မေ ၂၇၊ ၂၀၁၇
M-Media
ဝရမ်းထုတ်ခံထားရသည့် Bodu Bala Sena (BBS) အဖွဲ့ အတွင်းရေးမှူး Galagoda Atte Gnanasara
– ဗလီဝတ်ကျောင်းတော်တွေ၊ မွတ်စလင်တွေပိုင်ဆိုင်တဲ့ စီးပွားရေးတွေကို တိုက်ခိုက်ဖျက်ဆီးမှုတွေ ဆက်တိုက် ပေါ်ပေါက်လာပြီးတဲ့နောက်ပိုင်း အဲဒီတိုက်ခိုက်မှုတွေလုပ်ဖို့ တွန်းအားပေးတယ်လို့ စွပ်စွဲခံရတဲ့ သဘောထားတင်းမာသူ ဘုန်းကြီးတစ်ပါးကို သီရိလင်္ကာ အာဏာပိုင်တွေက လိုက်လံဖမ်းဆီးနေပါတယ်။
၂၀၁၅ ခုနှစ် အာဏာရပြီးနောက်ပိုင်း သမ္မတ မိုင်သရီပါလာ ဆရီဆီနာဟာ နိုင်ငံအတွင်းက မွတ်စလင်ဆန့်ကျင်ရေး အမုန်းရာဇ၀တ်မှုတွေကို စုံစမ်းစစ်ဆေးသွားမယ်လို့ ကတိပြုခဲ့ပေမယ့် ပြီးခဲ့တဲ့ ၂ ပတ်အတွင်းမှာ တိုက်ခိုက်မှုတွေက မြင့်တက်လာခဲ့ပါတယ်။ ဒီတစ်ပတ်မှာလည်း ကဟာဝက်တီက မွတ်စလင်ဈေးဆိုင်တစ်ဆိုင်ဟာ အမည်မသိ တိုက်ခိုက်သူတွေရဲ့ မီးရှို့ဖျက်ဆီးခြင်းကို ခံခဲ့ရပါတယ်။
ဗုဒ္ဓဘာသာ အစွန်းရောက်အဖွဲ့တစ်ခုဖြစ်တဲ့ Bodu Bala Sena (BBS) ရဲ့ အတွင်းရေးမှူး Galagoda Atte Gnanasara ဟာ ၂၀၁၄ ခုနှစ် ဇူလိုင်လက အလုသ်ဂါမာမှာ ဖြစ်ပွားခဲ့တဲ့ အဓိကရုဏ်တွေနောက်ပိုင်း အခြား မွတ်စလင်ဆန့်ကျင်ရေး လှုပ်ရှားမှုတွေကို ထပ်လုပ်ဖို့ သူ့ရဲ့ နောက်လိုက်တွေကို တိုက်တွန်းခဲ့ပါတယ်။ ဒါဟာ မွတ်စလင်တွေနဲ့ ဗုဒ္ဓဘာသာဝင်တွေကြားက စည်းလုံးညီညွတ်မှုကို ပျက်ဆီးအောင် ကြိုးစားမှုလည်း ဖြစ်ပါတယ်။
သီရိလင်္ကာလူဦးရေ သန်း ၂၀ ရဲ့ ၁၀ ရာခိုင်နှုန်းပျော့ပျော့ဟာ အစ္စလာမ်ဘာသာကို သက်ဝင်ယုံကြည်ကြသူတွေဖြစ်ပြီး လူများစုက ဆင်ဟာလီလူမျိုး ဗုဒ္ဓဘာသာဝင်တွေပါ။ တမီလ်လူမျိုးအများစုက ဟိန္ဒူဘာသာ ကိးကွယ်ကြပါတယ်။
နိုင်ငံရေးသုတေသီ အမ်ဂျဒ် မိုဟာမက် ဆလင်းက ကြမ်းတမ်းတဲ့ ဗုဒ္ဓဘာသာ အမျိုးသားရေးဝါဒ ပြန်လည်ပေါ်ထွက်လာမလားဆိုတဲ့ စိုးရိမ်မှုတွေ ရှိနေတယ်လို့ ပြောကြားခဲ့ပါတယ်။
“အစိုးရက ဒီပြဿနာကို မဖြေရှင်းဘူးဆိုရင်၊ ဒါက ပြန့်သွားမှာပါ။ ဒီလိုတင်းမာမှုတွေကို ဘာမှမလုပ်ဘဲထားရင် နောက်ဆက်တွဲ ဘာဖြစ်မလဲဆိုတာ ကျွန်တော်တို့အားလုံး သိကြပါတယ်။ လူ့အဖွဲ့အစည်းတွေ အကြမ်းဖက်မှုအောက် မရောက်စေချင်ဘူးဆိုရင် အစိုးရအနေနဲ့ တရားဥပဒေစိုးမိုးမှု၊ တရားမျှတမှုတွေနဲ့ ဒီကိ
စ္စတွေကို တုန့်ပြန်ဖို့ လိုပါတယ်” လို့ စလင်းက ဆိုပါတယ်။
သီရိလင်္ကာ မွတ်စလင်ဝန်ကြီးတွေကလည်း သမ္မတ ဆရီဆီနာအနေနဲ့ ဒီကိစ္စတွေကို အရေးယူဖို့ ဒီတစ်ပတ်အတွင်းမှာပဲ ပြင်းပြင်းထန်ထန် ပြောကြားခဲ့ပါတယ်။ နောက်ပြီး လက်ရှိ ထွက်ပြေးတိမ်းရှောင်နေတဲ့ Gnanasara ကို ဖမ်းဆီးရေးကိစ္စအတွက် ကြာသာပတေးနေ့မှာ ဆွေးနွေးခဲ့ပါတယ်။
သီရိလင်္ကာတရားရုံးက Gnanasara ကို ဖမ်းဆီးဖို့အတွက် ၀ရမ်းထုတ်ပြန်ခဲ့ပါတယ်။
“ပြဿနာ တော်တော်များများမှာ အာဏာပိုင်တွေကို ဆန့်ကျင်တာကြောင့် ရဲတပ်ဖွဲ့နဲ့ ပြဿနာတွေရှိနေပမယ့် BBS အတွင်းရေးမှူးဟာ သူ့ရဲ့ မွတ်စလင်ဆန့်ကျင်ရေး လှုပ်ရျားမှုကို ပြန်လည် စတင်ခဲ့ပါတယ်” လို့ သီရိလင်္ကာ မွတ်စလင်ကောင်စီရဲ့ ဒုတိယအတွင်းရေးမှူး ဟီလ်မီ အဟ်မဒ်က ပြောကြားခဲ့ပါတယ်။
“တိုင်းပြည်မှာ တင်းမာမှုတွေကို မီးထိုးပေးဖို့ Gnanasara က သူ့ရဲ့ လှုပ်ရှားမှုကို ပြန်စတာပါ။ အခု သူလုပ်ဖို့ ကြိုစားနေတာက သူနဲ့ သူ့အဖွဲ့ကို မွတ်စလင်တွေက တိုင်လို့ သူ ထောင်ကျရတော့မယ်ဆိုတာမျိုး လူများစု ဗုဒ္ဓဘာသာဝင်တွေရဲ့စိတ်ထဲ မြင်လာအောင် ဖြစ်ပါတယ်။ သူ့ရဲ့ ရာဇ၀တ်မှုတွေကနေ အာရုံပြောင်းနေတာပါ”
BBS အဖွဲ့ဝင်တွေဟာ မွတ်စလင်လူ့အဖွဲ့အစည်းကို ခြိမ်းခြောက်မှုတွေ ရှိနေတယ်လို့လည်း အဟ်မဒ်က ဆိုပါတယ်။
“ဗလီတွေလို ၀တ်ပြုရာနေရာတွေကို သူတို့ တိုက်ခိုက်တယ်။ မွတ်စလင်တွေရဲ့ အိုးအိမ်တွေနဲ့ ဈေးဆိုင်တွေကို ဖျက်ဆီးတယ်။ ပြဿနာက ဒီနှစ်ပတ်အတွင်း BBS ရဲ့ ရာဇ၀တ်မှုတွေအတွက် အစိုးရက တစ်ချိန်လုံး ညှာနေတာဖြစ်ပါတယ်”
သီရိလင်္ကာအစိုးရ အကြံပေး အေဇသ် ဆာလေးက သဘောထားတင်းမာတဲ့ ဗုဒ္ဓဘာသာဝင်အုပ်စုကို အရင်အစိုးရက မြေတောင်မြှောက်ပေးခဲ့တယ်လို့ ဆိုပါတယ်။
“ပြီးခဲ့တဲ့ မာဟင်ဒါ ရာဂျာပက်ဆီ အစိုးရလက်ထက်က BBS ဟာ တော်တော်လေး တက်ကြွပြီး တိုင်းပြည်မှာ စည်းလုံးမှုကိုလည်း ဖျက်ဆီးခဲ့ပါတယ်။ နောက်ပြီး နိုင်ငံအတွင်းက မွတ်စလင်တွေအပေါ် အမျိုးမျိုး ပြဿနာတွေ လုပ်ခဲ့တယ်။ သမ္မတသစ် ဆရီဆီနာလက်ထက်မှာ နိုင်ငံအတွင်း ငြိမ်ချမ်းရေး ဆောင်ကျဉ်းပေးနိုင်မယ့် တိုးတက်မှုမျိုးတွေ ရမယ်လို့ ကျွန်တော်တို့ မျှော်လင့်ပါတယ်”
“BBS နဲ့ ပတ်သက်ပြီး အရေးယူဆောင်ရွက်ဖို့ အစိုးရကို ကျွန်တော်တို့ ဖိအားပေးဖို့လိုတယ်။ ပြီးတော့ Gnanasara ကို ရှာဖွေဖို့ အထူးတပ်ဖွဲ့ဝင်တွေကို တပ်ဖြန်ချထားလိုက်တဲ့ နောက်ဆုံးဆောင်ရွက်ချက်ကို ကျွန်တော် ကျေနပ်ပါတယ်” လို့ ဆာလေးက ထည့်သွင်းပြောကြားခဲ့ပါတယ်။
တမီလ်ကျားသူပုန် LTTE အဖွဲ့နဲ့ နှစ်ပေါင်း ၂၆ နှစ်ကြာ ဆိုးဆိုးရွားရွား ဖြစ်ပွားခဲ့တဲ့ ပြည်တွင်းစစ်ကို ထောက်ပြခဲ့ပြီး တိုင်းပြည်မှာ ဘယ်လိုအကြမ်းဖက်မှုမျိုးမှ ပြန်လာတာကို မမြင်ချင်တော့ဘူးလို့လည်း သူက ပြောပါတယ်။
“နိုင်ငံရေးသမားတစ်ယောက်အနေနဲ့ တင်းမာမှုတွေ မြင့်တက်လာမှာကို ကျွန်တော် စိုးရိမ်ပါတယ်။ ကျွန်တော်တို့ဟာ ငြိမ်းချမ်းမှုကို ချစ်မြတ်နိုးတဲ့ လူတွေဖြစ်ပြီး LTTE နဲ့ စစ်ပွဲတွေကို ဖြတ်သန်းရပြီးတဲ့နောက်ပိုင်း နောက်ထပ် မတည်ငြိမ်မှုမျိုးကို ကျွန်တော်တို့ မလိုချင်တော့ပါဘူး။ လူ့အဖွဲ့အစည်းမှာ ငြိမ်းချမ်းစွာ အတူ
ယှဉ်တွဲနေထိုင်တာ၊ ငြိမ်းချမ်းတာကိုပဲ ကျွန်တော်တို့ မြင်ချင်ပါတယ်။ သူ (Gnanasara) ဟာ တိုင်းပြည်လုံခြုံရေးအတွက် ခြိမ်းခြောက်မှုတစ်ခု ဖြစ်တယ်လို့ အစိုးရက အသိအမှတ်ပြုတာကို ကျွန်တော် ကျေနပ်ပါတယ်”
အသက် ၄၈ နှစ်အရွယ် ဆင်ဟာလီအမျိုးသမီး အေမန်သီ ရာတာနာကာယီက BBS အဖွဲ့ဟာ တိုင်းပြည်ရဲ့ ဗုဒ္ဓဘာသာဝင်လူများစုကို ကိုယ်စားမပြုဘူးလို့ ဆိုပါတယ်။
“ကျွန်မတို့ ငြိမ်းချမ်းစွာ နေထိုင်ချင်တယ်။ ကျွန်မတို့ရဲ့ မွတ်စလင်အိမ်နီးချင်းတွေအပေါ်မှာ လုပ်နေတဲ့ ကိစ္စတွေကို ကျွန်မတို့ မထောက်ခံပါဘူး။ သူတို့ (BBS)ဟာ ကျွန်မတို့ကို ကိုယ်စားမပြုပါဘူး။ ဒါပေမယ့် လူငယ်တွေအပေါ် သြဇာလွှမ်းမိုးနေတာက စိုးရိမ်စရာ ကောင်းပါတယ်။ ဒါ့ကြောင့်ပဲ သူတို့ကို အရေးယူဖို့ လိုတာပါ”
Ref: Aljazeera
