News @ M-Media

Author: M-Media

  • “မျက်ရည်နဲ့ရေးတဲ့ကဗျာ”

    “မျက်ရည်နဲ့ရေးတဲ့ကဗျာ”

    စည်းကမ်းပြည့် ဒီမိုကရေစီတဲ့၊ မိုးလုံးပြည့် အလိမ်အညာကိုယ်စီနဲ့
    ထောင်ခြောက်ဆင် လမ်းခင်းထားတဲ့၊ အစိုးရနဲ့ ခင်ဗျားတို့ပါတီတွေ
    အသက်တွေကိုမြက်တွေလို တန်ဖိုးမထား၊ ပါးပါးလှီးမျိုးဖြုတ်
    ကမ်းကုတ်အောင်ယုတ်ပတ်တဲ့၊ အမျိုးသားရေးဆိုတဲ့လက်နက်ကြောင့်
    အကြောက်တရားအောက်၊ ငါးပါးမှောက်နေရတဲ့ ကျုပ်တို့မွတ်ဆလင်မ်တွေက
    ခင်ဗျားတို့လမ်းစဉ်တွေကို မယုံတော့ဘူး

    ယုံမှတ်လို့ပုံအပ်လိုက်တဲ့၊ ဆန္ဒမဲတွေက
    ကြက်ငှက်လို၊ အသက်ခံနေရတဲ့ကျုပ်တို့သွေးသားတွေရဲ့အဖြစ်ကို
    ဆိတ်ဆိတ်နေထောက်ခံပုံလမ်းစဉ်မျိုးနဲ့၊ ခင်ဗျားတို့အချိုးကိုကြိုသိခဲ့ရင်
    နောက်တစ်ကြိမ်လာမယ့်၊ ရွေးကောက်ပွဲတွေအတွက်
    ကျုပ်တို့ရဲ့ဦးဏှောက်တွေ မနုံတော့ဘူး

    တစ်မြေထဲနေ၊တစ်ရေထဲသောက်ခဲ့သလို
    ကျုပ်တို့လဲအသက်ပေးချစ်တဲ့မြေမှာ၊ ခင်ဗျားတို့လိုပဲမွေးဖွါးခံရတာတောင်
    နိုင်ငံသားဖြစ်ခွင့်မရရှာတဲ့၊ နင်းပြားဘ၀တွေကိုမှ
    မြေနှိမ့်ရာ၊လှံပစ်စမ်းချင်တဲ့
    လက်သရမ်းကွန်းမန့်ပေးယုံကလွဲလို့၊ လူသားအသိပျောက်ရှ
    ထမိန်ချုံကြားထဲကလက်သီးပြကြတဲ့၊ လူ့ငနွားအစွန်းရောက်သမားတွေသိဖို့က
    ဒီမှာဗျ၊ ကျုပ်တို့က
    ခင်ဗျားတို့ရဲ့ သရဲဘောသတ္တိကိုလဲ မဖြုံတော့ဘူး

    သမိုင်းဝင်ဘာသာရေး အဖွဲ့အစည်းများပေမို့၊ ငါတို့ကိုကိုယ်စားပြုလိုငြား
    ရာစုနှစ်တစ်ဝက်ကျော်ကြာ၊ မျှော်ခဲ့တာအသက်ထွက်လုမတတ်ပေါ့
    ဒါပေမယ့်ဗျာ
    ဖါးအော်မှလျှပ်စီးလျှပ်ပြဖေါ်ရတဲ့၊ ခါတော်မှီစစ်ဆင်ရေးမျိုးကို
    မရိုးအောင်တင်ဆက်ပြနေတတ်တ၊ဲ့ ခါဗျားတို့ဇတ်ထုပ်ဟောင်းကိုကြည့်ဖို့
    ကျုပ်တို့ရဲ့ရင်ဘတ်တွေ မခုန်တော့ဘူး

    ဗရမ်းဗတာ သွေးကွဲမှုတွေကြား
    အိုးမည်းကိုကိုယ်တိုင်သုတ်လို့၊ အိမ်ကြက်ခြင်းပြန်ခွပ်မဟဲ့လို့
    ကြွေးကျော်တတ်ရုံကလွဲပြီး၊ အနာဂတ်အတွက်ပြင်ဆင်မထားတဲ့
    ခေါင်းဆောင်ဆိုတဲ့၊ ခင်ဗျားတို့လက်ထဲမှာ
    မွတ်ဆလင်မ်တွေရဲ့၊ အနာဂတ်ကိုထားဖို့အတွက်က
    ကျုပ်တို့ရဲ့နောက်ကျောတွေ မလုံတော့ဘူး

    ပွင့်လင်းတဲ့မီဒီယာတဲ့ ဟားဟား
    အသင့်ခင်းထားတဲ့ စစ်တလင်းတွေကြား
    သတင်းမှားတွေနဲ့၊ တို့တွေကိုသတ်ကွင်းပို့
    ဒင်းတို့ကလက်တို့လို့ အချက်ပြမှတော့
    မင်းတို့လားကျင့်ဝတ် စောင့်ထိန်းတဲ့စတုထ္တမဏ္ဍိုင်ဆိုတာ
    ဒီလောက်တောင်ယိမ်းယိုင် ဖောက်ပြားနေကြတော့
    ကျုပ်တို့ကအမှန်ကိုတွေ့ရှိသွားပြီမို့
    ခင်ဗျားတို့လမ်းကိုလဲ မကြုံတော့ဘူး

    နောက်ဆုံးတော့လဲ၊ သောက်သုံးမကျတာတွေကိုလမ်းခွဲလို့
    တို့အနာဂတ်ကို၊ တို့ကိုယ်တိုင်တည်ဆောက်ယူမှရမယ်ဆိုတာ
    အသက်တစ်ချို့ပေးဆပ်မှ သံမှိုနှက်သလိုခိုင်မာသွားခဲ့ရပြီ
    ဒီတော့လဲ
    တို့လူငယ်တွေညီညွှတ်လို့၊ အရေးတယူဆောင်ရွက်မှ
    တို့မျိုးဆက်တွေအတွက်၊ ပိုကောင်းတဲ့အနာဂတ်ကို
    ပိုင်ဆိုင်ရမယ်ဆိုတာ…………………………

     

    ဇော်မင်းထွေး

  • မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ အစ္စလာမ်ဘာသာဝင်များသို့ ပန်ကြားလွှာ

    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ အစ္စလာမ်ဘာသာဝင်များသို့ ပန်ကြားလွှာ

    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ အစ္စလာမ်ဘာသာဝင် များသို့ (၅.၆.၂၀၁၂) ညနေ ၅ နာရီတွင် မေတ္တာရပ်ခံပန်ကြားလွှာ ထုတ်ပြန်ခဲ့ ကြောင်းသိရသည်။

    ပန်ကြားလွှာအပြည့်အစုံမှာ-

    မြန်မာနိုင်ငံလုံးဆိုင်ရာ အစ္စလာမ်ဘာသာရေး အဖွဲ့ကြီးမှ အစ္စလာမ်ဘာသာဝင် များသို့ မေတ္တာရပ်ခံပန်ကြားလွှာ

    “(၅.၆.၂၀၁၂) ရက်နေ့ထုတ်ဝေသည့်သတင်းစာတွင် ဖော်ပြချက်များနှင့် ပတ်သက်၍ နိုင်ငံသားပြည်သူများ အကြားတွင် သဘောထားကွဲလွဲလျက် ရှိပါသည်။

    ယင်းကိစ္စနှင့် ပတ်သက်၍ထုတ်ပြန်ချက်အပေါ် နိုင်ငံလုံးဆိုင်ရာ အစ္စလာမ် ဘာသာရေး အဖွဲ့အစည်းကြီး အနေဖြင့်လည်း သက်ဆိုင်ရာ တာဝန်ရှိ အဖွဲ့အစည်းများထံသို့ တင်ပြပြီး တရား ဥပဒေဘောင်အတွင်းမှ အေးချမ်းစွာ ဖြေရှင်းဆောင်ရွက်လျက်ရှိပါသည်။

    သို့ဖြစ်ပါ၍ အစ္စလာမ်ဘာသာဝင်များအနေဖြင့် အစ္စလာမ့်တရားတော်နှင့် အညီ တည်ငြိမ်အေးချမ်းစွာ နေထိုင်ကြပါရန်၊ လူစုလူဝေးဖြင့် ဆန္ဒဖော်ထုတ်ခြင်း များ ရှောင်ကြဉ်ကြပါရန် အထူးမေတ္တာရပ်ခံအပ်ပါသည်”

    အဆိုပါ ထုတ်ပြန်ချက်ကို ပြည်တွင်းအစ္စလာမ်အဖွဲ့အစည်း ၅ခု၏ သဘောတူညီမှုဖြင့် ထုတ်ပြန်ခဲ့ခြင်းဖြစ်ကြောင်း သိရသည်။

    ၄င်းထုတ်ပြန်ချက်ကို ဗလီများသို့ လိုက်လံဖြန့်ဝေလျက်ရှိကြောင်း မြန်မာနိုင်ငံ လုံးဆိုင်ရာ မော်လ၀ီအဖွဲ့ဌာနချုပ် အထွေထွေအတွင်းရေးမှူးချုပ် ဟာဂျီ ဦးကျော်စိုးက ပြောသည်။

    Credit- ပြည်သူ့ခေတ်ဂျာနယ်

  • ၈၈ မျိုးဆက်ကျောင်းသား ကိုမြအေးနှင့် တွေ့ဆုံခြင်း

    မြို့တော်ခန်းမရှေ့ မြန်မာမွတ်စလင်မ်များ ဆန္ဒထုတ်ဖော်မှုအား ကိုမြအေးမှ လာရောက်ဖြောင်းဖျပေးစဉ်

    Messenger Journal က ၈၈ မျိုးဆက်ကျောင်းသား ကိုမြအေးနဲ့ တွေ့ဆုံမေးမြန်းခန်းကို ဖော်ပြလိုက်ပါတယ်။

    မေး။ ။ ခုရက်ပိုင်းအတွင်းဖြစ်ခဲ့တဲ့ ကိစ္စရပ်တွေအပေါ် မြန်မာနိုင်ငံသားတစ်ယောက်အနေ နဲ့ရော အစ္စလာမ်ဘာသာဝင်တစ်ဦးအနေနဲ့ရော ၈၈ မျိုး ဆက်ကျောင်းသားတစ်ယောက်အနေနဲ့ရော ဘယ်လိုရှုမြင် ပါသလဲ။

    ဖြေ။ ။ အခု အဖြစ်အပျက်က ကျောက်နီမော် လူသတ်မှုပေါ့။ ဒါက လုံးဝမဖြစ်သင့်ပါဘူး။ ဒီ ရခိုင်အမျိုးသမီးလေး မသီတာထွေးကို မတရားအဓမ္မပြုကျင့်တာ အင်မတန် ရက်စက်ကြမ်းကြုတ်တဲ့ အပြုအမူပါ။ ဒီကိစ္စနဲ့ပတ်သက် ပြီး ကျူးလွန်တဲ့ တရားခံသုံးယောက်ကို ဥပဒေအရ ပြင်းပြင်းထန်ထန် အရေးယူသင့်ပါတယ်။ တဆက်ထဲ မှာပဲ တောင်ကုတ်မြို့ကို ဖြတ်သွားတဲ့ ခရီးသည်တင် ကားပေါ်က လူ ၁ဝ ယောက်ကို သတ်ဖြတ်တာကလည်း ကျွန်တော်တို့ မြန်မာ့ယဉ်ကျေးမှုအစဉ်အလာ မရှိပါ ဘူး။ ဒီလိုကိစ္စတွေကိုလည်း ရာဇဝတ်မှုလို့ မြင်တယ်။ ဒါကိုလည်း ဥပဒေအကြောင်းအရပဲ အရေးယူစေချင်ပါ တယ်။ နောက်တစ်ခုပြောချင်တာက ကျွန်တော် ဒီနေ့ ဒီအချိန်မှာ အသွင်ကူးပြောင်းရေးကာလပေါ့။ လူမျိုးရေး ဘာသာရေးကို အခြေခံတဲ့ အဓိကရုဏ်းမျိုးကို ဘယ်အုပ် စုက ဖန်တီးဖန်တီး ကျွန်တော်တို့ လုံးဝလက်မခံပါဘူး။

    မေး။ ။ သမိုင်းမှာလည်း ဒီလိုပဋိပက္ခတွေ ရှိခဲ့တယ်။ အခု အချိန်မှာလည်း လူတချို့ရဲ့ စိတ်ထဲ တစ်ခုခုလုပ်မယ် စိတ်မျိုးဝင်နေရင် ဦးမြအေးတို့အနေနဲ့ ဘယ်လို ဖြေရှင်းပေးချင်သလဲ။

    ဖြေ။ ။ ပွင့်ပွင့်လင်းလင်းပြောရင် ဒါက ရိုဟင်ဂျာအရေးပေါ့နော်။ တကယ့်ရိုဟင်ဂျာအရေးကို အကြောင်း ပြပြီး အစ္စလာမ်ဘာသာနဲ့ သက်ဆိုင်တဲ့ အရေး လိုဖန် တီးနေတဲ့ လူတွေရှိတယ်။ ရိုဟင်ဂျာအများစုက အစ္စလာမ် တွေလေ။ ဒါကို အကြောင်းပြုပြီး အစ္စလာမ်ဘာသာဝင်တွေ အရေးဆိုပြီး လုပ်နေတဲ့အစွန်းရောက်တဲ့ သူများရှိပါတယ်။ ကျွန်တော်တို့ လုံးဝလက်မခံနိုင်ပါဘူး။ ကျွန်တော်တို့က မြန်မာမွတ်စလင်ပါ။ ကျွန်တော်တို့က ရိုဟင်ဂျာ မဟုတ်ဘူး။ နောက်တစ်ခုကို ရခိုင်လူမျိုးတွေကို ပြောချင်တယ်။ မှန်ပါတယ်။ ရခိုင်ပြည်နယ်ဟာ ဘင်္ဂလား ဒေ့ရ်ှနဲ့ ကပ်နေလို့ ကိုယ့်အမျိုးသားရေး ခံကတုတ်ကိုတော့ ပြင်ရမှာပဲ။ ဒါ ကျွန်တော်လုံးဝ နားလည် တယ်။ ဒီလိုမဟုတ်ရင် သန်းရာ ကျော် နိုင်ငံကနေ ပြိုလာမယ့် လူမျိုးတွေအနေနဲ့ ရခိုင် အမျိုးသားတွေ စိုးရိမ်မယ်ဆိုတာကို ကောင်းကောင်း နားလည်ထားတယ်။ ဒါက ဘင်္ဂါလီတွေ၊ ဘင်္ဂလားဒေ့ရှ် ကလာ တဲ့ ပြဿနာတွေကို ရင်ဆိုင်တဲ့အခါမျာ ပြည်တွင်းမှာရှိတဲ့ အေးချမ်းစွာ နေထိုင်စားသောက်နေတဲ့ အစ္စလာမ် ဘာသာဝင်တွေနဲ့ မသက်ဆိုင်ဘူးလိုိ့ ရှင်းရှင်းပြောချင်တယ်။ ဘင်္ဂလားဒေ့ရ်ှက စိမ့်ပြိုလာမယ့်ကိစ္စကို ကျွန်တော်တို့လည်း မလိုလားဘူး။ အိန္ဒိယနဲ့လည်း ကပ်နေတယ်။ အလားတူပဲ တရုတ်ပြည်နဲ့လည်း ကပ်နေတာ။ ဒါ လူမျိုးရေး ကို ရှေ့တန်းတင်တာမဟုတ်ဘူး၊ သို့သော်လည်း ကျွန်တော်တို့ အမျိုးသားရေးကိုတော့ ရှေ့တန်း တင်ရမှာပဲ။

    မေး။ ။ အခု ဖြစ်ခဲ့တဲ့ကိစ္စမှာ နိုင်ငံရေးပါတီတွေ ပါဝင်ဖြန်ဖြေတာမျိုး မတွေ့ရသေးဘူး။ အဲဒီအပေါ်မှာရော ဘာပြောချင်ပါသလဲ။

    ကျွန်တော် ထင်ပါတယ်။ နိုင်ငံရေးပါတီတွေပဲ လုပ်ကြပြောကြမှာပါ။ ကျွန်တော်တို့အနေနဲ့ ကတော့ ဒီနေ့ ပြုပြင် ပြောင်းလဲတဲ့အချိန်ဆိုတော့ စိတ်ပူတယ်။ အခြေခံ ဖွဲ့စည်းပုံဥပဒေအရ ဆူပူမှုဖြစ်ရင် တပ်မတော် ရဲ့အခန်း ကဏ္ဍ၀င်လာပြီးတော့ ထိန်းသိမ်းမယ်လို့ ပြဌာန်းထားတာရှိတယ်။ အားလုံးပဲသိပါတယ်။ အဲဒီ အခြေအနေကို ပြန်မရောက်စေချင်ဘူး။ အမုန်းတရားပေါ်မှာ အခြေခံတဲ့ သွေးချောင်းစီး လူသတ်မှုတွေ မဖြစ်စေချင်ဘူး။ ကျွန်တော်တို့အားလုံး ချစ်ချစ်ကြည်ကြည် ရင်းရင်းနှီးနှီး၊ ပြဿနာဖြစ်ရင်လည်း ညှိနှိုင်း တိုင်ပင်စေချင်တယ်။ အဲဒါ ရင်ထဲက ဆန္ဒပါ။

    မေး။ ။မေလ ၂၈ ရက်နေ့က ရခိုင်အမျိုးသမီးလေး သတ်ခံရတဲ့ကိစ္စ၊ ပြီးတော့ ရိုးမသစ္စာယာဉ် ဖျက်စီးခံရပြီး လူ ၁၀ ယောက် အသက်ဆုံးရှုံးသွားရတဲ့ ကိစ္စတွေနဲ့ ပတ်သတ်ပြီး ခု ရန်ကုန်အထိ ဆန္ဒထုတ်ဖော်တာတွေရှိလာတယ်။ အဲဒီရဲ့ အကျိုးဆက်အဖြစ်ဘာတွေရှိလာနိုင်လဲ။

    ဖြေ။ ။ ဒီနေရာကနေ တစ်ဆက်ထဲ ကျွန်တော် အကူအညီ တောင်းချင်တာက ဆရာတော်ကြီးတွေ၊ အစ္စလာမ် ဘာသာရေး ခေါင်းဆောင်တွေက သက်ဆိုင်ရာ အာဏာပိုင်တွေရော အကုန်လုံး ကျွန်တော်တို့ ဝိုင်းဝန်း ထိန်းသိမ်း သင့်တယ်။ မဟုတ်ရင် အလားလာကောင်းတော့ မတွေ့ဘူး။ ကျွန်တော် အရမ်းစိတ်ပူနေတယ်။ အရမ်းလဲ စိုးရိမ်ပါတယ်။ နောက်တစ်ခုပြောချင်တာက ကျူးလွန်တဲ့သူတွေကို ထိထိရောက် ရောက် အရေး ယူပေးပါ။ အလားတူ ၁ဝ ယောက် အသတ် ခံရတာကိုလည်း စုံစမ်းရေးကော်မတီဖွဲ့ပြီး ဥပဒေအကြောင်း အရ ထိထိရောက်ရောက် အရေးယူပေးပါ။ ရာဇ၀တ်မှုကို ရာဇဝတ်မှုလို့ မြင်ပေးပါဗျာ။ အဲဒီထဲမှာ လူမျိုးရေး ဘာသာရေးတွေ အဆိပ်မခပ်စေချင်ဘူး။ ကျွန်တော် အစိုးရ သတင်းစာထဲမှာပါတဲ့ စကားလုံးတွေ ကို ပြောချင်တယ်။ ကျွန်တော်တို့ ခင်ဗျားတို့လည်း မှုခင်းဂျာနယ်တွေ ဖတ်ဖူးတယ်။ ဖတ်တဲ့အခါ မုဒိမ်းမှု ကျူးလွန်တာ လူသတ်မှုကျူးလွန် တာ ဖတ်ရတဲ့အခါတိုင်းမှာ ဘာသာလူမျိုးရေးထားတာ မတွေ့ဖူးဘူး။ ဒီပြဿနာဖြစ်တဲ့ အခါမှဘာသာ လူမျိုးကို ခွဲခြားဖော်ပြထားတာ ရိုးသားမှုရှိသလား၊ မရှိဘူးလားဆိုတော့ ကျွန်တော်တို့ စဉ်းစားစရာရှိတယ်။ မွတ်စလင်ကုလားလို့ သုံးတဲ့ အသုံးအနှုန်းက ကျွန်တော့်အသက် ၄၆ နှစ်ရှိ ပါပြီ။ တစ်လျှောက်လုံးမှာ အစိုးရက ခုလို တရားဝင် သုံးတာ မတွေ့ဘူးပါဘူး။ သုံးနှုန်းတဲ့ အသုံးအနှုန်း ပုံစံကို ကျွန်တော် လုံးဝမကြိုက်ဖူး။ ဒါက Yellow Journalism ပဲ။ နိုင်ငံသတင်းစာကြီးအနေနဲ့ ဒီလိုမျိုးမရေး သင့်ဘူး။ ကျူးလွန်တဲ့လူကိုလည်း အရေးယူသင့်တယ်။ ကျွန်တော့်ခံစားချက်ကိုပြောရင် ဥပဒေအကြောင်း အရ ဖြေရှင်းပါ။ မသက်ဆိုင်တဲ့သူတွေကို မလုပ်ပါနဲ့။ အလားတူ လူမျိုးရေးဘာသာရေးကို ဖြေရှင်းတာ ပြဿနာတစ်ရပ်အနေနဲ့ ဘယ်လိုမှ မရနိုင်ဘူး။ ကျွန်တော် မေတ္တာရပ်ခံပါတယ်။ ဒီပြဿနာတွေ မဖြစ်အောင် အရေးယူပါ။ ကျွန်တော့် အနေနဲ့ ဘယ်ဘက်မှ မလိုက်ပါဘူး။ ကျွန်တော် အစ္စလာမ်ဘာသာဝင် မှန်တယ်၊ ကျွန်တော် မြန်မာနိုင်ငံမှာရှိတဲ့ သန်း ( ၆၀ ) အတွက် ပဲ အလုပ်လုပ်မှာပါ။ လူမျိုးရေးအပေါ် ကျွန်တော့် ဘာသာရေးအပေါ် မလိုက်ပါဘူး။ ရိုဟင်ဂျာ ကိစ္စကို ထပ်ပြောပါမယ်။ ရိုဟင်ဂျာ အရေးကို အစ္စလာမ်အရေးလို့ လုပ်နေတဲ့သူတွေရဲ့ အန္တရယ်ကို လည်း ကျွန်တော်တို့ကာ ကွယ်တာဆီး၇မှာဖြစ်သလို ရိုဟင်ဂျာအရေးကိုဗန်းပြပြီး အခြားသော အစ္စလာမ် ဘာသာဝင်တွေကို စည်းခြား ဆက်ဆံဖို့ကြိုးစား နေသူတွေကိုလည်းသတိပြုရမှာဖြစ်ပါတယ်။

    မေး။ ။ အခု ရခိုင်၊ မြန်မာနဲ့ အစ္စလာမ်ဘာသာ ၀င်တွေ ကြားမှာ ဒီကိစ္စကြောင့် သံသယတွေ ရှိလာကြမယ်၊ မလုံခြုံမှုတွေ ခံစားနေကြရမယ်ဆိုရင် သူတို့အနေနဲ့ ဘယ်လို ခံယူချက်မျိုး ထားသင့်တယ်လို့ ထင်ပါသလဲ။

    ဖြေ။ ။ ကျွန်တော်တို့ ဘာသာရေးကို တကယ်တမ်းကိုးကွယ်ရင် ဘာသာရေးက ဆုံးမတဲ့အရာတွေကို လေးစား လိုက်နာရမှာပါ။ ကျွန်တော်သိသလောက် ကျွန်တော် သိမ်ဖြူကျောင်းတိုက်ကြီးဘေးမှာ နေဖူးတယ်။ ကျွန်တော် နားလည်သလောက် ဗုဒ္ဓဘာသာရဲ့ အဆုံးအမက မေတ္တာတရားပါ။ မေတ္တာနဲ့ ကမ္ဘာကြီးကို ဖြန့်ကျက်တာပါ။ ဗုဒ္ဓဘာသာဝင်တွေက မေတ္တာတရားလက်ကိုင်ထားကြတာကို လက်ခံထားပါတယ်။ အလားတူပဲ အစ္စလာမ် ဘာသာဝင်တွေအနေနဲ့ သူများသားသမီးကို သတ်ဖြတ် ဖျက်စီးရမယ်လို့ မပြဌာန်းထားပါဘူး။ ကိုယ့်ထဲမှာရှိတဲ့ အကျင့်ဖောက်ဖျက်သူတွေကို ဘာသာရေး ခေါင်းဆောင်တွေက ထိန်းသိမ်းပါ။ ဒါမှ လူတွေက ကိုယ်ကျင့် တရားအတိုင်း စွမ်းဆောင်နိုင်မယ်။ ဘာသာရေး အသွင်သဏ္ဍာန်ဆောင်လို့ ဘာသာရေး အဆုံးအမ နာခံကြ မယ်ဆိုရင် ငြိမ်းချမ်းမှုကို ခံယူပါ။ ငြိမ်းချမ်းစွာ ဖြေရှင်းပါ။ ဘာသာတရားရဲ့ အဆုံးအမကို ခံယူပါလို့ ကျွန်တော် မေတ္တာရပ်ခံချင်ပါတယ်။

    မေး။ ။ နောက်ဆုံးအနေနဲ့ ရိုဟင်ဂျာအရေးကို မြန်မာနိုင်ငံထဲမှာ လက်ခံဖို့ ပြည်ပမီဒီယာတွေက အမျိုးမျိုး ဖိအားပေးတယ်။ ပြည်တွင်းမီဒီယာတွေက ပါးစပ်ပိတ်နေကြတယ်လို့ ပြောနေကြတယ်။ ဒီရိုဟင်ဂျာအရေးကို နိုင်ငံရေး တက်ကြွလှုပ်ရှားသူတစ်ယောက်အနေနဲ့ ဘယ်လိုရှုမြင်ပါသလဲ။

    ဖြေ။ ။ ကျွန်တော်တို့ နိုင်ငံရေးလုပ်မယ်ဆိုရင် အမျိုးသားရေး အစွန်းရောက်လို့မရသလို အမျိုးသားရေးကို စွန့်ပစ်လို့လည်း မရဘူး။ ရခိုင်ပြည်နယ်မှာ ရှိတဲ့ လူဦးရေကို တွက်ကြည့်ပါ။ သူတို့နဲ့ ထိစပ်နေတဲ့ ဘင်္ဂလားဒေ့ရ်ှရဲ့ လူဦးရေကို ကြည့်ပါ။ ရခိုင်အမျိုးသားတွေအနေနဲ့ ဘင်္ဂလားဒေ့ရ်ှကနေ ပြိုဆင်းလာမဲ့ အန္တရာယ်ကို စိုးရိမ်တယ် ဆိုတာ သဘာဝကျတယ်။ ကျွန်တော်တို့ လက်ခံရမဲ့ ကိစ္စလည်းဖြစ်တယ်။ ကျွန်တော်ပြောချင်တာက အဲဒီက ပြိုဆင်းလာမဲ့ ရိုဟင်ဂျာတွေရဲ့ အရေးကိစ္စကို ဗန်းပြပြီး မြန်မာနိုင်ငံတွင်းက အစ္စလာမ်ဘာသာဝင်တွေကို အရေး ကို ဆောင်ရွက်ခြင်းဟာ မှားပါတယ်။ လုံးဝမဟုတ်ပါဘူး။ လက်လည်း မခံနိုင်ပါဘူး။ အလားတူ ကျွန်တော် ပွင့်ပွင့်လင်းလင်းပဲ ပြောပါမယ်။ မြန်မာနိုင်ငံမှာရှိတဲ့ အစ္စလာမ်ဘာသာဝင်တွေ အနေနဲ့က မြန်မာပြည် မှာ နေပြီး၊ မြန်မာပြည်ကို ချစ်တယ်။ မြန်မာပြည်ရဲ့ ဆန်ကိုစားပြီး မြန်မာပြည်မှာ ကြီးတယ်။ အဲဒီအတွက် အမေကို ကျော်ပြီးဒွေးတော်လွမ်းနေစရာ အကြောင်းမရှိဘူး။ အဲဒီတော့ ရခိုင်အမျိုးသားတွေရဲ့ စိတ်ပူပန်မှုဟာ ကျွန်တော်တို့ရဲ့ စိတ်ပူပန်မှုပါ။ ကျွန်တော်တို့ကိုယ်တိုင် ရခိုင်အမျိုးသားတွေဘက်က ရပ်တည်ရမှာဖြစ်ပါတယ်။ ဒါက ရခိုင်ပြည်နယ်တစ်ခုတည်း မဟုတ်ပါဘူး။ ကျွန်တော်တို့ နိုင်ငံရဲ့ အရှေ့မြောက်ဘက်မှာလည်း တရုတ်နိုင်ငံ ရှိနေပါတယ်။ ကျွန်တော်တို့ နိုင်ငံရဲ့ သန်းပေါင်း ၆၀ သော ပြည်သူတွေရဲ့ အနာဂတ်အတွက် စဉ်းစားရမှာပါ။ ပထ၀ီဝင်နိုင်ငံရေးအရ ကျွန်တော်တို့ နိုင်ငံဟာ လူဦးရေ သန်း ၁၀၀၀ ကျော်ရှိတဲ့ အိန္ဒိယက တစ်ဘက်၊ တရုတ် က တစ်ဘက် ကြားမှာ ရှိနေတဲ့အတွက် ကျွန်တော်တို့ရဲ့အမျိုးသားရေး ခံကတုတ်၊ ယဉ်ကျေးမှုခံကတုတ်ကို မပြင်နိုင်ရင် ကျွန်တော်တို့ ကျွန်ဖြစ်လိမ့်မယ်။ ရေစုန်မြောလိမ့်မယ်။ အဲလိုကတော့ ကျွန်တော်တို့မှာ ရှင်းလင်း ပြတ်သားတဲ့ အတွေးအခေါ်ရှိပြီးသားပါ။ ဒါ လူမျိုးရေးနဲ့ မဆိုင်ဘူး။ တိုင်းပြည်အတွက် ထားရ မယ့် နိုင်ငံရေး သမားစိတ်ဓါတ်ပဲ။

  • မမေးလည်းဖြေ (၄) – ဘာကြောင့် ကုလားမဟုတ်ချင်တာလဲ

    နေမျိုး

     

    ဒီကြွေးကြော်ချက်နဲ့  စချင်ပါတယ်။ ကုလားမဟုတ်  မြန်မာမွတ်စလင်မ်ဖြစ်သည်။

    တောင်ကုတ်မှာ ဗုဒ္ဓဘာသာ ရခိုင်အစွန်းရောက်တွေ ရက်ရက်စက်စက် အကြမ်းဖက်အသတ်ခံလိုက်ရတဲ့ အစ္စလာမ်ဘာသာဝင် ၁၀ ဦးကိစ္စ သတင်းကြေညာ ရာမှာ မြန်မာ့ရုပ်မြင်သံကြားနဲ့ မြန်မာသတင်းစာတွေက “မူစလင် ကုလား” ဆိုတဲ့ စကားလုံးကို တွင်တွင်သုံးပြီး ကြေညာသွားပါတယ်။ ဒါကို မြန်မာမွတ်စ လင်မ်တွေက မကျေနပ်လို့  မကျေနပ်တဲ့အကြောင်း ဆန္ဒထုတ်ဖော်တော့ ကုလားမလို့ ကုလားခေါ်တာဘာဖြစ်လဲတို့ ၊ ကုလားလို့  မခေါ်ရင် ဘယ်လို ခေါ်ရလဲ လို့  ရိုးရိုးသားသားမေးတဲ့လူရှိသလို ဒီလောက် ပူလောင်နေတဲ့ အချိန်မှာတောင် ကုလားကို ရမရာမရှိ မိဘမောင်နှမများရှေ့  မပြောရဲတဲ့ စကားလုံးများနဲ့  ဆက်ပြီး ဆဲနေတာတွေတွေ့ ရတယ်။

    ဘာကြောင့် ကုလားဆိုပြီး အခေါ်မခံချင်ကြတာလဲ။

    ဒီမေးခွန်းကို ကုလားဆိုပြီး မွေးကတည်းက အခေါ်ခံ အနှိမ်ခံလာရတဲ့ ကျနော်တယောက် ရှင်းပြပါမယ်။ ကျနော်ပြောတာ မသိလို့ လေ့လာချင်လို့ ဆိုရင် ဆက်ဖတ်ပါ။ လူတယောက်တည်းမဟုတ်ပဲ လူပေါင်းများစွာရဲ့  ခံစားနာကျည်းချက်ကို သူတို့ အားလုံးကိုယ်စား ကျနော်ပြောပါမယ်။ မွတ်စလင်မ်တွေ ကျနော်ပြောတာ လက်ခံရင် ခံစားချက်ချင်းတူတယ်ဆိုရင် Like လုပ်ခြင်း၊ Share ပေးခြင်း၊ ယဉ်ကျေးစွာ ကော်မန့် ချခြင်ဖြင့် ကိုယ့်ဆန္ဒကိုယ်ဖော်ထုတ်ပြပါ။

    ဘာကြောင့် ကုလားဆိုတဲ့ စကားလုံးကို မုန်းတာလဲ။ မဖြေခင် မေးခွန်းတခုမေးပါမယ်။ သင်သိပ်ချစ်ရမဲ့ သင့်သားလေးကို သန်းရွေဆိုပြီး နာမည်ပေး မလား။ သန်းနဲ့  ရွှေ စကားလုံး ၂ လုံးအကောင်းချည်းပဲ။ ဒါပေမဲ့ အဲ့ဒီနာမည်ပေးမလား။ ဒါနဲ့ တင် ပြည့်စုံပါပြီ။ အဲ့ဒီ စကားလုံးတွေရဲ့  နောက်ကွယ်က အဓိပ္ဗါယ်တွေကြောင့် အဲ့ဒီနာမည်ကို မထားချင်တာ မဟုတ်ဘူးလား။ ဒီလိုပါပဲ —

    ရုပ်ရှင်ဒါရိုက်တာဆိုတဲ့ ပညာတတ် နိုင်ငံခြားမှာလဲ နေနေတဲ့ မြန်မာတယောက်တောင် ကုလားလို့ ခေါ်တာ လက်မခံနိုင်တဲ့ လူတွေက မခေါ်ပါနဲ့ လို့  ပြောတာတောင် သူ့ စိတ်ထဲဘာမှမရှိလို့  ဆက်ခေါ်မယ်ဆိုမှတော့  နိုင်ငံခြားလည်းမရောက်ဘူး၊ ပညာလည်းအားနည်းတဲ့ မြန်မာအများစု နားလည် မပေးနိုင်တာလောက်တော့ မဆန်းပါဘူး။ ခံရတဲ့လူမဟုတ်တော့ ဘယ်နာပါ့မလဲ။ နာတဲ့လူတွေ နာတယ်လို့ အော်တာလည်း ဘယ်ကြားပါ့မလဲ။  ပညာရှိ သတိဖြစ်ခဲလား ငါအသိအတတ်ဆိုပြီး သူများတကာရဲ့  နေ့စဉ်နဲ့ အမျှ ထိတွေ့ ခံစားချက်ကို နားမလည်နိုင်အောင် အသိတရားတွေ စိုင်ခဲနေပြီး အသည်းမာကြောတာလားတော့ ပြောမတတ်ပါ။

    ဒါပေမဲ့ မြန်မာတွေဟာ ယဉ်ကျေးပျူငှာပြီး အေးချမ်းတဲ့ လူတွေမလို့  နားမလည်သေးတဲ့ ကျနော်တို့  ခံစားချက်ကို နားလည်ပေးအောင် တတ်နိုင်သလောက်ရှင်းပြပါမယ်။

    ကုလားဆိုတာ ဘယ်ကလာတယ်ဆိုတာ အမျိုးမျိုး အဓိပ္ဗါယ်ဖွင့်ကြတယ်။

    အနောက်ဖက်ကနေ မြန်မာပြည်ကို ကူးလာတဲ့လူတွေမလို့  ကုလားလို့ ခေါ်တာလို့ ပြောရင်

    (၁) ကျနော်တို့ ဟာ မြန်မာပြည်မှာမွေး မြန်မာပြည်မှာ ကြီးတာပါ။ မိဘ မပြောနဲ့  အဖိုးအဖွားတွေတောင် မြန်မာပြည်မှာ မွေးကြတာ။ မကူးလာတဲ့ အတွက် ကျနော်တို့ ကုလားမဟုတ်ပါ။

    (၂) ကျနော်တို့ က ကုလားတွေဆိုရင် နှစ်ရာပေါင်းများစွာက တိဘက်၊ အန္ဒိယ၊ မွန်ဂို၊ တရုတ်တောင်ပိုင်းကနေ စတင်အခြေခံ ဆင်းလာတဲ့ ဗမာတွေရော တိုင်းရင်းသားတွေရော အားလုံး တနေနေရာက ကူးလာတာမလို့  ကုလားတွေချည်းမဟုတ်ဘူးလား။

    (၃) ထိုင်းနဲ့ မလေးရှားမှာ မြန်မာပြည်ကကူးလာတဲ့ ဗမာတွေ တိုင်းရင်းသားတွေရှိတယ်။ သူတို့ လည်း ကူးလာတဲ့ ကုလားတွေမဟုတ်ဘူးလား။ ဒါတွေထားလိုက်ပါ။ အဲ့ဒီစကားလုံး ဘယ်ကလာလာ ကျနော့်ကို ကုလားလုို့ ခေါ်ရင် အသေနာတယ်။ အရင်က အဲ့ဒီလောက်မနာပေမဲ့ ခုဆိုရင် ရင်ထဲ အသည်းထဲကထိနာတယ်။ ဘာကြောင့်လဲ။ အွန်လိုင်းပေါ်မှာ ကုလားကို အကောင်းဖက်က ဘယ်တုန်းက သုံးလို့ လဲ။ ကုလားဆိုရင် Negative တွေက အလိုလို ပါပြီးသားပဲ။

    ကုလားပြီး အမေနှမတွေနဲ့ ကိုင်ဆဲတယ်။ (သီးခံပါ) အခုဆိုရင် မအေ -ိုးကုလား၊ ငါ -ိုးမကုလား။ သောက်ကုလား၊ -ီး ကုလား၊ ခွေးကုလား  ဆိုပြီး တွင်တွင်ကြီးဆဲနေကြတာ အားလုံးအသိပဲ။

    နေ့ တဓူဝ အပြင်လောကမှာလည်း ဆဲချင်ရင် ကုလားလို့ သုံးတယ်။ ချစ်တီးကုလား၊ ကုလားကျင့် ကုလားကြံ၊ ကလေးကုလား၊ သောက်ကုလား စသဖြင့်။ ကုလားဆိုတဲ့ စကားလုံးမှာ မကောင်းတဲ့အနေနဲ့  Negative အနေနဲ့ ပဲ သုံးတော့တယ်။ သီချင်းထဲမှာတောင် ကုလားတို့ စိတ်ဓာတ် အားကြီးမုန်းတယ်ဆိုပြီး ဆိုသမား ဆိုတယ်မလား။ ရုပ်ရှင်တွေထဲမှာလည်း ကုလားဆို နှိမ်ဖို့ လောက်ပဲ ပြောကြတယ်။

    ကုလားလို့ အခေါ်ခံလိုက်ရရင် နာမ၀ိသေသနာ ဘာမှမပါရင်တောင် နှိမ်ချပြီး ခေါ်သလို ခံစားရတယ်။ ဆဲတဲ့ စကားလုံးတွေ အော်တိုပါပြီးသားလို ခံစားရ တယ်။ အလွန်အမင်းနှိမ်ချပြီး ခေါ်တဲ့အခေါ်အဝေါ်လို့ ပဲ ခံစားရတယ်။

    ငယ်ငယ်တုန်းကတည်းက သူငယ်ချင်းတွေက ကုလားဆိုပြီးဆဲတယ်။ ဆရာဆရာမတွေကလည်း ဟဲ့ကုလား ဆိုပြီး ခေါ်တယ်။ ကုလားလေး ကုလားလေးဆိုပြီး သူငယ်ချင်းတွေက နောက်တယ် ပြောင်တယ်။ သူငယ်တန်းကအစ ၁၀ အောင်ပြီး အဲ့ဒီသူငယ်ချင်းတွေနဲ့  လမ်းခွဲတဲ့အထိပဲ။

    ကုလားဆိုတာ အနောက်တိုင်းမှာ အာဖရိကတွေကို ခေါ်တဲ့ နစ်ဂါတို့  နီဂရိုး လို ခွဲခြားတဲ့အသုံးအနှုန်းဖြစ်တယ်။ အနောက်တိုင်းမှာ နေ့ တဓူဝမှာတောင် သူငယ်ချင်း အချင်းချင်းကြားမှာတောင် နစ်ဂါလို့ ခေါ်လို့ မရဘူး။ သတင်းတွေ စာတွေ ရုပ်ရှပ်တွေမှာ သုံးရင် တရားစွဲခံရသလို အလုပ်လဲပြုတ်တယ်။

    ဒါပေမဲ့ မြန်မာပြည်မှာတော့ ကုလားဆိုတာကို နေရာတိုင်းမှာ တွင်တွင်ကြီးသုံးနေလေရဲ့ ။ အစိုးရသတင်းစာမှာရော အတိုက်အခံသတင်းဌာနတွေမှာပါ သုံးနေလေရဲ့ ။

    ကုလားဆိုတဲ့ အသံကြားရင် အဆဲခံရသလို ခံစားရတဲ့အတွက် မွတ်စလင်မ်တွေအားလုံး ကုလားဆိုပြီး အခေါ်ခံရရင် ရင်ထဲအသည်းထဲကထိနာတယ်။ ဒါကြောင့် မြန်မာတွေ ကိုယ်ချင်းစာစိတ်ဓာတ်ရှိတယ်ဆိုရင် ကျနော်တို့  ကို ကုလားလို့ မခေါ်ကြပါနဲ့ ။

    ဒါဆို ဘယ်လိုခေါ်ရမှာလဲ —

    လွတ်လပ်ရေးကာလတုန်းက အစ္စလာမ်ဘာသာဝင် မွတ်စလင်မ်တွေကို ဗမာမွတ်စလင်မ်လို့ ခေါ်တယ်။ ဗမာနိုင်ငံမှာရှိတဲ့ အစ္စလာမ်ဘာသာ ကိုးကွယ် သူတွေလို့ ဆိုလိုတာပါ။ အာဇာနည်ခေါင်းဆောင်ကြီး ဦးရာဇတ်ကိုယ်တိုင် အဲ့ဒီလို ခေါ်ဝေါ်ဖို့ ဆုံးဖြတ်ခဲ့ပြီး အဲ့ဒီတုန်းက ခေါင်းဆောင်တွေ အသိအ မှတ်ပြုခဲ့တယ်။ အခု ဗမာနိုင်ငံအစား မြန်မာနိုင်ငံလို့ သုံးနှုန်းတဲ့အတွက် ဗမာအစား မြန်မာလို့ သုံးပြီး မြန်မာမွတ်စလင်မ် လို့  ခေါ်ဝေါ်စေချင်ကြ တာပါ။ မြန်မာနိုင်ငံမှာ နေထိုင်ကြတဲ့ အစ္စလာမ် ဘာသာဝင်တွေဆိုတာပါပဲ။ မြန်မာမွတ်စလင်မ်ဆိုတာ လူမျိုးမဟုတ်ပါ။ မြန်မာပြည်မှာနေထိုင်ပြီး အစ္စလာမ် ဘာသာတွေကို ခြုံငုံပြီး ခေါ်ဝေါ်တဲ့ ယေဘုယျ နာမည်တခုပါပဲ။

    ကုလားမဟုတ်ပါ – မြန်မာမွတ်စလင်မ်ဖြစ်သည်။

  • တောင်ကုတ် အစုလိုက်အပြုံလိုက် သတ်ဖြတ်မှုအပေါ် မွတ်စလင်မ်အဖွဲ့ အစည်းများ ကြေငြာချက်

    မြန်မာမွတ်စလင်မ်များ တောင်ကုတ် တွင်အစုလိုက် အပြုံလိုက်သတ်ဖြတ်ခံရမူအပေါ် တရားဥပဒေ စိုးမိုးရေးအတွက် မြန်မာမွတ်စလင်မ် အင်အားစုများ စုပေါင်း၍  သိမ်ဖြူ ကြေငြာချက် အမည်ရသော ကြေငြာချက် တစ်စောင်ထုတ်ပြန်ခဲ့ပါသည်။ အဆိုပါ ကြေငြာချက်အပြည့်အစုံမှာ

    တောင်ကုတ်အစုလိုက်အပြုံလိုက်သတ်ဖြတ်မှုအပေါ်ကြေငြာချက်
    (ရန်ကုန်မြို့၊ ၂၀၁၂ ခုနှစ်၊ ဇွန်လ၊ ၄ ရက်)

    ရခိုင်ပြည်နယ် သံတွဲခရိုင် တောင်ကုတ်မြို့နယ်တွင် သာသနာရေးဆိုင်ရာ တရားကျင့်ကြံသူ (၈) ဦးနှင့် သံတွဲမြို့မှ အစ္စလာမ်ဘာသာဝင် ခရီးသွား (၂) ဦးအား ရခိုင်အစွန်းရောက်အချို့၏ အကြမ်းဖက်တိုက်ခိုက် သတ်ဖြတ်ခံခဲ့ရသူများနှင့်စပ်လျဉ်း၍ ၄.၆.၂၀၁၂ တွင် ရန်ကုန်မြို့တွင် တရားဥပဒေစိုးမိုးရေးကို လိုလားသူများ စိတ်မချမ်းမြေ့စွာဖြင့် တွေ့ဆုံဆွေးနွေးမှုပြုခဲ့ပါသည်။

    ယင်းသို့တွေ့ဆုံခဲ့ကြရာတွင် ကမ္ဘာတစ်ဝှမ်းမှ လူသားချင်းစာနာထောက်ထားမှုကို လေးစားသူများ သိသာစေရန် မြန်မာနိုင်ငံတွင် မှီတင်းနေထိုင်ကြသော တိုင်းရင်းသား အစ္စလာမ်ဘာသာဝင်များကိုယ်စား အောက်ဖော်ပြပါ ကြေငြာချက်အား ထုတ်ပြန်ကြေငြာအပ်ပါသည်။

    ၁။ ဒီမိုကရေစီ နိုင်ငံတော်သစ်၌ အပြစ်မဲ့နိုင်ငံသားများအား ပထမဆုံး ကြိုတင်ကြံစည်မှုဟုဆိုနိုင်သည့် တောင်ကုတ်အစုလိုက်အပြုံလိုက် သတ် ဖြတ်မှုကြီး ဖြစ်ပေါ်လာခြင်းကို ပြင်းထန်စွာရှုံ့ချသည်။

    ၂။ တရားဥပဒေစိုးမိုးရေးကို မထီမဲ့မြင်ပြုသည့် ယခုဖြစ်စဉ်အပေါ် နိုင်ငံတော်အစိုးရမှ ထိရောက်စွာ အရေးယူဆောင်ရွက်မှုများ ပြုလုပ်သွားရန် လေးနက်စွာတိုက်တွန်းသည်။

    ၃။ နိုင်ငံတကာ အစိုးရများနှင့် နိုင်ငံတကာအဖွဲ့အစည်းများမှ ဒေသဆိုင်ရာလုံခြုံရေးကို ထိပါးသည့် ယခုဖြစ်စဉ်နှင့်စပ်လျဉ်း၍ ဝမ်းနည်း ကြောင်း နှင့် စိုးရိမ်မကင်းဖြစ်ရကြောင်း ပြည်ထောင်စုသမ္မတမြန်မာနိုင်ငံတော် အစိုးရထံ အကြောင်းကြားစာ ပေးပို့ကြပါရန် တိုက်တွန်းအပ်ပါ သည်။

    ၄။ ဘာသာပေါင်းစုံ ချစ်ကြည်ရေးလှုပ်ရှားမှုများအား မြန်မာနိုင်ငံအစိုးရမှ လက်တွေ့ကျကျ အကောင်အထည်ဖော် ဆောင်ရွက်ခြင်းဖြင့် မသမာသူ များ၏ ပဋိပက္ခဖန်တီးမှုများကို ထိရောက်စွာ ကာကွယ်ရန်တိုက်တွန်းသည်။

    ၅။ နိုင်ငံပိုင် မီဒီယာများမှ “မွတ်စလင်-ကုလား” ဟူ၍ ချိုးနှိမ်သောအသုံးအနှုန်းကို သုံးစွဲခြင်းသည် နိုင်ငံသားလူနည်းစုများကို နှိမ်ချစော် ကားရာ ရောက်ရုံသာမက မင်းမဲ့စရိုက်ပြုကျင့်သူများကို မြှောက်ပင့်ပေးရာရောက်သဖြင့် ပြင်းထန်စွာရှုံ့ချသည်။

    ၆။ ယခုကဲ့သို့ လူမျိုးရေးနှင့်ဘာသာရေးကို အခြေခံသော ပြဿနာများ ဖြစ်ပေါ်ရခြင်းမှာ ဒေသအတွင်း၌ အသိပညာနှင့်ဗဟုသုတ အားနည်းမှု ကြောင့် ဖြစ်ပေါ်သည်ဟု လေးနက်စွာယုံကြည်မိပါသည်။ သို့ပါ၍ နိုင်ငံတော်အစိုးရ၊ နိုင်ငံတကာအစိုးရများနှင့် နိုင်ငံတကာ အဖွဲ့အစည်းများ မှ ၎င်းဒေသအတွင်း ပညာရေးမြှင့်တင်ခြင်း လုပ်ငန်းများအား တိုးချဲ့ဆောင်ရွက်ပေးရန် တိုက်တွန်းသည်။

    ၇။ ဒီမိုကရေစီနိုင်ငံတော်သစ် ထူထောင်ရေးကို လမ်းကြောင်းပြောင်းစေနိုင်သော ယင်းကဲ့သို့ ဖြစ်စဉ်မျိုးများ မပေါ်ပေါက်စေရန် နိုင်ငံတော်အစိုး ရ၊ နိုင်ငံရေးပါတီများ၊ ဘာသာရေးအဖွဲ့အစည်းများနှင့် လူမှုရေးအဖွဲ့အစည်းများမှ ပူးပေါင်းဆောင်ရွက်ပေးကြပါရန် အလေးအနက်မေတ္တာရပ်ခံ အပ်ပါသည်။

    Burmese Muslim Association (BMA)
    Myanmar Muslim Students and Youth (MMSY)
    Myanmar Muslim Education & Cultural Society (MMEC)
    Myanmar Muslim Information Center (MMIC)