ဇန်နဝါရီ ၁၁၊ ၂၀၁၅
-ရေးသားပြုစုသူ- ပါမောက္ခ ဒေါက်တာအောင်ဇော်
ဆရာကြီးကို ပါတော်မူပြီးစကာလတွင် ဖွားမြင်သည်။ ဆရာကြီးသည် ကာလကတ္တား တက္ကသိုလ်မှ ဘီအေဘွဲ့ကို ဂုဏ်ထူးနှင့် အောင်မြင်သည်။ ဦးစွာ အဲမ်၊ အဲမ် ရန်ဒေးရီယား အထက်တန်းကျောင်းတွင် ဆရာအဖြစ် ၀င်ရောက်လုပ်ကိုင်သည်။ ၁၉၁၃ ခုနှစ်တွင် ရန်ကုန်တက္ကသိုလ်၌ စတင် အမှုထမ်းသည်။
ဆရာကြီးသည် အရဗီ၊ ဖာရစီ၊ အူရဒူနှင့် အင်္ဂလိပ်စာတို့ ကျွမ်းသည်။ မြန်မာနှင့် ပါဠိဘာသာ တွင် အလွန်ထူးချွန်သည်။ ဆရာကြီးသည် ၁၉၂၀ တွင် ပါမောက္ခဆရာကြီး ဦးဖေမောင်တင် နိုင်ငံရပ်ခြားသို့ ပညာသင်သွား သောအခါ ပါဠိဌာနမှူးဖြစ်လာသည်။
ဆရာကြီးသည် ၁၉၁၇ ခုတွင် ရန်ကုန်ကောလိပ်မွတ်စလင်မ် အသင်းကို စတင်တည်ထောင်သည်။ အသင်း၏ ပထမဆုံး ဥက္ကဋ္ဌအဖြစ် ဆောင်ရွက်သည်။ နောင်နှစ်ပေါင်းများစွာတိုင်လည်း ဥက္ကဋ္ဌအဖြစ် ဆက်ခါဆက်ခါ တာဝန်ယူရသည်။ နောက်ပိုင်းတွင်လည်း အသင်းနာယက ကြီးအဖြစ် ထာဝစဉ် ကူညီပံ့ပိုးသည်။
၁၉၃၀ ပြည့်နှစ်တွင် တက္ကသိုလ်သုံး ဝေါဟာရများကို မြန်မာ ဘာသာပြန်ဆိုသည်။ ဆရာကြီးသခင်ဘသောင်းက အတွင်းရေးမှူးအဖြစ် ဆောင်ရွက်သည်။ ဆွေးနွေးတိုင်ပင် ပြန်ဆိုသူများတွင် ထိုစဉ်က ပါဠိ ကထိကဖြစ်သော ဆရာကြီးလည်း ပါဝင်သည်။ မြန်မာနိုင်ငံ ပါဠိ ပထမပြန် စာမေးပွဲကိစ္စများကို စီစဉ်ဆောင်ရွက်ရန် အစိုးရက ပါဠိပညာရေးအဖွဲ့ ဖွဲ့ရာတွင်လည်း ဆရာကြီးပါဝင်သည်။
၁၉၃၇ ခုနှစ်တွင် ပါမောက္ခကြီး ဦးဖေမောင်တင်သည် ကျောင်းအုပ်ကြီး ရာထူးတိုးသွား သောအခါ အရှေ့တိုင်းဘာသာ စာပေ လေ့လာရာဌာနသည် မြန်မာစာဌာနနှင့် ပါဠိဘာသာဌာန ၂-ဌာန ဖြစ်လာသည်။ ပါမောက္ခဆရာကာစင်သည် ၁၉၄၁ ခုနှစ်အထိ ပါဠိဌာနမှူး တာဝန်ထမ်း ဆောင်ရသည်။
ဆရာကြီးသည် သူဌေးကြီး ဦးဘအိုဒါနပြုသည့် ကုရ်အာန် ကျမ်းတော်မြတ် မြန်မာဘာသာပြန်လုပ်ငန်းတွင် တည်းဖြတ်ကူညီခဲ့သည်။ အထူးသဖြင့် ၁၉၄၁ ခုတွင် ကုရ်အာန်ကျမ်းတော်ကြီး အရဗီ အင်္ဂလိပ် မြန်မာအဘိဓာန်ကို ကြီးကြပ်စစ်ဆေးပေးခဲ့သည်။ ယင်းအဘိဓာန်သည် မြန်မာနိုင်ငံ အစ္စလာမ်စာပေသမိုင်းတွင် အရဗီစကားနှင့် စပ်လျဉ်းသည့် ပထမဆုံး အဘိဓာန်ကြီးဖြစ်သည်။ အလားတူပင် သာသနာ့စာပေ ထုတ်ဝေရေး လုပ်ငန်းအ၀၀တွင် တတ်စွမ်းသမျှ ကူညီဆောင်ရွက်ပေးသည်။
ဆရာကြီးသည် ၁၉၄၈ ခုနှစ် တက္ကသိုလ်မှ အငြိမ်းစားယူပြီးနောက် မူလ ရန်ဒေရီးယား အထက်တန်းကျောင်းတွင် ကျောင်းအုပ်ကြီး အဖြစ် ပြန်လည်ဆောင်ရွက်သည်။ ဒုတိယကမ္ဘာစစ်ကြီးဒဏ်ကို မရှုမလှခံရသော ထိုကျောင်းကြီးသည် ဆရာကြီး၏ဇွဲ လုံ့လကြောင့် ကျော်ကြားသော ကျောင်းကြီး အဖြစ် ရောက်ခဲ့သည်။
၁၉၄၈ခု မေလ ၁ရက်နေ့တွင် မြန်မာနိုင်ငံအစ္စလာမ် သာသနာ ရေးအဖွဲ့ ဖွဲ့စည်းတည်ထောင်ကြသည်။ အဖွဲ့ဥက္ကဋ္ဌအဖြစ် မစ္စတာအဟ်မဒ် အစ်ဗရာဟင်ကိုလည်းကောင်း၊ ဒုတိယ ဥက္ကဋ္ဌအဖြစ် ပါမောက္ခဆရာကြီး အဟ်မဒ်ကာစင်အား လည်းကောင်း ရွေးချယ်တင်မြှောက်ကြသည်။
အဖွဲ့၏ဦးစွာ စတင်ဆောင်ရွက်ခဲ့သည့် လုပ်ငန်းမှာ ကုရ်အာန်ကျမ်း မြတ်ကို မြန်မာဘာသာဖြင့် ပြန်ဆိုရေးသားခြင်းဖြစ်သည်။ ၁၉၅၀-ခု နိုဝင်ဘာလတွင် ဘာသာပြန်လုပ်ငန်းကိုအစပြုသည်။ ကျမ်းမြတ်ကို မြန်မာ ဘာသာဖြင့် စတင်ပြန်ဆို မရေးသားမီ အစ္စလာမ်သာသနာရေးဆိုင်ရာ Technical Terms ပညာရပ်ဆိုင်ရာ ပုဒ်များအတွက် အသုံးအနှုန်း များကို ရှာဖွေစုဆောင်းရသည်။ ဆရာကြီး အဟ်မဒ်ကာစင်သည် ဘာသာပြန် ဌာနကြီးကို ကြီးကြပ် အုပ်ချုပ်၍ ဘာသာပြန် စာမူကြမ်းများကို တည်းဖြတ်ခဲ့သည်။
တာဝန်ခံဘာသာပြန်မှူးဆရာဃာဇီ မုဟမ္မဒ်ဟာရှင်မ်နှင့် တွဲဘက် ဘာသာပြန်မှူး ဆရာမက္ကဆူဒ် အဟ်မဒ်တို့၏ ဘာသာပြန်ဆိုပြီး စာမူကြမ်းများကို ဆရာကြီး အဟ်မဒ်ကာစင် သဘာပတိပြုလုပ်သောအဖွဲ့က စိစစ် ဝေဖန်တည်းဖြတ်ပြီးမှ စက်တင်ပုံနှိပ်သည်။ ဆရာကြီးသည် ဘာသာပြန်ဆိုမှု နှင့်ပတ်သက်၍ အကြံဥာဏ်အများဆုံး ပေးနိုင်ခဲ့သည်။ အလားတူပင် ပုဂ္ဂလိကထုတ် သာသနာ့စာပေများလည်း သုတ်သင် တည်းဖြတ်ပေးခဲ့သည်။
ဘာသာပြန်ကော်မတီ၏ သဘာပတိပါမောက္ခဆရာကြီး အဟ်မဒ် ကာစင်သည် ၁၉၅၄-ခု နိုဝင်ဘာလ ၂၂ ရက်နေ့တွင် နှလုံးရောဂါဖြင့် အလ္လာဟ်အရှင်မြတ် အမိန့်တော်ခံယူသည်။ ထိုစဉ် မြန်မာနိုင်ငံအစ္စလာမ် သာသနာရေးအဖွဲ့နှင့် မွတ်စလင်မ် ဗဟိုရန်ပုံငွေအဖွဲ့ဥက္ကဋ္ဌ၊ သတ္တုတွင်း ဌာန၀န်ကြီး ဦးရာရှစ်က-
“ဆရာကြီး ကွယ်လွန် အနိစ္စရောက်သွားသဖြင့် များစွာပင် နှမြောတသ ယူကျုံးမရ ဖြစ်ကြသည်။ ကုရ်အာန်ကျမ်းမြတ် ဘာသာပြန်ဆိုရေးတွင် ကြီးစွာသော ဆုံးရှုံးမှုတစ်ခုဖြစ်ပါသည်”
ဟု တမ်းတမ်းတတ ဖော်ကျူးပါသည်။
မြန်မာနိုင်ငံ အစ္စလာမ်သာသနာရေးအဖွဲ့က ကမကထပြုသော ကုရ်အာန်ကျမ်းမြတ်၏ မြန်မာအဋ္ဌကထာတွင် –
၁။ အ၀ယ၀တ္တနှင့် ပိဏ္ဍတ္တအဓိပ္ပာယ်နှစ်သွယ်
၂။ အဋ္ဌကထာပိုင်းရှစ်ပိုင်း
၃။ မာတိကာ ခြောက်မျိုး
တို့ဖြင့် တန်ဆာဆင်ယင်ကာ စီရင်ရေးသားထားပါသည်။ ထို့ကြောင့် အဆိုပါ အဋ္ဌကထာကို ကုရ်အာန်ကျမ်းမြတ်၏ အလင်းပြကျမ်းဟူ၍ အမည် နာမပြုသည်။ စာရှုသူများအတွက် စာမြည်းအဖြစ် ဗိစ်မိလဒာဟ် အဓိပ္ပာယ် ပြန်ဆိုပုံမှ ကောက်နုတ်တင်ပြပါသည်။
အ၀ယ၀တ္တအဓိပ္ပာယ်
– အလ္လာဟ်အသျှင်မြတ်၏ နာမတော်ဖြင့် (အစပြုပါ၏)
– အနန္တကရုဏာရှင်ဖြစ်တော်မူသော
– (မဟာနုဒယော မဟာနုကမ္ဘကော) မပြတ်မစဲ ကရုဏာတော်မူသော
ပိဏ္ဍတ္တအဓိပ္ပာယ်
မပြတ်မစဲ သနားကြင်နာ ညှာတာတော်မူသော အနန္တ ကရုဏာတော် အရှင်ဖြစ်တော်မူထသော (မဟာနုဒယော မဟာနုကမ္မကော) အလ္လာဟ်အသျှင်မြတ်၏ နာမတော်ဖြင့် အစပြု၏။
ဗစ်မိလဒာဟ် ကုရ်အာန်ကျမ်းမြတ်တွင် ကိုးကွယ်ရာဟူသော သဘောတရားနှင့် စပ်လျဉ်း၍ “အလဒာဟ်”ဟူသောပုဒ်နှင့် “အလ္လာဟ်” ဟူသော ပုဒ်ကို မြောက်မြားစွာသော နေရာတို့၌ သုံးထားသည်။ ကွဲပြားချက်မှာကား ဤသို့တည်း။ “အလ္လာဟ်”ဟူသော ပုဒ်သည် လူမျိုးအသီးသီးတို့ မိမိတို့ အယူဝါဒအလျောက် ယုံကြည်ကိုးစားသော ကိုးကွယ်ရာများအတွက် အသုံးပြုနိုင်သာပုဒ်ဖြစ်သည်။ “အလ္လာဟ်”ဟူသော ပုဒ်များကား ဧကန်ဆတ်ဆတ် မုချတ္တကိုးကွယ်ခြင်းကို ခံထိုက်တော်မူသော
(ဧကေ၀) တစ်ဆူတည်းသော
(အသာဓာရဏေ) ဆက်ဆံသူကင်းသော
(နိမမာတာ) အရာခပ်သိမ်းတို့ကို ဖန်ဆင်းတော်မူထသော
(အနာဒိကော) အစမရှိသော
(အနန္တိကော) အဆုံးမရှိသော
(အနတိယော) ပေါင်းဖော်ပေါင်းဖက်ကင်းသော
(အသမော) အတုမရှိသော
(အပ္ပဋိပုဂ္ဂလော) ပြိုင်ဘက်မရှိသော
(အပ္ပမေယျော) မနှိုင်းယှဉ်အပ်သော
(အတုလော) တူသူမရှိသော
(အစိန္တေယျော) မကြံစည်ကောင်းသော
(သဗ္ဗညူ၊ သဗ္ဗ၀ိဒူ) ခပ်သိမ်းကုန်သော အရာတို့ကို မိမိ တန်ခိုး အာနုဘော်ဖြင့် အလိုအလျောက် သိတော်မူထသော
(နိစ္စထာဝရ) အမြဲတည်လျက်ရှိသော ကိုးကွယ်ရာအရှင်မြတ် အဖို့သာ သီးသန့်၍ သုံးရသော ဧက၀ိဓနာမ်ပုဒ်ဖြစ်သည်။
အလ္လာဟ်အရှင်မြတ်၏ နာမံတော် ၉၉ ပါးကို ဤကဏ္ဍ၏ နောက်ဆက်တွဲတွင် အရဗီ၊ အင်္ဂလိပ်၊ မြန်မာ သုံးဘာသာဖြင့် ရေးသားဖော်ပြ ထားသည်။
“အလ္လာဟ်”ဟူသောပုဒ်သည် ဂုဏ်နာမ်မဟုတ်၊ ဧက၀ိဓနာမ် ဖြစ်သည့် အတွက် ယင်းပုဒ်၏အနက်အဓိပ္ပာယ်ကို တိကျ ပြည့်စုံစွာ ပေးနိုင်သောပုဒ်ဟူ၍ မည်သည့်ဘာသာ မျှမရှိပေ။ သို့အတွက်ကြောင့် ဤကျမ်းတွင် ယင်းပုဒ်ကို မူရင်းအတိုင်းပင် ထားရပေသတည်း။
ဟု ဖော်ပြပါရှိသည်။ အရေးအသား သိသာနိုင်ရုံမျှ ကောက်နုတ်တင်ပြခြင်း ဖြစ်ပါသည်။ ဆရာကြီး(အဟ်မဒ်ကာစင်)တို့ အထူးဝါယမစိုက်ထုတ် ပြုစုခဲ့ သော ဘာသာပြန်အရေးအသားကား ဂုဏ်ယူဖွယ်ဖြစ်ပါသတည်း။။
————————————-
**မှတ်ချက်- ပါမောက္ခ ဒေါက်တာအောင်ဇော် ရေးသားပြုစုသော တိုင်းရင်းမွတ်စလင် စာပြုစာဆို ပုဂ္ဂိုလ်ကျော်များ (၂) မှ ကူးယူဖော်ပြပါသည်။
