Author: Ko Lay

မတ် ၂၁၊ ၂၀၂၃

M-Media 

-အမေရိကန်သမ္မတဟောင်း ဒေါ်နယ်ထရမ့်ဟာ ရာဇ၀တ်မှုတစ်ခုအတွက် အဖမ်းခံရနိုင်ချေရှိနေပြီး နောက်ဆက်တွဲ မတည်ငြိမ်မှုတွေ ဖြစ်လာနိုင်တာကြောင့် အမေရိကန်မြို့ကြီးတွေမှာ လုံခြုံရေးတိုးမြှင့်ထားပါတယ်။ 

အပြာမယ် စတော်မီ ဒန်နီယဲလ်နဲ့ ၂၀၁၆ ခုနှစ်က ရှုပ်တဲ့ကိစ္စပါ။ အိမ်ထောင်ရှိထားတဲ့ ထရမ့်ဟာ သူနဲ့ရှုပ်ခဲ့တဲ့အကြောင်း ဖွင့်ချမယ်လို့ စတော်မီက မီဒီယာတွေကို ဆက်သွယ်ပြောကြားခဲ့ပြီး ထရမ့်က ဒီကိစ္စကို နှုတ်ပိတ်ဖို့ သူ့ရှေ့နေ မိုက်ကယ် ကိုဟင်ကနေတစ်ဆင့် ကန်ဒေါ်လာ ၁၃၀၀၀၀ ပေးခဲ့ပါတယ်။ 

ဒီလိုငွေကြေးပေးတာ ပြစ်မှုမမြောက်ပေမယ့် ဥပဒေရေးရာ ကိစ္စအတွက် ပေးတာဆိုပြီး ရှေ့နေကိုဟင်ကိုပေးတဲ့ ဖြတ်ပိုင်းမှာ ဖော်ပြထားပါတယ်။ 

နယူးယောက်ပြည်နယ်ဥပဒေအရ ဒါဟာ စီးပွားရေးမှတ်တမ်း မသမာမှုဖြစ်ပြီး ရာဇ၀တ်မှု မြောက်ပါတယ်။ ဒီကိစ္စကို ပြည်သူတွေသိမှာ စိုးတဲ့အတွက် ဖုံးကွယ်ခဲ့ပြီး ဒီဟာကလည်း ရွေးကောက်ပွဲဥပဒေအရ ကြီးလေးတဲ့ ရာဇ၀တ်မှုဖြစ်ပါတယ်။

နယူးယောက် တရားသူကြီးတွေက ဒီကိစ္စတွေအတွက် ထရမ့်ကို ဖမ်းဆီး တရားစွဲဆိုမှု လုပ်သင့်လား၊ မလုပ်သင့်လားဆိုတာ အခုတစ်ပတ်အတွင်း ဆုံးဖြတ်မှာပါ။

ထရမ့်ကလည်း သူဟာ အင်္ဂါနေ့မှာ ဖမ်းဆီးခံနိုင်တယ်လို့ ဆိုရှယ်မီဒီယာမှာ ရေးသားခဲ့ပြီး ဆန္ဒပြကြဖို့လည်း ထောက်ခံသူတွေကို တိုက်တွန်းခဲ့ပါတယ်။ 

ဒီလိုဖမ်းဆီးခံရမယ်ဆိုရင် ထရမ့်ဟာ အမေရိကန်သမိုင်းမှာ ရာဇ၀တ်မှုနဲ့ တရားစွဲဆိုခံရတဲ့ ပထမဆုံး သမ္မတဟောင်းအဖြစ် မှတ်တမ်း၀င်မှာ ဖြစ်ပါတယ်။ 

ဒီကိစ္စနဲ့ပတ်သက်ပြီး မတည်ငြိမ်မှုတွေ ဖြစ်လာနိုင်တဲ့အတွက် ၀ါရှင်တန်ပါအ၀င် မြို့ကြီးတော်တော်များများမှာ ရဲတပ်ဖွဲ့က လုံခြုံရေး တိုးမြှင့်ထားပါတယ်။ 

Ref: New York Times

မတ် ၁၈၊ ၂၀၂၃

M-Media

-အမေရိကန်သမ္မတဟောင်း ဒေါ်နယ်ထရမ့်ဟာ တာ၀န်ထမ်းဆောင်စဥ် နိုင်ငံခြားတိုင်းပြည်တွေက ပေးအပ်တဲ့ လက်ဆောင်တွေကို စာရင်းတင်ဖို့ ပျက်ကွက်ခဲ့ကြောင်း ဒီမိုကရက်တစ်ပါတီ လွှတ်တော်စောင့်ကြည့်ရေးအဖွဲ့က ပြောကြားလိုက်ပါတယ်။ 

အဲဒီအထဲမှာ ဂျပန်သမ္မတ ရှင်ဇိုအာဘေးကပေးထားတဲ့ ရွှေဂေါက်တံ၊ ဆော်ဒီတော်၀င်အသိုင်းအ၀ိုင်းက ပေးထားတဲ့ ပစ္စည်းတွေ ပါ၀င်ပါတယ်။ 

စာရင်းတင်ဖို့ ပျက်ကွက်ခဲ့တဲ့ လက်ဆောင် ၁၀၀ ကျော်လောက်ရှိပြီး စုစုပေါင်း ဒေါ်လာ ၂၅၀၀၀၀ ကျော် တန်ကြေးရှိပါတယ််။ 

အမေရိကန်ဥပဒေအရ သမ္မတ၊ ဒုသမ္မတနဲ့ သူတို့ရဲ့ မိသားစုတွေဟာ နိုင်ငံခြားတိုင်းပြည်က တာ၀န်ရှိသူတွေ လက်ဆောင်ပေးတဲ့အခါ ဒေါ်လာရာဂဏန်းအထက်ဆိုရင် အစိုးရ သံတမန်ရေးရာ လက်ဆောင်ဌာနကို တင်ပြစာရင်းသွင်းရပါတယ်။ 

ဆော်ဒီတော်၀င်မိသားစုက ပေးထားတဲ့ လက်ဆောင် စုစုပေါင်း ၁၆ ခုရှိပါတယ်။ စုစုပေါင်း ဒေါ်လာ ၄၅၀၀၀ ကျော် တန်ကြေးရှိပြီး အိတ်ဆောင် ဓားတစ်ချောင်းထဲတင် ၂၄၀၀၀ လောက် တန်ပါတယ်။ 

အိန္ဒိယအာဏာပိုင်တွေက ပေးထားတဲ့ လက်ဆောင်က ၁၇ ခုရှိပြီး ဒေါ်လာ ၄၆၀၀ တန် တာဂျ်မဟာလ် ပုံတူတစ်ခုလည်း ပါ၀င်ပါတယ်။ 

ထိပ်တန်း ဒီမိုကရက်တစ်အမတ် ဂျာမီ ရက်စ်ကင်က ထရမ့်ဟာ ဥပဒေကို မထိလေးစားပြုခဲ့တယ်လို့ ၀ေဖန်ခဲ့ပါတယ်။

ဒီမိုကရက်တစ် လွှတ်တော်စောင့်ကြည့်ရေးအဖွဲ့က ထုတ်ပြန်တဲ့ ကြေငြာချက်မှာ ဒီလက်ဆောင်တွေ ဘယ်ရောက်နေလဲဆိုတာနဲ့ နိုင်ငံခြားရေးမူ၀ါဒမှာ သမ္မတရဲ့ လုပ်ဆောင်မှုတွေအပေါ် လက်ဆောင်တွေက လွှမ်းမိုးခဲ့လားဆိုတာ စုံစမ်းစစ်ဆေးသွားမယ်လို့ ဖော်ပြထားပါတယ်။ 

ထရမ့်ယူထားတဲ့ လက်ဆောင်တွေထဲမှာ အလ်ဆာဗေဒိုး သမ္မတက ပေးတဲ့ ထရမ့်ရဲ့ပုံတူ ဧရာမပန်းချီကားတစ်ချပ်လည်း ပါ၀င်ပြီး အဲဒါကို ဖလော်ရီဒါက သူပိုင်တဲ့ ကမ်းခြေအပန်းဖြေအိမ်မှာ ထားရှိပါတယ်။ 

Ref: Reuters