စက်တင်ဘာ ၂၆၊ ၂၀၁၇
M-Media
– ကနေဒါမှာ မင်္ဂလာဓာတ်ပုံ ရိုက်ကူးနေတဲ့ စုံတွဲတစ်တွဲဟာ သူတို့ရဲ့ ဘ၀တစ်လျှောက်လုံး ဂုဏ်ယူရမယ့်၊ အမှတ်တရဖြစ်ရမယ့် အဖြစ်အပျက်တစ်ခုနဲ့ ကြုံတွေ့ခဲ့ပါတယ်။
ကလေတန်ကွတ်နဲ့ ဘရစ်တနီ ကွတ်လို့ခေါ်တဲ့ အဲဒီစုံတွဲဟာ အွန်တာရီယိုမြို့က ကမ်းဘရစ်ဂ်ျတံတားပေါ်မှာ မင်္ဂလာဓာတ်ပုံတွေ ရိုက်ကူးနေတဲ့အချိန် မြစ်ထဲကို ကလေးတစ်ယောက် ကျသွားပြီး ရေနစ်နေတာကို တွေ့ခဲ့ရပါတယ်။
အဲဒီအချိန်မှာ သတို့သားဝတ်စုံဝတ်ထားတဲ့ မစ္စတာကွတ်ဟာ ချက်ခြင်းပဲ အဲဒီကလေးကို ရေထဲဆင်းဆယ်ခဲ့ပြီး ဓာတ်ပုံဆရာကလည်း ဒီအဖြစ်အပျက်ကို အမိအရ မှတ်တမ်းတင်ထားနိုင်ခဲ့ပါတယ်။
အဲဒီဓာတ်ပုံတွေ အွန်လိုင်း ရောက်သွားတဲ့အခါမှာတော့ ကနေဒါကသာမက ကမ္ဘာတစ်ဝှမ်းက ပြည်သူတွေကပါ မစ္စတာကွတ်ရဲ့ ရဲရင့်မှုကို ချီးကျူးခဲ့ကြပါတယ်။
“ဒီကလေးတွေဟာ ကျွန်တော်တို့နောက်ကို တစ်ကောက်ကောက်လိုက်နေတာဗျ။ မြစ်နဲ့ တော်တော်နီးနီးမှာ ရပ်နေတာကြောင့် သူတို့ကို ကျွန်တော် မျက်ခြေမပြတ် ကြည့်နေခဲ့တယ်။ ဘရစ်တနီက တစ်ယောက်တည်းပုံတွေ ရိုက်နေတဲ့အချိန် ကျောက်ဆောင်အစွန်းမှာ ကလေးနှစ်ယောက်ပဲ ရှိတော့တာကို ကျွန်တော် သတိထားမိလိုက်တယ်။ ပြီးတော့ ကောင်လေးက ရေထဲမှာ ယက်ကန်ယက်ကန်ဖြစ်နေတာကို ကျွန်တော် တွေ့ခဲ့တယ်။ ကျွန်တော် သူ့ကို ဆွဲခေါ်လာခဲ့ပြီး သူက ဘာမှ မဖြစ်ပါဘူး” လို့ ကလေတန်ကွတ်က ပြောကြားခဲ့ပါတယ်။
ဇနီးဖြစ်သူ ဘရစ်တနီက သူ့ရဲ့ခင်ပွန်း ရေထဲဆင်းသွားတာဟာ သူ့ကို နောက်ဖို့လို့ ထင်ခဲ့ကြောင်း၊ သူများတွေဆိုရင်လည်း အဲဒီလို ကယ်တင်မှာဖြစ်ကြောင်း ပြောကြားခဲ့ပါတယ်။
ရေနစ်သွားတဲ့ကလေးငယ်မှာ ကြောက်ရွံ့နေတာကလွဲလို့ ဘာဒဏ်ရာမှ မရခဲ့ဘဲ နောက်ပိုင်းမှာ သူ့ရဲ့ ညီအစ်ကိုတွေနဲ့အတူ အိမ်ပြန်သွားခဲ့ပါတယ်။
ဘရစ်တနီက ကလေတန်ရဲ့ ဒီလို ဖြတ်ထိုးဉာဏ်ရှိမှု၊ ကိုယ်ကျိုးမငဲ့မှုတွေအပါအ၀င် အခြားအရည်အချင်းတွေကို ကြည့်ရှုကာ ချစ်ခဲ့တာဖြစ်တယ်လို့လည်း ထည့်သွင်းပြောကြားခဲ့ပါတယ်။
“ဒါဟာ ကျွန်မရဲ့ ကလေပါပဲ။ တစ်ခုခုဆိုရင် သူဟာ ဖြတ်ထိုးဉာဏ်ကို အသုံးချတတ်သူပါ”
Ref: BBC
