ဇွန် ၇၊၂၀၁၃
M-Media
ကာတွန်း- လဂွန်းအိမ်
Author: M-Media
-
နောက်ကွယ်က ကြိုးကိုင်သူ (ကာတွန်း)
-
အာဟာရပြည့်ဝရေး ကိစ္စသည် ကမ္ဘာ့ဦးစားပေး ဖြစ်ကို ဖြစ်ရမည်ဟု သုတေသနပညာရှင်များ ပြောကြား
ဇွန် ၇၊၂၀၁၃
M-Media
ငါးနှစ်အောက် ကလေးငယ်များ၏ သေဆုံးမှု ၄၅% သည် အာဟာရချို့တဲ့ခြင်းကြောင့်ဖြစ်သည်ဟု Lancet ဆေးပညာဂျာနယ်ပါ သုတေသနပြုချက်တွင် ဖော်ပြထားပါသည်။၎င်းသုတေသနအရ အာဟာရချို့တဲ့ခြင်းကြောင့် ငါးနှစ်အောက် ကလေးငယ်ပေါင်း ၃.၁သန်းခန့် နှစ်စဉ် သေဆုံးနေကြရသည်။
နိုင်ငံတကာအသင်းအဖွဲ့တစ်ခုမှ အမိဝမ်းတွင်းနှင့် ကလေးငယ်ဘ၀တွင် အာဟာရချို့တဲ့ခြင်းဖြစ်စေသော အကြောင်းများကို လေ့လာခဲ့ကြသည်။
ဘ၀၏ ပထမဦးဆုံး ရက်ပေါင်း တစ်ထောင်(သန္ဓေသားစဖြစ်တည်ချိန်မှ နှစ်နှစ်သားအထိ)သည် ကျန်းမာရေးအပေါ်တွင် ရေရှည်နောက်ဆက်တွဲအကျိုးများ သက်ရောက်နိုင်သည့် အရေးကြီးသော အချိန်ပိုင်းဖြစ်ကြောင်း တွေ့ရှိကြသည်။
အာဟာရပုံမှန်မဟုတ်ခြင်း(malnutrition)တွင် အာဟာရချို့တဲ့ခြင်းသာမက အ၀လွန်ခြင်း ပြဿနာလည်း အပါအ၀င်ဖြစ်သည့်အပြင် စီးပွားရေးအပေါ်တွင်လည်း သက်ရောက်မှုရှိသည်။
ကုလသမဂ္ဂ၏ လတ်တလော အစီရင်ခံစာတစ်ခုအရ အာဟာရချို့တဲ့ခြင်းကြောင့် တစ်ကမ္ဘာလုံးအနေဖြင့် ကျန်းမာရေးစောင့်ရှောက်မှုနှင့် ထုတ်ကုန်လုပ်အားဆုံးရှုံးမှုအတိုင်းအတာအရ ဒေါ်လာ သန်းထရီလံပေါင်း ၃.၅ ဆုံးရှုံးခဲ့ရသည်။
အမေရိကန်မှ ကမ္ဘာကျော် Johns Hopkins တက္ကသိုလ်၏ Bloomberg ပြည်သူ့ကျန်းမာရေးကျောင်း မှ ပါမောက္ခ Robert Blackဦးဆောင်သော အဖွဲ့သည် အလယ်အလတ်နိုင်ငံများနှင့် ဆင်းရဲသော နိုင်ငံများမှ မိခင်နှင့် ကလေး အာဟာရချို့တဲ့ခြင်းနှင့် အ၀လွန်ခြင်း အထောက်အထားများကို ၂၀၀၈ခုနှစ်ကတည်းကစပြီး လေ့လာခဲ့ကြသည်။
ထိုအဖွဲ့သည် နိုင်ငံတွင်းနှင့် နိုင်ငံတကာ အာဟာရ စီမံကိန်းများ၏ တိုးတက်မှုကိုလည်း လေ့လာခဲ့ကြသည်။
ပါမောက္ခ Blackနှင့် အဖွဲ့သားများ၏ ခန့်မှန်းချက်အရ ယခုနှစ်များအတွင်း တိုးတက်မှုအချို့ရှိခဲ့သော်လည်း ၂၀၁၁ခုနှစ်တွင် အသက်နှင့်ယှဉ်လျှင် အရပ်ဖွံ့ထွားမှုနှေးသော ကလေးငယ်ပေါင်း ၁၆၅သန်းကျော်ရှိပြီး အရပ်နှင့်ယှဉ်လျှင် ကိုယ်အလေးချိန်နည်းနေသော ကလေးငယ်ပေါင်း သန်း၅၀ကျော် ရှိသည်။
အာဟာရဖွံ့ဖြိုးမှုနှင့်ပတ်သက်ပြီး သက်သေသာဓကရှိပြီး ဆောင်ရွက်ချက် ၁၀ခုကို ကမ္ဘာ့ ၉၀%အထိ အရှိန်မြှင့်တင်ပါက နိုင်ငံပေါင်း ၃၄ နိုင်ငံတွင် ခန့်မှန်းချေ အသက်ပေါင်း ၉သိန်းကို ကယ်တင်နိုင်မည်ဖြစ်ကြောင်း အဖွဲ့မှ လေ့လာတွေ့ရှိသည်။
`အမိဝမ်းတွင်းကာလက အာဟာရ အကျိုးဆက်တွေနဲ့ သက်တမ်းရဲ့ ပထမဦးဆုံး နှစ်နှစ်တွင်း အခြေအနေတွေက အရွယ်ရောက်လာတဲ့အခါ နာတာရှည်ရောဂါဆိုးများခံစားရခြင်းနဲ့ အသက်သေဆုံးရခြင်းတွေနဲ့ပတ်သက်ပြီး တော့တော့ကို အရေးကြီးတယ်ဗျ။´
ဟု ပါမောက္ခ Blackက BBC သတင်းဌာနကို ရှင်းပြခဲ့ပါသည်။`အစောပိုင်းကာလ အာဟာရချို့တဲ့မှုတွေက တစ်ဦးခြင်းအတွက် ဖွံ့ဖြိုးမှုဆိုင်ရာ အကျိုးဆက်တွေကို ဖြစ်စေတာပဲ။ ကျောင်းသားဘ၀မှာသာမက အဆုံးစွန်ဆုံးအနေနဲ့ လူမှုအသိုင်းအ၀န်းထဲမှာ အလုပ်အကိုင်အခွင့်အလမ်းကောင်းတွေလုပ်နိုင်မယ့် သူတို့ရဲ့စွမ်းဆောင်မှုတွေကိုပါ ထိခိုက်စေပါတယ်။´
အာဟာရအရေး ကမ္ဘာ့ဦးစားပေးမဖြစ်လာသမျှ နိုင်ငံများအနေဖြင့် ဆင်းရဲခြင်းမှ လွတ်မြောက်လိမ့်မည် မဟုတ်ကြောင်းကို ထိုသုတေသနပညာရှင်များက သတိပေးလိုက်ပါသည်။
`အကယ်၍ မိခင်နှင့် ကလေး အာဟာရပြည့်ဝရေးကို ဆောင်ရွက်နိုင်မယ်ဆိုရင် ဒီကောင်းကျိုးရလဒ်တွေဟာ နောက်မျိုးဆက်ပေါင်းများစွာအထိ အကျိုးဖြစ်ထွန်းစေမှာပါ။ ဒါကြောင့် ဒီအခွင့်အလမ်းကို အမိအရဆုပ်ကိုင်ဖို့ ကျွန်တော်တို့ အတူတကွ အလုပ်လုပ်ကြရမယ်။´
ဟု Lancet ဂျာနယ်၏ အယ်ဒီတာချုပ် Dr Richard Horton က ပြောကြားခဲ့ပါသည်။ဖွံ့ဖြိုးရေးဆိုင်ရာနယ်ပယ်မှ ကျွမ်းကျင်ပညာရှင်များသည် ယူကေနှင့် ဘရာဇီးအစိုးရများမှ တာဝန်ယူစီစဉ်သော အာဟာရရေးရာ အစည်းအဝေးသို့ လာမည့်စနေ၊တနင်္ဂနွေတွင် တက်ရောက်ရန် လန်ဒန်မြို့တွင် စုစည်းရောက်ရှိနေကြသည်။
ထိုအစည်းအဝေးပြီးလျှင် G8နိုင်ငံများမှ ခေါင်းဆောင်များ၏ အစည်းအဝေးလည်း ရှိပေသည်။
`လူတိုင်းအတွက် လုံလောက်သော အစားအစာ IF´လှုပ်ရှားမှုမှ ၂၀၁၅ပြည့်နှစ်တွင် အာဟာရချို့တဲ့မှုကို တိုက်ဖျက်ရန် တစ်နှစ်လျှင် ဒေါ်လာ ၁ဘီလီယံ နောက်ထပ် အကူငွေအဖြစ်သုံးစွဲရန် ဆော်သြလျက်ရှိသည်။
`လူတိုင်းအတွက် လုံလောက်သော အစားအစာ IF´၏ ပြောရေးဆိုခွင့်ရှိသူ Anita Tiessenက ပြောပြခဲ့သည်။
`ဒီကိန်းဂဏန်းအသစ်တွေက အာဟာရချို့တဲ့ခြင်းကြောင့် ကျွန်မတို့အရင်တုန်းက ထင်ထားတာထက်ကို ကလေးငယ် ထောင်ရာပေါင်းများစွာပိုသေနေကြရတယ်ဆိုတဲ့ ကျွန်မတို့ အကြောက်ဆုံး စိုးရွံ့မှုတွေကို သေချာသွားစေတာပေါ့။´
`ကမ္ဘာနဲ့အ၀ှမ်း ကလေးငယ်တွေရဲ့ သေဆုံးမှုကို ဖြေရှင်းဖို့ ဖြစ်နိုင်ဖို့ အလွန်ခက်ခဲတဲ့ တိုးတက်မှုတွေကို ကျွန်မတို့ လုပ်ခဲ့ပြီးပါပြီ။ ဒါပေမယ့် နှစ်စဉ် မလိုအပ်ဘဲ သန်းပေါင်းများစွာ အသက်ဆုံးရှုံးရခြင်းတွေကို တားဆီးဖို့ ကျွန်မတို့ရဲ့ အားထုတ်မှုမှာ အာဟာရချို့တဲ့ခြင်းကတော့ အားနည်းချက်အဖြစ် ကျန်ရှိနေပါတယ်။ ကျွန်မတို့လုပ်ထားတဲ့ တိုးတက်မှုတွေကို ဆက်စေချင်တယ်ဆိုရင် ငတ်မွတ်ခြင်းပြဿနာကို ဖြေရှင်းဖို့ အလျင်အမြန်ကိုပဲ ဦးစားပေးရပါမယ်။´
Ref:BBC
-
အာဖဂန်အရပ်သား ၁၆ ဦးအားသတ်ဖြတ်ခဲ့သူ အမေရိကန် စစ်သား သေဒဏ် ကင်းလွတ်ဖွယ်ရှိနေ
ဇွန် ၇ ၊၂၀၁၃
M-Mediaညပိုင်းစီးနင်းတိုက်ခိုက်မှုများအတွင်း အာဖဂန်နစ္စတန်ကျေးရွာသား ၁၆ ဦးကို သတ်ဖြတ်ခဲ့သော အမေရိကန်စစ်သားတစ်ဦးသည် အမေရိကန်စစ်ခုံရုံးမှ သူ၏ အသနားခံလွှာအား လက်ခံပြီးသည့်နောက် သေစားသေစေ ပြစ်ဒဏ်မှ ကင်းလွတ် ခွင့်ရဖွယ်ရှိနေသည်။ အီရတ်နှင့်အာဖဂန်၌ တိုက်ပွဲ ၄ ကြိမ်အတွေ့အကြုံရှိခဲ့သည့် ဆာဂျင် ရောဘတ် ဘာလက်စ် (၃၉ နှစ်)သည် လျှော့ရက်မရှိ အကျဉ်းကျနေပြီး သေဒဏ် စွဲချက်နှင့် ရင်ဆိုင်နေရကာ သြဂုတ်လ ၁၉ ရက် ထပ်မံစစ်ဆေးမှုအပြီးတွင် စစ်ဖက်ဆိုင်ရာဂျူရီတစ်ဦးမှ စီရင်ချက်ချမည်ဖြစ်သည်။
မိမိ၏ သတ်ဖြတ်မှုမှာ ဗီယက်နန်စစ်ပွဲ၌ အမေရိကန်တပ်သားတစ်ဦး၏ ရက်စက်မှုထက်စာလျှင် မပြောပလောက်ပါဟု ဘာလက်စ်က ကနဦးပိုင်းက ထွက်ဆိုခဲ့သည်။ကျေးရွာများအနီး ယာယီစစ်စခန်းမှထွက်ခွာ၍ ရွာခံများအား သတ်ဖြစ်သွားစေသည့်အကြောင်းကို အသေးစိတ်ဖော်ပြစေခြင်း၌ ၄င်းက ယင်းလုပ်ဆောင်ချက်သည် တရားဝင်ရှင်းပြ၍ မဖြစ်ပါ၊ ထိုလုပ်ရပ်ဆိုးအား အဘယ်ကြောင့် ပြုလုပ်ခဲ့မိသည်ကိုလည်း မရှင်းပြတတ်ပါ၊ ထိုမေးခွန်းကိုလည်း ယခင်ကတည်းက အဖန်တလဲလဲ မိမိကိုယ်ကိုမေးမြန်းမိ ပါသည်ဟု တရားသူကြီး ကာနယ် ဂျက်ဖရီ နန့်စ်အား ၄င်းက လျှောက်ထားပြောဆိုခဲ့သည်။
ယင်းသတ်ဖြတ်မှုမှာ အာဖဂန်နစ္စတန် တောင်ပိုင်း ကန်ဒါဟာ၌ ယမန်နှစ် မတ်လ ၁၁ ရက်က ဖြစ်ပွားခဲ့သည်။ သတ်ဖြတ်ခံရသူ အများစုမှာ အမျိုးသမီးများနှင့် ကလေးငယ်များ ဖြစ်သည်။ ၄င်းတို့အား မီးလောင်ကျွမ်းနေသော အဖြစ်နှင့်တွေ့ခဲ့ကြသည်။ ရွှံ့နံရံကပ် အဆောက်အဦများ အနီးတွင်တွေ့ခဲ့ရသော ဆီမီးခွက်ကို အသုံးပြုလိုက်ရာ အာရုံတစ်မျိုး ၀င်ရောက်လာပြီးနောက် ဘာဆိုဘာမျှ မမှတ်မိတော့ပါဟု ဘာလက်စ်က ပြောပြသည်။
သက်သေခံဗီဒီယိုတစ်ခုမှ တွေ့ရသည်မှာ တိုက်ခိုက်မှု၌ ရှင်သန်ကျန်ရစ်သော မိန်းကလေးငယ်တစ်ဦးသည် မသေမချင်း ပစ်သတ်ခံရသည့် ဖခင်ဖြစ်သူ၏နောက်ဖက်တွင် ပုန်းကွယ်နေခဲ့ရသည်။ သူမမှ “ ကျွန်မတို့က ကလေးတွေပါ ” ဟု လုံခြုံမှုအတွက် ကြောက်လန့်တကြား ဟစ်အော်နေခဲ့ကြောင်း အခြားသူတို့၏ အဆိုအရ သိရသည်။
အိုဟိုင်းယိုးမှ ဘာလက်စ်၏ရှေ့နေများက ဘာလက်စ်သည် ကစဥ့်ကလျားစိတ်ကျ ရောဂါခံစားနေခဲ့ရသူဖြစ်ကြောင်း၊ အရက်ပုန်းများကို သောက်နေခဲ့သူဖြစ်ကြောင်း၊ အခင်းဖြစ်ပွားသည့်ညဥ့်က ဗေလီယမ် စိတ်ငြိမ်ဆေး ရှူသွင်းထားခဲ့ကြောင်း တင်ပြကြသည်။ ၄င်းအား သေဒဏ်မှ ကင်းလွတ်ခွင့်ပေးလျှင် မိမိတို့၏ဒေါသ မီးကို တောက်လောင်စေလိမ့်မည်ဟု သေဆုံးသူတို့၏သားချင်းများမှ သတင်းထောက်များအား ပြောကြားလိုက်သည်။
စစ်အာဏာပိုင်များ၏ စုံစမ်းစစ်ဆေးရေးမှ သူ့အား ဖမ်းဆီးထိန်းသိမ်းလိုက်ပြီးနောက် သူ၏လက်ပ်တော့ကို ပစ်ခတ် ဖျက်ဆီးခြင်းဖြင့် ပြဿနာရှာခဲ့ပြီးဖြစ်ရာ မိမိထံအပြစ်မရှိတော့ဟုလည်း ဘာလက်စ်က အသနားခံခဲ့သည်။
-
ဝဋ်လည်နေပြီ (ကဗျာ- M-Media Blog ကဏ္ဍ)
ဇွန်လ ၇၊ ၂၀၁၃
M-Media
ရေးသူ – လောကပါလ
ဝဋ်လည်နေပြီ
သာသနာ – ကွယ်ပျောက်
မေတ္တာ – တိမ်းမှောက်
ဂရုဏာ – သက်ပျောက်
အကြင်နာ – လမ်းပျောက် ..သော် !အာဃာတ – ထွန်းတောက်
အမုန်းတရား – မိုးမောက်
အကြမ်းဖက် – မီးတောက်
ကြမ်းကြုတ်မှု – ရဲတောက် …ခဲ့ချေပြီ !ငြိမ်းသူ – တစ်ယောက်
ရှို့သူ – တစ်သိုက်
ကြည့်သူ – ၀င်ရိုက်
မြင်သူ – ၀င်နိုက်
ရှိသူ – အိပ်ငိုက်
ကြားသူ – အော်လိုက်…ဖြစ်နေပြီ !မေတ္တာတရား – ထားကြကုန်ဟု
ဆိုဆုံးမလည်း
မေတ္တာ – ခေါင်းပါး
ကြင်နာ – ကင်းမဲ့
တရား – ဝေးကွာ
ထိုမိစ္ဆာသည်
ဝဋ်လည်နေလည်း
ကျွဲပါးစောင်းတီး
သတိမမူ – ဂူမမြင်ဘဲ
ထပ်ဝဋ်လည်မည်
ဆက်တိုက်တည် !
(လောကပါလ)ဓါတ်ပုံ- Google
-
အမေရိကန် အမျိုးသားလုံခြုံရေး အေဂျင်စီမှ ပြည်သူများ၏ ဖုန်းခေါ်ဆိုမှု မှတ်တမ်းများအား လျို့ဝှက်သိမ်းဆည်းခဲ့
ဇွန် ၇၊၂၀၁၃
M-Mediaအမေရိကန် တယ်လီဖုန်းကုမ္ပဏီ ဗာရီဇွန် (Verizon) အား ကမ္ဘာ့အကြီးဆုံး စုံစမ်း ထောက်လှမ်းရေးအဖွဲ့ဖြစ်တဲ့ အမျိုးသားလုံခြုံရေး အေဂျင်စီအဖွဲ့ US National Security Agency (NSA) မှ “ အမေရိကန်နိုင်ငံအတွင်း ပြည်သူ အချင်းချင်း နေ့စဉ်ခေါ်ဆိုခဲ့သော ဖုန်းမှတ်တမ်းများ နှင့် ပြည်ပမှ ၄င်းတို့ထံ အမေရိကန်နိုင်ငံ အတွင်းသို့ခေါ်ဆိုခဲ့သော ဖုန်းမှတ်တမ်းများအား တင်ပြရန် ” လျှို့ဝှက် ညွှန်ကြားခဲ့ကြောင်း The Washington Post သတင်းစာက ကြာသပတေးနေ့တွင် ဖော်ပြခဲ့သည်။
ပြီးခဲ့တဲ့ April လထဲက လျို့ဝှက် ထုတ်ပြန်တဲ့ အမိန့်အရ အကြီးဆုံးအမေရိကန်တယ်လီဖုန်း Company တခုက တဆင့် ခုလို တယ်လီဖုန်းခေါ်ဆိုတဲ့ မှတ်တမ်းတွေကို စုဆောင်းခဲ့တာဖြစ်ပါတယ်။
ယင်းအမိန့်ကို လျှို့ဝှက်ရုံးတော်မှ တရားသူကြီးတစ်ဦးက လက်မှတ်ရေး ထိုးခဲ့ကြောင်း၊ ပြည်တွင်းစစ်ဆေးမှုများ ဖြစ်ပေါ်လာ ဖွယ်မြင်ကြောင်း နှင့် ထောက်လှမ်း စစ်ဆေးရန် ထုတ်ပြန်ချက်များအနက် အကျယ်ပြန့်ဆုံး ဖြစ်ကြောင်း နေ့စဉ် သတင်းစာကဆိုသည်။
ဆက်လက်၍ ဒီမိုကရက်တစ်လွှတ်တော်အမတ်များ ဖြစ်သော အော်ရီဂွန် မှ ရွန် ၀ှိင်းဒင် (Ron Wyden of Oregon) နှင့် ကိုလိုရာဒို မှ မာ့ခ် အူဒလ် (Mark Udall of Colorado) တို့က ရှေ့နေအဲရစ် ဟိုလ်ဒါ(General Eric Holder) သို့ ယမန်နှစ်က အိတ်ဖွင့်ပေးစာ တစ်စောင်ပို့ခဲ့သည်။
၎င်းစာတွင် အမေရိကန်များသည် လျှို့ဝှက်တရားရုံးမှ ချမှတ်ထားသောအမိန့်များအား အတိအကျသိရပါက တုန်လှုပ် ကုန်ကြမည်ဖြစ်ကြောင်း “ ကျွန်တော်တို့အမြင်အရ အမေရိကန် ပြည်သူအများစု ထင်မြင်ထားတဲ့ ဥပဒေခွင့်ပြုချက်များ နဲ့ အစိုးရက ခွင့်ပြုထားတဲ့
လျှို့ဝှက်ဥပဒေများဟာ သိသိသာသာကို ကွာခြားလွန်းနေပါတယ် ” ဟူ၍ ရေးသားထားခဲ့သည်ဟု ဖော်ပြထား၏။
စာတွင် အမေရိကန်တစ်ဝှန်းရှိ လူ့အခွင့်အရေး လွတ်လပ်ခွင့်အတွက် လှုပ်ရှားသူများသည် မိမိနိုင်ငံသားပေါ်ထားရှိသော အမေရိကန်အစိုးရ၏ စုံစမ်းရေးကျင့်ဝတ်မှ သွေဖယ်နေကြောင်း သံသယပွားလျက်ရှိသည်။ လူပေါင်း ၃၀၀၀ ခန့် သေဆုံးစေခဲ့သည့် ၀ါရှင်တန်ဒီစီအနီး နှင့် နယူးယောက်မြို့၌ဖြစ်ပေါ်ခဲ့သော ၂၀၀၁ ခုနှစ်၊ စက်တင်ဘာ ၁၁ ရက် သံသယ ၀င်စရာ အကြမ်းဖက်တိုက်ခိုက်မှု ဖြစ်ရပ်၏နောက်ပိုင်း အမေရိကန် ဥပဒေပြုအမတ်များက စီးပွားရေး အကျိုးတူပူး ပေါင်းဆောင်ရွက် သူများအား ဥပဒေအောက်မှ အစောတလျင် ခွင့်ပြုခဲ့ခြင်းကြောင့်ဖြစ်၏။
၎င်းအချိန်က ဂျော့ခ်ျ ဒဗလျူ ဘွတ်ရှ်(George W Bush) သည် အလ်-ကိုင်ဒါးအဖွဲ့အပေါ်သို့ ချက်ခြင်းပင် ပြစ်တင်လွှဲချခဲ့ပြီး၊ ထိုအကြောင်းပြချက်ဖြင့် အီရတ် နှင့် အာဖဂန်နစ္စတန်တွင် ကြီးကျယ်သော စစ်ပွဲများအား ဖြစ်ပေါ်စေခဲ့သလို၊ အမေရိကန်နိုင်ငံ အတွင်းတွင်လည်း
ဥပဒေများကို ကသုတ်ကရက် ပြဌာန်းခဲ့သည်။ ဥပဒေရေးရာ ကျွမ်းကျင်သူများက ၄င်းအရာသည် အခြေခံဥပဒေနှင့်မညီညွတ်သည့် အပြင် ပြည်သူတို့၏ မူလ လွတ်လပ်ခွင့်အားလည်း ချိုးဖောက်လိုက်ခြင်းဖြစ်ကြောင်း သုံးသပ်ထားသည်။
ဘရင်နန် ဥပဒေဌာန (Brennan Center for Justice) ရှိ လွတ်လပ်ခွင့်နှင့် အမျိုးသားလုံခြုံရေး (Liberty and National Security Program) မှ တွဲဖက်ဒါရိုက်တာ အလစ်ဇဘက် ဂွိုက်တိန်း (Elizabeth Goitein) က “ ဒါဟာ တုန်လှုပ်စရာ ထုတ်ပြန်ချက်ဖြစ်တယ်။ အစိုးရက
အမေရိကန်ရှိ အဖွဲ့အစည်းတွေကို သူတို့ရဲ့တည်နေရာများပါ မကျန် စစ်တမ်းကောက်နေတာလို့ ဒီအချက်က ဖော်ပြနေပါတယ်။ အမေရိကန်ပြည်သူတွေ အချင်းချင်း ပြည်တွင်း ဆက်သွယ်ပြောဆိုချက်တွေဟာ ပြည်ပထောက်လှမ်းရေး အဖွဲ့အစည်းတစ်ခု ဒါမှမဟုတ် နိုင်ငံတကာအကြမ်းဖက်မှု စုံစမ်းစစ်ဆေးရေးတစ်ရပ်နဲ့ ဘယ်လိုလုပ်ပြီး ဆက်စပ် ပတ်သက်မှု ရှိနိုင်ပါ့မလဲ ” ဟု ပြောသွားခဲ့ကြောင်း သတင်း၌ဖော်ပြသည်။
သတင်းမှ ထပ်မံဖော်ပြချက်များအရ လူများကို ရုပ်ပုံများနှင့်တကွ ၄င်းတို့၏ မိတ်ဆွေများ၊ ပတ်သက်ဆက်နွှယ်သူများနှင့် ဆက်သွယ်မှု အားလုံး၏ကြာမြင့်ချိန် စသည့် အသေးစိပ် သတင်းအချက်အလက် အမြောက်အများကို NSA မှ ယခုထိတိုင် စုဆောင်းလျက်ရှိကြောင်း သိရသည်။
ထို့ကြောင့် NSA စုံစမ်းရေးဌာနသည် အရေးပါသော ဖုန်းကုမ္ပဏီများ နှင့် အင်တာနက်ကုမ္ပဏီများမှ ယင်းသို့သော အချက်အလက်များ စုဆောင်းလျက်ရှိနေသည်မှာ နှစ်အတန်ကြာခဲ့ပြီဖြစ်ကြောင်း အမေရိကန် ကိုယ်ပိုင်အခွင့်အရေး ထောက်ခံသူများမှ သတ်မှတ်ထားကြသည်။
MFB/MFB