News @ M-Media

Author: M-Media

  • ပါမောက္ခချူပ် ဦးကာ

    ဦးကာသည် ၁၈၉၄-ခု၊ ဧပြီလ၁၄-ရက်နေ့တွင် မန္တလေမြို့၌ဖွားမြင်သည်။ မိဘများမှာ ဦးမြတ်ရှင် နှင့်ဒေါ်ဘီတို့ဖြစ်သည်။ ဦးကာသည် မင်းတုန်းမင်းတရားကြီးလက်ထက်အသုံးတော်ခံ မမစီ ညီမ မမဖီ၏ မြေးဖြစ်သည်။

    အသုံးတော်ခံ မမစီကို မင်းတုန်းမင်းတရားကြီးနှင့်စကြာဒေ၀ီ မိဖုရားကြီးတို့က အလွန်သဒ္ဓါ ယုံကြည်တော်မူကြသည်။ နန်းတော်တွင်း မိဖုရားများသားတော်သမီးတော်များ ၀တ်ဆင်ရန် စိန်ထည်အမျိုးမျိုးနှင့် မိုးကုတ်ကျောက် အမျိုးမျိုးကိုအထည်ပြုလုပ် ဆက်သွင်းရသည်။ မင်းတုန်းမင်းတရားကြီးနှင့် စကြာဒေ၀ီမိဖုရားကြီးတို့က မန္တလေးမြို့တွင်နန်းတော်ကျုံး၏အနောက်ဖက်နန်းတော်ကို မျက်နှာမူနေသော မြေနေရာအပါအ၀င်  မြေသုံးနေရာကို မမစီ အားပေးသနားတော်မူသည်။ မမစီကို မိဖုရားခေါင်ကြီးမှအစ အခြားမိဖုရားများ သမီးတော်များကအလွန် ချစ်ခင်ကြသည်။ ၎င်းတို့အသုံးအဆောင်များ အနည်းငယ်ဟောင်းနွမ်း လျှင်ပင် မမစီအား ပေးလိုက်သည်။ အချိတ်ထဘီများနှင့် ကျောက်မှန်တင်ခုံကြီးများ၊ သစ်စေးသုတ်၊ ဇာတ်စုံခြယ် အ၀တ်အထည် ထည့်သည့် ဂုံးသေတ္တာများ ပါဝင်သည်ဟု သိရသည်။

    မမစီ၏ညီမ မမဖီ၏မြေးတော်သူ ဦးကာသည် ငယ်စဉ်က ဗုဒ္ဓသာသာနာ့နုဂ္ဂဟကျောင်း၊ မန္တလေးစိန့်ပီတာ အင်္ဂလိပ်အထက်တန်းကျောင်းတို့တွင် ပညာဆည်းပူးသည်။ ငယ်စဉ်ကပင်ပညာချွန်သဖြင့် စကောလား ရှစ်ဆုများရသည်။ ၈-တန်း၊ ၉-တန်း၊ ၁၀-တန်းကို နှစ်နှစ်ဖြင့် ဖြေဆိုအောင်မြင်သည်။ ရန်ကုန်ကောလိပ်မှ ဘီအေ ဂုဏ်ထူးဘွဲ့ကို ၁၉၁၈-ခုတွင် ရရှိပြီး အမ်အေဂုဏ်ထူးဘွဲ့ကို၁၉၂၁-ခုတွင် ရရှိသည်။ ၁၉၁၈-ခုတွင် ဓာတုဗေဒဌာန သရုပ်ပြဆရာအဖြစ် စတင်ထမ်းဆောင်သည်။ ထိုစဉ် တက္ကသိုလ်ကောလိပ် ကျောင်းအုပ်ကြီးမှာ မက်သရူးဟန်တာဖြစ်သည်။ ၁၉၂၃-ခုတွင်လက်ထောက်ကထိက ဖြစ်လာသည်။

    ၁၉၂၃-ခုတွင် ဘီအီးအက်စ်(လက်ရွေးစင်တန်း)အဆင့်သို့တိုးမြှင့် ခန့်အပ်ခြင်းခံရသည်။ ဆရာကြီးသည် ၁၉၂၆ မှ ၁၉၄၂ ခုနှစ်အထိ ရန်ကုန်ကောလိပ်ပဲခူးဆောင် အဆောင်မှူး တာဝန်ဝတ္တရားများ ထမ်းဆောင်သည်။ ၁၉၃၅-ခုတွင် အမှုထမ်းကောင်းတံဆိပ်ရမင်း ဘွဲ့ချီးမြှင့်ခြင်းခံရသည်။ ၁၉၄၆-ခုတွင် ကထိကရာထူးဖြင့် ဘီအီးအက်စ်စီ (ပထမတန်း)သို့ ရာထူးထပ်မံတိုးမြှင့်ခြင်းခံရသည်။

    ၁၉၄၆-ခုနှစ်၌ပင် ပဲခူးဆောင်အဆောင်မှူး၊ တက္ကသိုလ်ကောလိပ်များ၏ အဆောင်မှူးချူပ်ဖြစ်လာသည်။ ၁၉၅၈-ခု ဇွန်လတွင် အငြိမ်းစားယူခဲ့ပြီး သင်္ချာဌာနအချိန်ပိုင်းကထိက တာဝန်ထမ်းဆောင်သည်။ နိုင်ငံတော်အစိုးရ စာသင်ကျောင်းများတွင် အစ္စလာမ်ဘာသာဝင် ကလေးသူငယ်များအတွက် အစ္စလာမ်ဘာသာ အခြေခံရရှိစေရန်နှင့် ဘာသာစာရိတ္တ ကြံ့ခိုင်စေရန်သင်ခန်းစာအစီအစဉ်များ ရေးဆွဲရန်နှင့် အကြံဥာဏ်ပေးရန် အစိုးရက ကော်မတီတစ်ရပ်ခန့်အပ်ရာ ထိုကော်မတီတွင်ထိုစဉ်က ရန်ကုန် တက္ကသိုလ်ကထိက ဆရာကြီးဦးကာကို ဒုတိယသဘာပတိအဖြစ် ခန့်အပ် တာဝန်ပေးသည်။ထိုသို့ တာဝန်ပေးခြင်းကို အများပြည်သူတို့ သိရှိရန် ပြည်ထောင်စု မြန်မာနိုင်ငံအစိုးရ ပညာရေးဝန်ကြီး ဌာနခွဲ(၂) က ၁၉၅၃ခု၊ ဧပြီလ ၉ ရက် ရက်စွဲတပ်ပြီး အမိန့်ကြော်ငြာစာထုတ်ပြန်သည်။

    ၁၉၅၄-ခု နိုဝင်ဘာ ၂ ရက်နေ့က ဗမာမွတ်စလင်မ်ကွန်ဂရက်(ဗမက)အဖွဲ့ ဖျက်သိမ်းပြီး  အစ္စလာမ်သာသနာရေးရာကောင်စီကို ဖွဲ့စည်း ရန် ဗမကအဖွဲ့ရုံး၌ ညှိနှိုင်းဖွဲ့စည်းဝေးစဉ် ဆရာကြီးဦးကာအား ဘဏ္ဍာရေးမှူးအဖြစ် အများက လျာထားသည်။ ၁၉၅၄-ခု ဒီဇင်ဘာလ ၅ ရက်နေ့တွင် ကနေဒီလမ်း၊ ဇိနတ် အစ္စလာမ်ယောကျာ်းလေးများ ဂေဟာ၌ အစ္စလာမ်ကောင်စီစတင် ဖွဲ့စည်း သည့် အစည်းအဝေးသို့ ဆရာကြီး တက်ရောက်သည်။ ထိုအစည်းအဝေးမှဆရာကြီးသည် စည်းမျဉ်းရေးဆွဲရေး ကော်မတီဝင်အဖြစ်လည်းကောင်း၊ စာရင်းစစ်အဖြစ် လည်းကောင်း ရွေးချယ်တင်မြှောက်ခံရသည်။ စတင်ဖွဲ့စည်းသည့် ထိုကာလမှစ၍ ဆရာကြီးသည် အစ္စလာမ် သာသနာရေးရာ ကောင်စီတွင် တောက်လျှောက်ပါဝင်ခဲ့သည်။

    ၁၉၅၈ ခု၊ ဇူလိုင်လ ၂၃ ရက်နေ့တွင် ၀န်ကြီးချူပ်၏ပြည်ထောင်စု စီမံကိန်းကောင်စီဌာနချူပ်၌ ကျင်းပသော အသင်းအဖွဲ့ပေါင်းစုံမှ ကိုယ်စား လှယ်များ၏ပဏမ ဆွေးနွေးပွဲသို့ ရန်ကုန်တက္ကသိုလ်မှ ဆရာကြီး ဦးကာတက်ရောက်ပါဝင်ဆွေးနွေးခဲ့သည်။ အစည်းအဝေးတွင် ဆေးသိပ္ပံ ကျောင်းသားများအသင်း ကိုယ်စားလှယ်က မွတ်စလင်မ်ကျောင်းသူ ကျောင်းသားများအတွက် သီးခြားထမင်းစားရုံနှင့် သီးခြားကျောင်းဆောင်များရရှိရေး အကြံပေးသည်။ ဆရာကြီးဦးကာက အတွေ့အကြုံရင့်ကျက်သူပီပီ သီးခြားကျောင်းဆောင် တောင်းခံလျှင်မသင့်။ ယခင်သီးခြားထမင်းစားရုံနှင့်သီးခြားထမင်းချက် ထားရှိပေးရေးဆိုလျှင် ဖြစ်နိုင်စရာရှိကြောင်း စစ်ကြိုနှင့် စစ်ပြီးခေတ်အတွေ့အကြုံများကို သာဓက ဆောင်၍ အသေးစိတ် ရှင်းလင်းပြောကြားသည်။ ၁-၈-၅၈နေ့ မွတ်စလင်ကုန်သည်ကြီးများအသင်း၌ကျင်းပသော အစည်းအဝေးတွင် ဆရာကြီး၏ အကြံပြုချက်အတိုင်း အောင်မြင်မှုရရှိပြီးဖြစ်ကြောင်းဇူလိုင် ၂၉ ရက်နေ့စွဲ ပါ ကျောင်းဆောင်စားသောက်ရေး ကော်မတီ၏ ပြန်စာအမှတ် ၁၅၉၃ အိပ်ခ်ျအက်ဖ် ၂၂ ကို ရှင်းလင်းပြသည်။ ပါမောက္ခချူပ်ဆရာကြီး ဦးကာသည် နိုင်ငံတော်တွင် အဆင့်မြင့်ရာထူးကြီးများကို တာဝန်ယူ ထမ်းဆောင်သကဲ့သို့တစ်နိုင်ငံလုံးအတိုင်းအတာနှင့် ကိုယ်စားပြုသော ဘာသာရေးအသင်း အဖွဲ့များနှင့်လည်း မကင်းကွာဘဲစိတ်ဝင်တစားပါဝင်ကြောင်း၊ကူညီကြောင်း သိရှိရပါသည်။

    သာယာသော လောကကြီးကို အစ္စလာမ်တရားတော်နှင့် ဖန်တီးနိုင်ကြောင်းမျှော်လင့်ယုံကြည်သည်။ ယုံကြည်ချက်ကို- ‘အချူပ်အားဖြင့် ဤစာအုပ်တွင် အလွန်နက်နဲ ကျယ်ဝန်းလှသည့် အစ္စလာမ်တရားတော်ကြီး၏ ကောက်နုတ်ချက်များဖြစ်သော အလွန်သေးငယ်သည့် အစိတ်အပိုင်း ကလေးမျှကိုသာထည့်သွင်း ဖော်ပြထားသော်လည်း ဖတ်ရှုသူများသည် ကိုယ်ကျင့်ဝတ်ကို ကောင်းစွာသိရှိ ထိန်းသိမ်းတတ်၍ ၊ပေါင်းသင်းဆက်ဆံမှု အဆင်ပြေ၍ ကောင်းလာပြီးလျှင်ယခုထက်များစွာ သာယာသောလောကကြီးကို ကူညီဖန်တီးနိုင်လိမ့်မည်ဟု မျှော်လင့်ပါသည်’ဟု အတွင်းဝန်သီရိပျံချီ ဦးဘစိန် (M.S.c, B.S.c) စီရင်ရေးသားသည့် ‘အစ္စလာမ်ဘာလဲ’ ကျမ်းအတွက် နိဒါန်းအမှာစာပေးပို့ရာတွင် ဆရာကြီးက ဖော်ပြထားသည်ကို တွေ့ရှိရပါသည်။

    ၁၉၅၈-ခုမှ ၁၉၆၀ ပြည့်နှစ်အထိ ကာလအတွင်း ပညာရေးဝန်ကြီးဌာန၊လယ်ယာစိုက်ပျိုးရေးနှင့် သစ်တောရေးဝန်ကြီးဌာန၊ လယ်ယာမြေ နိုင်ငံပိုင်ပြုလုပ်ရေးဝန်ကြီးဌာန၀န်ကြီးအဖြစ် တာဝန် ပေးအပ်ခြင်းခံရသည်။

    ၁၉၆၂-ခုတွင် ရန်ကုန်တက္ကသိုလ်၏ ပါမောက္ခချူပ်အဖြစ်တော်လှန်ရေးကောင်စီ အစိုးရက တာဝန်ပေးအပ်သည်။ ပြည်ထောင်စုရာထူးအဖွဲ့ဥက္ကဋ္ဌ(ယခု ပြည်သူ့ဝန်ထမ်းရွေးချယ် ခန့်ထားရေး အဖွဲ့ဥက္ကဋ္ဌ) တာဝန်များကိုလည်း ထမ်းဆောင်ပေးခဲ့သည်။

    ပါမောက္ခ ဒေါက်တာအောင်ဇော်ရေးသားပြုစုသော တိုင်းရင်းမွတ်စလင်မ် စာပြုစာဆိုများ-၂ စာအုပ်မှ ကူးယူဖော်ပြခြင်းဖြစ်ပါသည်။

  • လူမျိုးရေးမုန်းတီးမှုကြောင့် အီရတ်အမျိုးသမီးတစ်ဦး အမေရိကန်တွင် အသတ်ခံရ

    လူမျိုးရေးမုန်းတီးမှုကြောင့် အီရတ်အမျိုးသမီးတစ်ဦး အမေရိကန်တွင် အသတ်ခံရ

    Shaima Alawady

    Travon Martin

    အမေရိကန် တစ်နိုင်ငံလုံးက ထရေဗွန်မာတင် အသတ်ခံရတဲ့အမှု့ကို စိတ်ဝင်စားနေတဲ့အချိန်မှာ လူမျိုးရေးခွဲခြားမှု့ တစ်ခုလို့ ယူဆရတဲ့ အီရတ်အမျိုးသမီး တစ်ဦး အသတ်ခံရမှု့ ထပ်မံဖြစ်ပွားခဲ့ပါတယ်။ အီရတ်နိုင်ငံမှ ပြောင်းရွေ့နေထိုင်သူ အသက် ၃၂ နှစ် အရွယ် ကလေး ငါးယောက်မိခင်ဖြစ်သူ Shaima Alawadi ဟာ အမေရိကန်နိုင်ငံ ဆန်ဒီရာဂို အနီးမှာ စနေနေ့က အသတ်ခံခဲ့ရခြင်းဖြစ်ပါတယ်။  ပြီးခဲ့တဲ့ ဗုဒ္ဓဟူးနေ့ က ပြင်းထန်စွာ အရိုက်ခံထားရတဲ့ Alawadi ကို သူ့အိမ်မှာ သမီးဖြစ်သူက တွေ့ရှိပြီး သုံးရက်အကြာမှာ သေဆုံးသွားတာဖြစ်ပါသည်။ အရိုက်ခံထားရတဲ့ Alawadi ရဲ့ဘေးမှာ “ကိုယ့်နိုင်ငံကို ပြန်” လို့ရေးထားတဲ့ စာရွက် တစ်ရွက်ကိုလည်း တွေ့ခဲ့ရပါတယ်။

    သူသေဆုံးတဲ့သတင်းကို AP သတင်းဌာန က ဖော်ပြပြီး ချက်ချင်းလိုပဲ ဒီသတင်းဟာ Twitter မှာ နာမည်အကြီး ဆုံး သတင်းတစ်ပုဒ်ဖြစ်သွားပါတယ်။ Twitter အသုံးပြုသူတွေဟာ ထရေဗွန်မာတင်အသတ်ခံရချိန်က ၀တ်ဆင်ခဲ့တဲ့ ခေါင်းဆောင်း နဲ့ အခု Alawadi ၀တ်ဆင်တဲ့ hijab ကိုနှိုင်းယှဉ်ဖော်ပြကြပါတယ်။ hijab မှာ မွတ်စလင်အမျိုးသမီးများ ၀တ်ဆင်လေ့ရှိသော ခေါင်းဆောင်း တမျိုးဖြစ်ပါတယ်။

    ထရေဗွန်မာတင်မှာ အသက် ၁၇နှစ်အရွယ် လူမဲလူငယ်တစ်ဦးဖြစ်ပြီး ပြီးခဲ့တဲ့ လ ၂၆ ရက်နေ့မှာ ညစောင့် ရဲသား တစ်ဦးက ပစ်ခတ်သတ်ဖြတ် ခဲ့တာဖြစ်ပါသည်။ Fox News သတင်းဌာနမှ သတင်းထောက် Geraldo Rivera က ထရီဗွန် အသတ်ခံရမှု့ဟာ သူဆောင်းထားတဲ့ ခေါင်းဆောင်းကြောင့်လို့  မှတ်ချက်ပေးရာကနေ အွန်လိုင်းမှာ ခေါင်းဆောင်း လှုပ်ရှားမှု့ ပျံ့နှံ့ခဲ့ပါသည်။

    Facebook အသုံးပြုတွေအများအပြားဟာ hijab ၀တ်ဆင်ထားတဲ့ ဓာတ်ပုံတွေတင်ခြင်း၊ မှတ်ချက်များ ရေးသားခြင်း၊ ဒီအမှု့နဲ့ပတ်သက်တဲ့ ဗီဒီယိုတွေတင်ခြင်းဖြင့် “Alawadi အတွက် hijab တစ်သန်း” လှုပ်ရှားမှု့ကို လုပ်ဆောင်နေကြပါသည်။ ပြီးတော့ ဒီအမှု့ကို လူအများ စိတ်ဝင်စားလာစေရန် community event များ လုပ်ဆောင်ရန်စီစဉ်လျက်ရှိပါသည်။ တနင်္ဂနွေနေ့မှာ တင်ခဲ့ တဲ့ Alawadi ရဲ့ဓာတ်ပုံနဲ့ post တစ်ခုကတော့ အမေရိကန် နိုင်ငံသားတွေကို တရားမျှတမှု့ဘက်က ရပ်တည် ဖို့ ဆော်သြခဲ့ပါတယ်။

     

    “ဒါဟာ Shaima Alawadi ပါပဲ။ သူ့ရဲ့ အပြုံးကို ကြည့်ကြပါဦး။ သူဟာ သင်တို့ရဲ့ သမီး၊ ညီမ၊ သူငယ်ချင်း ဖြစ်နိုင်ပါတယ်။ အမျိုးသမီးတစ်ယောက်ဟာ hijab ကိုဝတ်ဆင်ခဲ့လို့ အသတ်ခံရတယ်။ လူမဲ ကောင်လေး တစ်ယောက်ဟာ ခေါင်းဆောင်း ကို ဆောင်းတဲ့အတွက် အသတ်ခံရတယ်။ လိင်အကြမ်းဖက်ခံရတဲ့ အမျိုးသမီး တစ်ယောက်ဟာ သူရဲ့အ၀တ်အစားကြောင့် အပြစ်တင်ခံရတယ်။ အဲလို အမုန်းတွေ ပြည့်နှက်နေတဲ့ ကမ္ဘာကြီး ကို သင်နဲ့ ကျတော်တို့ရဲ့ သားသမီးတွေကို အမွေပေးခဲ့မှာလား။ တော်လောက်ပါပြီ။ လူတစ်ယောက်ရဲ့ အသား အရောင်၊ လိင်ကွဲပြားမှု့၊ သူရဲ့ အ၀တ်အစား ၀တ်ဆင်ပုံတွေဟာ အကြမ်းဖက်မှု့အတွက် အကြောင်းပြချက် လုံး ၀ မဖြစ်သင့်ပါဘူး။ ကျတော်တို့ အားလုံးဟာ Shaima ပါပဲ။ ကျတော်တို့ hijab တစ်သန်းလှုပ်ရှားမှု့မှာ ပါဝင်ကြ ပါစို့။ ”

     

    Alawadi အရိုက်ခံရချိန်မှာ သူ့နား မှာ တွေ့ခဲ့ရတဲ့ စာရွက်ကို ကြည့်ခြင်းအားဖြင့် လူမျိုးရေးအမုန်းတရားကြောင့် ဒီလိုလုပ်တာလို့ ယူဆ နိုင်ပေမယ့် သက်ဆိုင်ရာကတော့ သူ့ရဲ့ သေဆုံးမှု့နဲ့ပတ်သက်ပြီး အကြောင်းရင်းကို တရားဝင် ထုတ်ဖော်ပြောဆိုခြင်းမရှိသေးပါဘူး။ “အမုန်းတရားကြောင့် သတ်တယ်ဆိုတာလည်း ဖြစ်နိုင်ပါတယ်။ ကျတော်တို့ စုံးစမ်းစစ်ဆေးနေပါတယ်” လို့ ရဲ အရာရှိက ပြောပါသည်။ “ဒါပေမယ့် ဒါတစ်ခုတည်းကိုပဲ အာရုံစိုက် နေလို့ မဖြစ်သေးပါဘူး။ တခြား အကြောင်းတွေကိုလည်း ထည့်စဉ်းစားရပါတယ်။”

    ထို့အတူ ထရီဗွန်မာတင် အမှု့မှာလည်း အွန်လိုင်းမှာရော လူအများကြားမှာပါ လူမျိုးရေးမုန်းတီးမှု့လို့ ယုံကြည်နေကြပေမယ့် အခုအချိန်ထိ သက်ဆိုင်ရာက စုံစမ်းစစ်ဆေးနေဆဲပဲဖြစ်ပါတယ်။ လူမျိုးရေးမုန်းတီးမှု့ကြောင့် အသတ်ခံ ရတယ်လို့ အတိအကျ မစွပ်စွဲနိုင်သေးပါဘူး။

    http://mashable.com/2012/03/26/shaima-alawadi-crime/

    Translated by Lu Min Han

  • မ.မ.လ အဖွဲ့မှ မုတ္တမမြို့တွင် အမျိုးသမီးများအတွက် အခမဲ့ အဆင့်မြင့်စက်ချုပ် သင်တန်းဖွင့်လှစ်

    မ.မ.လ အဖွဲ့မှ မုတ္တမမြို့တွင် အမျိုးသမီးများအတွက် အခမဲ့ အဆင့်မြင့်စက်ချုပ် သင်တန်းဖွင့်လှစ်

    မြန်မာနိုင်ငံလုံဆိုင်ရာမြန်မာမွတ်စလင်မ်လူငယ်များ ဘာသာရေးအဖွဲ့ ပေါင်မြို့နယ်မုတ္တမမြို့ မ.မ.လအဖွဲ့ခွဲ၏(1/2012)အမျိုးသမီးအခြေခံ အဆင်မြင့်စက်ချုပ်သင်တန်းကို မုတ္တမမြို့ အမှတ်-49 သူဌေးကုန်းဗလီလမ်း မ.မ.လ သင်တန်းခန်းမတွင်ပြုလုပ်ခဲ့ပါသည်။

    ထိုသင်တန်းကိုသင်တန်းကာလ (၃)လဖြစ်ပြီး တစ်ပတ်လျှင် (၄)ရက်ဖြင့် အခမဲ့သင်ကြားပေးမည်ဖြစ်ကြောင်းသိရှိသည်။

    မုတ္တမမြို့အတွင်းရှိ မြန်မာမွတ်စလင်မ် အမျိုးသမီးငယ် (၂၅)ဦးသည် စက်ချုပ်သင်တန်း အမျိုးသမီး ငယ် (၁၅) ဦးသည် အိမ်တွင်းမှုသင်တန်းကို တက်ရောက်နေကြောင်း အဆိုပါသင်တန်းများကို သင်တန်းနည်းပြ ဆရာမ (၅) ဦးမှ သင်ကြားပေးလျက်ရှိကြောင်းသိရှိရပါသည်။

    သတင်း/ဓါတ်ပုံ – ကိုအောင်ကိုထွေး

  • အစ္စရေးဆန့်ကျင်ရေး ပြည်သူတစ်သိန်းခန့် မော်ရိုကိုတွင်ဆန္ဒပြ

    အစ္စရေးဆန့်ကျင်ရေး ပြည်သူတစ်သိန်းခန့် မော်ရိုကိုတွင်ဆန္ဒပြ

    မော်ရိုကိုပြည်သူ တစ်သိန်းလောက်ဟာ “Global March to al-Quds (Jerusalem)” လှုပ်ရှားမှု့နှင့် အစ္စရေးဆန့်ကျင်ရေး ဆန္ဒပြပွဲကို မော်ရိုကို နိုင်ငံ မြိုတော်ပါလီမန်ရှေ့ပြုလုပ်ခဲ့ကြပါတယ်။
    ဒီဆန္ဒပြမှု့တွေဟာ “အလ်ကွဒ် (ဂျေရုစလင်) သို့ ကမ္ဘာလုံးဆိုင်ရာချီတက်ပွဲ” ရဲ့ အစိတ်အပိုင်းတစ်ခုဖြစ်ပြီး မတ်လ ၃၀ ရက်နေ့မှာ ကျရောက်မယ့် Palestinian Land Day ကို ဂုဏ်ပြု ကျင်းပ တာဖြစ်တယ်လို့ဆိုပါသည်။

    ဆန္ဒပြသူတွေဟာ အစ္စရေးအလံကို မီးရှို့ခဲ့ကြပြီး ဂျေရုစလင်မြို့ရှိ အလ်အက္ကစွာ ဗလီဝတ်ကျောင်းတော်ကို အစ္စရေးတို့ သိမ်းပိုက်ထားမှုအောက်မှ လွတ်မြောက်ရေးအတွက် တောင်းဆိုသွားကြပါသည်။

    ဒီဆန္ဒပြမှု့တွေကြောင့် မော်ရိုကို မြို့တော်မှာ အစည်းအဝေးတက်ဖို့ရောက်နေတဲ့ အစ္စရေးသံတမန်ဟာ မော်ရိုကိုနိုင်ငံမှ ချက်ချင်းပြန်လည် ထွက်ခွာသွားပါတယ်။

    “အလ်ကွဒ် သို့ ကမ္ဘာလုံးဆိုင်ရာ ချီတက်ပွဲ” ဟာ ကမ္ဘာ့နေရာ အနှံ့အပြားမှာ ဖြစ်ပွားလျက်ရှိပြီး ပါလက်စတိုင်း ရဲ့ အိမ်နီးချင်းတွေဖြစ်တဲ့ ဂျော်ဒန်၊ အီဂျစ်၊ ဆီးရီးယား နဲ့လက်ဘနွန်နိုင်ငံတွေအထိ ပျံ့နှံ့လာပါပြီ။ ဒီလှုပ်ရှားမှု့ ဟာ အစ္စရေး အသိမ်းပိုက်ခံ အရှေ့ဂျေရုစလင် နဲ့ နီးနိုင်သမျှအနီးဆုံးရောက်အောင် လုပ်ဖို့ ရည်ရွယ်ထားပါသည်။

    ဒီလှုပ်ရှားမှု့မှာ ကမ္ဘာနဲ့အ၀ှမ်းမှာ ရှိတဲ့ အစ္စရေးသံရုံးတွေ မှာ ဆန္ဒပြခြင်း၊ နိုင်ငံရဲ့ အဓိကနေရာတွေမှာ ဆန္ဒပြခြင်း တွေလည်း ပါဝင်ပါသည်။

    အစ္စရေးဟာ အရှေ့ဂျေရုစလင်ကို သိမ်းပိုက်ပြီးကတည်းက ဂျူးအိမ်ယာများ တည်ဆောက်ခြင်း၊ ပါလက်စတိုင်း ပြည်သူတွေကိုနှင်ထုတ်ခြင်း၊ သူတို့အိမ်တွေကို ဖြိုဖျက်ခြင်း တွေကို ဆက်တိုက်လုပ်ဆောင်ခဲ့ပါသည်။

    Source: http://www.presstv.ir/detail/233281.html

  • လောင်စာဆီ မလုံလောက်မှု့ကြောင့် အသက်ရှူကိရိယာရပ်ဆိုင်းပြီး ဂါဇာ မှ ခုနစ်လအရွယ် ကလေး သေဆုံး

    လောင်စာဆီ မလုံလောက်မှု့ကြောင့် အသက်ရှူကိရိယာရပ်ဆိုင်းပြီး ဂါဇာ မှ ခုနစ်လအရွယ် ကလေး သေဆုံး

    ဂါဇာကမ်းမြှောင်မြောက်ဘက်မှာ ရှိတဲ့ ဂါဇာမြို့တော် ဆေးရုံက မွေးကင်းစ ကလေးတစ်ဦး ဟာ အသက်ရူကိရိယာ ရပ်ဆိုင်းသွားတဲ့အတွက် သေဆုံးသွားပါတယ်။ လောင်စာဆီ ပျက်တောက်မှု့ကြောင့် ဂျင်နရေတာ အလုပ်မလုပ်တော့ ရာမှ အသက်ရူကိရိယာ ရပ်ဆိုင်းသွားခြင်းဖြစ်သည်။

    အသက် ခုနစ်လ အရွယ် မွေးကင်းစ ကလေးလေး သေဆုံးသွားကြောင်းကျန်းမာရေးဌာနမှ ပြောခွင့်ရပုဂ္ဂိုလ် Adam Abu Salmiya က ဟားမက်စ် အဖွဲ့မှ ထိန်းချုပ်ထားသော Al-Aghsa ရုပ်သံလိုင်း မှတဆင့် စနေနေ့က အတည်ပြု ပြောကြားသွားပါသည်။

    အသက်ရူကိရိယာမှာ ပုံမှန်မဟုတ်တဲ့ အသက်ရူလမ်းကြောင်းစနစ်ကနေ ထွက်လာတဲ့ အရည်တွေကိုဖယ်ထုတ် ဖို့အတွက် သုံးတဲ့ ကိရိယာ ဖြစ်ပါတယ်။

    တစ်ခုတည်းသော ဓာတ်အားပေးစက်ရုံမှာလဲ လောင်စာမလုံလောက်မှု့ကြောင့် တနင်္ဂနွေ နေ့ မနက်ပိုင်းက ရပ်ဆိုင်းလိုက်ရကြောင်း ဂါဇာ လျှပ်စစ်မီးပေးရေး အဖွဲ့က ကြေငြာချက်ထုတ်ပြန်ခဲ့ပါတယ်။

    ဟားမက်စ် ရဲ့ ကျန်းမာရေးဝန်ကြီး Bassem Naim ကလည်း လောင်စာဆီပျက်တောက်မှု့ဟာ ဒေသခံတွေ ရဲ့ အသက်ပေါင်းများစွာကို ခြိမ်းခြောက်နေတယ်လို့ တနင်္ဂနွေနေ့က ပြောကြားသွားပါသည်။ “လူနာတင်ယာဉ်နဲ့ တခြားယာဉ်တွေ ထက်ဝက်လောက်က (လောင်စာဆီ မလုံလောက်တဲ့အတွက်) သွားလို့ မရဘူးဖြစ်နေပါတယ်။ လျှပ်စစ်မီး ပျက်တာတွေကလည်း ကြီးမားတဲ့ ပြသနာ တစ်ခု ပါပဲ။” လို့ သူရဲ့ ကြေငြာချက်မှာ ဖော်ပြသည်။

    အီဂျစ်နယ်စပ်ကနေဒီဇယ်တွေထောက်ပံ့ပေးနေတဲ့လှိုဏ်ခေါင်းတွေကိုလည်း အီဂျစ်က ဖေဖော်ဝါရီလ လယ်လောက်ကစပြီး ပိတ်လိုက်ပါတယ်။အစ္စရေးရဲ့ ပိတ်ဆို့မှု့ကို ခံနေရပြီး ဆင်းရဲ မွဲတေမှု့တွေမြင့်တက်နေတဲ့ ဒီဒေသကို ထောက်ပံ့ရေးပစ္စည်းတွေ သယ်ယူ ရာမှာ ဒီလှိုဏ်ခေါင်းတွေဟာ အဓိက လမ်းကြောင်းဖြစ်ပါတယ်။

    ဒီလို လောင်စာပျက်တောက်မှု့ကြောင့် ဂါဇာရဲ့ တစ်ခုတည်းသော လျှပ်စစ်ဓာတ်အားပေးစက်ရုံဟာလည်း ပုံမှန် မလည်ပတ်နိုင်တော့ပါဘူး။ အခုဆိုရင် ဂါဇာမှာ တစ်ရက်ကို ၁၈ နာရီလောက်မီးပျက်နေပါတယ်။

    အစ္စရေးဟာ ဒီဒေသကို ၂၀၀၇ ခုနစ်ကတည်းက ပိတ်ဆို့ထားတာဖြစ်ပါတယ်။ ဒီပိတ်ဆို့မှု့ကြောင့် ဒီဒေသဟာ လူနေမှု့စနစ် နိမ့်ကျမှု့တွေ၊ အလုပ်လက်မဲ့ပြသနာတွေ၊ ဆင်းရဲမွဲတေမှု့တွေနဲ့ ရင်ဆိုင်နေရပါတယ်။

    မြေပြင်၊ ဝေဟင်၊ ရေကြောင်းတွေကပါ အပြင်းအထန် ပိတ်ဆို့ထားတာကြောင့် ဒီဒေသ ဟာ ကမ္ဘာပေါ်မှာ အကြီးဆုံး အကျယ်ချုပ်ကျ နေတဲ့ ဒေသ တစ်ခုဖြစ်ပါတယ်။

    source:http://www.presstv.ir/detail/233197.html