စက်တင်ဘာ ၁၉၊ ၂၀၁၇
M-Media
Photo Credit – BBC
– သံတမန်တွေကို အဓိကဦးတည်ခဲ့တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဒီနေ့မနက်မိန့်ခွန်းမှာ ရခိုင်ပြည်နယ်က အခြေအနေကို အဓိကထား ပြောကြားခဲ့ပြီး မြန်မာနိုင်ငံက ကြုံတွေ့နေရတဲ့ စိန်ခေါ်မှုတွေ၊ ပြဿနာတွေကို ဖြေရှင်းရမှာ ပါဝင်ကူညီဖို့ နိုင်ငံတကာအသိုင်းအ၀ိုင်းကို မေတ္တာရပ်ခံခဲ့ပါတယ်။
မိန့်ခွန်းအစမှာ ဒေါ်အောင်ဆန်းစုကြည်က သူတို့အစိုးရဟာ ရာစုနှစ်တစ်ဝက်လောက် အာဏာရှင် အုပ်စိုးမှုစနစ်ကို အမွေခံခဲ့ရပြီး လက်ရှိ ဒီမိုကရေစီဟာ မပြည့်စုံသေးတဲ့ ဒီမိုကရေစီဖြစ်ကြောင်း၊ မြန်မာနိုင်ငံဟာ ရှုပ်ထွေးတဲ့နိုင်ငံတစ်ခုဖြစ်ပြီး မိမိတို့အစိုးရ သက်တမ်းဟာ ၁၈ လသာ ရှိသေးတဲ့အတွက် ဒီအချိန်အတွင်း ကြုံတွေ့နေရတဲ့ စိန်ခေါ်မှုတွေအားလုံးကို ကျော်ဖြတ်နိုင်မယ်လို့ မျှော်လင့်၍မရကြောင်း၊ ဒါပေမယ့် အစိုးရအနေနဲ့ အခက်အခဲတွေကို ကျော်ဖြတ်ဖို့ အဆင်သင့်မဖြစ်သေးဘူးလို့ ဆိုလိုတာမဟုတ်ကြောင်း၊ အခု မိန့်ခွန်းဟာ မိမိတို့ရဲ့ အခက်အခဲတွေကို မိတ်ဆွေများကို တင်ပြပြီး မိမိတို့အပေါ် စာနာနားလည်စေဖို့ ပြင်ဆင်လာတာဖြစ်ကြောင်း ပြောကြားခဲ့ပါတယ်။
နောက်ပိုင်းမှာတော့ ရခိုင်ကိစ္စနဲ့ပတ်သက်ပြီး ဒေါ်အောင်ဆန်းစုကြည်က အဓိကထား ပြောကြားသွားခဲ့ပါတယ်။
ရခိုင်ပြည်နယ်က ကိစ္စတွေနဲ့ပတ်သက်ပြီး နိုင်ငံတကာရဲ့ စောင့်ကြည့်နေမှုကို မိမိတို့အနေနဲ့ ကြောက်ရွံ့နေမှာမဟုတ်ကြောင်း၊ ပြည်နယ်အတွင်းမှာ လူ့အဖွဲ့အစည်းနှစ်ခုအကြား ပြေလည်မှုရစေဖို့၊ လူ့အသိုင်းအ၀ိုင်းအားလုံးအတွက် ရေရှည်ခံတဲ့ တည်ငြိမ်အေးချမ်းရေး၊ ဖွံ့ဖြိုးတိုးတက်ရေးတို့ကို နှစ်မြုပ်ဆောင်ရွက်နေကြောင်း၊ ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေး ဗဟိုကော်မတီတစ်ခု၊ ကုလအတွင်းရေးမှူးဟောင်း ကိုဖီအန်နန်ဦးဆောင်တဲ့ ကော်မရှင်တစ်ခုတို့ကို ဖွဲ့စည်းပေးခဲ့ပြီး ဒီကော်မရှင်က တင်ပြတဲ့ အကြံပြုချက်တစ်ချို့ကို လက်ရှိမှာ ဆောင်ရွက်နေကြောင်း၊ တစ်ချို့အကြံပြုချက်တွေဟာ အချိန်ပေးပြီး ဆောင်ရွက်ရမှာဖြစ်ကာ အတတ်နိုင်ဆုံး မြန်မြန် ဆောင်ရွက်သွားမှာဖြစ်ကြောင်း ပြောကြားခဲ့ပါတယ်။
ပြီးခဲ့တဲ့နှစ် အောက်တိုဘာလနဲ့ အခုနှစ် သြဂုတ်လတွေမှာ ရဲစခန်းတွေကို ရိုဟင်ဂျာလက်နက်ကိုင်တွေက တိုက်ခိုက်မှုဟာ အချိန်တစ်ခုအထိ ရှိခဲ့တဲ့ တည်ငြိမ်အေးချမ်းမှု၊ အစိုးရရဲ့ ကြိုးပမ်းအားထုတ်မှုတွေကို ပျက်ဆီးစေပြီး အသက်ဆုံးရှုံးတာ၊ အိုအိမ်စွန့်ခွာ ထွက်ပြေးရတာတွေ ဖြစ်လာကြောင်း၊ အကြမ်းဖက်လုပ်ရပ်တွေကြောင့် အကြမ်းဖက်တိုက်ဖျက်ရေး ဥပဒေနဲ့အညီ အစိုးရဟာ ARSA အဖွဲ့ကို အကြမ်းဖက်အဖွဲ့အဖြစ် ကြေငြာခဲ့ကြောင်း၊ မိမိတို့အစိုးရအနေနဲ့ လူ့အခွင့်အရေးချိုးဖောက်မှုတွေ၊ ဥပဒေပ အကြမ်းဖက်မှုအားလုံးကို ရှုတ်ချပြီး ရခိုင်ပြည်နယ်အတွင်း ငြိမ်းချမ်းရေး၊ တည်ငြိမ်အေးချမ်းရေးနဲ့ တရားဥပဒေ စိုးမိုးရေးကို အလေးထားဆောင်ရွက်နေကြောင်း၊ လုံခြုံရေးတပ်ဖွဲ့တွေကိုလည်း နယ်မြေရှင်းလင်းရေး လုပ်ငန်းတွေမှာ ကျင့်ဝတ်တွေကို တိတိကျကျလိုက်နာဖို့၊ အပြစ်မဲ့ အရပ်သားတွေပါ ထိခို
က်တာမျိုး မရှိအောင် ဆောင်ရွက်ဖို့ ညွှန်ကြားထားကြောင်း၊ လူ့အခွင့်အရေးချိုးဖောက်မှုတွေကို တရားဥပဒေအတိုင်း ဆောင်ရွက်သွားမှာဖြစ်ကြောင်း အတိုင်ပင်ခံက ထည့်သွင်း ပြောဆိုခဲ့ပါတယ်။
မတည်ငြိမ်မှုကြောင့် ထွက်ပြေးရသူတွေရဲ့ ကိစ္စနဲ့ပတ်သက်ပြီး ဒေါ်အောင်ဆန်းစုကြည်က ရခိုင်နဲ့ မွတ်စလင်တွေသာမကဘဲ ဒိုင်းနက်၊ မြို၊ သက်၊ မရမာကြီးနဲ့ ဟိန္ဒူတွေလို လူမျိုးစုငယ်လေးတွေလည်း အိုးအိမ်စွန့်ခွာ ထွက်ပြေးခဲ့ရပြီး ဒါကို နိုင်ငံတကာသတင်းဌာနတွေက လစ်လျူရှုထားကြောင်း၊ အဲဒီလို ထွက်ပြေးရသူတွေကို လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဦးဆောင်တဲ့အဖွဲ့ဟာ ကူညီကယ်ဆယ်ရေးတွေ လုပ်ပေးနေကြောင်း ပြောကြားခဲ့ပါတယ်။
ရခိုင်ပြည်နယ်မှာ စက်တင်ဘာ ၅ ရက်နေ့နောက်ပိုင်း လက်နက်ကိုင်တိုက်ခိုက်မှုတွေ မရှိတော့သလို၊ နယ်မြေရှင်းလင်းရေးလုပ်ငန်းတွေလည်း မရှိတော့ပေမယ့် မွတ်စလင်တွေဟာ ဘင်္ဂလားဒေ့ရ်ှဖက်ကို ထွက်ပြေးနေဆဲဖြစ်ကြောင်း၊ သူတို့ ဘာ့ကြောင့် ဒီလိုထွက်ပြေးရတယ်ဆိုတဲ့ အကြောင်းအရင်းကို ရှာဖွေရမှာဖြစ်ပြီး၊ ပြည်နယ်ထဲမှာ ကျန်နေတဲ့သူတွေကိုလည်း မေးမြန်းရမှာဖြစ်ကြောင်း၊ ရခိုင်ပြည်နယ်က မွတ်စလင်အများစုဟာ ဒီလိုထွက်ပြေးထာမျိုးမလုပ်ဘဲ စုစုပေါင်း လူဦးရေရဲ့ ၅၀ ရာခိုင်နှုန်းကျော်ဟာ သူတို့ရဲ့ နဂိုနေရာမှာပဲ ရှိနေကြောင်း၊ မိမိတို့အနေနဲ့ ပြဿနာတွေကိုသာမကဘဲ ပြဿနာမဖြစ်တဲ့အချက်တွေကိုလည်း ထည့်သွင်းစဉ်းစားရမှာဖြစ်ကြောင်း၊ ပြဿနာမဖြစ်ဘဲ ကျန်နေသေးတဲ့ မွတ်စလင်တွေဆီ အစိုးရနဲ့အတူ လေ့လာဖို့ ဖိတ်ခေါ်ကြောင်း၊ အဲဒီအတွက် ခရီးသွားဖို့ စီစဉ်ပေးမှာဖြစ်ပြီး ဘာဖြစ်လို့ ထွက်မပြေးတာလဲဆိုတာ မေးနိုင်ကြောင်း ပြောကြားခဲ့ပါတယ်။
ရခိုင်ပြည်နယ်အတွင်းမှာ လူမျိုး၊ ဘာသာ မခွဲခြားဘဲ လူမှုဖွံ့ဖြိုးတိုးတက်ရေး အစီအစဉ်တွေကို မိမိတို့အနေနဲ့ ဆက်လက်လုပ်ဆောင်နေကြောင်း၊ အလုပ်အကိုင်ရရှိရေး၊ လျှပ်စစ်မီးရရှိရေး၊ အခြေခံအဆောက်အဦးတည်ဆောက်ရေး လုပ်ဆောင်ပေးနေပြီး ပညာရေး၊ အသက်မွေးဝမ်းကြောင်းအတတ်ပညာနဲ့ ကျန်းမာရေးမှာလည်း ခွဲခြားမှုမရှိဘဲ မွတ်စလင်တွေ ရယူခံစားခွင့်ရှိနေကြောင်း၊ နောက်ထပ် လူသားချင်းစာနာထောက်ထားမှုဆိုင်ရာ အကူအညီတွေလည်း ထပ်မံပေးသွားဖို့ စီစဉ်နေတယ်လို့လည်း သူမက ပြောကြားခဲ့ပါတယ်။
နိုင်ငံသားစီစစ်ရေးလုပ်ငန်းအတွက် အချိန်တစ်ခုသတ်မှတ်ကာ ဆောင်ရွက်နေပြီး၊ မွတ်စလင်ခေါင်းဆောင်တစ်ချို့ဟာ ဒီလိုစီစစ်ရေးလုပ်ငန်းကို လက်မခံတာကြောင့် နိုင်ငံတကာအသိုင်းအ၀ိုင်းအနေနဲ့ သူတို့ကို ဖျောင်းဖျပေးမယ်ဆိုရင် မိမိတို့အနေနဲ့ ကျေနပ်မှာဖြစ်ကြောင်း၊ လူ့အဖွဲ့အစည်းတွေ သဟဇာတ ဖြစ်စေရေးအတွက် ဘာသာပေါင်းစုံအဖွဲ့က ဆောင်ရွက်ပေးနေကြောင်း၊ သတင်းအချက်အလက် ရရှိဖို့အတွက် ရခိုင်၊ ဘင်္ဂါလီနဲ့ မြန်မာဘာသာစကားတွေနဲ့ FM ရေဒီယို ထုတ်လွှင့်ပေးနေကြောင်း၊ အီးယူ၊ ကုလအေဂျင်စီတွေနဲ့ပူးပေါင်းပြီး လုံခြုံရေးတပ်ဖွဲ့တွေကို စွမ်းဆောင်ရည်မြှင့်တင်ပေးနေကြောင်း၊ ဒေသတွင်းနဲ့ နိုင်ငံတကာ သတင်းအေဂျင်စီတွေကိုလည်း ရခိုင်ဒေသမှာ သတင်းယူနိုင်ဖို့အတွက် လုပ်ဆောင်ပေးနေပြီး၊ ပြဿနာကို ဖြေရှင်းဖို့အတွက် ဘင်္ဂလားဒေ့ရ်ှအစိုးနဲ့လည်း မိမိတို့ဟာ ပူးပေါင်းဆောင်ရွက်နေကြောင်း၊ ဒုက္ခသည်တွေကို ပြန်လည်စီစစ်လက်ခံရေးကို ၁၉၉၃ ခုနှစ်ကတည်းက နှစ်နိုင်ငံက သဘောတူညီချက်တွေနဲ့ ဆောင်ရွက်ခဲ့ပြီး အခုအချိန်မှာလည်း ဒီလို ဆက်လက်ဆောင်ရွက်သွားမှာဖြစ်ကြောင်း ပြောဆိုခဲ့ပါတယ်။
မိန့်ခွန်းနောက်ဆုံးမှာတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ တိုင်းပြည်က ရင်ဆိုင်နေရတဲ့ ပြဿနာတွေကို ဖြေရှင်းရာမှာ နိုင်ငံတကာအသိုင်းအ၀ိုင်းအနေနဲ့ ပိုမိုပါဝင်နိုင်ပြီး ပါဝင်ဖို့လည်း ဖိတ်ခေါ်ကြောင်း၊ မိမိတို့ရဲ့ ကြိုးပမ်းအားထုတ်မှုတွေကို အသိအမှတ်ပြုစေချင်ကြောင်း၊ ဒုက္ခသည်တွေ ထွက်ပြေးနေရတာ၊ ရွာတွေ မီးလောင်တာ စတင်တဲ့ သတင်းတွေကြောင့် နိုင်ငံတကာအသိုင်းအ၀ိုင်းက မိတ်ဆွေတွေရဲ့ စိုးရိမ်မှုကို မိမိနားလည်းပါကြောင်း၊ မိမိတို့အနေနဲ့လည်း ဒီကိစ္စတွေအတွက် စိုးရိမ်မိပြီး စွပ်စွဲချက်တွေ၊ တန်ပြန်စွပ်စွဲချက်တွေအတွက် အဖြေရှာချင်ကြောင်း၊ အထောက်အထားခိုင်လုံမယ်ဆိုရင် ဘာသာ၊ လူမျိုး မခွဲခြားဘဲ အရေးယူသွားမှာဖြစ်ကြောင်း၊ မိမိတို့အစိုးရဟာ လူ့အခွင့်အရေးကို ကာကွယ်ဖို့အတွက် ပေါ်ထွက်လာတဲ့ အစိုးရဖြစ်ပြီး အုပ်စုတစ်ခုအတွက်မဟုတ်ဘဲ နိုင်ငံနယ်နိမိတ်အတွင်းမှာ နေထိုင်တဲ့ သူတွေအားလုံးရဲ့ အခွင့်အရေးတွေကို ကာကွယ်သွားမှာဖြစ်ကြောင်း ဘာသာရေး၊ လူမျိုးရေး၊ နိုင်ငံရေးရပ်တည်ချက်တွေကိုလိုက်ပြီး သွေးကွဲနေတဲ့ တိုင်းပြည်မျိုးကို မလိုလားဘဲ မတူကွဲပြားမှုကို တန်ဖိုးထားကာ ဥပဒေစိုးမိုးတဲ့၊ သာယာဝပြောတဲ့ နိုင်ငံတစ်ခုအဖြစ် ထူထောင်သွားမှာဖြစ်ကြောင်း ပြောကြားခဲ့ပါတယ်။
