Author: M-Media

M-Media e-NewsLetter Vol2.No3 ထွက်ပါပြီ။

ဖေဖော်ဝါရီ ၂၂ ၊ ၂၀၁၅
M-Media

M-Media e-NewsLetter Vol2.No3 ကို ဖြန့်ဝေလိုက်ပါတယ်။

ပုံမှန် ၂ ပတ်တကြိမ် တင်ဆက်ပေးနေကြဖြစ်ပေမယ့် ယခု တပတ်မှာတော့ ရက်အနည်းငယ် နောက်ကျသွားခြင်းကို M-Media စာဖတ်ပရိတ်သတ်အား တောင်းပန်အပ်ပါတယ်။

ဤစာစောင်ငယ်ဟာ အွန်လိုင်းလုံးဝ အသုံးမပြုနိုင်သူများ၊ အွန်လိုင်း အမြဲမသုံးနိုင်ဘဲ အချိန်အခက်အခဲရှိသူများ personal print ထုတ်ဖတ်နိုင်ရန် ၊ လက်ဆင့်ကမ်း ဖြန့်ဝေနိုင်ရန် သတင်းနှင့်ဆောင်းပါးအချို့ ကို ကန့် သတ် အနေဖြင့် စုစည်းပေးထားခြင်းဖြစ်ပါတယ်။

ယခု ထုတ်ဝေဖြန်ချိလိုက်တဲ့ e-Newsletter ကို ဖတ်ရှုသူများ အနေဖြင့် မျက်နှာဖုံးနဲ့ မာတိကာမှာ ပါရှိတဲ့ Link များကို နှိပ်ရုံဖြင့် သတင်းရှိရာ စာမျက်နှာသို့ ရောက်ရှိသွားအောင် Hyperlink များ ထည့်သွင်းပေးထားပါတယ်။

ယခုတပတ်မှာ အပတ်စဉ် ပြည်တွင်း ပြည်ပ သတင်းတွေနဲ့ ပါဝင်နေကြ ကဏ္ဍတွေကို စုံလင်စွာ ထည့်သွင်းဖော်ပြထားပါတယ်။

နောက်ပိုင်းထွက်ရှိမယ့် e-Newsletter ကို ၂ ပတ်တကြိမ် ပုံမှန် ကြိုးစား တင်ဆက်ပေးသွားပါမယ်။

File Size 6 MB

Download လုပ်ရန်
———————

http://goo.gl/FN7D0C

https://www.dropbox.com/s/0kdub7ff457w273/M-Media%20e-NewsLetter%20Vol2.No3.pdf?dl=0

စာမူနှင့် အကြံဥာဏ်များ [email protected] သို့ ဆက်သွယ်ပေးပို့နိုင်ပါတယ်။

M Media e NewsLetter Vol2.No3

February 22, 2015
စစ်ဘေးတိမ်းရှောင် ဒုက္ခသည်များကို နိဗ္ဗာန်ဆော် လူမှုရေး အဖွဲ့မှ ဆန် ၁၂၅ အိတ်နှင့် အလှူငွေများ လှူဒါန်းခဲ့

ဖေဖော်ဝါရီ ၂၁ ၊ ၂၀၁၅
M-Media
သီဟ

ကိုးကန့်ဒေသ လောက်ကိုင်တွင် ယခုလအတွင်း တိုက်ပွဲများဖြစ်ပွားမှုကြောင့် ထွက်ပြေးတိမ်းရှောင်လာသည့် စစ်ဘေးတိမ်းရှောင် ဒုက္ခသည်များကို မန္တလေးမြို့မှ မွတ်စလင်လူငယ် နိဗ္ဗာန်ဆော် လူမှုရေးအသင်းမှ ဦးဆောင်ပြီး ဆန်အိတ် ၁၂၅ အိတ်နှင့် အလှူငွေများကို ဖေဖော်ဝါရီလ ၂၀ ရက်နေ့က လာရှိုးမြို့သို့သွားရောက်လှူဒါန်းခဲ့ကြကြောင်း သတင်းရရှိပါတယ်။

February 21, 2015
အမေ့ခံ သူရဲကောင်းများ (သို့) နာဇီလက်မှ ဂျူးများကို သက်စွန့် ကယ်တင်ခဲ့သည့် အလ်ဘေးနီးယား မွတ်စလင်များ

ဖေဖော်ဝါရီ ၂၁ ၊ ၂၀၁၅
M-Media

– `မည်သူမဆို အသက်တစ်ချောင်းအား ကယ်တင်ခဲ့ပါက တစ်ကမ္ဘာလုံးရှိ အသက်များကို ကယ်တင်ဘိသကဲ့သို့ ဖြစ်၏´ (ဘေဘီလိုနီယန်း တဲလ်မူးဒ်-ဆန်ဒီဒရင် ၄၊ ၈(၃၇က)) (ကုရ်အာန် ၅၊ ၃၂)

အထက်ပါ ပါဒတော်မှာ ဂျူးဘာသာဝင်များ၏ Talmud ကျမ်းနှင့် အစ္စလာမ်ဘာသာဝင်တို့၏ ကုရ်အာန်ကျမ်းတွင် ဖော်ပြထားသည့် ပါဒတော်ဖြစ်သည်။

ဇန်န၀ါရီ ၂၇ ရက် တွင်ကျရောက်သည့် Holocaust (နာဇီတို့က ဂျူးများအား သတ်ဖြတ်သည့် အစီအစဉ်) ၏ နှစ်ပတ်လည်နေ့တွင် `လူဖြောင့်လူမှန်များ´ အကြောင်း ပြန်လည်အောက်မေ့သတိရခြင်းမှာ ထိုက်တန်သည့် ကိစ္စဖြစ်သည်။ ထိုသူများမှာ အခြားသူများမဟုတ်။ နာဇီတို့လက်မှ ဂျူးများကို ကယ်တင်ခဲ့သော မွတ်စလင်များပင်ဖြစ်၏။ နာဇီတို့၏ ရက်စက်ကြမ်းကြုတ်လှသည့် Holocaust အစီအစဉ်တွင် ဂျူးများအား သက်စွန့်ဆံဖျား ကယ်တင်ခဲ့သော မွတ်စလင်များ၏ အကြောင်းကို သိရှိသူ အလွန်နည်းလေသည်။

စိတ်ဝင်စားစရာအကောင်းပြီး လူသိနည်းသည့် အချက်တစ်ချက်က အလ်ဘေးနီးယားတွင် ကျင့်သုံးခဲ့သော ရိုးရာဓလေ့ထုံးတမ်းနှင့် ယဉ်ကျေးမှုများအကြောင်း ဖြစ်သည်။ အလ်ဘေးနီးယားတို့၏ ဖော်ရွေမှုနှင့် ကာကွယ်ပေးမှုမှာ ဒေသအတွင်း ယဉ်ကျေးမှုအစိတ်အပိုင်း တစ်ခုအဖြစ် ပါဝင်ပြီး၊ ၎င်းကို အစ္စလာမ်၏ တန်ဖိုးများဖြစ်သော ဧည့်ဝတ်ကျေပွန်မှု၊ ဧည့်သည်များ၊ ခရီးသွားများအား စောင့်ရှောက်မှုတို့ဖြင့် ပိုမိုပြည့်စုံစေခဲ့သည်။

Holocaust အချိန်အတွင်း ဂျူးလူမျိုးအရေအတွက် မြင့်တက်လာသည့် နိုင်ငံ ၂ နိုင်ငံရှိခဲ့သည်။ ဂရိနိုင်ငံကဲ့သို့ နေရာမျိုးရှိ ဂျူးများကိုပင် မရဏအကျဉ်းစခန်းများဖြစ်သည့် အော့ဇ၀စ်၊ ဆိုဘီဘောရ်နှင့် ထရီဘလင်ကာသို့ ပို့သော နာဇီတို့၏ ဆိုးရွားသည့်အစီအစဉ်မှ လွတ်မြောက်ရန် ဂျူးအမျိုးသား၊ အမျိုးသမီး၊ ကလေး၊ လူကြီးပါမကျန် ၀င်ရောက်လာခြင်းကြောင့်ဖြစ်သည်။ ဂျူးလူဦးရေမြင့်တက် လာသည့် နိုင်ငံ ၂ နိုင်ငံမှာ အလ်ဘေးနီးယားနှင့် ဘူလ်ဂေးရီးယားနိုင်ငံတို့ဖြစ်သည်။ အလ်ဘေးနီးယားတွင်မူ ဂျူးလူမျိုးအရေအတွက်မှာ ယခင်က ၂၀၀ ခန့်ရှိခဲ့ရာမှ စစ်ကြီးအပြီးတွင် ၂၀၀၀ ကျော်ဖြစ်လာသည်။

မြောက်အာဖရိက၊ တူရကီတို့ပြီးနောက် ဂျူးများကို ကယ်တင်ခဲ့သည့် အလ်ဘေးနီးယားမွတ်စလင်များ၏ အကြောင်းကို အနည်းငယ်သာ မှတ်တမ်းတင်နိုင်ခဲ့သည်။ သို့သော်လည်း ထိုအထဲမှာ အများစုကို သေသေချာချာ စုံစမ်းစစ်ဆေးခြင်းမလုပ်ခဲ့ကြ။ အရှေ့အလယ်ပိုင်းနိုင်ငံရေး ကလည်း မွတ်စလင်လူ့အဖွဲ့အစည်း၏ သမိုင်းအမွေအနှစ်ဖြစ်သော ထိုဇာတ်လမ်းများကို စုံစမ်းစစ်ဆေးမှုပြုရန် ဆန္ဒအား တဖြည်းဖြည်းလွှမ်းမိုးပျောက်ကွယ်စေခဲ့သည်။ အစ္စလာမ်နှင့် မွတ်စလင်အကြောင်း အဖျက် သဘောဖြင့်သာ မီဒီယာများက ဖော်ပြနေသည့် ယခုအချိန်တွင် အဆိုပါဇာတ်လမ်းများက မွတ်စလင်လူ့အဖွဲ့အစည်းအတွက် ဂုဏ်ယူစရာ ခံစားမှုတစ်ခုကို ပေးအပ်နိုင်မည်ဖြစ်သည်။

ဂျူးများကို ကယ်တင်ခဲ့သော မွတ်စလင်များ ကွယ်လွန်သွားခြင်းနှင့်အတူ ၎င်းတို့၏ ဆောင်ရွက်ချက် အများစုမှာလည်း မှေးမှိန်ပျောက်ကွယ် ခဲ့ပေပြီ။ အလ်ဘေးနီးယားမှ ထိုသူတော်ကောင်းကြီးများ၏ ဇာတ်လမ်းအချို့ကို ဖော်ပြချင်သေးသည်။ ထိုအထဲမှ တစ်ဦးမှာ ယဒ်ဗာရှမ် ဆိုသည့် ပုဂ္ဂိုလ်ဖြစ်ပြီး ခိုကိုးရာမဲ့ ဂျူးလူမျိုး ၇၁ ဦးအား နာဇီတို့လက်မှကယ်တင်ခဲ့သူဖြစ်သည်။ မည့်သည့် မျှော်လင့်ချက်မှမရှိဘဲ ချို့တဲ့သူများကို ကူညီရမည့်စိတ်တစ်ခုတည်းဖြင့် လုပ်သင့်လုပ်ထိုက်သည့်အလုပ်ကို လုပ်ခဲ့ခြင်းဖြစ်သည်။ ထိုကဲ့သို့ အကြောင်းအရာ တော်တော်များများကို Faith Matters (http://faith-matters.org/) ဆိုသည့် ၀ဘ်ဆိုက်တွင် တွေ့နိုင်သည်။ ထိုဝဘ်ဆိုက်လေးတွင် လေးစားအားကျစရာကောင်းသည့် လူဖြောင့်လူမှန်များ၏ အကြောင်းကို ဖော်ပြထားသည်။ ဥရောပနှင့် အရှေ့အလယ်ပိုင်း နိုင်ငံများတွင် ဂျူးများကို ကယ်တင်ထားကြသူများလည်း ပါသည်။

ဥပမာအနေဖြင့် ထုတ်ပြရလျှင် ဇက်ဂ်ျနီဘာ ဟာဒဂါနှင့် အဟ်မ် ဆာဒစ်ဆိုသူ မွတ်စလင်နှစ်ဦးဖြစ်ပြီး ဘော်လ်ကန်ဒေသ တွင် ငြှင်းပမ်းနှိပ်စက် ခံရသူဂျူးများကို နေရာ ထိုင်ခင်းပေးကာ၊ ကျွေးမွေးစောင့်ရှောက် ခဲ့သူများဖြစ်သည်။ ဂျာမန်စစ်သားများက ဂျူးများအား လိုက်လံရှာဖွေပြီး အကျဉ်းစခန်းသို့ ပို့နေသောအချိန်တွင် ထွက်ပြေးလာသော ဂျူးမိသားစုတစ်ခုနေရန် ဇက်ဂ်ျနီဘာက သူမ၏ အိမ်ကို ပေးခဲ့သည်။ အဟ်မဒ်ဆာဒစ်က ဂျာမန်တို့မှာ ဂျူးများကို အကျဉ်းစခန်းသို့ ပို့နေကြောင်း ရထားပေါ်ရှိ သူ၏ ဂျူးသူငယ်ချင်းများအား သတိပေးခဲ့ပြီး ထိုရထားမှ ကယ်ထုတ်ကာ နေရာထိုင်ခင်းကို စီစဉ်ပေးခဲ့သည်။ ထို့နောက် အထောက်အထားအတုများလုပ်ကာ အဆိုပါဂျူးလူမျိုးများအား နာဇီတို့လက်မှ လွတ်မြောက်စေခဲ့သည်။ အဟ်မဒ်မှာ ထိုလုပ်ရပ်အတွက် နာဇီတို့၏ ဖမ်ဆီးခြင်းကို ခံခဲ့ရပြီး အသတ်ခံခဲ့ရသည်။ ဘ၀၏ နောက်ဆုံးရက်အနည်းငယ်ကို သူကိုယ်တိုင် ဂျူးသူငယ်ချင်းများကို ကယ်ထုတ်ပေးခဲ့သည့် နာဇီရထားပေါ်၌ အဟ်မဒ်တစ်ယောက် ကုန်ဆုံးခဲ့ရလေသည်။

အခြား အလ်ဘေးနီးယား နှစ်ဦးကတော့ ဒက်စတန် ဘာလာနှင့် လီမာဘာလာတို့ ဇနီးမောင်နှံဖြစ်သည်။ စစ်ကြီးဖြစ်နေချိန် အစာရေစာရှားပါးသည့်ကာလတွင် သူတို့က ဂျူးမိသားစုတစ်စုကို ကယ်တင်ခဲ့သည်။ ၁၉၄၁ ခုနှစ် ဂျာမန်တို့ ကိုဆိုဗိုမှ ပရစ်တီးနားမြို့ကို ကျူးကျော်ချိန် တူရကီမွတ်စလင်များက စာရွက်စာတမ်းများဖြင့် အလ်ဘေးနီးယားသို့ ပို့လိုက်သော `လေဇာ´ မိသားစုဖြစ်သည်။ ခိုကိုးရာမဲ့နေသည့် ထိုမိသားစုမှာ အလ်ဘေးနီးယား ရှန်ဂျာ့ဂ်ျဒေသ ရွာတစ်ရွာရှိ တောင်ကုန်းများပေါ်တွင် ပုန်းနေရသည်။ ထိုစဉ်က မွတ်စလင်တို့၏ ရမ်ဇာန်ဥပုသ်လဖြစ်ပြီး ဂျူးများအား လက်ခံပါက နာဇီတို့၏ သေဒဏ်ပေးခြင်းခံရမည်ကို သိရှိသော်လည်း ထိုရွာမှ ရွာသားများက `လေဇာ´ မိသားစုအား ကြည်ကြည်ဖြူဖြူပင် လက်ခံထားကြကာ စားဝတ်နေရေးအတွက် ဘာလာတို့ မောင်နှံနှစ်ဦးကပင် တာဝန်ယူ၍ ပြုစုစောင့်ရှောက်ပေးခဲ့သည်။ `လေဇာ´ မိသားစုထဲက ဆာရာနိုဗန်ဆိုသည့် အမျိုးသမီး ကိုယ်ဝန်ဆောင်ကာ မီးဖွားသည့်အခါတွင်လည်း လီမာက ကူညီပေးခဲ့၏။

ဒက်စတန်တို့ရွာမှာ ရွာငယ်လေးဖြစ်ပြီး လူစိမ်း ၁၈ ဦးခန့်လာရောက်ခြင်းမှာ ခဏချင်းပင် ရွာအနှံ့ပြန့်သွားကာ ဂျာမန်စစ်သားများ ရှာတွေ့သွားနိုင်သည်။ သို့သော်လည်း ထိုအန္တရာယ်ကို မကြောက်မရွံ့ဘဲ ဂျူးမိသားစုအား တာဝန်ယူစောင့်ရှောက်ခဲ့သည့် ဒက်စတန်တို့ဇနီးမောင်နှံ၏ လုပ်ရပ်မှာ သူရဲကောင်းဆန်သည့် လုပ်ရပ်လည်းဖြစ်သည်။ ထိုဒေသရှိ အလ်ဘေးနီးယား ရဲတပ်ဖွဲ့ကလည်း မွတ်စလင်များမှာ ဂျူးများအား ကာကွယ်ပေးထားသည်ကို သိသည်။ ထို့ကြောင့် ဂျာမန်များလာရောက်ရှာဖွေသည့်အခါတွင် မသိချင်ယောင် ဆောင်နေခဲ့၏။

ဤအဖြစ်အပျက်ဇာတ်လမ်းများက ကျွန်ုပ်တို့အား လူဖြောင့်လူမှန်များအကြောင်း ပြောပြနေခြင်းပင်မဟုတ်ပါလား။ မှန်သည် အများကြီးပြောပြနေသည်။ ဘာသာတရားက လူ့အသက်များကယ်တင်စေချင်သည့်စိတ်ဓာတ် ဖြစ်ပေါ်ကြောင်း ပြနေသည်။ ဘာသာတရား မရှိသောသူ၊ ဂျူးများ၊ ဂျစ်ပစီများ၊ လိင်တူချစ်သူများနှင့် မသန်စွမ်းသူများအား ကာကွယ်စောင့်ရှောက်ပေးရမည်ဟု ယုံကြည်သောသူများလည်း ရှိနေသည်။ `လူဖြောင်လူမှန်´ ဘွဲ့ကို ဂျူးများကို ကယ်တင်သောသူများအား ပေးရမည်ဆိုလျှင် အစွန်းရောက် သီအိုရီများကိုခြေခံကာ အစွန်းရောက်အမြင်များဖြင့် ပစ်မှတ်ထားခဲ့သည့် နာဇီတို့လက်မှ ဂျူးများကို ကယ်တင်ခြင်းဟူသော မှန်ကန်သည့်အလုပ်ကို လုပ်ဆောင်ခဲ့သည့် ဘာသာရှိသူများ၊ ဘာသာမဲ့များလည်း ရှိနေသေးသည်။

ဂျူးနှင့် မွတ်စလင်တို့၏ သမိုင်းများက ပဋိပက္ခများ၏ အရင်းမူလများထဲမှ တစ်ခုဖြစ်သည်ဟု ကြားဖူးနားဝဖြင့် ဆိုလာလျှင်တော့ ထိုလူမှာ မှားယွင်းနေပေပြီ။ မွတ်စလင်များမှာ တစ်နည်းနည်းဖြင့် ဆိုးရွားပြီး နာဇီများကို ထောက်ခံသူများသာ ဖြစ်ကြသည်ဟုပြောကာ မွတ်စလင်ဆန့်ကျင်ရေးအမုန်းစကားများကို ဖြန့်ဖြူးကြသူများမှာ Holocaust အစီအစဉ်တွင် ဂျူးများအား မွတ်စလင်များက ကယ်တင်ခဲ့သည်ဆိုသည့် အဆိုပါ ဇာတ်လမ်းများကို မမြင်နိုင်၊ လက်မခံနိုင်၍သာဖြစ်မည်။ လူလူချင်း ဆက်ဆံရေးကို ယုံကြည်သူများ၊ လူ့အသက်များကို ကယ်တင်ချင်သူများ၊ သတ်ဖြတ်မှုနှင့် လူမဆန်မှုများကို ကျော်လွှားကာ အောင်ပွဲရယူချင်သူများအတွက် အဆိုပါ ဇာတ်လမ်းများက ကိုးကားလိုက်နာစရာများဖြစ်သည်။ မည်သို့ပင်ဖြစ်စေ မျှော်လင့်ချက်ကိုဖြစ်စေသော ထိုဇာတ်လမ်းများက အချိန်အတော်ကြာ ဆက်လက်ရှိနေမည်ဖြစ်သည်။ တစ်ဦးပေါ်တစ်ဦး မျှော်လင့်ချက်ထားခြင်း၊ ဘ၀အမိုက် အမှောင်ကျချိန် တွင် မျှော်လင့်ချက်ထားခြင်း၊ အသက်ရှင်လိုစိတ်ရှိခြင်းနှင့် အောင်ပွဲများကို ကာကွယ်လိုခြင်း စသည်တို့ကိုလည်း ရရှိပေဦးမည်။

ref:.huffingtonpost
မိုးဝေ ဘာသာပြန်ဆိုသည်။

February 21, 2015
White Card ကိုင်သူတွေ မဲပေးခွင့် ရှိ မရှိ

ဧရာဝတီမှ ကူးယူဖော်ပြသည်။
ရေးသားသူ -ကျော်မင်း

ဖေဖော်ဝါရီလ ၂ ရက် ပြည်ထောင်စုလွှတ်တော်တွင် ၂၀၀၈ ခုနှစ် ဖွဲ့စည်းပုံ အခြေခံဥပဒေကို ပြင်ဆင်သည့် ဥပဒေကြမ်း အတည်ပြုရေး၊ ပြည်လုံးကျွတ် ဆန္ဒခံယူပွဲတွင် ယာယီသက်သေခံကတ် (White Card) ကိုင်ဆောင်သူများ အနေဖြင့် မဲပေးခွင့်ရှိသည်ဟု အတည်ပြုခြင်းအပေါ်တွင် ဝေဖန်မှုများပေါ်လာသည်။

ဝေဖန်သူများတွင် နိုင်ငံရေးပါတီ ခေါင်းဆောင်တချို့လည်း ပါဝင်သည်။ တချိန်က မြန်မာနိုင်ငံအတွက် ဒီမိုကရေစီရေး အဓိကလှုပ်ရှားခဲ့သော ဥသျှောင်ပါတီမှ ခေါင်းဆောင်ဖြစ်ဖူးသူများလည်း ပါဝင်သည်။ အခြေခံဥပဒေ ပြင်ဆင်ရေးဆိုင်ရာ ပြည်သူ့ဆန္ဒခံယူပွဲတွင် မြန်မာနိုင်ငံသား မဖြစ်သေးသူများကို မြန်မာနိုင်ငံသားများနည်းတူ ပါဝင်မဲပေးခွင့် မရှိသင့်ဟု အထက်ပါတီတခု၏ ထုတ်ပြန်ချက်တွင် ပါဝင်နေသည်။

မြန်မာပြည်တွင် White Card များကို မဲထည့်ခွင့်ပြုခြင်းသည် နိုင်ငံတော်၏ အချုပ်အခြာအာဏာနှင့် နိုင်ငံသားများ၏ နိုင်ငံရေးကံကြမ္မာကို ထိပါးအောင် တရားဝင် ခွင့်ပြုထားခြင်းမျိုး ဖြစ်နေသည်ဟုလည်း ပြောဆိုနေပါသည်။ နိုင်ငံရေး ခေါင်းဆောင်လုပ်လိုသူများသည် မိမိဆန္ဒအလျောက် ဥပဒေဘောင်ကျော်သော စကားများ လက်လွတ်စပယ် မပြောသင့်ပါ။

ရခိုင်ပြည်နယ်မှ လွှတ်တော်အမတ်များနှင့် ၀ဒေသမှ White Card ကိုင်ဆောင်သူများကို နိုင်ငံခြားသား ဆိုမည်လား။ ထိုဒေသမှ လွှတ်တော်အမတ်များကမူ သူတို့ဒေသမှာ White Card ထုတ်ပေးထားကာ မကြာမီ နိုင်ငံသား စိစစ်ရေးကတ် လဲပေးမည်ဟု ပြောဆိုထားပြီး ယခုအချိန်ထိ မထုတ်ပေးသေးကြောင်း လွှတ်တော်တွင် ရှင်းပြသည်။

ယနေ့ထိ White Card အကြောင်း ဆွေးနွေးလိုသော နိုင်ငံရေးခေါင်းဆောင်များ၊ စာပေပညာရှင်များသည် White Card ၏ ဥပဒေကြောင်းနှင့် လူ ၇ သန်းနီးပါး ရခိုင်ပြည်မှာ White Card ကိုင်ဆောင်နေရခြင်း၏ သမိုင်းကြောင်းကို လေ့လာသိရှိထားရန် လိုပေသည်။

နိုင်ငံတကာမှာ အမြဲနေထိုင်လိုသူ နိုင်ငံခြားမှ တရားဝင်လာရောက်သူများကို Green Card ထုတ်ပေးသည်။ မြန်မာ White Card သည် နိုင်ငံခြားသားများကို ထုတ်ပေးခြင်းမဟုတ်၊ ၁၉၅၁ ခုနှစ် ပြည်တွင်းနေထိုင်သူများ မှတ်ပုံတင်ရေး နည်းဥပဒေ ၁၃ အရ နိုင်ငံသားများကို အမျိုးသားမှတ်ပုံတင်ကတ် ပျောက်ပျက်ပါက အရေးပေါ် ယာယီထုတ်ပေးသော လက်မှတ်သာ ဖြစ်သည်။ တနည်း အမျိုးသားမှတ်ပုံတင် ကိုယ်စား အထောက်အထားတခု ဖြစ်သည်။

မြန်မာနိုင်ငံကို ဘင်္ဂလားဒေ့ရ်ှနိုင်ငံမှ လူများ ၀င်မလာဆဲတသဲသဲ ဖြစ်နေသယောင် ရုံးထိုင်စားပွဲခင်း၍ ယာယီသက်သေခံလက်မှတ် White Card ထုတ်ပေးခြင်းမျိုး ရှင်းပြခြင်းမှာ တရားဥပဒေ စိုးမိုးရေးကို အနှောက်အယှက် ဖြစ်နေပါသည်။ အမျိုးသားမှတ်ပုံတင်ကတ်ကိုသော်လည်းကောင်း၊ ယာယီသက်သေခံကတ်ပြားကို သော်လည်းကောင်း ပြည်တွင်း နေထိုင်သူများ မှတ်ပုံတင်ရေး နည်းဥပဒေအပိုဒ် ၃၃ အရ နိုင်ငံခြားသားများအား ထုတ်ပေးခွင့် မရှိပါ။ နိုင်ငံသား မဟုတ်သူများကို White Card ထုတ်ပေးထားသည်ဟု တာဝန်ရှိပုဂ္ဂိုလ်များက ပြောဆိုနေခြင်းသည် ပို၍ တရားမဲ့သောစကား ဖြစ်သည်။

နိုင်ငံခြားသားများကို ဥပဒေအရ ချုပ်ကိုင်နိုင်သည်။ စည်းကမ်းမဲ့ တိုင်းပြည်တွင် တွေ့ရှိပါက အရေးယူ အပြစ်ပေးနိုင်သည်။ ၁၉၄၈ ခုနှစ် မြန်မာနိုင်ငံသားဖြစ်မှု ဥပဒေ၊ ၁၉၄၇ ခုနှစ် လူဝင်မှုကြီးကြပ်ရေး အရေးပေါ်ဥပဒေ၊ Immigration Emergency Act အစရှိသည်တို့ ရှိပေသည်။ အချိန်မရွေး ခိုးဝင်လာသူ၊ နယ်စပ်ခြေကျွံ ၀င်ရောက်လာသူများကို ဖမ်းဆီးအရေးယူ ပြစ်ဒဏ်ပေးနိုင်သည့် ဥပဒေများ မြန်မာနိုင်ငံတွင် တည်ရှိနေပါသည်။

ယခု ရခိုင်ပြည်နယ်မှ ယာယီသက်သေခံကတ် ကိုင်ဆောင်သူများသည် မူလက အမျိုးသားမှတ်ပုံတင် ကိုင်ဆောင်သူများ ဖြစ်ကြသည်။ သို့မဟုတ် ထိုသူများ၏ သားမြေးများ ဖြစ်ကြသည်။ မြန်မာ ဘင်္ဂလား နယ်စပ်သည် လုံခြုံမှုအပြည့်ရှိသော အဖြူရောင်နယ်မြေ ဖြစ်နေသည်မှာ နှစ်ပေါင်း ၅၀ ကျော်ပြီး ဖြစ်သည်။

၁၉၈၂ ခုနှစ်၊ နိုင်ငံသားဥပဒေ ပြဋ္ဌာန်းခြင်းမပြုခင် အမျိုးသား မှတ်ပုံတင်သည် နိုင်ငံသားဖြစ်ခြင်း၏ တခုတည်းသော အထောက်အထား ပေတံဖြစ်ခဲ့သည်။ အလုပ်ဝင်ခြင်း၊ အရောင်းအ၀ယ်ပြုခြင်း၊ ခရီးသွားခြင်း၊ နိုင်ငံခြားသွားရန် ပတ်စ်ပို့ထုတ်ခြင်း စသည့် ကိစ္စအရပ်ရပ်ကို ထိုကတ်ပြားဖြင့် ပြုလုပ်ခဲ့ရသည်။

ဝန်ထမ်းမှတ်တမ်း၊ အိမ်ထောင်စုစာရင်း၊ မွေးစာရင်းများတွင်လည်း ထိုကတ်ပြားအမှတ်ကို နိုင်ငံသားဇယားတွင် ရေးသွင်းသည်။ ရခိုင်ပြည်နယ်တွင် ၁၉၉၀ ခုနှစ်၌ ယာယီ အမျိုးသားမှတ်ပုံတင်ကတ်ပြား ကိုင်ဆောင်သူများကို လ၀ကပုံစံ နိုင် (၂) ဖြင့် နိုင်ငံသား စိစစ်ရေးကဒ်ရယူရန် လျှောက်လွှာတင်စေခဲ့သည်။ လ၀က မြို့နယ်ရုံးများတွင် ထိုပုံစံများ ယနေ့ထိရှိနေသည်။ လူထုသို့ လျှောက်လွှာလက်ခံရရှိကြောင်း ထုတ်ပေးသော ပြေစာများလည်း ရှိနေသည်။

၎င်းသည် ၁၉၈၂ ခုနှစ် နိုင်ငံသားဥပဒေအရ သံသယဖြစ်နေသူများအား လျှောက်လွှာတင်ရသော ပုဒ်မ ၆၅ ပါ ပုံစံမဟုတ်ပါ။ ထို့အပြင် ဧည့်နိုင်ငံသားနှင့် နိုင်ငံသားပြုများ တင်ရသော ပုံစံလည်းမဟုတ်ပါ။ နိုင်ငံသား စိစစ်ရေးကတ်အတွက် လျှောက်လွှာတင်စေခဲ့ပြီး နှစ်အနည်းငယ် စောင့်ဆိုင်းပြီး စိစစ်ရေးကတ်ပြား ထုတ်ပေးမည့်အစား White Card (ခ) ယာယီသက်သေခံကတ် ထုတ်ပေးခဲ့သည်။ ထိုစဉ်က ရခိုင်ဒေသရှိ UNHCR က White Card ကို ပန်းရောင်ကဒ် (နိုင်ငံသား စိစစ်ရေးကတ်) ဖြင့် လဲပေးရန် အစိုးရမှာ အစီအစဉ်ရှိကြောင်း ပြည်သူများသို့ ရှင်းပြခဲ့သည်။

ယနေ့တိုင် White Card အဖြူကတ် ကိုင်ဆောင်သူများကို လွှတ်တော်အတွင်းအပြင်မှ ခိုးဝင်ဘင်္ဂါလီ နိုင်ငံခြားသား၊ နိုင်ငံသားမဖြစ်သေးသူများ စသဖြင့် အမည်အမျိုးမျိုးတပ်ခြင်းသည် လူမျိုးတမျိုးကို သိက္ခာချခြင်း ဖြစ်နေသည်။ အပြစ်ရှိသည်ဟု ထင်ရသူတယောက်ကို အပြစ်ရှိကြောင်း သက်သေမပြနိုင်လျှင် စီရင်ချက်မချနိုင်သေးသရွေ့ တရားခံဟု မစွပ်စွဲနိုင်ပါ။ စွပ်စွဲပြီး အပြစ်မထင်ရှားလျှင် ပြန်တရားစွဲနိုင်သည်။

ယခု လူမျိုးတမျိုးကို ဆန္ဒအလျောက် ခိုးဝင်ဘင်္ဂါလီဟု စွပ်စွဲနေခြင်းသည် ထိုစွပ်စွဲသူများ နိုင်ငံရေးခေါင်းဆောင် ဆိုသူများ၏ သိက္ခာနှင့် ပတ်သက်နေသည်။ ထိုနိုင်ငံရေးခေါင်းဆောင်များ စေ့စပ်စွာ လေ့လာမှု မရှိဘဲ သံယောင်လိုက်ပြီး အမျိုးသားရေးသံစဉ်များ ထုတ်နေခြင်းသည် မြန်မာ့ဒီမိုကရေစီ၏ အားနည်းချက် ဖြစ်နေသည်ဟု သုံးသပ်ပါသည်။ နိုင်ငံရေးပါတီ တည်ထောင်၍ နိုင်ငံရေးပြုလုပ်ခြင်းမှာ လူတစုအတွက် မဖြစ်သင့်ပေ၊ အားလုံးအတွက် ဖြစ်သင့်ပေသည်။ လူမျိုးဘာသာ အသားအရောင် မခွဲခြားဘဲ အားလုံးအကျိုး သယ်ပိုးနိုင်ရန် လိုအပ်သည်။

ဗိုလ်ချုပ်အောင်ဆန်းသည် ယခု ယာယီသက်သေခံကတ် ကိုင်ဆောင်သူများ၏ ဘိုးဘွားများကို နိုင်ငံသားအဖြစ် လွှတ်တော်ရွေးကောက်ပွဲတွင် မဲဆန္ဒပေးခွင့် ရွေးချယ်ခံပိုင်ခွင့်များ ပြုခဲ့သည်။ ၁၉၄၇ ခုနှစ် ရွေးကောက်ပွဲမှတ်တမ်းမှာ ထင်ရှားစွာ တွေ့ရှိနိုင်သည်။

လွတ်လပ်ရေးရပြီးနောက်ပိုင်း နိုင်ငံစီမံ အုပ်ချုပ်သူများသည် လွတ်လပ်ရေး တိုက်ပွဲတွင် ရှေ့တန်းက ပါဝင်စွန့်စားခဲ့သော ခေါင်းဆောင်များ ဖြစ်ခဲ့သည်။ သူတို့က ယနေ့ အဖြူကတ် ကိုင်ဆောင်သူများ၏ မိဘများကို နိုင်ငံသားအခွင့်အရေး အပြည့်အ၀ပေးခဲ့သည်။ နိုင်ငံသားအဆင့် မခွဲခြားခဲ့ပါ။ ဗိုလ်ချုပ်ကိုယ်တိုင် ရေးဆွဲခဲ့သော ဖွဲ့စည်းပုံ အခြေခံဥပေဒမှာ နိုင်ငံသားတမျိုးတည်းသာ ရှိခဲ့သည်။

ကုန်အောင် စုံအောင် ပြောရလျှင် ၁၉၅၁ ခုနှစ် လွှတ်တော်ရွေးကောက်ပွဲမှ ၂၀၁၀ ခုနှစ် ရွေးကောက်ပွဲအထိ ရခိုင်မြောက်ပိုင်းမှ White Card ကိုင်ဆောင်သူများနှင့် ၄င်းတို့၏ မိဘဘိုးဘွားများသည် မဲပေးခွင့် ရွေးချယ်ခံပိုင်ခွင့်များ ရှိခဲ့ပါသည်။

မိမိနှင့်မတူသူများသည် နိုင်ငံခြားသား ဖြစ်ရမည်ဟု ဥပဒေရှိနေလျှင်လည်း ၄င်းဥပဒေသည် အဓမ္မဆန်သော၊ အနိုင်ကျင့်လိုသော ဥပဒေသာ ဖြစ်မည်။

White Card ဖြင့် ရွေးချယ်ခံခွင့် အခွင့်အရေးကို ပိတ်ထားသည့်အပြင် မဲပေးခွင့်မပြုရန် နှိုးဆော်ခြင်း၊ ကန့်ကွတ်ဆန္ဒပြနေခြင်းများသည် ဥပဒေနှင့်မညီ၊ ဒီမိုကရေစီ စံနှုန်းလည်းမကိုက်၊ မိမိတို့အတွင်းဆန္ဒ၏ တိုက်တွန်းချက်သာ ဖြစ်ပါသည်။

တိုင်းပြည်ကို တရားဥပဒေနှင့်အညီ မဟုတ်ဘဲ ဆန္ဒအလျောက် အုပ်ချပ်မည်ဆိုက ထိုတိုင်းပြည် မတိုးတက်နိုင်၊ ဒီမိုကရေစီနှင့် မညီညွတ်ပါ။ ပြည်သူအားလုံး၏ အခြေခံရပိုင်ခွင့်ကို အာမခံချက် မပေးနိုင်ပါက ခွဲခြားဆက်ဆံသော ဥပဒေဖြစ်နေပါက ထိုဥပဒေကို ပြင်ဆင်ရမည်ဖြစ်ကြောင်း အကြံပြုတိုက်တွန်းအပ်ပါသည်။

(ကျော်မင်းသည် ၁၉၉၀ ပြည့် ရွေးကောက်ပွဲ၌ ရခိုင်ပြည်နယ် ဘူးသီးတောင်မြို့နယ်တွင် အနိုင်ရခဲ့သော အမျိုးသားလူ့အခွင့်အရေး ဒီမိုကရက်တစ်ပါတီမှ ကိုယ်စားလှယ်ဖြစ်သည်။)

ဓါတ်ပုံအညွှန်း- ရခိုင်ပြည်နယ် မြောက်ပိုင်းနေ White Card ကိုင်ဆောင်သူတဦး (ဓာတ်ပုံ – ဂျေပိုင်/ဧရာဝတီ)

http://burma.irrawaddy.org/opinion/viewpoint/2015/02/19/71388.html

February 20, 2015
လူအောင်ဆန်း (၈)

ဝင်းအောင်ကြီး ရေးသည်။

မေယု တိုက်ရေယာဉ်ကို စစ်ဆေးဖို့ ရောက်လာတဲ့ ဗိုလ်ချုပ်အောင်ဆန်းရဲ့ ဒီပုံကိုကြည့်ရင်၊ အသက်ငယ်သေးပေမယ့် ဘယ်လောက် ရင့်ကျက်တယ် ဆိုတာ မြင်နိုင်ပါလိမ့်မယ်။ ရဲဘော်သုံးကျိပ်၊ စစ်သေနာပတိ၊ ဖက်စစ်တော်လှန်ရေး၊ တပ်တွင်း ပုဂ္ဂိုလ်ရေးပြသနာများ ခေါင်းဆောင် ကိုင်တွယ်ခဲ့ပြီးပြီ။၊

မဟာမိတ်တို့ဘက်က ဗိုလ်ချုပ်စလင်း၊ မောင့်ဘက်တန်တို့နဲ့ ဆွေးနွေးခဲ့ပြီးပြီ။ အင်္ဂလိပ်တို့ရဲ့ Royal Navy မှာအမှုထမ်းနေတဲ့သူတွေကို တပ်မတော်ရတပ် အတွက်၊ Royal Air Force ကသူတွေ လေတပ်မှာ နေရာချ စီစဉ်ခဲ့တယ်။ တပ်သားဦးရေ ကန့်သတ်ထားရလို့ ပိုနေသူတွေကို ပြည်သူ့ရဲဘော်တပ်ဖွဲ့ ထူထောင်ကာ ကိုယ်တိုင်ကွပ်ကဲပေးခဲ့သေးကြောင်း မှတ်တမ်းတွေရှိတယ်။

တပ်မတော်ကို ဖဆပလ ကနှုတ်ထွက်စေပြီးနောက် ကိုယ်တိုင် စစ်ဦးစီးချုပ် အဖြစ်က ထွက်လိုက်တာဟာ လွတ်လပ်ရေးရတဲ့အခါ၊ တပ်မတော်ရဲ့ အခန်းကဏ္ဍကို ပီပီပြင်ပြင်သတ်မှတ် ပေးလိုက်တာမဟုတ်လား?

ပြည်ထောင်စုနဲ့ ထိုက်တန်အောင် တိုင်းရင်းသားစုံ ပါဝင်တဲ့ တပ်မတော် ဖြစ်လာခဲ့ ပုံကို လေ့လာကြည့်ပါ။ လူတိုင်းစစ်ပညာ မသင်မနေရ ဆိုတဲ့ မိန့်ခွန်းက လူထုတရပ်လုံးပိုင်တဲ့ နိုင်ငံရဲ့ လူထုတရပ်လုံးကို ကိုယ်စားပြုတဲ့ တပ်မတော် အဖြစ်ထူထောင်ဖို့ညွှန်းတာ မဟုတ်လား? တပ်အင်အားကို လိုအပ်ချိန်ကျ မှ ချဲ့တဲ့ခုခေတ်စနစ်ကို လွန်ခဲ့တဲ့ နှစ် ၆၀ လောက်ကတည်း သူမြင်ခဲ့တယ်။ စစ်ယူနီဖောင်းလေး ၂ စုံ လောက်နဲ့ ဘာ့ကြောင့်နေသွားသလဲ?

ဒုတိယကမ္ဘာစစ်ကြီးပြီးခါစ တိုင်း ၄ က၊ ဗိုလ်မှူးဘရှင်နဲ့ တပ်ကြပ်ကြီး တင်ဦးတို့ လာတွေ့တော့ အင်္ကျီကိုဘောင်းဘီပွထဲထည့်ဝတ်ပြီး၊ ခါးပတ်နေရာမှာ ကြိုးနဲ့ ချီထားတာကို သူကြည့်နေတယ်၊ သူတို့ ၂ ယောက်နည်းတူ ဗိုလ်ချုပ်ကိုလည်း ကိုးကိုးတခွက်နဲ့ ငှက်ပျောသီး ၂ လုံး ဒေါ်ခင်ကြည်က လာချပေးတယ် စသဖြင့် (၁၉၅၇ ခု၊ ဇူလိုင်လ မြ၀တီ မဂ္ဂဇင်း) မှာရှာကြည့်ပါ။

ဖက်စစ်တော်လှန်း စစ်ထွက်မိန့်ခွန်းကိုကြည့်ပါ၊ “ ရဲဘော်တို့ ၊ခရီးကကြမ်းမယ်၊ ပင်ပန်းမယ်၊ ဆင်းရဲမယ်၊ အန္တရယ်များမယ်၊ရဲဘော်တို့နဲ့ငါလည်းအတူထွက်မှာ” တဲ့။ ဒီဆောင်းပါးရေးချိန် ကိုယ့်အဖြစ်ပြန်သတိရမိတယ်။ ၁၉၅၆ ခု၊ အောက်တိုဘာလ ကျောင်းပိတ်ရက် အတွင်း ကျနော်တို့ ရန်ကုန်တက္ကသိုလ် အရန်တပ်ရင်း ( UTC) မိတ္ထီလာမှာ စခန်းချ (Camp)နဲ့သင်တန်းတက်ရတော့ ခါတိုင်းညနေဘက် လေ့ကျင့်ပုံမျိုးမဟုတ်တော့၊ စစ်စည်းကမ်းအပြည့်နဲ့ တကယ့်စစ်သင်တန်း၊ ခုပြန်တွေးရင်းတောင် ပင်ပန်းလိုက်တာ သေလုမျောပါး။ ၁၄ ရက်အတွက် တပ်သားလစာ ရတာဟာ ကျနော့ဘ၀ရဲ့ ပထမဆုံး ၀င်ငွေ။ ရေဗူးပေါက်တာ မလိုချင်၊ ရေပါတာပဲလိုချင်တယ် ဆိုတဲ့စကားဟာ စောစောတုန်းက ရယ်စရာ၊ ဟားစရာ၊ ခုတော့ စစ်အမိန့်ဆိုတာ ကိုယ်တွေ့။ အောက်ခြေတပ်သားတွေနဲ့ တသားတည်းနေတတ်တဲ့ ဗိုလ်ချုပ်ကိုပိုပြီးနားလည်ခဲ့တာပေါ့။

၁၉၅၄ ခု၊ ကာလ မြန်မာပြည်တွင်းသို့ ကျူးကျော်ဝင်ရောက်နေတဲ့ တရုတ်ဖြူတပ်များကို တပ်မတော်က တိုက်ထုတ်နေစဉ် လူထုကလည်း ၀င်ကူဝင်အားပေးတယ်လေ။ ၀န်ကြီးချုပ်ဦးနုကိုယ်တိုင် ဗိုလ်မှူးချုပ်ကျော်ဇောတို့ရဲ့ ရှေ့တန်း ဌာနချုပ် ရုံးစိုက်ရာ မိုင်းဆတ်သို့ စစ်လေယာဉ်ငယ်နဲ့ သွားရောက်ပြီး၊ တပ်မတော်သားများအား စိတ်ဓာတ်မြှင့်တင်ပေးပုံ သတင်းစာတွေထဲ ဖတ်ရချိန်၊ ကျနော်တို့ ရန်ကုန်တက္ကသိုလ်က အဆောင်တွေကလည်း ထမင်းတနပ်မစားဘဲ အဲဒီအတွက်ငွေ ရှေ့တန်းကတပ်မတော်သားများ အတွက်ပေးပို့လှူဒါန်းတဲ့ထဲ ကျနော်နေတဲ့ သထုံဆောင်လည်း ပါတာပေါ့။ ဘယ်သူကမှ စည်းရုံးလှုံ့ဆော်တာမဟုတ်။ ကိုယ့်အသိနဲ့ကိုယ် ကိုယ့်စေတနာနဲ့ကိုယ် တပြည်လုံး လုပ်ကြတာပါ။

ဗိုလ်ချုပ်အောင်ဆန်းရဲ့ ကြိုးပမ်းမှုကနေ ပေါက်ဖွားလာတဲ့ ပြည်ထောင်စု သားတွေနဲ့ ပြည်ထောင်စုတပ်မတော်သားတွေကြား ထားတဲ့အောင်ဆန်း စိတ်ဓာတ်လို့ ဆိုပါရစေ။ ယေဘုယျအားဖြင့် အဲဒီအနေအထားဟာ ၁၉၆၂ ခုနှစ်၊မတ်လ ၂ ရက်နေ့အထိလို့ ဆိုရပေလိမ့်မယ်။ နောက်ပိုင်း တိုင်းပြည်၊ တပ်မတော်၊ လူထု စသဖြင့် အကုန်လုံးပြောင်းလဲ သွားခဲ့တဲ့ထဲ ခေတ်ရော စနစ်ရော မကျန်။ စီးပွါးရေး၊ ပညာရေး၊ ကျန်းမာရေး၊ လူမှုရေး အဘက်ဘက်က နိမ့်ဆင်းသွားခဲ့တာ ယနေ့မြင်နေရ တဲ့ အခြေအထိ မဟုတ်လား?

ဘယ်အချိန်မှာ တိုင်းပြည်ခြောက်ထဲကျဖို့ လက်တလုံးအလိုသို့ ရောက်ခဲ့ဖူးသလဲ? တပ်မတော်ကသာ ကယ်တင်ခဲ့ရိုးမှန်ရင် တပ်မတော်အပေါ် လူထုရဲု့ ယုံကြည် ကိုးစားမှု ပျောက်ပျက်နိုင်ပါ့မလား? ရှိခဲ့ဖူးတဲ့ ချောမွေ့တဲ့ အပြန်အလှန် ချစ်ကြည်မှုကော လျော့နည်းသွားပါ့မလား?

ယနေ့လူထုရဲ့အခြေအနေဟာ လူထုခေါင်းဆောင်အစစ် ဗိုလ်ချုပ်အောင်ဆန်းရဲ့ မျှော်မှန်းချက်နဲ့ ကိုက်ညီပါသလား? တပ်မတော်ကကော ဗိုလ်ချုပ်အောင်ဆန်းလက်ထက်ဝေးလို့ ၁၉၆၂ ခု၊ မတ်လ ၂ ရက်နေ့ အထိနဲ့တောင် ရေးတေးတေးတူသေးရဲ့လား? စာဖတ်သူများ အချင်းချင်း မေးကြဖို့၊ ဆွေးနွေးကြဖို့၊ တွေးကြဖို့ လူအောင်ဆန်း (၈) ကိုရေးလိုက်ရကြောင်းပါ။

၂၀၁၅ ခု၊ဖေဖော်ဝါရီလ ၁၅ ရက်။

ဓါတ်ပုံ အညွှန်း-မေလ ၂၅ ရက်၁၉၄၇ ခုနှစ်မြန်မာပြည် သိမ်းပိုက်ရေးတိုက်ပွဲများတွင် ဗြိတိသျှရေတပ်မှ အသုံးပြုခဲ့သော ‘မေယု’ စစ်ရေယာဉ်အား ကန္ဒီစာချုပ်အရ ဗမာ့တပ်မတော်ဖွဲ့စည်းပြီး ဗမာ့ရေတပ်မတော် အတွက် လွှဲပြောင်း ပေးအပ်ပွဲ အခမ်းအနားမှ ဗိုလ်ချုပ်၏ရှားပါးဓာတ်ပုံ။ ပုံတွင်ဗိုလ်ချုပ်၏ အနောက်တွင်ဗိုလ်မှူး ဘသော်ကိုပါတွေ့မြင်နိုင်သည်။

လူအောင်ဆန်း (၁ မှ ၆ ထိ) ဖတ်လိုလျှင် =>http://www.m-mediagroup.com/news/37705
လူအောင်ဆန်း (၈) ဖတ်လိုလျှင် =>http://www.m-mediagroup.com/news/37852
ဗိုလ်ချုပ် အောင်ဆန်း ဘဝမှတ်တမ်း ဓါတ်ပုံများ ကြည့်လိုလျှင် =>https://www.facebook.com/media/set/?set=a.501249889917486.100008.468226919886450&type=3

February 20, 2015