နိုဝင်ဘာ ၂၇ ၊ ၂၀၁၆
M-Media
ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T ) ရေးသည်။
မြန်မာနိုင်ငံတွင် တစ်ချိန်က ကျောင်းသင်ဘာသာရပ်ဖြစ်သည့် သမိုင်းဘာသာရပ်ကို “ရာဇဝင်” ဟုခေါ်ခဲ့ကြသည်။ History သမိုင်း ဟူသည့် Greek ဂရိဘာသာစကားမှ ဆင်းသက်လာသည်ကို တွေ့ရသည်။ မြန်မာလို အဓိပ္ပါယ်ဖွင့်ဆိုရလျှင်
(၁) စူးစမ်းလေ့လာခြင်း အားဖြင့်ရရှိသည့် ဗဟုသုတဟူ၍လည်းကောင်း
(၂)အတိတ်ကာလကဖြစ်ခဲ့သည့် ဖြစ်ရပ်များကို လေ့လာမှုဟူ၍လည်းကောင်း ဆိုလိုသည်ကိုလေ့လာမိသည်။
မြန်မာနိုင်ငံတွင် မြန်မာ့သမိုင်းကို အုပ်ချုပ်ရေးအာဏာကိုထိန်းချုပ်ထားနိုင်သူတို့က လူကြီးလုပ် လက်ဝါးကြီးအုပ် နာယကလုပ် တစ်သွေးတစ်သံ တစ်မိန့်ဖြင့် အမိန့်ပေးလမ်းညွှန်ကာ ကျောင်းသင်ရိုးဖတ်စာအုပ်များတွင် အတင်းအဓမ္မ
ထည့်သွင်းသင်ကြားစေသည့် အလေ့အထသည် ၁၉၆၂ခု မတ်လ ၂ ရက်နေ့တွင် ဗိုလ်ချုပ်နေဝင်း ခေါင်းဆောင်သော တော်လှန်ရေးကောင်စီ အစိုးရ လက်ထက်တွင် အသက်ဝင်ထင်ရှားလာခဲ့သည်။ ဥပမာပြရလျှင် ရောင်စုံသောင်းကျန်းသူများက ပုန်ကန်ထကြွ၍လည်းကောင်း တိုင်းရင်းသားများက ပြည်နယ်ခွဲထွက်ရန် တောင်းဆိုကြ၍ လည်းကောင်း တိုင်းပြည်ပြိုကွဲမည့်အရေးကို တပ်မတော်မှမလွှဲသာ မရှောင်သာ အာဏာသိမ်းခဲ့ရပါသည်ဆိုသော အကြောင်းပြချက်ကို မြန်မာ့သမိုင်း သင်ရိုး များတွင် ထည့်သွင်းစေကာ စာမေးပွဲများတွင် အမြဲလိုလို စစ်မေးခဲ့သောကြောင့် ကျောင်းသားကျောင်းသူများ သမိုင်းမှန် ဖြစ်ရပ်မှန်များနှင့် အလှမ်းဝေးခဲ့ရပါသည်။
မြန်မာ့ဆိုရှယ်လစ် လမ်းစဉ်ပါတီ (မဆလ) ဥက္ကဋ္ဌကြီး ဦးနေဝင်း၏ တစ်ပါတီအာဏာရှင်စနစ်ကြောင့် တရုတ်နွယ်ဖွားမုန်း၊ အိန္ဒယနွယ်ဖွားမုန်း မူဝါဒကို လက်ကိုင်ထားကာ လူမျိုးရေးခွဲခြားမူဝါဒများကြောင့် မြန်မာ့နည်း မြန်မာ့ဟန် ဆိုရှယ်လစ် လမ်းစဉ်ကြောင့်လည်းကောင်းအပေါ်ဖား အောက်ဖိ ခိုင်းတာလုပ် ခံမပြောနဲ့ ခုံပြုတ်သွားမယ် (ခ.ခ.ခ) ခသုံးလုံးစနစ်ကြောင့် တစ်ချိန်က အရှေ့တောင် အာရှတွင် စင်္ကာပူထက်သာခဲ့သော မြန်မာနိုင်ငံသည် ကမ္ဘာ့အဆင်းရဲဆုံး LDC ( Least Developed Country ) စာရင်းဝင် နိုင်ငံဖြစ်သွားခဲ့ရသည့် သမိုင်းကို ယနေ့ လူငယ်ကျောင်းသားများ သင်ယူခွင့်မရကြသေးသည်ကို လေ့လာမိသည်။
နောက်ဆွဲတွဲ ရလာဒ်အနေဖြင့် ၂၆ နှစ်ကြာအုပ်ချုပ်ခဲ့သော “မဆလ” တစ်ပါတီအာဏာရှင် စနစ်ကို ရွံ့ရှာမုန်းတီးနေသော ရဟန်းရှင်လူ ကျောင်းသား ပြည်သူလူထုကြီးသည်ရှစ်လေးလုံး (၈.၈.၈၈) ဒီမိုကရေစီ အရေးတော်ပုံကြီးကို ဆင်နွှဲခဲ့ကြသောကြောင့် သမ္မတ(၃)ဦး နှုတ်ထွက်သွားခဲ့ရသည်။ နောက်ဆုံးကန့်လန့်ကာ နောက်ကွယ်မှ ဦးနေဝင်း၏ အမိန့်ပေး လမ်းညွှန်မှုဖြင့် ဗိုလ်ချုပ်ကြီးစောမောင် ခေါင်းဆောင်သော ၁၉၈၈ခု စက်တင်ဘာလ ၁၈ရက်နေ့တွင် အာဏာလွှဲပြောင်းခဲ့ရသည့်သမိုင်းကို ၁၉၈၈ခု နောက်ပိုင်းလူငယ်များသည် မျက်ခြေပြတ်ခဲ့ရသည်။ ထို့အပြင် နိုင်ငံခြားမီဒီယာတစ်ခုနှင့် ဗိုလ်ချုပ်ကြီးစောမောင်၏ အင်တာဗျူးတွေ့ဆုံပွဲတွင် “ကျနော် မြန်မာပြည်ကိုကယ်တင်ခဲ့ပါတယ် ( I saved Burma ) ဟုပြောခဲ့သော စကားသည် မည်၍မည်မျှ မှန်ကန်ကြောင်းကို ပြည်တွင်းပြည်ပ နိုင်ငံရေးသုတေသီများ၊သမိုင်းသုတေသီများ၊ ဝေဖန်ဆန်းစစ်ခဲ့ပြီးဖြစ်သည်။
ထို့ကြောင့်လည်း မြန်မာနိုင်ငံ၏ မြန်မာ့သမိုင်းကိုတို့ကို လေ့လာကြည့်လျှင် သမိုင်းပညာရှင်တို့၏ ပကတိတွေ့ရှိချက် အမှန်တရားများအတိုင်း ဖော်ထုတ်ရေးသားခြင်းများ မလုပ်ကြဘဲ အုပ်ချုပ်ရေးပိုင်းမှ အာဏာ ရှိသူတို့၏ ထိန်းချုပ်မှုပုံစံ အမျိုးမျိုးအောက်တွင် ကြိုးဆွဲရာ ကခဲ့ကြ ရ မီးစဉ်ကြည့်ကခဲ့ရသည့် ပုံစံတို့ဖြင့် မြန်မာ့သမိုင်းကို ရေးသားခဲ့ကြောင်း ကမ္ဘာကျော် သမိုင်းပညာရှင် ပါမောက္ခ ဒေါက်တာ အက်ဒွက်ဂျွန်ဆင်ဟုဒ်က ဝေဖန်ထောက်ပြခဲ့ဖူးသည်ကို တင်ပြလိုပါသည်။ “နဖူးတွေ့ ဒူးတွေ့ ရင်ဆိုင်ခဲ့ဖူးသူများ၊ နစ်နာခဲ့ဖူးသူများ” အတွက်မြန်မာ့သမိုင်းပါ အချို့အချက်အလက်များသည် “ဟာဒရ ရွှင်ဆေး” ပြက်လုံးတစ်ခု သဖွယ် ဖြစ်နေလိမ့်မည်ဟု မိမိယုံကြည်ကြောင်း သမိုင်းပါရဂူကြီးက သုံးသပ်ထားပါသည်။
သမိုင်းနှင့်ပတ်သက်၍ စာရေးသူ သတိထားမိသော အချက်တစ်ချက်ကို တင်ပြလိုပါသည်။ ယင်းမှာ မြန်မာနိုင်ငံတွင် တစ်ချိန်က နေတစ်ဆူ လတစ်ပါး ကျော်ကြားခဲ့သော မြန်မာ့သမိုင်းကို အရှိအတိုင်းဒဲ့ဒိုးဝေဖန် ပြောဆိုတတ်သူ သမိုင်းပါရဂူ ဆရာကြီးဒေါက်တာ သန်းထွန်းကို စာရေး ဆရာကြီး မောင်သာရက “ဆရာကြီးခင်ဗျား သမိုင်းကိုဘာကြောင့် သင်ယူလေ့လာရပါသလဲ” ဟုမေးမြန်းရာ ဒေါက်တာသန်းထွန်းက လိုတိုရှင်း “ မ ‘အ’ အောင်လို့သင်ရတာပါ” ဟု ဖြေကြားခဲ့သည်ကို မှတ်သားဖူးပါသည်။
ယနေ့ပညာရေးစနစ်အရ တက္ကသိုလ်ဝင်တန်းတွင် သိပ္ပံတွဲများ၊ ဝိပ္ပံတွဲများကို အဓိက လေ့လာသူများလာသောကြောင့် ဝိဇ္ဇာတွဲတွင် ပါသော သမိုင်းဘာသာရပ်ကို မသင်ကြားသူများပြား လာသည်။ ထို့ကြောင့် တက္ကသိုလ်ပညာရေးတွင် လူစိတ်ဝင်စားမှု့ အနည်းဆုံး ဘာသာရပ်သည်“သမိုင်း” ဖြစ်လာသည်။ လူငယ်အမြောက်အမြားသမိုင်းနှင့် မျက်ခြေပျက်လာသည်။ သမိုင်းဗဟုသုတ နည်းပါးလာကြသည်။ သီပေါမင်း ပါတော်မူခဲ့သည့်အကြောင်း၊ ဗိုလ်ချုပ်အောင်ဆန်းမွေးနေ့၊ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ လုပ်ကြံခံရသည့် ရက်စွဲ၊အမျိုးသားနေ့ စသည်တို့ကို မသိသူ လူငယ်ကျောင်းသားများ ဒုနဲ့ဒေး ဖြစ်လာသည်။
“သမိုင်းကို မသိရလေအောင် တမင်တကာများ သွယ်ဝိုက်လုပ်ဆောင် ဖန်တီးသေလား လို့တောင်သံသယ ဝင်မိတယ်” ဟုသမိုင်းသုတေသီတစ်ဦးက DVB အသံလွှင့်ဌာနတစ်ခုတွင် ပြောဆိုခဲ့ကြောင်း စာရေးသူနားထောင်ဖူးပါသည်။
“သမိုင်းကို အာဏာရသူ၊ စစ်ပွဲအောင်နိုင်သူ တွေက ရေးကြသည်”ဟု ၁၇ ရာစုပြင်သစ် ပြည်၏ စစ်ခေါင်းဆောင် နပိုလီယံက ပြောကြားခဲ့ဖူးသည့် အယူအဆကို အာဏာရှင်များ ခါးတွင်းတွေ့နှစ်သက်ကာ အကောင်အထည်ဖော်လေ့ရှိကြသည်။
“သမိုင်းတု၊သမိုင်းလိမ်၊ သမိုင်းမှား၊ဝါဒဖြန့်သမိုင်း”များကို လေ့လာကြီးပြင်းခဲ့ရသူများသည် “လူ- အ” များနှင့်တူပေသည်။
ထို့ကြောင့်လည်း အောက်တိုဘာလ ၂၉ ရက်၊ ၂၀၁၆ခုက ရန်ကုန်မြို့ အမျိုးသားစာကြည့် တိုက်မှာ ပြုလုပ်ခဲ့တဲ့ သမိုင်း ပညာရှင်တွေနဲ့တွေ့ဆုံပွဲမှာ သာသနာရေးနှင့်ယဉ်ကျေးမှု ဝန်ကြီးဌာန ဝန်ကြီး သူရဦးအောင်ကိုကိုက သမိုင်းမှတ်တမ်းတွေ ရေးသားပြုစုဖို့ လိုအပ်ကြောင်း အောက်ပါ အတိုင်းပြောဆိုခဲ့ပါသည်။ “ အရင် စစ်အစိုးရလက်ထက်က ပြုစုခဲ့တဲ့ မှတ်တမ်းတွေဟာ ပြီးပြည့် စုံတဲ့ သမိုင်းမှတ်တမ်းတွေ မဟုတ်ပဲ ဘုန်းတော်ဘွဲ့ မှတ်တမ်းတွေသာဖြစ်ကြောင်းနဲ့ တိုင်းရင်းသား ပြည်သူတွေရဲ့လိုလားချက် ဖြစ်တဲ့ ဒီမိုကရေစီနှင့်ဖယ်ဒရယ်ပြည်ထောင်စု တည်ဆောက်ရေး အတွက် မှန်ကန်တဲ့ သမိုင်းမှတ်တမ်းကို ရေးသားဖို့လိုတယ်လို့ပြောပါတယ်။ မှန်ကန်တဲ့ သမိုင်း ကြောင်းကို ရေးသားပြုစုတာဟာ လက်စားချေလိုမှု အာဃာတနဲ့လုပ်တာ မဟုတ်ဘူးလို့ပြောလို ပါတယ်။ အတိတ်က ရေးထားတဲ့သမိုင်းတွေက နိုင်ငံတော်ကို တည်ဆောက်ခဲ့တဲ့ တည်ဆောက် ပြုပြင်တဲ့ ခေတ်စကားနဲ့ပြောရရင် ဘုန်းတော်ဘွဲ့မှတ်တမ်းများသာ ဖြစ်တယ်လို့ ကျွန်တော်ကတော့ ယူဆပါတယ်။ ရာဇဝင်လည်းမကျပါဘူး။ သမိုင်းလည်းမဟုတ်ပါဘူး။ အဲ့ဒီမှာ တိုင်းရင်းသား
ပြည်သူတွေရဲ့ ခံစားချက်များ၊ လိုလားချက်များ၊ နောက် လူမှု့စီးပွားရေးနှင့် သမိုင်းမှတ်တမ်း မှတ်ရာများ မပါရှိပါဘူး။ အထူးသဖြင့် တိုင်းရင်းသားပြည်သူတွေ လွတ်လပ်ရေးရပြီးချိန်ကစ ပြီးတော့ တောက်လျှောက်တောင်းဆိုခဲ့တဲ့ ဒီမိုကရေစီအရေး စစ်မှန်တဲ့ ဖက်ဒရယ်ပြည်ထောင်စု တည်ဆောက်ရေး အကြောင်းအရာများလည်း မပါရှိခဲ့ပါဘူး။ ပြည့်စုံ မှန်ကန်တဲ့ မြန်မာသမိုင်းပြုစု ရေးသား ထုတ်ဝေရေးအတွက် သမ္မတ ဦးထင်ကျော် အစိုးရ လက်ထက်မှာ မြန်မာသမိုင်း အဖွဲ့ကို ပြင်ဆင်ဖွဲ့စည်းခဲ့ပါတယ်။
မြန်မာသမိုင်းကို ရေးသားပြုစုတဲ့အခါ သမိုင်းပညာရှင်တွေက ဖြစ်ရပ်မှန် အတိုင်း ရဲရဲဝံ့ဝံ့ ဖော်ထုတ်ရေးသားဖို့လိုပြီး အဲ့ဒီလိုရေးသားမှုကြောင့် ဖြစ်ပေါ်လာတဲ့ နောက်ဆက် တွဲ အကျိုးသက်ရောက်မှု့တွေကို တာဝန်ယူနိုင်တယ်။ ဒါ့အပြင် လွတ်လပ်ရေးကြိုးပမ်းမှု့သမိုင်းကို ရေးသားတဲ့အခါမှာ စတုတ္ထမြန်မာနိုင်ငံတော်ကို ထူထောင်ခဲ့တဲ့ ဗိုလ်ချုပ်အောင်ဆန်းရဲ့ မှေးမှိန်နေ တဲ့ အခန်းကဏ္ဍကို မှန်ကန်စွာ ဖော်ထုတ်ဖို့လိုတယ်။ ၁၉၆၂ ခုနှစ်က နိုင်ငံတော်အာဏာကို တပ်မတော်က သိမ်းယူခဲ့တာဟာ တိုင်းပြည်ချောက်ထဲကျဖို့လက်တစ်လုံး အလိုကြောင့်လို့ ရေးသားဖော်ပြခဲ့တာရှိကြောင်း။ တကယ်ပဲတိုင်းပြည်ချောက်ထဲကျမယ့် အခြေအနေတွေရှိခဲ့ သလားဆိုတာကို အမှန်အတိုင်း ဖော်ထုတ်ရေးသားဖို့လိုကြောင်း။ အလားတူ ၁၉၉၀ ရွေးကောက်ပွဲမှာ NLD ပါတီကအနိုင်ရခဲ့ပေမယ့် တပ်မတော်က နိုင်ငံတော်လိုအပ်ချက်ကြောင့်ဆိုပြီး အာဏာသိမ်းခဲ့ကြောင်းနှင့်နှစ်ပေါင်း ၂၀ ကျော် စစ်အစိုးရက အုပ်ချုပ်ခဲ့တဲ့အတွက် ကမ္ဘာ့အဆင်းရဲဆုံး နိုင်ငံစာရင်းထဲ ဝင်ခဲ့သလို မြန်မာနိုင်ငံသား ၄သန်းကျော်ဟာလည်း နိုင်ငံတကာထွက်ပြီး ဆင်းရဲ ဒုက္ခမျိုးစုံ ခံစားနေရတဲ့ အခြေအနေမှန်တွေကို အမှန်အတိုင်း ရေးသားဖို့လိုတယ်။ အဲဒီဖြစ်မှန် ရပ်တွေကို ရဲရဲဝံ့ဝံ့ ရေးဖို့တိုက်တွန်းရတာဟာ နောက်ထပ်အာဏာရှင်တွေ ပြန်ပေါ်မလာဖို့အတွက် သမိုင်းမှတ်တမ်းပြုစုဖို့ လိုအပ်တာကြောင့်ဖြစ်ပြီး ထက်မြတ်တဲ့ သမိုင်းပညာရှင်တွေ ပေါ်ထွက် လာဖို့အတွက် ရည်ရွယ်တယ်။ အဲ့ဒီမြန်မာသမိုင်းပြုစုရေးရာမှာ ကျောက်ခေတ်၊ ကြေးခေတ်၊ သံခေတ်၊ သမိုင်းမတင်မှီခေတ်၊ ပဒေသရာဇ်ခေတ်၊ လွတ်လပ်ရေးကြိုးပမ်းမှုခေတ်၊ လွတ်လပ်ရေး ရပြီးနောက်ပိုင်း၊ယနေ့ခေတ်ဆိုပြီး သက်ဆိုင်ရာခေတ်အလိုက် ကျွမ်းကျင်တဲ့သမိုင်းပညာရှင်တွေက ဦးစီးရေးသားကြမှာဖြစ်ပါတယ်”ဟု ပြည်ထောင်စုဝန်ကြီးက ပြောကြားခဲ့ပါတယ်။
သမိုင်းကော်မရှင် ဥက္ကဋ္ဌတစ်ဦးအနေဖြင့် တာဝန်ယူလုပ်ဆောင်ရမည့် ဝန်ကြီးမင်းသည် မြန်မာ့သမိုင်း ဖြစ်ရပ်မှန်များကို မော်ကွန်း တင်စေလိုဟန်ရှိသည်။ မှတ်ကျောက်တင်ခံစေလိုဟန် ရှိသည်ကို ပြည်သူလူထုကြီးက သတိပြုမိပါသည်။ သမိုင်းမှတ်တမ်းများကို
ပြုစုရေးသားတင်ပြကြ မည့်၊တည်းဖြတ်ကြမည့် ပညာရှင်များသည် ပုဂ္ဂိုလ်စွဲ၊ အတ္တစွဲ၊ဆရာစွဲ၊ လူမျိုးရေး၊ဘာသာရေး၊ ကျဉ်းမြောင်းသည့် ဝါဒစွဲများများကို အတတ်နိုင်ဆုံး ကင်းရှင်းဖို့လိုအပ်ပါလိမ့်မည်။
ထို့ကြောင့်လည်း သမိုင်းကော်မရှင် ဥက္ကဋ္ဌ တာဝန်ယူထားသည့် ဝန်ကြီးမင်းသည် မြန်မာ သမိုင်း ရာဇဝင်တွင်မည့် ကြီးလေးသော တာဝန်ရပ်ကြီးတစ်ရပ်ကိုယူထားရသည်ဟု ပြည်သူလူထု ကြီးက နားလည်ထားပါသည်။ ဝန်ကြီးမင်း၏စေတနာမှန်မည်။ လုပ်ရပ်မှန်မည်ဆိုလျှင် Hero ဟီးရိုး ဖြစ်မည်။ သို့မဟုတ်ပါက zero ဇီးရိုးဖြစ်သွားပေလိမ့်မည်။ သမိုင်းသေသွား ပေလိမ့်မည်။ သို့ဖြစ်ရာ ဝန်ကြီးမင်းသည် တာဝန်ယူမှု့၊ တာဝန်သိမှု့၊ တာဝန်ခံမှု အပြည့်အဝ ရှိရပေလိမ့်မည်။
စစ်အာဏာရှင်စနစ်အောက် နှစ်၅၀ကျော် နေခဲ့ရသည့် မြန်မာပြည်သူလူထုကြီးသည် ယခုလို NLD ဦးဆောင်သည့် အရပ်သားအစိုးရလက်ထက်တွင် မိမိတို့ရဲ့ ရင်တွင်းဖြစ် ခံစားချက် သမိုင်းအဖြစ်အပျက် မှတ်တမ်းများကို ဝန်ကြီးမင်း၏ မြန်မာ့သမိုင်း စာမျက်နှာတွင် ထည့်သွင်းဖော် ပြစေလိုပါသည်။ ယင်းတို့မှာ
၁။ ၁၉၆၂ မတ်လ ၂ရက်နေ့တွင် ဗိုလ်ချုပ်ကြီးနေဝင်း ဦးဆောင်သော စစ်အစိုးရသည် ပါလီမန် ဒီမိုကရေစီ စနစ်ကို ဖျက်သိမ်းခဲ့သည်။ ပြည်သူလူထုရွေးကောက် တင်မြှောက်ထားသော အစိုးရ တစ်ရပ်ကို လက်နက်အားကိုး အာဏာသိမ်းခဲ့ရသည့်ဖြစ်ရပ်များ။
၂။ ၁၉၆၂ ခု ဇူလိုင်လ (၇) ရက်နေ့တွင် မြန်မာ့လွတ်လပ်ရေးအတွက် သန္ဓေတည်ခဲ့သော သမိုင်းဝင် ကျောင်းသားသမဂ္ဂ အဆောက်အဦးကြီးကို ဒိုင်းနမိုက်ဖြင့် ဖောက်ခွဲဖျက်ဆီးခဲ့ပြီး အပ်တိုတစ်ချောင်းမျှ မရှိသော ဆန္ဒပြတက္ကသိုလ်ကျောင်းသား၊ ကျောင်းသူများကို ရက်ရက်စက် စက်သေနတ်ဖြင့် ပစ်ခတ်ဖြိုခွင်း အကြမ်းဖက် သတ်ဖြတ်ဖမ်းဆီးထောင်ချခဲ့သည့်ဖြစ်ရပ်များ။
ဆက်လက်ဖော်ပြပါမည်။
