Author: Ko Lay

ရိုဟင်ဂျာအရေး ICC က အာရုံစိုက်ရန် လိုနေပြီဟု ကုလလူ့အခွင့်အရေးအကြီးအကဲ ပြော

မတ် ၈၊ ၂၀၁၇
M-Media

ကုလ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ်-ဟူစိန်

– မြန်မာနိုင်ငံက ရိုဟင်ဂျာမွတ်စလင်တွေအပေါ် ကျူးလွန်မှုတွေ ဆိုးဆိုးဝါးဝါးရှိနေတယ်ဆိုတဲ့ သတင်းတွေဟာ နိုင်ငံတကာ ရာဇ၀တ်ခုံရုံး ICC ရဲ့ အာရုံစိုက်မှုကို လိုအပ်နေပြီလို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ် ဟူစိန်က ဒီနေ့မှာ ပြောကြားလိုက်ပါတယ်။

ဂျီနီဗာက လူ့အခွင့်အရေးကောင်စီမှာ ဒီလိုပြောကြားလိုက်တာဖြစ်ပြီး ကာလရှည် ဆိုးဆိုးဝါးဝါး ညှင်းပမ်းနှိပ်စက်မှုမျိုးဟာ လူသားထုအပေါ် ကျူးလွန်တဲ့ ရာဇ၀တ်မှု မြောက်နေပြီလို့လည်း ဆိုပါတယ်။ အလ် ဟူစိန်ဟာ နိုင်ငံပေါင်း ၄၀ ကျော်က လူ့အခွင့်အရေးဆိုင်ရာ ပြဿနာတွေကို ဒီကောင်စီမှာ တင်ပြခဲ့တာဖြစ်ပါတယ်။

ရိုဟင်ဂျာတွေအပေါ် ကျူးလွန်တဲ့ အကြမ်းဖက်မှု – အထူးသဖြင့် အောက်တိုဘာ ၉ ရက် မောင်တောခရိုင်က နယ်ခြားစောင့်စခန်းတွေ တိုက်ခိုက်ခံရပြီးတဲ့နောက်ပိုင်း အစိုးရ လုံခြုံရေးတပ်ဖွဲ့တွေက ပြုလုပ်တဲ့ စစ်ဆင်ရေးမှာ ကျူးလွန်မှုတွေအတွက် အနည်းဆုံး ကော်မရှင်ဖွဲ့ စုံစမ်းဖို့လည်း လူ့အခွင့်အရေးကောင်စီကို အလ်-ဟူစိန်က တိုက်တွန်းခဲ့ပါတယ်။

နယ်ခြားစောင့်စခန်းတွေ တိုက်ခိုက်မှုမှာ အစိုးရလုံခြုံရေးတပ်ဖွဲ့ဝင် ၁၀ ဦး ကျဆုံးခဲ့ပါတယ်။

စစ်တပ်ကလုပ်တဲ့ စစ်ဆင်ရေးအတွင်းမှာ အဓမ္မပြုကျင့်တာတွေ၊ တရားလက်လွတ် သတ်ဖြတ်တာတွေ၊ နေအိမ်မီးရှို့တာတွေရှိတယ်လို့ သတင်းတွေ ထွက်ပေါ်ခဲ့ပေမယ့် မြန်မာအစိုးရနဲ့ ရဲတပ်ဖွဲ့ကတော့ ဒီသတင်းတွေကို ငြင်းဆိုခဲ့ပါတယ်။

စစ်ဆင်ရေးကြောင့် ရိုဟင်ဂျာ ၇၄၀၀၀ လောက် ဘင်္ဂလားဒေ့ရ်ှကို ထွက်ပြေးခဲ့ရသလို၊ ၂၀၀၀၀ ကျော်လောက်ဟာလည်း ပြည်နယ်အတွင်း အိုးအိမ်စွန့်ခွာ ထွက်ပြေးနေရပါတယ်။

Ref : CNA

March 8, 2017
ဖလားရမည့် ယုံကြည်ချက်ရှိကြောင်း ဖာနန်ဒင်ဟို ဖွင့်ဟ

မတ် ၈၊ ၂၀၁၇
M-Media

– မိမိတို့အသင်းအနေဖြင့် ချယ်ဆီးကိုကျော်ကာ ပရီးမီးယားလိဂ်ဖလားကို ရယူနိုင်စွမ်း ရှိနေသည်ဟု မန်စီးတီး ကွင်းလယ်လူ ဖာနန်ဒင်ဟိုက ပြောကြားလိုက်သည်။

လက်ရှိတွင် ချယ်ဆီးမှာ ထိပ်ဆုံးတွင် ဒုတိယနေရာမှ စပါးအသင်းအား ၁၀ မှတ်ဖြတ်ထားပြီး တတိယနေရာမှ မန်စီးတီးမှာ ချယ်ဆီးနှင့် ၁၁ မှတ် ကွာဟနေသည်။

လက်ရှိအနေအထားအရ ချယ်ဆီးမှာ အကောင်းဆုံးပုံစံတွင်ရှိနေပြီး အမှတ်ဆုံးရှုံးနိုင်မည့်အလားအလာ မရှိသော်လည်း ဖာနန်ဒင်ဟိုကမူ မန်စီးတီးမှာ ၆ နှစ်အတွင်း တတိယမြောက် ပရီးမီးယားလိဂ်ဖလားကို ကိုင်မြှောက်နိုင်မည်ဟု မျှော်လင့်နေသည်။

“နိုင်ချင်တဲ့ဆန္ဒမျိုး ရှိတဲ့အခါ ဖလားမရဘူးဆိုတဲ့ ကိစ္စအတွက် သိပ်ပြီး မနှစ်မြို့ပါဘူး။ ကျွန်တော်တို့ ယုံကြည်မှုရှိရမယ်။ ကျွန်တော်ကတော့ ယုံကြည်ပါတယ်။ ပရီးမီးယားလိဂ်ဟာ သိပ်ခက်တယ်ဆိုတဲ့အကြောင်း ကျွန်တော်တို့အားလုံး သိကြပါတယ်။ ပြီးတော့ ရာသီရဲ့ နောက်ဆုံးပွဲအထိ အများကြီး၊ အများကြီး ဖြစ်လာနိုင်ပါတယ်” ဟု ဖာနန်ဒင်ဟိုက ပြောကြားခဲ့သည်။

မန်စီးတီးမှာ ယခုတစ်ပတ်တွင် စတုတ်စီးတီးအသင်းနှင့် ကစားရမည်ဖြစ်ပြီး နောက်ပိုင်းတွင် လီဗာပူးလ်၊ အာဆင်နယ်၊ ချယ်ဆီးတို့နှင့် ဆက်တိုက် ကစားရမည် ဖြစ်သည်။ ဖာနန်ဒင်ဟိုကမူ ယခုလက မိမိတို့အနေဖြင့် ဇယားထိပ်ဆုံး ရောက်၊ မရောက်ကို အဆုံးအဖြတ်ပေးမည့်လဖြစ်သည်ဟုလည်း ထည့်သွင်း ပြောကြားခဲ့သည်။

Ref: Goal

March 8, 2017
CIA ၏ ကြောက်မက်ဖွယ် ထောက်လှမ်းရေးနည်းလမ်းများကို ၀ီကီလိခ်ဖွင့်ချ

မတ် ၈၊ ၂၀၁၇
M-Media

– အမေရိကန် ဗဟိုထောက်လှမ်းရေးအေဂျင်စီ CIA က မိမိတို့အိမ်မှာရှိနေတဲ့ တီဗီတွေကို မိုက်ခရိုဖန်ုးအဖြစ်ပြောင်းကာ နားထောင်နိုင်သလို၊ နာမည်ကျော် ရုပ်ဖျက် အက်ပလီကေးရှင်းတွေ (encryption apps) တွေကို ကျော်လွှားတာ၊ မော်တော်ကားတွေကို ထိန်းချုပ်တာမျိုးတွေအထိ လုပ်နေတယ်လို့ ၀ီကီလိခ်က ဖွင့်ချလိုက်ပါတယ်။

မနေ့က စာရွက်စာတမ်းပေါင်း ၉၀၀၀ နီးပါးလောက်ကို ဖွင့်ချလိုက်တာဖြစ်ပြီး CIA က ပေါက်ကြားလာတာဖြစ်တယ်လို့လည်း ဆိုပါတယ်။ ဒါဟာ လျှို့ဝှက်ထောက်လှမ်းရေး ကိစ္စတွေကို သမိုင်းတစ်လျှောက် အကြီးမားဆုံး ဖွင့်ချမှုလည်း ဖြစ်ပါတယ်။

ဒီလို စာရွက်စာတမ်း အမြောက်အများဟာ အမေရိကန် အစိုးရ ဟက်ကာဟောင်းတွေ၊ ထောက်လှမ်းရေး အေးဂျင့်ဟောင်းတွေကြားမှာ တရားမ၀င်နည်းလမ်းနဲ့ ပြန့်နှံ့နေတာမျိုးဖြစ်ပုံရပြီး အဲဒီအထဲကတစ်ယောက်က ၀ီကီလိခ်ကို ပေးပို့ခဲ့တာလို့လည်း ဆိုပါတယ်။

CIA ပြောရေးဆိုခွင့်ရှိသူ ဂျိုနသန် လျူကတာ့ ဒီအချက်အလက်တွေရဲ့ စစ်မှန်မှု၊ အကြောင်းအရာတွေနဲ့ပတ်သက်ပြီး မှတ်ချက်မပေးလိုဘူးလို့ ပြောထားပါတယ်။

အချက်အလက်တွကို စစ်ဆေးတဲ့ ကျွမ်းကျင်သူတွေက ဒါတွေဟာ CIA က အမှန်တကယ်ဖြစ်နိုင်တယ်လို့ ကောက်ချက်ချထားပါတယ်။

Vault 7 လို့ ၀ီကီလိခ်က အမည်ပေးထားတဲ့ ဒီဖွင့်ချမှုမှာ CIA ဟာ မိုဘိုင်းဖုန်းတွေကို လွယ်လွယ်ကူကူ ထောက်လှမ်းနိုင်ဖို့ ဆော့ဖ်ဝဲတစ်ခုကို ဖန်တီးထားပေမယ့် ထိန်းချုပ်လို့ မရတော့ကြောင်း၊ CIA က ထိန်းချုပ်လို့မရရင် ကမ္ဘာတစ်ဝှမ်းက ဟက်ကာတွေက ဒါကိုသုံးကာ အချက်အလက်တွေကို ခိုးယူနိုင်ကြောင်း ဖော်ပြထားပါတယ်။

နောက်ပြီး CIA ဟာ ဗိုင်းရပ်စ်၊ ထရိုဂျန်နဲ့ အီလက်ထရောနစ်ပစ္စည်းတွေကို ထိုးဖောက်ဝင်ရောက်ကာ ထိန်းချုပ်နိုင်မယ့် အခြားဆော့ဖ်ဝဲ စုစုပေါင်း ၁၀၀၀ ကျော်လောက်ကို ဖန်တီးခဲ့ပြီး အိုင်ဖုန်း၊ အန်ဒရွိုက်သုံး ဖုန်းတွေ၊ နာမည်ကြီး မိုက်ခရိုဆော့ဖ် ဆော့ဖ်ဝဲတွေနဲ့ ဆမ်ဆောင်း စမတ်တီဗီတွေကို ပစ်မှတ်ထားကာ ဒီပစ္စည်းတွေကို မိုက်ခရိုဖုန်းတွေဖြစ်အောင် ပြောင်းလဲနိုင်တယ်လို့လည်း ၀ီကီလိခ်ရဲ့ ဖွင့်ချမှုမှာ ပါဝင်ပါတယ်။

ကားတွေ၊ ထရပ်ကားတွေကို ထိန်းချုပ်နိုင်ဖို့အတွက် ဒီယာဉ်တွေထဲက အီလက်ထရောနစ် ထိန်းချုပ်ရေး စနစ်တွေကို ဟက်နိုင်ဖို့လည်း CIA က လုပ်ဆောင်ခဲ့ပါတယ်။

သူတို့ ဖန်တီးထားတဲ့ ဆော့ဖ်ဝဲတွေကို စမတ်ဖုန်းတွေမှာ ထည့်သွင်းခြင်းအားဖြင့် WhatsApp၊ Signal၊ Telegram၊ Weibo နဲ့ Confide တို့လို့ နာမည်ကြီး ဆော့ဖ်ဝဲတွေရဲ့ အချက်အလက် ရုပ်ဖျက်စနစ်ကို ကျော်လွှားကာ အချက်အလက်တွေကို ရုပ်မဖျက်ခင်မှာ CIA က ရယူနိုင်မှာဖြစ်ပါတယ်။

ကွန်ပျူတာသိပ္ပံ ပရော်ဖက်ဆာတစ်ဦးဖြစ်သူ မသယူး ဂရင်းက ၀ီကီလိခ်ရဲ့ ဒီလိုဖွင့်ချမှုကြောင့် သာမန်ပြည်သူတွေအနေနဲ့ စိတ်ပျက်စရာမလိုဘဲ ခေတ်မီ ရာဇ၀တ်မှုအဖွဲ့အစည်းတွေ၊ နိုင်ငံခြားအစိုးရတွေ၊ တက်ကြွလှုပ်ရှားသူတွေနဲ့ လူအခွင့်အရေးဆောင်ရွက်နေသူတွေသာ သတိထားရမယ်လို့ ပြောကြားခဲ့ပါတယ်။

Ref: Aljazeera

March 8, 2017
ရာသီဥတုဖောက်ပြန်မှုကြောင့် သြဇီရေကန်တစ်ခု ပန်းရောင်ပြောင်း

မတ် ၈၊ ၂၀၁၇
M-Media

– သြတေးလျနိုင်ငံ မဲလ်ဘုန်းမြို့ ဗစ်တိုးရီးယားမြို့နယ်က ရေကန်ကြီးတစ်ခုဟာ ပြီးခဲ့တဲ့ရက်ပိုင်းအတွင်းမှာ ပန်းရောင်ပြောင်းသွားပြီး ကျွမ်းကျင်သူတွေကတော့ ရာသီဥတု ဖောက်ပြန်မှုကြောင့်ဖြစ်တယ်လို့ ပြောကြားခဲ့ပါတယ်။

Westgate ပန်းခြံက ဒီရေကန်ရဲ့ အောက်ခြေမှာ ပေါက်နေတဲ့ မှော်ပင်တွေကနေ ထွက်တဲ့အရောင်ကြောင့် ဒီလို ပန်းရောင်ပြောင်းသွားတာဖြစ်ပြီး ဒါဟာ ပူနွေးတဲ့ရာသီဥတု၊ နေပူဒဏ်၊ မိုးရွာသွန်းမှုနည်းခြင်းနဲ့ ဆားငန်မှု အလွန်မြင့်တက်လာခြင်းရဲ့ နောက်ဆက်တွဲလည်း ဖြစ်ပါတယ်။

ဆားအလွန်ငန်တဲ့ ရေမှာ ရေမှော်ပင်တွေဟာ ကာဘွန်ဒိုင်အောက်ဆိုက်ကနေ အစာချက်လုပ်မှုလုပ်ငန်းစဉ်အတွင်း ထွက်လာတဲ့ ဒီပန်းရောင် အော်ဂဲနစ်ပစ္စည်းကို ‘ဘီတာ ကာရိုတင်း’ လို့လည်း ခေါ်ဆိုပါတယ်။ လတ်တလောမှာ ဒီလို ပန်းရောင်သန်းနေပေမယ့် ဆောင်းရာသီရောက်တဲ့အချိန်မှာ အပြာရင့်ရောင်ပြောင်းသွားမယ်လို့ ခန့်မှန်းထားပါတယ်။

Ref: CNN

March 8, 2017
အာဆင်နယ်ပရိသတ်များအား ဘယ်လာရင် တောင်းပန်

မတ် ၈၊ ၂၀၁၇
M-Media

– ယနေ့မနက် ချန်ပီယံလိဂ်ပွဲတွင် အိမ်ကွင်း၌ ဘာစီလိုနာအား ဂိုးပြတ်ဖြင့် အရှက်တကွဲရှုံးနိမ့်ခဲ့ရမှုအတွက် ပရိတ်သတ်အား တောင်းပန်သည်ဟု အာဆင်နယ်နောက်ခံလူ ဟက်တာ ဘယ်လာရင်က ပြောကြားလိုက်သည်။

၁၆ သင်းရှုံးထွက် ဒုတိယအကျော့တွင် ၅ ဂိုး ၁ ဂိုးဖြင့် ရှုံးနိမ့်ခဲ့သည့် အာဆင်နယ်မှာ ၂ ကျော့ပေါင်း ၁၀ ဂိုး ၂ ဂိုးဖြင့် ပြိုင်ပွဲမှ ထွက်ခဲ့ရသည်။ ထိုပွဲတွင် အာဆင်နယ် ပရိတ်သတ်များမှာ စိတ်ပျက်လက်ပျက်ဖြင့် ပွဲမပြီးကပင် ကွင်းအတွင်းမှ ထွက်ခွာသွားခဲ့သည်။

ဘယ်လာရင်ကမူ ထိုအပြုအမူက အာဆင်နယ်ကို ထိခိုက်စေခဲ့သည်ဟု ၀န်ခံခဲ့သည်။

“ပရိတ်သတ်တွေ ကွင်းအတွင်းထဲက စောစောစီးစီးထွက်ခွာသွားတာကို မြင်ရတာကြောင့် ကျွန်တော် တော်တော်လေး စိတ်ထိခိုက်ပါတယ်။ ဒီပွဲကို သူတို့အတွက် ကစားတာပါ။ သူတို့ကို ပျော်ရွှင်စေချင်တယ်။ ကျွန်တော်တို့နောက်မှာ မားမားမတ်မတ် ရပ်တည်စေချင်တယ်။ သူတို့ စောစောစီးစီးထွက်ခွာသွားတာကို မြင်ရတာ နာကျင်ရပါတယ်။ ကျွန်တော်တို့ ဒီထက်ပိုပြီး ကောင်းကောင်းလုပ်ချင်ခဲ့တာကြောင့် ပရိတ်သတ်တွေကို တောင်းပန်တယ်လို့ ပြောရမှာပါ။ ရာသီရဲ့ လက်ကျန်အချိန်တွေမှာ သူတို့ ပျော်ရွှင်အောင်လုပ်ဖို့ ကျွန်တော်တို့ ကြိုးစားဖို့ လိုအပ်ပါတယ်” ဟု ဘယ်လာရင်က ပြော ကားခဲ့သည်။

စနေနေ့က လီဗာပူးလ်အသင်းအား ၃ ဂိုး ၁ ဂိုးဖြင့် ရှုံးနိမ့်ခဲ့သည့် အာဆင်ဝင်းဂါးအတွက် ယနေ့မနက်အရှုံးမှာ ပိုမို၍ ဖိအားဖြစ်စေခဲ့ပြီး၊ ယခုရာသီကုန်တွင် အသင်းနှင့် စာချုပ်ပြည့်တော့မည့် ၀င်းဂါး၏ အနာဂတ်မှာလည်း မရေရာတော့ပေ။

Ref: Goal

March 8, 2017