Author: M-Media

အလှူဒါနပြုခြင်းကို အသားပေးသည့် အစ္စလာမ့် အသိပညာပေးရေး သီတင်းပတ် လန်ဒန်တွင် ကျင်းပ

မတ် ၁၈၊ ၂၀၁၄
M-Media

– အစ္စလာမ်မှ သင်ကြားသည့် အလှူဒါနပြုရေး ရည်ရွယ်ချက်များကို သိရှိစေရန်နှင့် လူ့အဖွဲ့အစည်းတွင်း ရင်းနှီးနွေးထွေးမှုများ ရရှိလာရန် ရည်ရွယ်၍ အစ္စလာမ့် အသိ ပညာပေးရေး လှုပ်ရှားမှု သီတင်းပတ်ကို လန်ဒန်မြို့၌ မတ်လ ၁၇ နေ့တွင် စတင် ပြုလုပ်ခဲ့သည်ဟု သိရသည်။

၂၁ ကြိမ်းမြောက်ဖြစ်ပြီး “အလှူဒါန အိမ်မှစ၏” ခေါင်းစဉ်ဖြင့်ပြုလုပ်သည့် အဆိုပါ လှုပ်ရှားမှုတွင် အလှူဒါနပြုခြင်း၏ သဘောတရားနှင့် အစ္စလာမ်မှ သွန်သင်သည့် အလှူဒါနပြုလုပ်ခြင်း အကြောင်းတို့ကို လူအများသိရှိစေရန် အာရုံစိုက်လုပ်ဆောင်မည်ဖြစ်သည်။

“အလှူဒါနပြုတယ်ဆိုတာ ပိုက်ဆံပေးထာထက်ကိုပိုပါတယ်။ သင့်ရဲ့အချိန်ပေးတာ၊ အရည်အချင်းတွေပေးတာ၊ မတူညီတဲ့ နည်းလမ်းတွေနဲ့ အခြားလူတွေရဲ့ ကိစ္စတွေမှာ အသင်ကိုယ်တိုင်ပါဝင်ဆောင်ရွက်တာမျိုးပါ။ ပြီးတော့ အိမ်နီးချင်းတွေကို ဂရုစိုက်ဖို့နဲ့ သင်နေထိုင်တဲ့ ပတ်ဝန်းကျင်ကို ဂရုစိုက်ဖို့လည်း ပါဝင်ပါတယ်” ဟု ၂၀၁၄ အစ္စလာမ့်အသိပညာရေး သီတင်းပတ်အတွက် ထုတ်ဝေသော စာအုပ်ငယ်တွင် ရေးသားဖော်ပြထားသည်။

ထိုလှုပ်ရှားမှုတွင် မွတ်စလင်များ ဦးဆောင်လှုပ်ရှားသည့် ပရဟိတ လုပ်ငန်းများကို ဥပမာပေးကာ လူမှုရေး လုပ်ငန်းများ လုပ်ဆောင်ခြင်း အကြောင်းအရာများလည်း ပါဝင်မည်ဖြစ်သည်။

“မတူညီတဲ့ ဘာသာတရားတွေ၊ အသိုင်းအ၀ိုင်းတွေက လူတွေနဲ့ အတူ လိုအပ်နေတဲ့ ဒီလို(ပရဟိတ) အလုပ်မျိုးတွေမှာ ပါဝင်လာဖို့အတွက် လူတွေကို လှုံ့ဆော်ဖို့ အတွက် ရည်ရွယ် လုပ်ဆောင်ခြင်း ဖြစ်ပါတယ်” ဟု အဆိုပါစာအုပ်ငယ်တွင် ဖော်ပြထားသည်။

ထိုကဲ့သို့ လှုပ်ရှားမှုများကို ဘရက်ဖို့ဒ်၊ ရှက်ဖီး၊ လက်စတာ၊ ဟာလီဖက်စ်မြို့များနှင့် ယူကေ တစ်ဝှမ်းတွင် ပြုလုပ်သွားမည်ဟု သိရသည်။ စကော့တလန်နိုင်ငံတွင်လည်း အားကစားပွဲများ၊ ဘာသာရေးပွဲများပါဝင်သည့် အစ္စလာမ့်အသိပညာပေးရေးသီတင်းပတ်ကို မတ်လ ၁၀ ရက်နေ့မှ ၂၃ ရက်နေ့ အထိ ပြုလုပ်သွားမည်ဖြစ်သည်။

အစ္စလာမ့် အသိပညာပေးရေး သီတင်းပတ် လှုပ်ရှားမှုကို ဗြိတိန်ရှိ မွတ်စလင်လူ့အဖွဲ့အစည်းမှ ၁၉၉၄ ခုနှစ်ကတည်းက စတင်ကျင်းပခဲ့ခြင်းဖြစ်သည်။ လူအများ အာရုံစိုက်နေသည့် အကြောင်းအရာများကို ဦးစားပေးကာပြုလုပ်ခဲ့သည့် ထိုလှုပ်ရှားမှုများမှ အစ္စလာမ်အပေါ် အထင်အမြင် လွဲမှားမှုများကို လျော့ချနိုင်ခဲ့သည်။

အစ္စလာမ်၏ အလှူဒါန ပြုမှုတွင် “ဇကားသ်” နှင့် “ဆွဒကဟ်” ဟူ၍ အဓိက ပညတ် ၂ ခုရှိပြီး၊ “ဇကားသ်” ဟူသည် ငွေကြေးချမ်းသာသော အစ္စလာမ် ဘာသာဝင်များ ၎င်းတို့၏ ပိုင်ဆိုင်မှုများမှ ၂.၅ ရာခိုင်နှုန်းကို တစ်နှစ်တစ်ခါ ထုတ်နှုတ်၍ သူဆင်းရဲများ၊ လိုအပ်နေသူများအား မဖြစ်မနေ ပေးကမ်းလှူဒါန်းရန် သတ်မှတ်ထားခြင်းဖြစ်သည်။ “ဆွဒကဟ်” မှာမူ မိမိ၏ စိတ်ဆန္ဒ စေတနာအလျောက် လှူဒါန်းရခြင်းဖြစ်သည်။

အလှူဒါနပြုမှုများအား မှတ်တမ်းတင်သည့် JustGiving ၀ဘ်ဆိုဒ်၏ ဖော်ပြချက်အရ ဗြိတိန်တွင် အစ္စလာမ်ဘာသာဝင်များမှာ အခြား ဘာသာဝင်များနှင့် နှိုင်းယှဉ်လျှင် အလှူအတန်း ရက်ရောက်ကြသူများဖြစ်သည်ဟု ဖော်ပြထားသည်။ ဗြိတိန်တွင် အစ္စလာမ်ဘာသာကို သက်ဝင်ယုံကြည်သူ ခန့်မှန်းခြေ ၂.၇ သန်းခန့်ရှိသည်

OnIslam

March 18, 2014
တစ်ပတ်အတွင်း သိပ္ပံနှင့် နည်းပညာ သတင်းများ (M-Media Tech ကဏ္ဍ)

မတ် ၁၈၊ ၂၀၁၄
M-Media
စုစည်းတင်ဆက်သူ- daythanix

ဒရမ်တီးနိုင်တဲ့ စက်လက်အတု

အရင်တစ်ပါတ်က ထိတွေ့မှုကို ခံစားနိုင်တဲ့ လက်အတုအကြောင်း ဖေါ်ပြခဲ့တာ မှတ်မိကြလိမ့်မယ်လို့ ထင်ပါတယ်။ အခု နောက်ထပ် တစ်မျိုးကတော့ Georgia Tech တက္ကသိုလ်မှ ပါမောက္ခ Gil Weinberg က ဒရမ်တီးနိုင်တဲ့ စက်လက်အတုကို တီထွင်ခဲ့ပါတယ်။ ဒရမ်ရိုက်ချက် ကို စက်မောင်းတံနဲ့ ရိုက်ခတ်ဖို့ ကို လက်ရဲ့ အာရုံကြောက ပို့လွှတ်တဲ့ အချက်ပြလှိုင်းကို electromyographyန နည်းနဲ့ ဆက်သွယ် လုပ်ဆောင်ပါတယ်။ ထူးခြားတာကတော့ နောက်ထပ် အလိုအလျောက် ဒရမ်ခေါက် တံတစ်ချောင်းက လက်နှစ်ဘက်က တီးနေတဲ့ သံစဉ်ပေါ် မူတည်ပြီး စည်းချက် ဖြည့်စွက် တီးခတ်ပေးမှာ ဖြစ်ပါတယ်။

တီးခတ်မှု ဗွီဒီယို

_____________________
လူသားနှင့် စက်ရုပ် တို့ရဲ့ စားပွဲတင်တင်းနစ် ပြိုင်ပွဲ

ဂျာမဏီနိုင်ငံက စက်ရုပ်လုပ်ငန်း Kuka က စားပွဲတင်တင်းနစ် ရိုက်နိုင်တဲ့ စက်ရုပ် Agilus ကို ထုတ်လုပ်ခဲ့ပြီး ဂျာမန် ချန်ပီယံ Timo Boll နဲ့ ယှဉ်ပြိုင် ကစားရာမှာ အစပိုင်းမှာ လူသားက ရှုံးနိမ့်ခဲ့ပေမယ့် Agilus စက်ရုပ်ကို ပြုလုပ်သူ လူသားတွေရဲ့ တီထွင်နိုင်စွမ်းကို တော့ youtube ဗွီဒီယို https://www.youtube.com/watch?v=tIIJME8-au8 မှာ ကြည့်ရှုနိုင်ပါတယ်။

___________________
Googleရဲ့ Project Ara

လက်ရှိခေတ်မှာ စားပွဲတင်ကွန်ပျူတာတွေ တစ်လုံး ဝယ်ယူတဲ့အခါမှာ စိတ်ကြိုက် အစိတ်အပိုင်း တစ်မျိုးချင်းစီ ဝယ်ယူ တပ်ဆင်နိုင်ကြသို လက်ကိုင်ဖုန်းတွေကိုလည်း စိတ်ကြိုက် ပရိုဆက်စာ၊ စိတ်ကြိုက် ကင်မရာ။ စိတ်ကြိုက် မှတ်ဉာဏ်သိုလှောင်မှု စသည်ဖြင့် တပ်ဆင်နိုင်မယ် တပ်ဆင်နိုင်တဲ့ ဖုန်း စနစ်ကို ဂူးဂဲလ်က Ara ဆိုတဲ့ ပရောဂျက်အမည်နဲ့ လုပ်ဆောင်နေတယ်လို့ သိရပါတယ်။ ဧပြီ ၁၅−၁၆ ရက်တွေမှ ဒီ အာရာ ပရောဂျက် ကွန်ဖရင့်တစ်ရပ်ကျင်းပဖို့ စီစဉ်ထားပါတယ်။

_____________________________________
ခန္ဓာကိုယ် အစိတ်အပိုင်းတွေကို 3D printerနဲ့ တည်ဆောက်ခြင်း

ပြီးခဲ့တဲ့အပါတ်အတွင်းမှာ ခန္ဓာကိုယ် အစိတ်အပိုင်းတွေကို 3D printer နဲ့ တည်ဆောက် ကုသတဲ့ သတင်းနှစ်ရပ် ရှိပါတယ်။ ပထမသတင်းကတော့ အသက် ၂၉နှစ်အရွယ် Stephen Power ဟာ ဆိုင်ကယ် မတော်တဆဖြစ်ပြီး ဦးခေါင်းခွံ ကျိုးကြေခဲ့ရတဲ့ အပိုင်းတွေကို Morriston ဆေးရုံက Adrian Sugar ဦးဆောင်တဲ့ အဖွဲ့က 3D printer တစ်မျိုးနဲ့ လိုအပ်တဲ့ ဦးခေါင်းခွံ အပိုင်းကို ပြုလုပ်ပြီး ကုသပေးခဲ့ကြပါတယ်။ နောက်သတင်းကတော့ Harvard တက္ကသိုလ်က Jennifer Lewis ဦးဆောင်တဲ့ သုတေသီ အဖွဲ့ရဲ့ ပိုမို ရှုပ်တွေး အဆင့်မြင့်တဲ့ စမ်းသပ် သုတေသနဖြစ်ပါတယ်။ ခန္ဓာကိုယ် အစိတ်အပိုင်း ကြွက်သားတစ်ရှူး တွေကို 3D printer နဲ့ ပြုလုပ်တဲ့အခါမှာ တစ်ရှူးထဲမှာ သွေးကြောလေးတွေကိုပါ ထည်ုသွင်းတည်ဆောက် နိုင်ခဲ့ကြပါတယ်။

————————–————————–——-
** Print Media များတွင် M-Media ခွင့်ပြုချက်မရှိဘဲ အသုံးပြုခွင့်မပြုပါ။
ဆက်သွယ်ရန် [email protected]

March 18, 2014
မက္ကဆီကိုတွင် ကလေးများ၏ ကိုယ်အင်္ဂါ အစိတ်အပိုင်း ထုတ်ယူရောင်းချသည့် ဂိုဏ်းသား တစ်ဦးအား ဖမ်ဆီး

မတ် ၁၈ ၊ ၂၀၁၄
M-Media

– ကလေးများ၏ ကိုယ်အင်္ဂါ အစိတ်အပိုင်းများအား ထုတ်ယူရောင်းစားသည်ဟူသော သံသယဖြင့် ဒုစရိုက်ဖွဲ့တစ်ခုမှ အဖွဲ့ဝင်တစ်ဦးအား မက္ကဆီကို အနောက်ပိုင်း မီချိုအာကန် ရဲတပ်ဖွဲ့က ယမန်နေ့တွင် ဖမ်းဆီးခဲ့သည်ဟု သိရသည်။

Knights Templar အဖွဲ့မှ အဖွဲ့ဝင်ဖြစ်သူ မန်နျူယဲလ် ပလန်ကာတီ ဂက်စ်ပါအား ခန္ဓာကိုယ် အစိတ်အပိုင်းရောင်းချသည့် ဂိုဏ်းတွင် ပါဝင်သည်ဟူသော စွဲချက်ဖြင့် ရဲတပ်ဖွဲ့က ဖမ်းဆီးခဲ့ခြင်းဖြစ်သည်။ ရောင်းစားရန် ခန္ဓာကိုယ် ကလီဇာ အစိတ်အပိုင်း ဖြတ်ထုတ်ခြင်းကြောင့် ကလေးငယ်များသေဆုံးမှု အတွက် မီချိုအာကန်ပြည်နယ်၏ တရားရေးဌာနက ၎င်းအား စုံစမ်းစစ်ဆေးနေသည်ဟု ပြောကြားခဲ့သည်။

အဆိုပါဂိုဏ်းမှာ ကလေးငယ်များအား ဖမ်းဆီး၍ ဆေးဘက်ဆိုင်ရာ ကိရိယာများ တပ်ဆင်ထားသည့် နေရာတစ်ခုတွင် ထားရှိကာ ကိုယ်အင်္ဂါ အစိတ်အပိုင်းများအား ထုတ်ယူရောင်းစားကြသည်ဟု ပြည်သူ့လုံခြုံရေးတပ်ဖွဲ့ အတွင်းရေးမှူး ဘီဆာရာက ဆိုသည်။ အချို့သော ကလေးငယ်များအား စောင်ဖြင့်ပတ်ကာ အအေးပေးထားသည့် ကွန်တိန်နာထဲတွင် ထည့်၍ ဖမ်းဆီးခေါ်ဆောင်သွားခြင်းများလည်း ရှိသည်ဟု သိရသည်။

လွန်ခဲ့သည့်နှစ်ပေါင်းများစွာကတည်းက ဖြစ်ပွားခဲ့သော အဖြစ်အပျက်များအတွက် တိုင်ကြားမှုများလည်း ရရှိထားကြောင်း၊ စုံစမ်းစစ်ဆေးမှုများကို ဆက်လက်ပြုလုပ်နေသောကြောင့် အသေးစိတ် ပြောကြားရန် မဖြစ်နိုင်ကြောင်း ၎င်းကဆိုသည်။

ကိုယ်အင်္ဂါအစိတ်အပိုင်းများ ရောင်းစားသည့် အဆိုပါဂိုဏ်းနှင့် Knights Templar အဖွဲ့တို့ ပတ်သက်မှု ရှိနေကြောင်း ကလေးများအား ကယ်ဆယ်စဉ် ကတည်းက သတိထားမိခဲ့သည်ဟု ဒေသတွင်း စေတနာ့ဝန်ထမ်း ကင်းအဖွဲ့ ခေါင်းဆောင် ဂျိုဆေး မန်နျူယဲလ် မီရီးလက်စ်က ပြောကြားခဲ့သည်။

Knights Templar အဖွဲ့မှာ မက္ကဆီကိုရှိ ဒုစရိုက်ဂိုဏ်း တစ်ခုဖြစ်ပြီး၊ ယခင်က မူးယစ်ဆေးဝါး လုပ်ငန်းများကို လုပ်ကိုင်ခဲ့သော်လည်း လက်ရှိတွင် လုပ်ကိုင်ခြင်းမရှိတော့ပေ။ ထိုအဖွဲ့၏ အဓိက၀င်ငွေများမှာ တရားမ၀င် သတ္ထုတူးခြင်း၊ သစ်ခုတ်ခြင်းနှင့် ခြိမ်းခြောက်ငွေညှစ်ခြင်းတို့မှ ရရှိခြင်းဖြစ်သည်ဟု မက္ကဆီကို အာဏာပိုင်များက ပြောကြားခဲ့သည်။

AP

March 18, 2014
ခရိုင်းမီးယား အရေးနှင့် ပတ်သက်၍ ရုရှားအား ဥရောပမှ ပိတ်ဆို့မှုများ ပြုလုပ်သွားမည်

မတ် ၁၇ ၊ ၂၀၁၄
M-Media

– ခရိုင်းမီးယားဒေသအား ယူကရိန်းမှခွဲထွက်၍ ရုရှားနှင့်ပေါင်းစည်းရန် ပြည်သူများက ယမန်နေ့တွင် ဆန္ဒမဲပေးခဲ့ပြီးနောက် ဥရောပမှ ရုရှားအပေါ် ပိတ်ဆို့မှုများပြုလုပ်ရန် စီစဉ်နေသည်ဟုသိရသည်။

ထိုကဲ့သို့ပိတ်ဆို့မှုများ ပြုလုပ်ခဲ့ပါကာ စစ်အေးကာလနောက်ပိုင်း အရှေ့နှင့်အနောက်အကြား အဆိုးဝါးဆုံး တင်းမာမှုလည်းဖြစ်လာမည်ဖြစ်သည်။ ခရိုင်းမီးယားဒေသအား ရုရှားနိုင်ငံသို့ဝင်ရောင်ခွင့်ပြုမည့် ဥပဒေ တစ်ခုကို ရုရှားအောက်လွှတ်တော်က မကြာခင် ပြဌာန်းတော့မည်ဖြစ်သည်ဟု အောက်လွှတ်တော် ဒုတိယဥက္ကက Reuters သတင်းဌာနသို့ ယနေ့တွင် ပြောကြားခဲ့သည်။

ယမန်နေ့ကပြုလုပ်ခဲ့သည့် ပြည်သူ့ဆန္ဒခံယူပွဲတွင် ခရိုင်းမီးယားဒေသခံ ၉၅.၅ ရာခိုင်နှုန်းက ရုရှားနိုင်ငံအတွင်းသုိ့ဝင်ရောက်ရန် မဲပေးခဲ့ကြပြီး၊ ယူကရိန်းကမူ အဆိုပါ ပြည်သူ့ဆန္ဒခံယူပွဲမှာ တရားမ၀င်ဟု ပြောကြားထားသည်။

ဥရောပနှင့် နိုင်ငံတကာကလည်း ထိုကိစ္စအားရှုတ်ချခဲ့ပြီး ပြည်သူ့ဆန္ဒခံယူပွဲရလဒ်အား အသိအမှတ်ပြုမည်မဟုတ်ဟု ဆိုသည်။ ခရိုင်မီးယားဒေသ ရုရှားပိုက်နက်အတွင်းသို့ ၀င်ရောက်ခဲ့လျှင် ၂၀၀၈ ခုနှစ်က ဆာဘီးယားနိုင်ငံမှ ကိုဆိုဗိုခွဲထွက်ခဲ့ပြီးနောက် ဥရောပတွင် ဒုတိယမြောက် ခွဲထွက်မှု ဖြစ်လာမည်ဖြစ်သည်။

ဘရပ်ဆဲမြို့တွင် ဥရောပနိုင်ငံများ၏ နိုင်ငံခြားရေးဝန်ကြီးများက ယနေ့တွင် ပြုလုပ်မည့် အစည်းအဝေးတွင် မော်စကိုရှိခေါင်းဆောင်အချို့၏ ပိုင်ဆိုင်မှုများ ထိန်းသိမ်းခြင်း၊ ပြည်ဝင်ခွင့် ပိတ်ပင်ခြင်း စသည့် ပိတ်ဆို့မှုများကို ပြုလုပ်ရန်ရှိနေသည်။ သို့သော်လည်း ထိုပိတ်ဆို့မှုများက ရုရှားအစိုးရအဖွဲ့ဝင်များအား ထိခိုက်မှုရှိမည်မဟုတ်ချေ။

Agencies

March 17, 2014
စပါးအသင်းအား အနိုင်ကစားနိုင်ခဲ့သည့် အသင်း၏ စိတ်ဓာတ်ကို ၀င်းဂါးချီးကျူး

မတ် ၁၇ ၊ ၂၀၁၄
M-Media

– ယမန်နေ့က ကစားခဲ့သည့် ပရီးမီးယားလိဂ်ပွဲစဉ်တွင် အဝေးကွင်း၌ စပါးအသင်း၏ တိုက်စစ်အား ကြံ့ကြံ့ခံကာ အနိုင်ကစားနိုင်ခဲ့သည့် အသင်း၏စိတ်ဓာတ်အား အာဆင်ဝင်းဂါးက ချီးကျူးခဲ့သည်ဟု သိရသည်။

အာဆင်နယ်အသင်းမှာ ပွဲအစ ၂ မိနစ်မှာပင် အနိုင်ဂိုးရခဲ့ပြီး ရိုစစ္စကီးက သွင်းယူပေးခဲ့ခြင်းဖြစ်သည်။ အာဆင်နယ်အသင်းမှာ ယခုပွဲအနိုင်ကြောင့် ထိပ်ဆုံးမှချယ်ဆီးအသင်းနှင့် ၁ ပွဲလျော့ ၄ မှတ်အကွာဖြင့် တတိယနေရာတွင်ရှိနေကာ ပရီးမီးယားလိဂ်ဖလားအား ပြန်လည်စိန်ခေါ်နိုင်ခဲ့သည်။

လာမည့်သီတင်းပတ်တွင် ချယ်ဆီးအသင်းနှင့် ကစားမည့်ပွဲတွင် အာဆင်နယ်အသင်းအား ကိုင်တွယ်သည့် ပွဲစဉ် ၁၀၀၀ ပြည့်မြောက်မည့် အာဆင်ဝင်းဂါးက

“ဒီပွဲအနိုင်ဟာ လာမည့်ပွဲတွေအတွက် စိတ်ဝင်စားစရာတွေဖြစ်လာပါတယ်။ မန်ယူကို လီဗာပူးလ်က အနိုင်ကစားနိုင်ခဲ့ပြီး မန်စီးတီးကလည်း မနေ့က နိုင်ခဲ့တဲ့အတွက် သိပ်ကို စိတ်ဝင်စားစရာကောင်းသွားပါပြီ။ ” ဟု ၀င်းဂါးကပြောကြားခဲ့သည်။

ထို့ပြင် မိမိတို့အသင်းမှာ စပါးအသင်းအား ကစားပုံအသာမရခဲ့ကြောင်း ၀န်ခံခဲ့ပြီး စပါးအသင်းတိုက်စစ်ကို ကြံ့ကြံ့ခံကာ အနိုင်ကစားနိုင်ခဲ့သည့် အသင်း၏ စိတ်ဓာတ်အား ချီးကျူးပြောကြားခဲ့သည်။
skysports.com

March 17, 2014