စက်တင်ဘာ ၆၊ ၂၀၁၇
M-Media
– အဖိနှိပ်ခံ ရိုဟင်ဂျာတွေအတွက် နိုင်ငံရပ်ခြား IS ထောက်ခံသူတွေရဲ့ တိုက်ခိုက်ခံရဖို့အန္တရာယ်ဟာ မြန်မာနိုင်ငံအတွက် မြင့်တက်လာနေပြီလို့ မလေးရှား အကြမ်းဖက်တိုက်ဖျက်ရေး အကြီးအကဲ အယွဘ်ခန်း မိုင်ဒင်း ပစ်ချေးက ပြောကြားလိုက်ပါတယ်။
မြန်မာနိုင်ငံကို သွားရောက်ပြီး မြန်မာအစိုးရကို ဦးဆောင်တိုက်ခိုက်မှုတွေလုပ်ဖို့ စီစဉ်ထားသူ IS အဖွဲ့ဝင် အင်ဒိုနီးရှားအမျိုးသားတစ်ဦးကို မလေးရှား အာဏာပိုင်တွေက ပြီးခဲ့တစ်ပတ်မှာ ထိန်းသိမ်းထားလိုက်ပြီး အကြမ်းဖက်အုပ်စုတွေနဲ့ ဆက်နွယ်မှုအတွက် ဒီနေ့မှာ တရားစွဲဆိုဖို့ ရှိပါတယ်။
အယွဘ်ခန်းကတော့ ရိုဟင်ဂျာပြဿနာကြောင့် ဒီလိုထပ်လုပ်မယ့် စစ်သွေးကြွတွေ ထပ်ရှိလာနိုင်တယ်လို့ ဆိုပါတယ်။
ပြီးခဲ့တဲ့နှစ် အောက်တိုဘာ ၉ ရက်နေ့က နယ်ခြားစောင့်စခန်းတွေ တိုက်ခိုက်ခံရမှုနဲ့ပတ်သက်ပြီး မြန်မာအစိုးရရဲ့ ပြောရေးဆိုခွင့်ရှိသူ ဦးဇော်ဌေးက ဒီတိုက်ခိုက်မှုတွေမှာ IS တွေ ပါဝင်တာမျိုး၊ IS နဲ့ ဆက်စပ်တာမျိုး မရှိဘူးလို့ ပြောကြားထားတာပါ။
လုံခြုံရေးဆိုင်ရာ ကျွမ်းကျင်သူတွေက ရခိုင်ပြည်နယ်ပြဿနာဟာ ဖိလစ်ပိုင်ကနေ အင်ဒိုနီးရှား၊ မလေးရှားတို့အထိ ကျယ်ပြန့်တဲ့ အစ္စလာမ့်မစ်ကွန်ယက်တွေ အသုံးချစရာ ဖြစ်လာမယ့် အန္တရာယ်ရှိနေတယ်လို့ သတိပေးထားပါတယ်။
“IS ဒါမှမဟုတ် အခြားအဖွဲ့ကလူတွေဟာ ရိုဟင်ဂျာတွေကို ကူညီဖို့အတွက် နည်းလမ်းတွေရှာကာ မြန်မာနိုင်ငံကို သွားကြမယ့် ဖြစ်နိုင်ချေတွေ တော်တော်ရှိနေပါတယ်” လို့ အယွဘ်ခန်းက ပြောကြားခဲ့ပါတယ်။
မတည်ငြိမ်မှုတွေကြောင့် အိုးအိမ်စွန့်ခွာ ထွက်ပြေးလာရတဲ့ ရိုဟင်ဂျာတွေဟာ စစ်သွေးကြွအဖွဲ့တွေ လူသစ်စုဆောင်းလို့ကောင်းမယ့် အနေအထားမျိုးဖြစ်နေကြောင်း လုံခြုံရေးကျွမ်းကျင်သူတွေဟာ အရင်ကတည်းက သတိပေးထားတာပါ။
သြဂုတ်လနှောင်းပိုင်းက ရိုဟင်ဂျာလက်နက်ကိုင်အဖွဲ့ ARSA ဟာ ရခိုင်ပြည်နယ်မြောက်ပိုင်းက ရဲကင်းစခန်းတွေကို တိုက်ခိုက်ခဲ့ပြီးတဲ့နောက်ပိုင်း တစ်ကျော့ပြန်ဖြစ်ပေါ်လာတဲ့ မတည်ငြိမ်မှုကြောင့် လူပေါင်း ၄၀၀ လောက်သေဆုံးခဲ့ကာ အများစုက အကြမ်းဖက်သမားတွေဖြစ်တယ်လို့ အစိုးရက သတင်းထုတ်ပြန်ထားပါတယ်။
ပြီးခဲ့တဲ့ရက်ပိုင်းအတွင်းမှာ ရခိုင်ပြည်နယ် ရိုဟင်ဂျာတွေအပေါ် ဖိနှိပ်ချုပ်ချယ်မှု ဆန့်ကျင်ရှုတ်ချရေးဆိုတဲ့ ခေါင်းစဉ်နဲ့ ကမ္ဘာတစ်ဝှမ်းမှာ ဆန္ဒပြမှုတွေ ဖြစ်ပေါ်ခဲ့ပါတယ်။
Ref: The Guardian
