သြဂုတ် ၂၆၊ ၂၀၁၇
တရုတ်ပြည်သို့ လူကုန်ကူးခံရပြီး ၁၃ နှစ်တိုင်တိုင် တရုတ်ဇနီးအဖြစ် နေခဲ့ရသည့် မေခိုင်ဦး – မေခိုင်ဦးဆိုတဲ့ အမျိုးသမီးငယ်လေးတစ်ယောက်ရဲ့ အိပ်မက်ဆိုးကြီးဟာ အဘွားအိမ်ကနေ အိမ်ပြန်လာတဲ့အချိန်မှာ စတင်ခဲ့ပြီး ၁၃ နှစ်နီးပါး ကြာမြင့်ခဲ့ပါတယ်။
မွန်ပြည်နယ်တောင်ပိုင်းက အဖွားဖြစ်သူအိမ်ကို သွားရောက်လည်ပတ်ခဲ့တဲ့ အသက် ၁၇ နှစ်အရွယ် သူမဟာ မိဘများရှိရာ မုဒုံကို ပြန်ဖို့အတွက် ပြည်နယ်မြို့တော် မော်လမြိုင်ကနေ ရထားစီးခဲ့ပါတယ်။
ရထားပေါ်က စုံတွဲတစ်တွဲက သူမကို အလုပ်တစ်ခု ကမ်းလှမ်းခဲ့ပြီး သူမက ငြင်းဆိုခဲ့ပါတယ်။ ဒါပေမယ့် သူတို့ပေးတဲ့ ရေတစ်ခွက်ကို သောက်ပြီးနောက်ပိုင်း အိပ်ချင်လာတာကြောင့် အိပ်ပျော်သွားခဲ့ပြီး ဆင်းမယ့် ဘူတာကို ကျော်သွားခဲ့ပါတယ်။ ပြန်ဖို့အတွက် သူမမှာ စားရိတ်မရှိတော့ပါဘူး။
အဲဒီစုံတွဲက သူမလိုအပ်နေတဲ့ ရထားလက်မှတ်ဝယ်မယ့် ငွေရဖို့ အလုပ်တစ်ခု ရှာပေးမယ်လို့ ဆိုပါတယ်။
“အိမ်ပြန်ဖို့ငွေလိုတာကြောင့် ကျွန်မ သူတို့ရဲ့အလုပ်ကို လက်ခံခဲ့ပါတယ်” လို့ မေခိုင်ဦးက ပြောခဲ့ပြီး သူမသောက်ခဲ့တဲ့ ရေထဲမှာ ဆေးခပ်ခံလိုက်ရတယ်ဆိုတာလည်း သူမ သိခဲ့ပါတယ်။
အဲဒီစုံတွဲက သူမကို စားသောက်ဆိုင်တစ်ဆိုင်မှာ အလုပ်သွင်းပေးခဲ့ပြီး ၃ လတာ ကြာမြင့်ခဲ့ပေမယ့် မိဘအိမ်ကို ပြန်မပို့ပေးဘဲ ပွဲစားတစ်ဦးလက်ကိုအပ်ကာ သူမဟာ တရုတ်ပြည်ကို ပို့ဆောင်ခြင်း ခံလိုက်ရပါတယ်။
နောက်ထပ် ၁၃ နှစ်အတွင်းမှာ သူမဟာ နှစ်ကြိမ်တိုင်တိုင် အတင်းအဓမ္မ လက်ထပ်ခြင်းခံခဲ့ရတယ်လို့ မေခိုင်ဦးက ပြောကြားခဲ့ပါတယ်။ ပထမခင်ပွန်းနဲ့ ကလေးနှစ်ယောက် ရခဲ့ပြီး၊ ဒုတိယ အိမ်ထောင်နဲ့ ကိုယ်ဝန်ရှိနေတဲ့အချိန် WeChat ကနေတစ်ဆင့် ကျောင်းသားအဖွဲ့တစ်ခုနဲ့ ဆက်သွယ်မိပြီး ထွက်ပြေးလွတ်မြောက်လာတာပါ။
“ထွက်ပြေးဖို့ ကြိုးစားတာ အကြိမ်ကြိမ်အခါခါပါပဲ။ ဒါပေမယ့် တရုတ်လူ့အဖွဲ့အစည်းမှာ တစ်စိမ်းတစ်ယောက်လို ဖြစ်နေတာကြောင့် ထွက်ပြေးဖို့ မလွယ်ကူပါဘူး။ ကျွန်မအခြေအနေဟာ ဒီ့ထက် ပိုဆိုးသွားမလားဆိုတဲ့ စိုးရိမ်စိတ်ကလည်း ရှိနေပါတယ်” လို့ သူမက ဆိုပါတယ်။
မေခိုင်ဦးရဲ့ ဒုက္ခသုက္ခတွေဟာ မြန်မာနိုင်ငံက အမျိုးသမီးတွေ ပုံမှန်လိုလို ခံစားနေရတာမျိုးဖြစ်ပြီး၊ အခြား အမျိုးသမီးငယ်လေးတွေ ဒီလိုထောင်ချောက်ထဲ မ၀င်မိစေဖို့အတွက် သူမရဲ့ ဇာတ်ကြောင်းကို လူအများသိအောင် ဖွင့်ချတာက မေခိုင်ဦးရဲ့ ထူးခြားချက်ပါပဲ။
အဓမ္မလက်ထပ်ခံရ
မြန်မာနိုင်ငံဟာ လူကုန်ကူးမှုခံရတဲ့ ရင်းမြစ်နိုင်ငံတစ်ခု ဖြစ်နေတယ်လို့ ကုလသမဂ္ဂက ပြောကြားထားပြီး ရဲတပ်ဖွဲ့ရဲ့ ကိန်းဂဏန်းတွေအရ ၂၀၀၆ ခုနှစ်ကနေ ၂၀၁၆ ခုနှစ်အထိ လူကုန်ကူးခံရသူပေါင်း ၃၄၈၉ ဦးကို ကယ်တင်နိုင်ခဲ့တယ်လို့ သိရပါတယ်။ အဲဒီထဲမှာ အများစုက အဓမ္မလက်ထပ်ဖို့အတွက် ကုန်ကူးခံရသူတွေပါ။
လိင်ကျွန်အဖြစ် အသုံးချခံရမှုကတော့ လူကုန်ကူးမှုမှာ ဒုတိယလိုက်နေပြီး အဲဒီနောက်မှာ အဓမ္မ လုပ်အားခိုင်းစေခံရမှု ရှိနေပါတယ်။
ရဲတပ်ဖွဲ့မှတ်တမ်းတွေမှာ မြန်မာနိုင်ငံက လူကုန်ကူးခံရသူတွေ အများဆုံး ရောက်ရှိတဲ့ နိုင်ငံဟာ တရုတ်နိုင်ငံဖြစ်ပြီး ထိုင်း၊ မလေးရှားတွေလို အခြား အရှေ့တောင်အာရှ နိုင်ငံတွေကိုလည်း ရောက်ရှိကြပါတယ်။ မြန်မာနိုင်ငံအတွင်းမှာလည်း လူကုန်ကူးမှုတွေ ဖြစ်နေပါတယ်။
ဇွန်လမှာ အမေရိကန်အစိုးရကနေ ထုတ်ပြန်တဲ့ လူကုန်ကူးမှုဆိုင်ရာ အစီရင်ခံစာမှာ မြန်မာနိုင်ငံဟာ ဦးစားပေးအဆင့် ၂ စောင့်ကြည့်ရမယ့် စာရင်းမှာ ပါဝင်လာပြီး ဒါဟာ အမြန်မာနိုင်ငံအနေနဲ့ လူကုန်ကူးမှုကို တိုက်ဖျက်ဖို့ အမေရိကန်က ချမှတ်ထားတဲ့ စံနှုန်းတွေနဲ့ ကိုက်ညီအောင် ကြိုးပမ်းရတော့မယ့် သဘောပါပဲ။
ဒါပေမယ့် လူ့အခွင့်အရေးအဖွဲ့တွေကတော့ မြန်မာနိုင်ငံဟာ လူကုန်ကူးမှုတွေကို ရပ်တန့်ဖို့ လုံလောက်အောင် ဆောင်ရွက်ခြင်းမရှိဘူးလို့ ပြောကြားခဲ့ပါတယ်။
Yangon Justice Center ရဲ့ စီမံကိန်းမန်နေဂျာ ကိုထွန်းလှိုင်က အလုပ်အကိုင်အခွင့်အလမ်း တိုးတက်အောင် ဆောင်ရွက်ပေးတာ၊ နယ်စပ် စစ်ဆေးရေးဂိတ်တွေမှာ လုံခြုံရေးကို တိုးမြှင့်ပေးတာ၊ ဆင်းရဲမွဲတွေတဲ့သူတွေဟာ ပိုကောင်းတဲ့ဘ၀တစ်ခု ရမယ်ဆိုတဲ့ မျှော်လင့်ချက်နဲ့ အမြတ်ထုတ်ခံနေရတာကြောင့် အခြေခံလူတန်းစားတွေရဲ့ စားဝတ်နေရေးပြေလည်စေမယ့် အစီအစဉ် လုပ်ဆောင်တာ စတာတွေဟာ လူကုန်ကူးမှု တိုက်ဖျက်ရေးအတွက် အဓိကအချက်တွေဖြစ်တယ်လို့ ပြောကြားခဲ့ပါတယ်။
“လူးတစ်ဦးချင်း လူကုန်ကူးမှုကို တားဆီးတဲ့ ဆောင်ရွက်ချက်တွေ စနစ်တကျ လုပ်ကိုလုပ်ရပါမယ်။ ဒီရာဇ၀တ်မှုဟာ နိုင်ငံအတွင်းမှာ ပြန့်နှံ့ဖြစ်ပွားနေပြီး ဆိုးဆိုးဝါးဝါးကိစ္စတွေသာ လူတွေက သိကြတာပါ” လို့ ကိုထွန်းလှိုင်က ဆိုပါတယ်။
မြန်မာအစိုးရဟာ ၂၀၀၅ ခုနှစ်မှာ လူကုန်ကူးမှုတိုက်ဖျက်ရေးဥပဒေကို ပြဌာန်းခဲ့ပြီး ကျူးလွန်သူတွေအတွက် ကြီးလေးတဲ့ပစ်မှုတွေကို သတ်မှတ်ထားပါတယ်။ တရားရုံးကိုရောက်လာတဲ့ အမှုကတော့ နည်းနေပါသေးတယ်။
အလုပ်သမား၊ လူဝင်မှုကြီးကြပ်ရေးနဲ့ ပြည်သူအင်အား ၀န်ကြီးဌာနက အမြဲတန်းအတွင်းဝင် ဦးမျိုးအောင်က သူတို့ရဲ့ ဆောင်ရွက်မှုမှာ အဓိက စိန်ခေါ်မှုတစ်ခုက ပွဲစားတွေပေးတဲ့ မက်လုံးတွေဖြစ်တယ်လို့ ဆိုပါတယ်။
“လူကုန်ကူးခံရသူတွေဟာ လူကုန်ကူးမှုဆိုင်ရာ ပညာပေးအစီအစဉ်တွေကို မရရှိထားဘူး။ တရားမ၀င် လူကုန်ကူးသူတွေရဲ့ ဖြားယောင်းသွေးဆောင်မှုကို သူတို့ ယုံကြည်ကြတယ်။ ရလဒ်အနေနဲ့ သူတို့ ပြဿနာတက်လာရင် အကူအညီတွေ မရတော့ဘူး”
သင်ခန်းစာယူစရာ အဖြစ်အပျက်
အောက်ခြေလူတန်းစားအဆင့်မှာ လူကုန်ကူးမှုတိုက်ဖျက်ရေးအတွက် အဓိကထားလုပ်ရတာဟာ အသိပညာပေးမှု ဖြစ်ပါတယ်။
ရန်ကုန်မြို့ ပုဇွန်တောင်မြို့နယ် ရဲစခန်းက ဗိုလ်မှူး ခင်မောင်လတ်က သတင်းအချက်အလက်ရယူမှုမှာ ပိုပြီး အားကောင်းတဲ့ နည်းလမ်းတွေ လိုအပ်တယ်လို့ ပြောကြားခဲ့ပါတယ်။ နောက်ပြီး ရဲတပ်ဖွဲ့ဝင်တွေဟာ အစိုးရမဟုတ်တဲ့ အဖွဲ့အစည်းတွေနဲ့ ပူးပေါင်းကာ အသိပညာပေး လက်ကမ်းစာစောင်တွေကို အိမ်တိုင်ရာရောက် လိုက်လံ ဖြန့်ဖြူးပေးနေတယ်လို့ ဆိုပါတယ်။
“ပုံမှန် အသိပညာပေးဆွေးနွေးတာထက် ဒီနည်းလမ်းက ပိုပြီး ထိရောက်ပါတယ်။ ဒါဟာ လိမ်ညာသူတွေရှိတယ်ဆိုတာ ကြိုတင်တားဆီးသတိပေးတာလည်း ဖြစ်ပါတယ်။ ကာကွယ်ခြင်းဟာ ကုသခြင်းတက် ပိုထိရောက်ပါတယ်” လို့ ဗိုလ်မှူးကဆိုပြီး ပွဲစားတွေ ချဉ်းကပ်လာရင် ရဲတပ်ဖွဲ့ကို အကြောင်းကြားသင့်တယ်လို့ ထည့်သွင်း ပြောဆိုခဲ့ပါတယ်။
မေခိုင်ဦးရဲ့သတင်း ထွက်လာခဲ့ပြီးတဲ့နောက်မှာတော့ တရုတ်အာဏာပိုင်တွေဟာ သူမရှိတဲ့နေရာကို ရှာဖွေနိုင်ခဲ့ပြီး မြန်မာနိုင်ငံရဲတပ်ဖွဲ့က တရုတ်နိုင်ငံ ယူနန်ပြည်နယ်မှာ ဖွင့်လှစ်ထားတဲ့ လူကုန်ကူးမှု တိုက်ဖျက်ရေးစခန်းကို လွှဲပြောင်းပေးခဲ့ပါတယ်။
အဲဒီနောက်မှာ မေခိုင်ဦးဟာ မုဒုံက မိဘတွေရှိရာကို ပြန်ရောက်သွားခဲ့ပြီး ကလေးနှစ်ဦးကိုတော့ တရုတ်နိုင်ငံမှာ ထားခဲ့ကာ ဘ၀သစ်ကို ပြန်လည် စတင်ခဲ့ပါတယ်။ သူမကို လူမှုဝန်ထမ်းဦးစီးဌာနက ကုန်စုံဆိုင်လေးတစ်ဆိုင်ဖွင့်ဖို့ ထောက်ပံ့ပေးခဲ့ပါတယ်။
ပရဟိတအဖွဲ့အစည်းတစ်ခုဖြစ်တဲ့ International Rescue Committee က နေထိုင်စားသောက်ရိတ်အတွက် နေ့စဉ်ထောက်ပံ့ကြေးပေးပြီး ကျေးရွာဆေးပေးခန်းကလည်း ကိုယ်ဝန်အတွက် အခမဲ့ စမ်းသပ် စစ်ဆေးမှုတွေ ပြုလုပ်ခဲ့ပါတယ်။
သူမကို ရထားပေါ်မှာ သွေးဆောင်ဖျားယောင်းခဲ့တဲ့ စုံတွဲကို ဖမ်းဆီးနိုင်မလားဆိုတဲ့ မျှော်လင့်ချက်နဲ့ သူမဟာ ရဲစခန်းမှာလည်း အမှုဖွင့်ခဲ့ပါတယ်။ သူမရဲ့ အကြောင်းကတာ့ ဒေသတွင်းမှာ သတိပြုစရာ သင်ခန်းစာအဖြစ် ပြန့်နှံ့နေပါတော့တယ်။
“မိသားစုအရင်းအချာထဲက လောက်လောက်လားလားလူတစ်ယောက် မပါဘဲနဲ့ ကလေးတွေကို ခရီးမလွှတ်ပါနဲ့လို့ မိဘအားလုံးကို ကျွန်မ အကြံပြုပါတယ်။ ကျွန်မရဲ့ အဖြစ်အပျက်ကို သင်ခန်းယူပါ။ မိန်းကလေးတွေအနေနဲ့ တစ်ခြားသူတွေကို မျက်လုံးစုံပိတ်ပြီး မယုံကြည်လိုက်ပါနဲ့”
Ref: Reuters
(Reuters သတင်းဌာနတွင် ဖော်ပြထားသည့် Trafficked to China to marry, a Myanmar woman hopes to save others from same fate ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
