News @ M-Media

Author: Ko Lay

  • ဆော်ဒီတွင် ကျင်းပသည့် ကုလားအုတ်အလှပြိုင်ပွဲတွင် အီရတ်နိုင်ငံက ဗိုလ်စွဲ

    ဆော်ဒီတွင် ကျင်းပသည့် ကုလားအုတ်အလှပြိုင်ပွဲတွင် အီရတ်နိုင်ငံက ဗိုလ်စွဲ

    ဇန်န၀ါရီ ၁၀၊ ၂၀၂၃

    M-Media


    -ဆော်ဒီအာရေဗျနိုင်ငံ ရီယာ့ဒ်မြို့မှာ ကျင်းပတဲ့ ကမ္ဘာ့ကုလားအုတ် အလှပြိုင်ပွဲမှာ အီရတ်နိုင်ငံ ကုလားအုတ်က အနိုင်ရ ဗိုလ်စွဲသွားပါတယ်။

    တနင်္ဂနွေနေ့က ဒီပြိုင်ပွဲကို King Abdulaziz Camel Festival လို့ အမည်ပေးထားပြီး ၇ ကြိမ်မြောက် ဖြစ်ပါတယ်။ အီရတ်၊ အီဂျစ်၊ ယီမင်၊ လစ်ဗျား၊ ဗြိတိန်နိုင်နဲ့ အိန္ဒိယနိုင်ငံတို့က လာရောက်ယှဥ်ပြိုင်ခဲ့ကြပါတယ်။ 

    ယှဥ်ပြိုင်သူ ၁၅ ဦးမှာ ကုလားအုတ် ၃၂ ကောင် ပါ၀င်ပြီး အီရတ်နိုင်ငံသား ၀သ်ဘန် ဂျာဘို အဘတ်စ် အလ်-ရာဖီရဲ့ ကုလားအုတ်က အနိုင်ရ ဗိုလ်စွဲသွားပါတယ်။ 

    “ဒီပြိုင်ပွဲမှာ ပါ၀င်ရတဲ့အတွက် ဂုဏ်ယူပါတယ်။ ပြိုင်ပွဲကျင်းပပေးတဲ့သူတွေကိုလည်း ကျေးဇူးတင်ပါတယ်။ နိုင်ငံပေါင်းစုံက လာရောက်ယှဥ်ပြိုင်ခဲ့ကြအတွက် ကမ္ဘာ့အဆင့် ပြိုင်ပွဲတောင် ဖြစ်နေပါပြီ”

    လစ်ဗျားနိုင်ငံသား အဟ်မဒ် မိုဟာမက် အမ်မာ ကျူနီဒီရဲ့ ကုလားအုတ်က ဒုတိယ၊ အီဂျစ်နိုင်ငံသား အမာရ် မိုဟာမက် ရှဘဲလ် အလ် ဂျာရီယာရဲ့ ကုလားအုတ်က တတိယ အသီးသီး ရရှိခဲ့ကြပါတယ်။

    လစ်ဗျား ကုလားအုတ်အသင်းရဲ့ ဥက္ကဌဖြစ်တဲ့ အဟ်မဒ် မိုဟာမက်က အာရပ်လူမျိုးတွေရဲ့ သမိုင်းအမွေအနှစ်နဲ့ အမှတ်သညာကို လူငယ်တွေ ဂုဏ်ယူလာစေချင်တဲ့အတွက် ၀င်ပြိုင်တာလို့ ပြောကြားခဲ့ပါတယ်။

    “ပြိုင်ပွဲကျင်းပပေးတဲ့သူတွေ အားလုံးကို ကျေးဇူးတင်ပါတယ်။ ဒီပြိုင်ပွဲဟာ အခြားနိုင်ငံမှာ ကျင်းပတဲ့ ပြိုင်ပွဲတွေနဲ့ မတူပါဘူး”

    Ref: Arab News 

  • ၅ ကြိမ်ဆက် ရွေးကောက်တင်မြှောက်ခံရသည့် အမေရိကန်က မွတ်စလင်မြို့တော်၀န်

    ၅ ကြိမ်ဆက် ရွေးကောက်တင်မြှောက်ခံရသည့် အမေရိကန်က မွတ်စလင်မြို့တော်၀န်

    ဇန်န၀ါရီ ၈၊ ၂၀၂၃

    M-Media 


    -အမေရိကန်ပြည်ထောင်စု နယူးဂျာစီပြည်နယ် Prospect Park မြို့က မြို့တော်၀န် မိုဟာမက် ခိုင်ရူလာဟာ စနေနေ့က ၅ ကြိမ်ဆက် ရွေးကောက်တင်မြှောက်ခံခဲ့ရပါတယ်။ 

    ဒါဟာ အမေရိကန်မွတ်စလင်လူ့အဖွဲ့အစည်းမှာ သက်တမ်းအရှည်ဆုံး မြို့တော်၀န်အဖြစ် တာ၀န်ထမ်းဆောင်ရသူအဖြစ် မှတ်တမ်း၀င်တာလည်း ဖြစ်ပါတယ်။ ခိုင်ရူလာဟာ ဒီမိုကရက်တစ် ပါတီ၀င်တစ်ဦးပါ။ 

    ဒီလိုပြန်ရွေးခံရတာဟာ လူ့အဖွဲ့အစည်းက သူ့အပေါ် လက်ခံအားထားမှုကို ပြသနေတယ်လို့ ခိုင်ရူလာက ပြောပါတယ်။

    “ခွဲခြားမှုတွေ အရည်ပျော်သွားပြီဆိုတာ ဒါက ပြသနေပါတယ်။ လူတွေက ခင်ဗျားဘာလူမျိုးလဲဆိုတာထက် ဘယ်လိုလူလဲဆိုတာကိုပဲ ကြည့်တာပါ”

    ဆီးရီးယားမှာ မွေးဖွားကြီးပြင်းခဲ့တဲ့ ခိုင်ရူလာဟာ အမေရိကန်နိုင်ငံသားဖြစ်ပြီး ၄ နှစ်အကြာ ၂၀၀၅ ခုနှစ်မှာ Prospect Park မြို့ရဲ့ မြို့တော်၀န်အဖြစ် ပထဆုံးအကြိမ် ရွေးကောက်တင်မြှောက်ခံရတာ ဖြစ်ပါတယ်။ 

    ဒီကာလတွေအတွင်း တာ၀န်ထမ်းဆောင်ရတာ အဆင်ပြေ ချောမွေ့တယ်လို့လည်း ခိုင်ရူလာက ပြောပါတယ်။ 

    အမေရိကန်ရဲ့ အကြီးဆုံး မွတ်စလင်အရပ်ဖက်အဖွဲ့အစည်း Council on American-Islamic Relation ရဲ့ နယူးဂျာစီရုံးခွဲက နိုင်ငံတစ်၀ှမ်း မွတ်စလင်နိုင်ငံရေးသမားတွေ ရွေးကောက်တင်မြှောက်ခံရမှု အရေအတွက်ဟာ မြင့်တက်လာပြီး နယူးဂျာစီပြည်နယ်မှာတင် အယောက် ၄၀ ရှိတယ်လို့ ထုတ်ပြန်ချက်မှာ ဖော်ပြထားပါတယ်။ 

    Ref: NJ

  • ကိုဗစ်ိကိစ္စ ၀ေဖန်သည့် ဆိုရှယ်မီဒီယာအကောင့် တစ်ထောင်ကျော်ကို တရုတ်အစိုးရ ပိတ်သိမ်း

    ကိုဗစ်ိကိစ္စ ၀ေဖန်သည့် ဆိုရှယ်မီဒီယာအကောင့် တစ်ထောင်ကျော်ကို တရုတ်အစိုးရ ပိတ်သိမ်း

    ဇန်န၀ါရီ ၇၊ ၂၀၂၂

    M-Media

     

    -ကိုဗစ်ကပ်ရောဂါနဲ့ပတ်သက်ပြီး ကိုင်တွယ်မှု ညံ့ဖျင်းတာတွေကို ၀ေဖန်တဲ့ ဆိုရှယ်မီဒီယာအကောင့် တစ်ထောင်ကျော်လောက်ကို တရုတ်အစိုးရက ပိတ်လိုက်ပါတယ်။ 

    ဒါဟာ တရုတ်အစိုးရက လွတ်လပ်စွာပြောဆိုခွင့်ကို ပိတ်ပင်တဲ့ ပြယုဂ်တစ်ခုလည်း ဖြစ်ပါတယ်။ 

    တရုတ်နိုင်ငံမှာ နို၀င်ဘာလကစပြီး ကိုဗစ်အကြီးအကျယ် ကူးစက်နေတာပါ။ 

    လူတွေကို အတားအဆီးမရှိ ခရီးသွားခွင့်ပေးထားတာ၊ ကိုဗစ်ဖြစ်တဲ့သူတွေကို အစားအသောက်နဲ့ ဆေး၀ါးကုသမှု လုံလုံလောက်လောက်မပေးဘဲ နေအိမ်တွေမှာ သီတင်းပတ်ချီ ပိတ်လှောင်ထားတာ၊ ဆေးရုံတွေမှာ ကျန်းမာရေးစောင့်ရှောက်မှု ကောင်းကောင်းမွန်မွန် မပေးနိုင်တာ စတာတွေကို ပြည်သူတွေက ပြည်တွင်းဆိုရှယ်မီဒီယာ Sina Weibo မှာ ၀ေဖန် ရေးသားကြတာဖြစ်ပါတယ်။ 

    Sina Weibo ကုမ္ပဏီက ကျွမ်းကျင်သူတွေ၊ ပညာရှင်တွေနဲ့ ကျန်းမာရေးလုပ်သားတွေကို တိုက်ခိုက်ရေးသားတဲ့ အကြောင်းအရာပေါင်း ၁၂၈၅၄ ခုကို ကိုယ်တွယ်ဖြေရှင်းခဲ့ပြီး အကောင့် ၁၁၂၀ ကို ပိတ်သိမ်းခဲ့တယ်လို့ ပြောပါတယ်။ 

    နောက်ပိုင်းမှာလည်း ဒီလို အရေးယူမှုတွေ လုပ်ဆောင်သွားမယ်လို့ ဆိုပါတယ်။ 

    ကိုဗစ်ကိစ္စ တရုတ်အစိုးရရဲ့ ကိုင်တွယ်ဖြေရှင်းပုံတွေကို မကျေနပ်တဲ့အတွက် ပြည်သူတွေဟာ ဒီဇင်ဘာလအတွင်းမှာ ဆန္ဒပြခဲ့ကြပါတယ်။ 

    Ref: Reuters

  • ယူကရိန်းဒုက္ခသည်များအတွက် မီးစက်ဒုတိယအသုတ်ကို ယူအေအီး ပေးပို့

    ယူကရိန်းဒုက္ခသည်များအတွက် မီးစက်ဒုတိယအသုတ်ကို ယူအေအီး ပေးပို့

    ဇန်န၀ါရီ ၇၊ ၂၀၂၂

    M-Media 


    -ရုရှားရဲ့ ကျူးကျော်တိုက်ခိုက်မှုကြောင့် ဆောင်းရာသီကို မီးမရှိဘဲ ဖြတ်သန်းနေရတဲ့ ယူကရိန်းဒုက္ခသည်တွေအတွက် အာရပ်စော်ဘွားများပြည်ထောင်စု (ယူအေအီး) က မီးစက် ဒုတိယ အသုတ်ကို ပေးပို့လိုက်ပါတယ်။ 

    မီးစက်အလုံးရေ စုစုပေါင်း ၂၅၀၀ ပေးပို့ကူညီသွားမယ်လို့ ယူအေအီးက ဒီဇင်ဘာမှာ ကြေငြာခဲ့ပြီး ပထမအသုတ် အလုံး ၁၂၀၀ ကို ပေးပို့ပြီးဖြစ်ပါတယ်။ 

    သောကြာနေ့က ပေးပို့ခဲ့တဲ့ အခုဒုတိယအသုတ်မှာတော့ အလုံး ၁၃၀၀ ပါ၀င်ပါတယ်။ 

    ဒါဟာ ယူကရိန်းကို ကန်ဒေါ်လာ သန်း ၁၀၀ ဖိုး လူသားချင်းစာနာထောက်ထားမှု အကူအညီတွေ ပေးအပ်မယ့် အစီအစဥ်ရဲ့ တစ်စိတ်တစ်ပိုင်းလည်း ဖြစ်ပါတယ်။ ဒီအစီအစဥ်ကို အောက်တိုဘာလမှာ ယူအေအီးက ကြေငြာခဲ့တာပါ။ 

    Ref: Alarabiya 

  • ထိုမ်၀မ်နာမည်ကြီးအဆိုတော်နဲ့ ပြဿနာတက်နေတဲ့ မလေးရှားဘောလုံး ပရိတ်သတ်များ

    ဇန်န၀ါရီ ၇၊ ၂၀၂၂

    M-Media 


    -ထိုင်၀မ်က နာမည်ကြီးအဆိုတော် ဂျေးချိုဟာ မလေးရှား ဘောလုံး ပရိတ်သတ်တွေရဲ့ ၀ေဖန်မှုကို ခံနေရပါတယ်။ 

    ဂျေးချိုဟာ ဇန်န၀ါရီ ၁၅ ရက်နေ့ ကွာလာလမ်ပူမြို့က ဘူကစ်ဂျာလီ အားကစားကွင်းမှာ ရှိုးပွဲလုပ်ဖို့ စီစဥ်ထားတာပါ။ 

    မလေးရှားဘောလုံးအသင်းက ဒီဇင်ဘာ ၇ ရက်နေ့မှာ AFF Championship ဆီမီးဖိုင်နယ် ပထမအကျော့အဖြစ် ထိုင်းအသင်းနဲ့ ဘူကစ်ဂျာလီကွင်းမှာ ကစားရမှာဖြစ်ပါတယ်။ 

    ဘူကစ်ဂျာလီကွင်းဟာ ပရိတ်သတ် ၈၇၄၁၁ ဦး ဆံ့ပေမယ့် မလေးရှားဘောလုံးအဖွဲ့ချုပ်က လက်မှတ် ၅၉၀၀၀ သာ ရောင်းချထားပါတယ်။  ဂျေးချိုရဲ့ ပွဲအတွက် ထိုင်ခုံတွေဖြုတ်ပြီး စတိတ်စင်ဆောက်ရတာကြောင့် ထိုင်ခုံတွေ လျော့နည်းသွားတာပါ။

    ဒီကိစ္စကို မလေးရှားဘောလုံးပရိတ်သတ်တွေက မကျေနပ်ဘဲ ဂျေးချိုရဲ့ ဆိုရှယ်မီဒီယာအကောင့်တွေမှာ သွားရောက်ပြောဆိုမှုတွေ လုပ်ခဲ့ပါတယ်။ 

    ဂျေးချိုကတော့ ရှိုးပွဲကို သူ့ဖက်က ဆိုင်းငံ့ပေးထားနိုင်ပေမယ့် ပွဲစီစဥ်သူတွေနဲ့ မလေးရှားဘောလုံးအဖွဲ့ချုပ်တို့က ဒါမျိုး လုပ်ပေးနိုင်မလားဆိုတာ အရင်မေးဖို့ Instagram စာမျက်နှာကနေတစ်ဆင့် မလေးရှား ဘောလုံးပရိတ်သတ်တွေကို တုန့်ပြန်ခဲ့ပါတယ်။ 

    မလေးရှား အားကစားနဲ့ လူငယ်ရေးရာ၀န်ကြီး ဟန်နာယိုက Twitter  စာမျက်နှာကနေတစ်ဆင့် ဒီကိစ္စကို ဖြေရှင်းထားပါတယ်။ 

    ဂျေးချိုဟာ ရှိုးပွဲအတွက် လွန်ခဲ့တဲ့ ၄ နှစ် ၂၀၁၉ မတ်လ ၁၉ ရက်နေ့ကတည်းက ဘောလုံးကွင်းကို ကြိုငှားထားတာဖြစ်ပြီး မလေးရှားဘောလုံးအဖွဲ့ချုပ်က ၂၀၂၀ ခုနှစ် သြဂုတ်လမှ ကွင်းကို ငှားရမ်းတာလို့ ရေးသားခဲ့ပါတယ်။

    “ရှိုးပွဲရော၊ ဘောလုံးပွဲပါ နိုင်ငံတကာနဲ့ဆိုင်တဲ့ ကိစ္စဖြစ်ပြီး အစိုးရအတွက် လုပ်ရကိုင်ရခက်တဲ့ အရာတွေပါ။ နိုင်ငံတကာရှိုးပွဲတစ်ခုကို လွယ်လွယ်ကူကူနဲ့ ဖျက်ပစ်လို့ မရပါဘူး” လို့ The New Straits Times သတင်းဌာနကို ဟန်နာယိုက ပြောကြားခဲ့ပါတယ်။

    AFF ဆီမီးဖိုင်နယ်ပွဲကြောင့် ဂျေးချိုဟာ ပွဲကို အရင်ကတည်းက ၂ ရက် နောက်ဆုတ်ပေးထားပြီးသား ဖြစ်ပါတယ် 

    Ref: CNA