Author: Ko Lay

ဒီဇင်ဘာ ၁၈၊ ၂၀၂၂

M-Media

-မနေ့က ကမ္ဘာ့ဖလားချန်ပီယံ အာဂျင်နီးနားကို ဆုချီးမြှင့်ရာမှာ ကာတာခေါင်းဆောင် ရှိခ် သာမင် ဘင် ဟာမဒ် အလ် သာနီဟာ မက်ဆီကို ၀တ်ရုံတစ်ခု ခြုံပေးခဲ့ပါတယ်။ 

အဲဒီ၀တ်ရုံရှည်ကို ‘ဘစ်ရှ်သ်’ (Bisht) လို့ခေါ်ပြီး အာရပ်ရိုးရာ ၀တ်စားဆင်ယင်မှုတစ်ခုပါ။ 

Bhist ကို ဘုရင်၊ အစိုးရအကြီးအကဲ၊ စော်ဘွား၊ အိမ်ရှေ့မင်းသား စသဖြင့် ဂုဏ်သရေရှိ လူကြီးလူကောင်းတွေက  ထူးခြားတဲ့အခမ်းအနားတွေမှာ ၀တ်ဆင်ကြတာပါ။

အဖြူရောင်၊ အနက်ရောင် ပိတ်စရှည်တွေကို ရွှေနားကွပ်ထားတဲ့ Bhist ၀တ်ရုံဟာ လေးစားတန်ဖိုးထားမှု၊ ဂုဏ်ပြုမှု၊ ချီးကျူးထောပနာပြုမှု စတဲ့ အဓိပ္ပါယ်တွေကို ဖော်ကြူးပါတယ်။ 

အာရပ်ရိုးရာအရ ဒီလို၀တ်ရုံမျိုး ချီးမြှင့်တာဟာ အမြင့်ဆုံးအဆင့် ဂုဏ်ပြုမှုလည်း ဖြစ်ပါတယ်။ 

ကာတာ ကမ္ဘာ့ဖလားကျင်းပရေးကော်မတီ အတွင်းရေးမှူး ဟာဆန် အလ်-သာ၀ါဒီက ဒီ၀တ်ရုံ၀တ်ပေးမှုအတွက် အခုလို မှတ်ချက်ပေးပါတယ်။ 

“ဒီ၀တ်စုံကို ပွဲလမ်းဘသင်တွေမှာ ၀တ်ကြတယ်။ အောင်မြင်မှုကို ဖော်ကြူးတဲ့ အထိမ်းအမှတ်နဲ့လည်း ၀တ်ကြပါတယ်။ အခုလို ၀တ်ပေးတာဟာ မက်ဆီရဲ့ အောင်မြင်မှုကို ဂုဏ်ပြုတာပါ။ ကမ္ဘာ့ဖလားမှာ အာရပ်ယဥ်ကျေးမှုကို ချပြဖို့ အခွင့်အရေးရခဲ့တယ်။ ကာတာတစ်နိုင်ငံတည်းအတွက်မဟုတ်ဘဲ အာရပ်ကမ္ဘာရဲ့ အောင်မြင်မှုလည်း ဖြစ်ပါတယ်”

Ref: Aljazeera

-ရစ်ချာလီဆန်ရဲ့ နောက်ကျောမှာ ထိုးထားတဲ့ သူ့ပုံတက်တူးကို ပြန်ဖျက်ဖို့အတွက် နေးမာဟာ ပေါင်း ၂၆၀၀၀ ပေးခဲ့တယ်လို့ သတင်းထွက်လာပါတယ်။ 

ရစ်ချာလီဆန်ဟာ ကျောကုန်းမှာ ဂန္တ၀င်တိုက်စစ်မှူး ရော်နယ်ဒို၊ နေးမာနဲ့ သူ့ရဲ့ပုံ ဆေးမင်ကြောင် ထိုးခဲ့ပြီး ဓာတ်ပုံရိုက်ကာ ဆိုရှယ်မီဒီယာမှာ ပြီးခဲ့တဲ့ရက်ပိုင်းက လွှင့်တင်ခဲ့ပါတယ်။

နေးမာက သူ့ပုံပါ၀င်နေတဲ့အတွက် စိတ်ဆိုးခဲ့ပြီး ရစ်ချာလီဆန်ကို ပေါင် ၂၆၀၀၀ ပေးကာ ပြန်ဖျက်ခိုင်းခဲ့တယ်လို့ ဆိုပါတယ်။ ဆိုရှယ်မီဒီရာမှာလည်း နေးမာက ရစ်ချာလီဆန်ကို ဘလော့ခဲ့ပါတယ်။ 

နေးမာနဲ့ ရစ်ချာလီဆန်ဘက်က ဒီသတင်းတွေနဲ့ပတ်သက်ပြီး ထုတ်ပြန်ပြောကြားတာမျိုး မရှိသေးပါဘူး။ 

Ref: Football London