စက်တင်ဘာ ၇၊ ၂၀၁၇
M-Media
– နိုင်ငံ၏ နောက်ဆုံး ဆောင်ရွက်ခဲ့သည့် နျူကလီးယားလက်နက် စမ်းသပ်မှုတွင် ပါဝင်သော သိပ္ပံပညာရှင်များကို ချီးကျူးဂုဏ်ပြုသည့်အနေဖြင့် မြောက်ကိုရီးယားမှာ ယမန်နေ့တွင် မြို့တော်ပြုံးယမ်၌ အောင်ပွဲခံအခမ်းအနား ကျင်းပပြုလုပ်ခဲ့သည်ဟု သိရသည်။
သိပ္ပံပညာရှင်များအား တင်ဆောင်ထားသော ကားများ မောင်းနှင်လာစဉ် ပြည်သူများမှာ လမ်းဘေးဝဲယာတွင်ရပ်၍ သြဘာပေးခဲ့ကြပြီး Kim Il-Sung ရင်ပြင်တွင်လည်း သောင်းနဲ့ချီသော ပြည်သူများက စုရုံးခဲ့ကြသည်။ အောင်ပွဲခံအခမ်းအနားတွင် မီးရှူးမီးပန်းများလည်း ပစ်ဖောက်ခဲ့ကြသည်။
အခမ်းအနားတွင် မိန့်ခွန်းပြောကြားခဲ့သူများက မြောက်ကိုရီးယား စစ်တပ်အနေဖြင့် “အမေရိကန်နှင့် သစ္စာဖောက်များ စစ်ပွဲဖန်တီးလျှင် ဂိုဏ်းစတားပုံစံ အမေရိကန်နယ်ချဲ့များ၏ ကံကြမ္မာကို အညှာတာအမဲ့ဆုံး၊ အပြင်းထန်ဆုံး ကြိုတင်လက်ဦးမှုရယူ တိုက်ခိုက်သွားမည်” ဟု ပြောကြားခဲ့ကြသည်။
တနင်္ဂနွေနေ့တွင် မြောက်ကိုရီးယားက စမ်းသပ်ခဲ့သည့် နျူဗုံးမှာ ၎င်းတို့ စမ်းသပ်ခဲ့သမျှတွင် အကြီးမားဆုံးဖြစ်သည်။
မြောက်ကိုရီးယားက ၎င်းတို့မှာ တိုက်ချင်းပစ်ဒုံးကျည်တွင် တပ်ဆင်ပစ်လွှတ်နိုင်သည့် ဟိုက်ဒရိုဂျင်ဗုံးကို အောင်မြင်စွာ စမ်းသပ်နိုင်ခဲ့သည်ဟု ပြောကြားခဲ့သည်။
ထိုစမ်းသပ်မှုအတွက် နိုင်ငံတကာက ပြင်းပြင်းထန်ထန် ရှုတ်ချခဲ့ကြပြီး တောင်ကိုရီးယားနှင့် အမေရိကန်တို့က နိုင်ငံတောင်ပိုင်းတွင် THAAD ဒုံးခွင်းစနစ်၏ လောင်ချာများကို ယနေ့တွင် တပ်ဖြန့်ချထားခဲ့သည်။
Ref: AP
