက်ရှိနေတဲ့ ဦးမောင်မောင်(ရွှေကရဝိတ်) က သူရဲ့Facebook စာမျက်နှာမှာ

    ” မလေးရှားမြန်မာသံရုံးက ခွဲခြားဆက်ဆံပုံကို ထင်ထင်ရှားရှားမြင်ရလိမ့်မယ်…

    ဖိတ်ထားတဲ့ စာရင်းထဲမှာ…မွတ်စလင်အဖွဲ့အစည်း / မွတ်စလင်လုပ်ငန်းရှင် တယောက်မှမပါဘူး……

    ကျန်တဲ့ ပွဲလမ်းတွေ သံရုံးက လုပ်ပြီဆိုရင်…အလှူခံတဲ့အထဲမှာ…မွတ်စလင်တွေ မလွတ်စေရဘူး……

    မလေးရှားသံရုံးက အလုပ်လုပ်နေတဲ့အထဲမှာ….မြန်မာနိုင်ငံသား မွတ်စလင်တွေရဲ့ အကျိုး/ မြန်မာနိုင်ငံသား မွတ်စလင်တွေကို ကာကွယ်စောင့်ရှောက်ခြင်း…လုံးဝမပါ ဘူး.”
    .
    ဆိုပြီး သူအမြင်ကို မှတ်ချက်ပေးရေးသားထားတာကို တွေ့ရပါတယ်။
    .
    ဒါအပြင် မလေးရှားနိုင်ငံ အတွင်း တရားမဝင် လာရောက် အလုပ်လုပ်ကိုင်နေတဲ့ မြန်မာနိုင်ငံသားများ မလေးရှားနိုင်ငံမှ တာဝန်ရှိသူများရဲ့ ဖမ်းဆီးခြင်းခံရ၍ ထိန်းသိမ်းရေးစခန်းများသို့ ရောက်ရှိပြီး မြန်မာနိုင်ငံသို့ ပြန်ရန် သံရုံးမှ အသိအမှတ်ပြု အထောက်အထား စာရွက်စာတန်းများ ပြုလုပ်ပေးရာတွင်လည်း မြန်မာနိုင်ငံသား မွတ်စလင်မ် နှင့် ဟိန္ဒူ ဘာသာဝင်များဖြစ်ပါက အချိန်ကြာမြင့်စွာ စောင့်ဆိုင်းနေရပြီး ခွဲခြားဆက်ဆံ ခံနေရကြောင်း ဝေဖန်ချက်များ ထွက်ပေါ်လျက်ရှိပါတယ်။

  • ရမဿွာန်လမြတ်နှင့် စပ်လျဉ်း၍ မွတ်စ်လင်မ် မဟုတ်သူတို့ လူသိနည်းသော အကြောင်း ၉ ရပ်

    ရမဿွာန်လမြတ်နှင့် စပ်လျဉ်း၍ မွတ်စ်လင်မ် မဟုတ်သူတို့ လူသိနည်းသော အကြောင်း ၉ ရပ်

    ဇွန် ၆ ၊ ၂၀၁၆
    M-Media

    ကမ္ဘာတစ်ဝှန်း ဇွန်လ ၆ ရက်နေ့မှာ စတင်တော့မယ့် ရမဿွာန်လမြတ်ကာလအတွင်း အသင်တို့ရဲ့ မွတ်စ်လင်မ်မိတ်ဆွေတွေ၊ လုပ်ဖော်ကိုင်ဖက်တွေက အသင်တို့နဲ့ နေ့လည်စာအတူစားဖို့ ယဉ်ကျေးစွာ ငြင်းဆိုလေ့ရှိပြီး သူတို့ရဲ့ အသွင်တူအသိုင်း အ၀ိုင်းဖက် ပြန်လှည့်ကြတာမျိုးကို သတိထားမိကြပါလိမ့်မယ်။ ဒါဟာ မွတ်စ်လင်မ်များစွာအတွက် နာမ်ပိုင်းဆိုင်ရာ အရှိန်မြှင့်တင်တဲ့အချိန်အခါ ဖြစ်တာကြောင့်ပါ။ ဆာလောင်မွတ်သိပ်ခြင်းဝေဒနာ ခံစားရယုံသက်သက်ဆိုတာထက် များစွာ အဓိပ္ပာယ်ရှိနေပါတယ်။

    ၁။ ဥပုသ်သီလအားဖြင့် နာမ်ပိုင်းဆိုင်ရာ ပုံရိပ်ကောင်းကို ဖော်ဆောင်မှု
    ————————————————————————

    Ramadan
    (ဓာတ်ပုံ – Juanmonino via Getty Images )

    ရမဿွာန်လမြတ်ဟာ နာမ်ပိုင်းဆိုင်ရာပုံရိပ်ကောင်းကို ပုံဖော်ပေးရာ၊ ကိုယ်ရည်ကိုယ်သွေး မြှင့်တင်ပေးရာ အချိန်ကာလတစ်ခုဖြစ်ကြောင်း မွတ်စ်လင်မ်များစွာမှ ကြုံဆုံခံစားနိုင်ကြပါတယ်။ မွတ်စ်လင်မ်လူထုရေးရာကောင်စီအဖွဲ့ဝင် Marwa Abdelghani က ဒီလိုရေးသားဖော်ပြထားပါတယ်။

    “အကျင့်ဆိုးတွေကနေ ထိန်းသိမ်းရှောင်ကြဉ်ခြင်းက စိတ်အေးချမ်းမှုကို ဖြစ်ထွန်းစေပါတယ်။ ဒီစိတ်အေးချမ်းမှုက လွှမ်းမိုးဖုံးအုပ်ထားတဲ့ ခံစားချက်တွေကင်းရှင်းစွာနဲ့ ကြောင်းကျိုးကျကျ၊ ကြည်ကြည်လင်လင် စဉ်းစားတွေးတောနိုင်စွမ်းကို ပေးပါတယ်။ ဒီအချက်က ဒေါသ သို့မဟုတ် စိတ်ပျက်အားလျော့မှုကို ဖြစ်ပေါ်စေတဲ့ ဘ၀နစ်နာကြေကွဲမှုတွေအပေါ် အချိန်ကုန်လွန်နေခြင်းအစား အပြုသဘောဆောင်တဲ့ကောင်းကျိုးတရားများကို ရရှိလာစေပါတယ်။ ရမဿွာန်လမြတ်ဟာ ခွင့်လွှတ်ဖို့၊ ဥပေက္ခာတရားလက်ကိုင်ထားဖို့၊ အရေးအကြီးဆုံးအရာအပေါ် အာရုံစိုက်နိုင်ဖို့ အခွင့်အခါကောင်းတစ်ရပ်ပါ”။

    .
    ၂။ အတင်းအဖျင်း၊ မုသားနှင့် အကျင့်ဆိုးများကိုပါ ရှောင်ကြဉ်ရမှု
    ———————————————————————

    Woman whispering into man's ear, close up
    (ဓာတ်ပုံ – Pete Turner via Getty Images )

    ရမဿွာန်လမြတ်ချိန်ခါအတွင်း မွတ်စ်လင်မ်များအနေနဲ့ အစားအသောက်၊ မေထုန်မှီဝဲခြင်းများကိုသာ ရှောင်ကြဉ်ရတာမဟုတ်ပါဘူး။ လိမ်ညာပြောဆိုခြင်း၊ ကျိန်ဆဲခြင်း၊ အတင်းအဖျင်းဆိုခြင်း၊ အငြင်းပွားခြင်းနဲ့ အခြား အကျင့်ဆိုးမှန်သမျှမှလည်း ရှောင်ကြဉ်ကြရပါတယ်။ Saeed Saeed က The National မှာ ဒီလို ရေးသားဖော်ပြထားပါတယ်။

    “ဥပုသ်သီလက ခန္ဓာဓာတ်စာဖြစ်တဲ့ ရေနဲ့အစားအသောက်တွေကို စွန့်လွှတ်စေယုံမျှသာ မဟုတ်ပါဘူး။ မဖွယ်မရာပြောဆိုချက်၊ အငြင်းအခုံ၊ သတိလက်လွတ်ပြုမူတာ၊ ပျက်လိုဖျက်ဆီးအကျင့်အမူတွေကို ရှောင်ကြဉ်ခြင်းဆိုတဲ့ အတ္တတိုက်ပွဲကြီးလည်း မလွဲမသွေ ပါဝင်နေပါတယ်။ ဥပုသ်သီလရဲ့ အဓိကဦးတည်ချက်ကတော့ ဖန်ဆင်းရှင်အပေါ် အကြွင်းမဲ့နာခံမှုကို သက်သေပြဖို့ (နဲ့) နာမ်ပိုင်းအခင်းအကျင်းအပေါ်မှာ စိတ်အာရုံကို စူးစိုက်ထားရှိဖို့ ဖြစ်ပါတယ်”။

    ၃။ အစ္စလာမ့်မြစ်ဖျားများကို ထင်ရှားကျော်စောစေသည့် လမြတ်
    ——————————————————-

    Female Palestinian worshippers pray in front of the Dome of the Rock, in the Al Aqsa Mosque compound in Jerusalem during Ramadan July 13, 2015, on Lailat-Al-Qadr, or Night of Power, in which the Muslim holy book of Koran was revealed to Prophet Mohammad by Allah. The compound is also known as Temple Mount to the Jews. REUTERS/Ammar Awad
    (ဓာတ်ပုံ – Ammar Awad / Reuters)

    ရမဿွာန်လနှောင်းပိုင်းမှာ လိုင်းလသုလ်ကဒရ် လို့ခေါ်ဆိုတဲ့ ညဥ့်မြတ် ကျရောက်လေ့ရှိပါတယ်။ ဒီညဥ့်မြတ်ဟာ တမန်တော် မုဟမ္မဒ်(ငြိမ်းချမ်းသာယာမင်္ဂလာများ ခညောင်းပါစေ)ထံ ကျမ်းမြတ်ကုရ်အာန် စတင် ထုတ်ပြန်ပို့ချပေးခံရတဲ့ညဥ့်ကို ဂုဏ်ပြုထင်ရှားစေခြင်းဖြစ်ပါတယ်။ ဒီလိုနေ့ရက်ညဥ့်မြတ်မှာ ၀တ်ပြုဆုတောင်းခြင်းက လပေါင်းတစ်ထောင်ဝတ်ပြုဆုတောင်းခြင်းထက် သာမြတ်ကြောင်း မွတ်စ်လင်မ်တို့ ယုံကြည်ထားပါတယ်။

    ၄။ ကုရ်အာန်၏လ ဟု အမည်တွင်ခြင်း
    ————————————–

    Imam praying in mosque
    (ဓာတ်ပုံ – selimaksan via Getty Images )

    ရမဿွာန်လမြတ်ကို ကုရ်အာန်ရဲ့လ လို့ ရည်ညွှန်းပြောဆိုလေ့ရှိကြတယ်။ ဘာကြောင့်လဲဆိုတော့ ဒီအချိန်ကာလအတွင်း မွတ်စ်လင်မ်များအနေနဲ့ ကျမ်းမြတ်ကုရ်အာန်ကို မိမိတို့ တတ်စွမ်းသလောက် ဖတ်ရွတ်သရဇ္ဈာယ်နိုင်အောင် ကြိုးပမ်းလေ့ရှိကြလို့ပဲ ဖြစ်ပါတယ်။ ဗလီဝတ်ကျောင်းတော်များမှာ ညစဉ်ညတိုင်း (၀တ်ပြုမှုများထဲ) ကုရ်အာန်ကျမ်းမြတ်ရဲ့ အပုံသုံးဆယ်ပုံတစ်ပုံကို ဖတ်ရွတ်လေ့ရှိကြပါတယ်။

    ၅။ ဥပုသ်သီလတာဝန်မှ ခြွင်းချက်ရှိသူများ
    ————————————————-

    Pregnant woman
    (ဓာတ်ပုံ – boggy22 via Getty Images )

    ဥပုသ်သီလစောင့်ထိန်းခြင်းက အစ္စလာမ့်မဏ္ဍိုင်ကြီးငါးရပ်ထဲ ပါဝင်သော်ငြား ကလေးသူငယ်တွေ၊ နာမကျန်းသူဝေဒနာသည်တွေ၊ အိုမင်းမစွမ်းသူတွေ၊ ပဋိသန္ဓေလွယ်ပိုးထားရတဲ့ အမျိုးသမီးတွေ၊ နို့တိုက်ကျွေးနေရတဲ့ မီးနေသည်တွေ၊ ရာသီပန်းပွင့်တဲ့ အမျိုးသမီးတွေ၊ ခရီးသည်တွေအဖို့ ဥပုသ်သီလစောင့်ထိန်းဖို့ မလိုအပ်ပါဘူး။ ဥပုသ်စောင့်ထိန်းဖို့ တတ်စွမ်းနိုင်သော်လည်း (အကြောင်းအမျိုးမျိုးကြောင့်) လက်လွှတ်သွားရသူများက လက်လွှတ်သွားရတဲ့ရက်အရေအတွက်ကို ပြန်လည်ဖြည့်စွက်စောင့်ထိန်းခြင်းနဲ့ဖြစ်စေ၊ ဖစ်ဒယဟ် ပေးေ
    ဆာင်ခြင်းနဲ့ဖြစ်စေ ဆောင်ရွက်နိုင်ခွင့်ရှိပါတယ်။ ဖစ်ဒယဟ် ဆိုတာ လွှတ်သွားတဲ့ရက်အရေအတွက်နဲ့အညီ ဆင်းရဲချို့တဲ့ငတ်မွတ်သူတစ်ဦးကို ကျွေးမွေးပေးကမ်းခြင်း ဖြစ်ပါတယ်။

    ၆။ အလွန်အကျွံစားသောက်မှုကို အားမပေးခြင်း
    —————————————————–

    6
    (ဓာတ်ပုံ – Karam Miri via Getty Images )

    တစ်နေ့တာ ဥပုသ်သီလ မစောင့်ထိန်းမီ (နဲ့) ဥပုသ်လွှတ်ချိန်တွေမှာ အလွန်အကျွံ စားသောက်တတ်သူအချို့ ရှိကြပါတယ်။ ဒါပေမယ့် ရမဿွာန်လရဲ့အနှစ်သာရကို မထိခိုက်စေအောင် (အဲ့ဒီအချိန်တွေမှာ) ကျန်းမာစေတဲ့ အစာရေစာ အနည်းအကျဉ်းသာ စားသောက်ကြဖို့ မွတ်စ်လင်မ်များစွာက အားပေးလက်ခံကြပါတယ်။ Abdelghani က ဒီလို ရေးသားထားပါတယ်။

    “လောကီပစ္စည်းများနဲ့ ကျွန်တော်တို့ရဲ့အတ္တကို အများအပြား အစာကျွေးခြင်းက ကျွန်တော်တို့လိုအပ်တဲ့ အခွင့်အလမ်းများကို လက်လွှတ်ဆုံးရှုံးသွားစေမယ့်အပြင်၊ ဆန္ဒမှန်သမျှ ဖြည့်လိုတဲ့ အတွေးမျိုးကိုလည်း ရသွားစေပါတယ်”။

    ကျန်းမာရေးရှုထောင့်အရ သကြားဓာတ်များပြားတဲ့အစာ၊ အကြော်အလှော်စာတွေကို အကန့်အသတ်နဲ့သာ စားသုံးဖို့၊ အဲ့ဒီအစားအစာတွေအစား အစာချေဖျက်ခြင်းနှေးကွေးစေမယ့် ဘာလီ၊ ဂျုံ၊ ပြောင်းဆန်နဲ့ ပဲနီလေးတို့ကို ရွေးချယ်စားသုံးကြဖို့ အကြံပြုတိုက်တွန်းချက်များလည်း ရှိပါတယ်။

    ၇။ ဥပုသ်သီလစောင့်ထိန်းမှုကပေးသော ကျန်းမာရေးကောင်းကျိုး
    ———————————————————–

    Muslim Lady Is Practicing Yoga Outdoor in a Garden
    (ဓာတ်ပုံ – Mariemlulu via Getty Images )

    ရမဿွာန် တစ်လတာလုံး ဥပုသ်သီလစောင့်ထိန်းတဲ့ အချို့မွတ်စ်လင်မ်များထံမှာ ကျန်းမာရေးကောင်းကျိုးတွေ ဖြစ်ထွန်းလာမှုကို ခံစားကြရပါတယ်။ NHS ရဲ့အစီရင်ခံစာအရ ရမဿွာန်တစ်လတာ ဥပုသ်သီလစောင့်ထိန်းမှုဟာ ဦးနှောက်ထဲက endorphin ဓာတ်တွေကို လျှော့ချပေးပြီး စိတ်သက်သာမှုကို တိုးမြှင့်စေတယ်လို့ ဆိုထားပါတယ်။

    “အဆိပ်သင့်ဓာတ်ပြုပစ္စည်းဖယ်ရှားမှုဖြစ်စဉ် detoxification process တစ်ရပ်လည်း ဖြစ်ပေါ်လာတယ်။ ခန္ဓာကိုယ်ရဲ့အဆီထဲ ကိန်းအောင်းနေတဲ့ ဘက်တီးရီးယားထွက်အဆိပ်ပစ္စည်းမှန်သမျှ ပြိုကွဲပြီး ဖယ်ထုတ်ခံလိုက်ရလို့ဖြစ်ပါတယ်” ဆိုပြီး အော့စ်ဖို့ဒ်တက္ကသိုလ် မေ့ဆေးဆရာဝန် Dr. Razeen Mahroof က အဆိုပါအစီရင်ခံစာမှာ တင်ပြထားပါတယ်။

    ၈။ ပေးကမ်းလှူဒါန်းမှု အရှိန်အဟုန်မြင့်တက်လာခြင်း
    ———————————————-

    Volunteers working in soup kitchen
    (ဓာတ်ပုံ – Ariel Skelley via Getty Images )

    မိမိပိုင်ဆိုင်တဲ့ငွေကြေးဥစ္စာထဲက (အချိုးကျ) လှူဒါန်းရခြင်းဟာ အစ္စလာမ့်အခြေခံမဏ္ဍိုင်ကြီး တစ်ရပ်ဖြစ်ပါတယ်။ မွတ်စ်လင်မ်တွေဟာ တစ်နှစ်တာကာလအခြားလများထက် ရမဿွာန်လထဲမှာ ဒီအလှူဒါနကို ပိုမိုအလေးထား ပြုကျင့်လေ့ရှိကြပါတယ်။

     

    ၉။ တန်ဖိုးထားတတ်ခြင်း
    ————————–

    LOS ANGELES, CA - AUGUST 30:  Muslims women gather for a special Eid ul-Fitr morning prayer at the Los Angeles Convention Center on August 30, 2011 in Los Angeles, California. The three-day holiday, Eid ul-Fitr, marks the end of Ramadan, the Islamic month of fasting and begins after the sighting of a new crescent moon.  (Photo by Kevork Djansezian/Getty Images)
    (ဓာတ်ပုံ – Kevork Djansezian via Getty Images )

    Abdelghani က ဒီလိုရေးသားထားပါတယ်။

    “အဖိုးမတန်ဘူးလို့ မထင်လိုက်ပါနဲ့။ ဥပုသ်သီလဆောက်တည်ခြင်းက ကျွန်တော့်ကို အိပ်ငိုက်စေတယ်၊ နွမ်းလျပင်ပန်းစေပါတယ်။ ဒါပေမယ့် ဒီရင်းနှီးမှုရဲ့ အတုန့်အလှည့်ကတော့ တကယ့်ကို ပီတိအပြည့်အ၀နဲ့ ကြည်နှူးစရာကောင်းလှပါတယ်”။

    ××××××××××××××

    Ref : 9 Things You Probably Didn’t Know About Ramadan By Antonia Blumberg, Associate
    Religion Editor ; Huffington Post
    ဘာသာပြန် – မင်းထွဋ်ခေါင်