Author: Ko Lay

ဇွန် ၂၀၊ ၂၀၁၇
M-Media

– အရှေ့တောင်အာရှတစ်ဝှမ်း အကြမ်းဖက်မှု အပါအ၀င် အခြားသော ခြိမ်းခြောက်မှုများကို ကာကွယ်ရန်အတွက် အင်ဒိုနီးရှား၊ မလေးရှားနှင့် ဖိလစ်ပိုင်တို့မှာ ဘော်နီယိုကမ်းရိုးတန်းမြောက်ဖက် ဆူးလူး ပယ်လယ်ပြင်တွင် ပူးပေါင်း စစ်ဆင်ရေးကို စတင်ဆောင်ရွက်နေသည်ဟု သိရသည်။

“ပင်လယ်ဓားပြ၊ ပြန်ပေးဆွဲခြင်း၊ အကြမ်းဖက်ဝါဒနဲ့ ဒေသတွင်းရေပြင်မှာ အခြားသော နိုင်ငံဖြတ်ကျော် ရာဇ၀တ်မှုတွေလို ပုံမှန်မဟုတ်တဲ့ ခြိမ်းခြောက်မှုတွေ ရင်ဆိုင်နေရတဲ့အချိန် ဒေသတည်ငြိမ်အေးချမ်းဖို့အတွက် အာဆီယံစိတ်ဓာတ်နဲ့ ဒီလို ပူးပေါင်းဆောင်ရွက်တာ ဖြစ်ပါတယ်” ဟု ယမန်နေ့က စတင်ခဲ့သည့် အဆိုပါ ဆောင်ရွက်မှုနှင့်ပတ်သက်၍ အင်ဒိုနီးရှားစစ်တပ်မှ ထုတ်ပြန်သော ကြေငြာချက်တွင် ဖော်ပြထားသည်။

အဆိုပါစစ်ဆင်ရေးမှာ ရေတပ်အခြေပြု စစ်ဆင်ရေးဖြစ်သော်လည်း ကြည်းတပ်နှင့် လေတပ်များကလည်း ပူးပေါင်းပါဝင်မည်ဖြစ်သည်။ စစ်ဆင်ရေးစတင်ခြင်းအခမ်းအနားသို့ နိုင်ငံ ၃ နိုင်ငံမှ ၀န်ကြီးများ၊ စစ်ဖက်ဆိုင်ရာ ထိပ်တန်းတာဝန်ရှိသူများနှင့်အတူ ဘရူနိုင်းနှင့် စင်ကာပူနိုင်ငံများမှ ကာကွယ်ရေးဝန်ကြီးများလည်း တက်ရောက်ခဲ့ကြသည်။

စစ်ဆင်ရေးဌာနချုပ်ဖြစ်သော ရေကြောင်း ကွပ်ကဲရေးဌာန (MCC) ကို အင်ဒိုနီးရှားနိုင်ငံ ဘော်နီယိုကျွန်းတောင်ဘက် တာရာကန် ဆိပ်ကမ်းမြို့တွင် ထားရှိကာ ထိုမြို့ကို အခြေစိုက်၍ စစ်ဆင်ရေး ဆောင်ရွက်မည်ဖြစ်ည်။ အဆိုပါ ဘော်နီယိုကျွန်းမှာ လက်ရှိ မငြိမ်သက်မှုများ ဖြစ်နေသော ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်းနှင့် မျက်နှာချင်းဆိုင်တွင် ရှိသည်။

ထို့ပြင် ကွပ်ကဲရေးစင်တာကို မလေးရှားရှိ တာဝူမြို့၊ ဖိလစ်ပိုင်ရှိ ဘွန်ဂေါမြို့တို့တွင် ဖြန့်ခွဲထားရှိရန်လည်း စီစဉ်နေသည်။

“ဒီလုပ်ငန်းကို ပင့်ကူအိမ်လို တြိဂံပုံစံ လုပ်ဖို့ ရှိပါတယ်။ အဲဒီ တြိဂံဒေသအတွင်းမှာ ရှိနေတဲ့အရာတိုင်းကို စောင့်ကြည့်သွားမှာပါ” ဟု အင်ဒိုနီးရှား စစ်တပ်အကြီးအကဲ ဗိုလ်ချုပ် ဂါတွတ် နူရ်မန့်ယိုက ပြောကြားခဲ့သည်။

ဖိလစ်ပိုင်နိုင်ငံတောင်ပိုင်း မာရာဝီမြို့တွင် IS ကို သစ္စာခံသည့်အဖွဲ့များက တိုက်ခိုက်မှုများ စတင်ပြုလုပ်ခဲ့သည့် လွန်ခဲ့သည့် ၁ လမှစ၍ အရှေ့တောင်အာရှဒေသအတွင်း အစ္စလာမ့်မစ်အစွန်းရောက်လှုပ်ရှားမှုများ မြင့်တက်လာမည်ကို စိုးရိမ်မှုများ ကြီးထွားလာခဲ့သည်။

Ref: RT