မတ် ၁၇၊ ၂၀၁၇
M-Media
– မြောက်ကိုရီးယားက ဒုံးကျည်ပစ်လွှတ်စမ်းသပ်မှု အများအပြား ပြုလုပ်ခဲ့ပြီး ဂျပန်နိုင်ငံမှာ ပြည်သူများကို ဒုံးကျည်ရန်မှ ကယ်ဆယ်ရေး ပထမဆုံး လေ့ကျင့်မှုကို ယနေ့တွင် ပြုလုပ်ခဲ့သည်ဟု သိရသည်။
လွန်ခဲ့သည့် တစ်ပတ်ကျော်က မြောက်ကိုရီးယားမှ ပစ်လွှတ်စမ်းသပ်ခဲ့သည့် တိုက်ချင်းပစ်ဒုံးကျည် ၄ စင်းမှာ ဂျပန်အနောက်မြောက်ဖက် ကမ်းရိုးတန်းသို့ ကျရောက်ခဲ့ပြီး ထိုအထဲမှ တစ်ခုမှာ အိုဂါမြို့နှင့် ကီလိုမီတာ ၂၀၀ ခန့်အကွာသို့ ရောက်ရှိခဲ့သည်။
ယနေ့ပြုလုပ်သည့် ကယ်ဆယ်ရေးလေ့ကျင့်ခန်းမှာ မြောက်ကိုရီးယားက ဂျပန်ကျွန်းများအပေါ် တိုက်ချင်းပစ် ဒုံးကျည်များ ပစ်လွှတ်တိုက်ခိုက်မှုကို အခြေခံ၍ လေ့ကျင့်ခြင်းဖြစ်သည်။
“ဒုံးကျည်ဟာ အိုဂါကျွန်းဆွယ်အနောက်ဖက် ကီလိုမီတာ ၂၀ အတွင်း ကျရောက်တယ်လို့ ယူဆရပါတယ်။ အစိုးရဟာ လက်ရှိမှာ အပျက်အဆီးကို ဆန်းစစ်နေပါတယ်” ဟု လေ့ကျင့်နေစဉ်အတွင်း ပြည်သူများအား အသိပေးသည့် စပီကာများမှ ပြောကြားခဲ့သည်။
လေ့ကျင့်မှုအတွင်း ပြည်သူများမှာ အရေးပေါ်ပစ္စည်းများ၊ ကာကွယ်ရေး ၀တ်စုံများ ထားရှိပေးထားသည့် သတ်မှတ် ကယ်ဆယ်ရေးစင်တာများသို့ သွားရောက်ခဲ့ရသည်။ ထိုလေ့ကျင့်မှုတွင် ကျောင်းသားများအား ကယ်ထုတ်ရေး အစီအစဉ်လည်း ပါဝင်ခဲ့သည်။
ဂျပန်အစိုးရ တာဝန်ရှိသူများကမူ ဒေသတွင်း လုံခြုံရေးဆိုင်ရာ အခြေအနေတွင် စိုးရိမ်မှု မြင့်တက်လာခြင်းကြောင့် ပြုလုပ်ခြင်းဖြစ်သည်ဟု ပြောကြားခဲ့သည်။
“ဒီရက်တွေမှာ ဘာမဆို ဖြစ်နိုင်ပါတယ်။ ကျွန်တော်တို့ အိမ်နီးချင်းနိုင်ငံတွေရဲ့ အပြုအမူကို မှန်းဆလို့မရဘူးလို့ပြောရင် ပိုမှန်ပါလိမ့်မယ်” ဟု အိုဂါမြို့တည်ရှိရာ အကီတာပြည်နယ်မှ လုံခြုံရေးဆိုင်ရာ အကြီးအကဲ အိုဆာမူ ဆိုင်တိုက ပြောကြားခဲ့သည်။
Ref: CNA
