ဇန်န၀ါရီ ၁၈၊ ၂၀၁၇
M-Media
ဘုရားကျောင်းမျာ၊ ချာ့ခ်ျကျောင်းများနှင့် ဗလီများတွင် ခေတ္တ ခိုနားကြည့်ခဲ့ဖူးသည်။
ဘုရားသခင်ကိုတော့ မိမိ၏ နှလုံးသား၌သာ တွေ့ရှိလေ၏။ (ရူမီ)
ရူမီ ဘယ်သူလဲ
—————–
ရူမီမှာ ၁၃ ရာစု ပါရှန်း ကဗျာဆရာ၊ အစ္စလာမ့်ဒဿနညာရှင်နှင် ဆူဖီသူတော်စင်ဖြစ်ပြီး ၎င်းရေးသားခဲ့သည့် ကဗျာများမှာ အထူးကျော်ကြားသည်။ ၎င်း၏ ကဗျာများကို ဘာသာစကားပေါင်းစုံဖြင့် ဘာသာပြန်ဆိုကာ ဖြန့်ချီကြပြီးအမေရိကန်တွင် ယနေ့အချိန်အထိ ရောင်းအားအကောင်းဆုံး စာအုပ်ဖြစ်နေဆဲဖြစ်သည်။
ဇန်န၀ါရီ ၁၇၊ ၂၀၁၇
M-Media
– ရှမ်းပြည်နယ်တွင် ဒီဇင်ဘာ ၂၄ ရက်နေ့ကတည်းက ပျောက်ဆုံးသွားခဲ့သည့် ကချင် ခရစ်ယာန်တရားဟော ဆရာနှစ်ဦးကိစ္စအတွက် စုံစမ်းစစ်ဆေးမှုများ အလျင်အမြန်ပြုလုပ်ရန် လူ့အခွင့်အရေးအဖွဲ့များဖြစ်သော HUMAN Rights Watch (HRW) နှင့် Fortify Rights တို့က မြန်မာအစိုးရကို တောင်းဆိုလိုက်သည်။
အဆိုပါ တရားဟောဆရာနှစ်ဦးမှာ မုံ့ကိုးမြို့နယ်ရှိ အစိုးရစစ်စခန်းတစ်ခုအနီးတွင် ပျောက်ဆုံးသွားခြင်းဖြစ်သည်ဟု လူ့အခွင့်အရေးအဖွဲ့များက ဆိုသည်။
“ခရစ်ယာန်တရားဟောဆရာနှစ်ဦး ဒီလို သိသိသာသာ ပျောက်ဆုံးသွားမှုဟာ ရှမ်းပြည်နယ်မြောက်ပိုင်းမှာ စိုးရိမ်ကြောက်ရွံ့စရာ အခြေအနေကို ဖြစ်စေပါတယ်။ အစိုးရအနေနဲ့ ချက်ခြင်း စုံစမ်းစစ်ဆေးကာ ဖော်ပြသင့်ပြီး၊ သတင်းအချက်အလက်ရှိသူတွေကိုလည်း ကာကွယ်ပေးရပါမယ်” ဟု Fortify Rights အဖွဲ့မှ အမှုဆောင်အရာရှိ မက်သယူးစမစ်က ပြောကြားခဲ့သည်။
အသက် ၃၅ နှစ်အရွယ် Langjaw Gam Seng နှင့် အသက် ၆၅ နှစ်အရွယ် Dumdaw Nawng Lat တို့မှာ ရှမ်းပြည်နယ်အတွင်း စစ်တပ်၏ ညှင်းပမ်းနှိပ်စက်မှုများနှင့်ပတ်သက်၍ ဖော်ပြသော သတင်းထောက်များကို ကူညီပေးခဲ့ပြီးနောက်ပိုင်း ပျောက်ဆုံးသွားခဲ့ခြင်းဖြစ်သည်။
၎င်းတို့ အသက်ရှင်နေသေးလားဆိုသည်နှင့် မည်သည့်နေရာတွင် ရှိနေကြောင်းကို ယခုအချိန်အထိ မသိရှိရသေးဘဲ HRW ကမူ ၎င်းတို့နှစ်ဦးမှာ အတင်းအဓမ္မဖမ်းဆီးချုပ်နှောင်မှု၊ နိုင်ငံတကာ ဥပဒေက ကာကွယ်ပေးထားသော လူ့အခွင့်အရေးများ ချိုးဖောက်ခံရမှု၏ သားကောင်များ ဖြစ်နိုင်သည်ဆိုသည့် စိုးရိမ်မှုများ ရှိနေသည်ဟု ပြောကြားခဲ့သည်။
အစိုးရစစ်တပ်က ၎င်းတို့အနေဖြင့် ထို တရားဟောဆရာနှစ်ဦးကို ထိန်းသိမ်းထားခြင်းမရှိဟု ပြောကြားခဲ့ပြီး အစိုးရကလည်း ကချင်လွတ်မြောက်ရေးတပ်မတော်က ခေါ်ဆောင်သွားခဲ့ခြငးဖြစ်သည်ဟု ပြောကြားခဲ့သည်။
ရှမ်းပြည်နယ်မြောက်ပိုင်းမှာ မကြာသေးမီကာလအတွင်း မြောက်ပိုင်းမဟာမိတ်တပ်ဖွဲ့နှင့် အစိုးရတပ်တို့အကြား တိုက်ပွဲများဖြစ်ပွားခဲ့သည့် နေရာဖြစ်သည်။
နိုဝင်ဘာလနှင့် ဒီဇင်ဘာလအတွင်း အစိုးရစစ်တပ်က ပြုလုပ်ခဲ့သည့် လေကြောင်းတိုက်ခိုက်မှုများတွင် မုံ့ကိုးရှိ St. Francis Xavier ကက်သလစ်ခရစ်ယာန်ဘုရားကျောင်းအပါအ၀င် အရပ်ဖက် အဆောက်အဦးများကို ရည်ရွယ်ချက်ရှိရှိ ဖျက်ဆီးခဲ့ကာ ထိုလုပ်ရပ်များကို Gam Seng နှင့် Nwang Lat တို့က ကူညီပေးနေသည့် ဂျာနယ်လစ်များထဲမှ တစ်ဦးက မှတ်တမ်းတင်ထားနိုင်ခဲ့သည်။
အဆိုပါ ဂျာနယ်လစ်ကို မြို့နယ်အုပ်ချုပ်ရေးအဖွဲ့က အထောက်အထားများ မဖြန့်ဝေရန် သတိပေးခဲ့သော်လည်း ရက်အနည်းငယ်ကြာပြီးနောက် ဓာတ်ပုံများမှာ အွန်လိုင်းတွင် ပြန့်နှံ့သွားခဲ့သည်။
အစိုးရစစ်တပ်ကမူ ဘုရားကျောင်းအား လေကြောင်းမှ တိုက်ခိုက်ခဲ့မှုမရှိဟု ဒီဇင်ဘာ ၁၈ ရက်နေ့တွင် လူသိရှင်ကြား ငြင်းဆိုခဲ့သော်လည်း၊ ဘုရားကျောင်းတိုက်ခိုက်မှုအား တာဝန်ယူကာ၊ ပြန်လည်ပြုပြင်ပေးမည်ဟု ဒီဇင်ဘာ ၈ ရက်နေ့ရက်စွဲဖြင့် ဂိုဏ်းအုပ်ဘုန်းတော်ကြီး Philip Za Hawng ထံသို့ စစ်တပ်က စာပေးပို့ခဲ့ကြောင်း ပေါ်ထွက်လာခဲ့သည်။
Ref: asiancorrespondent
ဇန်န၀ါရီ ၁၇၊ ၂၀၁၇
M-Media
– ထိုင်းနိုင်ငံ တီဗီအစီအစဉ်တစ်ခုမှာ ဘောလုံးစွမ်းရည်ပြခဲ့တဲ့ ၇ နှစ်သား မွန်ကလေးငယ်ကို ပရီးမိးယားလိဂ်ချန်ပီယံ လက်စတာစီးတီးအသင်းက ပြုစုပျိုးထောင်ပေးသွားမယ်လို့ သိရပါတယ်။
ဆူဗင် ဒါမှမဟုတ် နွန်ပီးလို့ခေါ်တဲ့ အဲဒီကလေးငယ်လေးဟာ ဇန်န၀ါရီ ၇ ရက်နေ့က တီဗွီအစီအစဉ်မှာ ဂိုးဘားတန်းကို ၃ ကြိမ်ဆက်တိုက် ထိအောင်ကန်ပြခဲ့ပြီးတဲ့နောက်ပိုင်း နာမည်ကျော်လာတာဖြစ်ပါတယ်။ ဒီဗီဒီယိုကို Workpoint Entertainment စာမျက်နှာမှာ လွှင့်တင်ခဲ့ပြီး ကြည့်ရှုသူ အနည်းဆုံး ၉.၁ သန်းရှိခဲ့ပြီး ဘောလုံးအသင်း တော်တော်များများကလည်း ဒီကလေးငယ်ကို ခေါ်ယူဖို့ စိတ်ဝင်စားလာကြပါတယ်။
ဒီကလေးငယ် ပရော်ဖက်ရှင်နယ်လမ်းကြောင်းပေါ် လျှောက်လှမ်းနိုင်ရေးအတွက် ထိုင်းဘီလီယံနာ Vichai Srivaddhanaprabha ပိုင်တဲ့ လက်စတာအသင်းက ကူညီသွားမယ်လို့ မနေ့ကပြုလုပ်ခဲ့တဲ့ သတင်းစာရှင်းလင်းပွဲမှာ အသင်းရဲ့ ဒုတိယဥက္ကဌ Aiyawatt Srivaddhanaprabha က ပြောကြားခဲ့ပါတယ်။
ဆူဗင်လေးကို ထိုင်းမှာပဲဖြစ်ဖြစ်၊ ပြည်ပမှာပဲဖြစ်ဖြစ် သင့်လျော်တဲ့ကျောင်းမှာ ပညာသင်ကြားနိုင်ရေး ထောက်ပံ့ပေးသွားမယ်လို့လည်း မစ္စတာ Aiyawatt က ဆိုပါတယ်။ ထိုင်းမှာ ပညာသင်မယ်ဆိုရင်တော့ လက်စတာက နည်းပြတစ်ဦး လွှတ်ပေးသွားဖို့ ရှိနေပါတယ်။
“၇ နှစ်သာ ရှိသေးတာကြောင့် ဘယ်လိုပုံဖော်ဖော် ဖော်လို့ရမယ့် ရွှံ့ရုပ်ကလေးတစ်ခုပါ။ အဆင်အပြေဆုံးနည်းလမ်းနဲ့ လမ်းကြောင်းမှန်ပေါ်မှာ ကျွန်တော်တို့ သူ့ကို ကြီးပြင်းစေချင်ပါတယ်”
နောက်ပြီး ဆူဗင်လေးဟာ နောက်ထပ်တစ်နှစ် ဒါမှမဟုတ် ၂ နှစ်လောက်နေပြီးမှ အင်္ဂလန်ကိုသွားရမယ်လို့ ထင်ကြောင်း၊ ဒီကလေးငယ် ပြုစုပျိုးထောင်ဖို့အတွက် ဘတ်ငွေ သန်း ၃၀ ကနေ ၄၀ ကြား ကျသင့်မှာဖြစ်ကြောင်း မစ္စတာ Aiyawatt က ပြောကြားခဲ့ပါတယ်။
ဘာစီလိုနာတိုက်စစ်မှူး လီယွန်နယ်မက်ဆီကိုအားကျတဲ့ ဆူဗင်ဟာ ထိုင်းနိုင်ငံအတွက် ကစားပေးဖို့ ဆန္ဒရှိနေပေမယ့် အခုအချိန်အထိ ထိုင်းနိုင်ငံသား မဖြစ်သေးပါဘူး။ သူဟာ မြန်မာနိုင်ငံကနေ ထိုင်းနိုင်ငံကို ပြောင်းရွှေ့ အခြေချခဲ့ကြတဲ့ မွန်မျိုးနွယ်ကနေ မွေးဖွားလာတာ ဖြစ်ပါတယ်။
မစ္စတာ Aiyawatt က ဆူဗင်လေးဟာ ထိုင်းနိုင်ငံအတွက် ကစားပေးချင်တယ်လို့ အသေအချာ ပြောထားပေမယ့် အသက် ၁၈ နှစ်ကျော်မှသာ ရွေးချယ်ခွင့်ရမှာဖြစ်တယ်လို့ ဆိုပါတယ်။
“လေ့ကျင့်ခန်းမှာ အာရုံစူးစိုက်မယ်လို့ သားကတိပေးပါတယ်။ ထိုင်းလက်ရွေးစင်အသင်းအတွက် သား ကစားပေးချင်ပါတယ်” လို့ မနေ့က ပြုလုပ်တဲ့ သတင်းစာရှင်းလင်းပွဲမှာ ဆူဗင်က ပြောကြားခဲ့ပါတယ်။
မိမိတို့အနေနဲ့ ထိုင်းက အစွမ်းအစရှိတဲ့ လူငယ်ကစားသမားတွေကို ပြုစုပျိုးထောင်ပေးသွားဖို့ ဆန္ဒရှိနေတယ်လို့ မစ္စတာ Aiyawatt က ပြောကြားခဲ့ပြီး ထိုင်းလက်ရွေးစင်နည်းပြ ကိုင်တီဆတ်ကလည်း ဒီလို ပြုစုပျိုးထောင်ပေးမှုအတွက် လက်စတာအသင်းကို ကျေးဇူးတင်ကြောင်း ပြောကြားခဲ့ပါတယ်။
Ref : Bnagkokpost
ဇန်န၀ါရီ ၁၇၊ ၂၀၁၇
M-Media
– ဆာရာဒတ် ခါဒီမာလ်ရှာရီယာလို့ ခေါ်ဆိုပြီး ဆာရာ ခါဒင်မ်လို့သိကြတဲ့ အီရန်က အသက် ၁၉ နှစ်အရွယ် စစ်တုရင်မယ်လေးဟာ စစ်တုရင်အားကစားလောကမှာ အမြင့်ဆုံး ဆုတံဆိပ်တွေဖြစ်တဲ့ International Master နဲ့ Woman Grandmaster ဘွဲ့တွေကို ပိုင်ဆိုင်ထားသူပါ။
စစ်တုရင်ချန်ပီယံအများစုလိုပဲ ခါဒင်မ်ဟာ အသက် ၈ နှစ်အရွယ်ကနေစပြီး ကစားခဲ့တာ ဖြစ်ပါတယ်။ နောက်ထက် ၄ နှစ်အကြာမှာတော့ အသက် ၁၂ နှစ်အောက် ကမ္ဘာ့ချန်ပီယံ ဖြစ်လာခဲ့ပါတယ်။
အီရန်ရဲ့ ရိုးရာယဉ်ကျေးမှုအရ အမျိုးသမီးတွေဟာ အားကစားပွဲ တော်တော်များများကို သွားရောက်ခွင့်မရကြပါဘူး။ အပြင်ထွက်ရင် ပုဝါဆောင်းရသလို၊ အားကစားပြိုင်ပွဲတွေမှာလည်း ပုဝါဆောင်းပြီး ယှဉ်ပြိုင်ရပါတယ်။
အခုအချိန်မှာ ကာဒင်မ်ရဲ့ အောင်မြင်မှုဟာ အားကစားလောကကို ၀င်ရောက်ဖို့တာဆူနေတဲ့ အီရန်လူငယ်တွေ၊ အထူးသဖြင့် အမျိုးသမီငယ်လေးတွေအတွက် တွန်းအားဖြစ်စေခဲ့ပါတယ်။
အလ်ဂျာဇီးရား သတင်းဌာနဲ့ ဆာရာ ခါဒင်မ်တို့ရဲ့ တွေ့ဆုံမေးမြန်းမှုကို M-Media ပရိသတ်ကြီးအတွက် ဖော်ပြပေးလိုက်ပါတယ်။
မေး – အသက် ၈ နှစ်အရွယ် စစ်တုရင်နဲ့စပြီး ထိတွေ့တယ်။ နောက် ၄ နှစ်ကြာတဲ့အခါမှာ ကမ္ဘာ့ချန်ပီယံဖြစ်လာခဲ့တယ်။ အဲဒီအကြောင်းလေး ပြောပြပါအုံး။
ဖြေ – ကျွန်မ ၂ တန်းတုန်းက သူငယ်ချင်းတစ်ယောက်က စစ်တုရင်ကစားမယ်လို့ပြောတယ်။ အရင်က စစ်တုရင်ခုံကိုတောင် မမြင်ဖူးပါဘူး။ မိသားစုထဲမှာလည်း ကစားတဲ့လူ တစ်ယောက်မှ မရှိဘူး။ ဟိုဒီ လျှောက်ရွှေ့ပြီး နောက်ပိုင်း ကျွန်မ ကြိုက်လာတယ်။ ဒါ့ကြောင့် အပတ်တကုတ် ကြိုးစားအားထုတ်ပါတယ်။ ကလေးဘ၀ကတည်းက တစ်နေ့ကို ၆ နာရီ ၇ နာရီလောက် လေ့ကျင့်တယ်။ အဲဒီလို လေ့ကျင့်မှုရဲ့အကျိုးကို နောက်ထပ် ၄ နှစ်အကြာမှာ ခံစားရတယ်လို့ ထင်ပါတယ်။
မေး – အဲဒီတုန်းက စစ်တုရင်ဆိုတာ အီရန်မှာ လူကြိုက်မများသေးဘူး။ မိသားစုက ခင်ဗျားရဲ့ ဆုံးဖြတ်ချက်ကို အားပေးရဲ့လား။ ပညာရေးမှာရော ထိခိုက်မှုရှိခဲ့လား။
ဖြေ – စစ်တုရင်ကစားတာက စိတ်ကိုတည်ငြိမ်စေတယ်၊ ပညာရေးအတွက်လည်း အထောက်အကူဖြစ်စေတယ်လို့ သိထားတာကြောင့် မိသားစုက သဘောကျပါတယ်။ ဒါပေမယ့် ဒါက ကျွန်မအတွက် ဘာမှမထူးပါဘူး။ (ရယ်လျက်) စစ်တုရင်စကစားကတည်းက ကျောင်းကို မမှန်တော့ဘူး။
စာမေးပွဲဖြေတဲ့အချိန်လောက်မှ ကျောင်းသွားတယ်။ စာကိုလည်း မဖြေခင် ၂ ရက်လောက်မှ ကျက်ဖြစ်ပါတယ်။
မေး – ဒါဆိုရင် အထက်တန်းဘယ်လိုအောင်ခဲ့သလဲ။
ဖြေ – ဖေဖေက ရူပနဲ့ သင်္ချာကို ကူလုပ်ပေးတယ်။ သူက သင်္ချာတော်တယ်လေ။ အခြား ဘာသာရပ်တွေကိုတော့ ကျွန်မကိုယ်တိုင် လုပ်ရတာပေါ့။ အဆင့်မကောင်းပေမယ့်။ စာမေးပွဲတိုင်းတော့ အောင်ခဲ့ပါတယ်။
မေး – စစ်တုရင်ကိုပဲ ဦးစားပေးတော့မယ်လို့ ဘယ်အချိန်မှာ ဆုံးဖြတ်ခဲ့တာလဲ။
ဖြေ – အသက် ၁၂ နှစ်အရွယ် ကမ္ဘာ့ချန်ပီယံ ဖြစ်ပြီးတဲ့ အချိန်မှာပါ။ ကျွန်မဟာ ဒီချန်ပီယံဘွဲ့ကိုရရှိတဲ့ တတိယမြောက် အီရန်နိုင်ငံသားပါ။ အဲဒီနောက်ပိုင်းမှာ စစ်တုရင်က ကျွန်မအတွက် ဖရော်ဖက်ရှင်နယ်ဖြစ်လာပါတယ်။ စာဆက်မသင်ချင်တော့ဘူး။ တက္ကသိုလ်မှာ ဂရပ်ဖစ်ဒီဇိုင်းဘာသာရပ် သင်ယူဖို့ အစီအစဉ်ရှိတယ်။ လျှောက်တော့လျှောက်ထားတာပဲ ရမလားတော့ မပြောတတ်ဘူး။
မေး – စစ်တုရင်အားကစားမှာ ပရော်ဖက်ရှင်နယ်အဆင့်ကို သွားတော့မယ်လို့ ဆုံးဖြတ်လိုက်တော့ ခင်ဗျားအသိုင်းအ၀ိုင်းကလူတွေရဲ့ တုန့်ပြန်မှုက အပြုသဘောဆောင်ရဲ့လား။
ဖြေ – အင်း …. အစုံပေါ့ရှင်။ တစ်ချို့သူငယ်ချင်းတွေက အားပေးတယ်။ တစ်ချို့ကျတော့ အားမပေးကြဘူး။ တစ်ချို့က ဒါဟာ အားကစားကောင်းတစ်ခုဖြစ်တယ်။ ဉာဏ်ထက်တဲ့သူတွေနဲ့ သင်တော်တဲ့ အားကစားနည်းဖြစ်တယ်လို့ ပြောကြတယ်။ ကျွန်မကတော့ ဒီလိုမထင်ပါဘူး။ တစ်ချို့တွေက စစ်တုရင်ကစားနည်းကို ဒီလိုထင်တာ ရှိသလို၊ တစ်ချို့ကြတော့ ပြင်းစရာကာင်းတဲ့ ကစားနည်းလို့ ထင်ကြတယ်။
ဟိုဖက်ဒီဖက် ဒီလိုပဲ ပြောကြတာပေါ့။
မေး – ဒီကစားနည်းက ဘ၀အတွက်ရော အထောက်အကူဖြစ်ရဲ့လား။
ဖြေ – စစ်တုရင်ကစားနည်းက အာရုံစူးစိုက်မှုနဲ့ တွေးခေါ်မြော်မြင်မှုကို ကောင်းစေတယ်။ အထူးသဖြင့် အသက် ၈ နှစ်ဆိုတဲ့ ကလေးငယ်တစ်ယောက်ရဲ့ တွေးခေါ်ပုံကိုပေါ့။ အဲဒီအရွယ်မှာ တစ်နေ့ကို ၅ နာရီလောက် တွေးရတဲ့ စစ်တုရင်ကစားနည်းဟာ ဘ၀နဲ့ တွေးခေါ်မြော်မြင်မှုတို့အတွက် အထောက်အကူ ဖြစ်စေပါတယ်။
မေး – စစ်တုရင်အားကစားမယ်တစ်ယောက်အဖြစ် အီရန်မှာ အခက်အခဲတွေဘာတွေများ ရှိလား။
ဖြေ – ကျွန်မ ဒီလို မကြာခဏ အမေးခံရတယ်ရှင့်။ အမျိုးသားစစ်တုရင်ကစားသမားတစ်ယောက်နဲ့ ဘာမှမကွာပါဘူး။ နည်းပြတွေလည်းတူတယ်၊ ပြိုင်ပွဲတွေလည်း တူတယ်။ ဘာခြားနားချက်မှ မရှိပါဘူး။
စစ်တုရင်ကစားနည်းဟာ အီရန်မှာ ဖွံ့ဖြိုးလာတယ်။ စစ်တုရင်မကစားတဲ့ သူတွေဆီကတောင်မှ ချီးကျူးတာမျိုးတွေ ကျွန်မကြားရတယ်။ သူတို့တွေက စစ်တုရင်မကစားပေမယ့် ကျွန်မပွဲတွေကို အားပေးတယ်။ ကျွန်မရဲ့ တိုးတက်မှုကိုလည်း ချီးကျူးကြပါတယ်။
အမျိုးသားလက်ရွေးစင်အသင်းမှာဆို ကစားသမားလေးတွေက အသက် ၁၂ နှစ်၊ ၁၃ နှစ်၊ ၁၅ နှစ်နဲ့ ၁၆ နှစ်လောက်ပဲ ရှိပါသေးတယ်။ အနာဂတ်က သိပ်ပြီးတောက်ပနေပါတယ်။ ပြီးခဲ့တဲ့နှစ်အတွင်း အီရန်မှာ စစ်တုရင်ဟာ ဘောလုံးပြီးတဲ့နောက် ဒုတိယလူကြိုက်အများဆုံး အားကစားဖြစ်တယ်လို့ သတင်းတွေက ဖော်ပြတာကို ကျွန်မတွေ့ရတယ်။ ဒါ ထူးခြားပါတယ်။
နောက်တစ်ခု ပိုကောင်းလာတာက အမျိုးသမီးငယ် တော်တော်များများ စိတ်ဝင်စားလာကြပြီး ယောက်ျားလေးတွေထက်တောင် ပိုကောင်းကြတာပါ။
မေး – နိုင်ငံတကာအဆင့်မှာတော့ ဒါမျိုး (အမျိုးသမီးတွေတက်လာတာမျိုး) မရှိဘူးဖြစ်နေတယ်။ ဘာ့ကြောင့်လဲ။ အမျိုးသမီးတွေ grandmaster ရတာ ဘာ့ကြောင့် နည်းနေတာလဲ။
ဖြေ – မပြောတတ်ဘူးရှင့်။ အီရန်မှာ စစ်တုရင်အားကစားမယ်တွေဟာ အမျိုးသားတွေထက် ပိုနည်းတယ်။ ဒါပေမယ့် ဒါက ဒီကွာဟချက်အတွက် အကြောင်းပြချက်လို့ မထင်ပါဘူး။
မိန်းကလေးငယ်တွေက အခြားသော အားကစားနည်းတွေကို ပိုစိတ်ဝင်စားတာလည်း ဖြစ်ကောင်းဖြစ်နိုင်ပါတယ်။ ဘာပဲဖြစ်ဖြစ် ကမ္ဘာ့အဆင့်မှာ အမျိုးသမီးတွေအတွက် စစ်တုရင်ပြိုင်ပွဲတွေ များများစားစားလိုအပ်တယ်။ ဒါမှသာ ကျွန်မတို့ ပိုပြီး ၀င်ပြိုင်နိုင်မှာပါ။
Ref: Aljazeera
ဇန်န၀ါရီ ၁၇၊ ၂၀၁၇
M-Media
– ‘ဂုဏ်သိက္ခာအတွက်သတ်ဖြတ်ခြင်း’ ဟု လူသိများသည့် ရိုးရာဓလေ့တစ်ခုအတွက် မိမိ၏ သမီးအား အရှင်လတ်လတ် မီးရှို့သတ်ဖြတ်ခဲ့သည့် အမျိုးသမီးတစ်ဦးကို ပါကစ္စတန်တရားရုံးက သေဒဏ် ချမှတ်လိုက်သည်ဟု သိရသည်။
ပါရ်ဝမ် ဘီဘီဆိုသူဖြစ်ပြီး အသက် ၁၈ နှစ်အရွယ် သမီးဖြစ်သူ ဇီနသ် ရာဖစ်က ၎င်းတို့ သဘောမတူသူနှင့် ခိုးရာလိုက်ပြေးသည့်အတွက် ‘မိသားစုကို အရှက်ရစေသည်’ ဟု ဆိုကာ ၂၀၁၆ ခုနှစ် ဇွန်လအတွင်း အရှင်လတ်လတ် မီးရှို့သတ်ဖြတ်ခဲ့ခြင်းဖြစ်သည်။
ပန်ဂျပ်ပြည်နယ် လာဟိုးမြို့ရှိ တရားရုံးကမူ ပါရ်ဝမ်အား ယနေ့တွင် သေဒဏ်ချမှတ်ခဲ့ပြီး သတ်ဖြတ်မှုတွင် ပါဝင်သူ ပါရ်ဝမ်၏သား အဟ်မာရ် ရာဖစ်ကို ထောင်ဒဏ် တစ်သက်တစ်ကျွန်း ချမှတ်ခဲ့သည်။
ဇီနသ်ရာဖစ်မှာ ခင်ပွန်းဖြစ်သူနှင့် ခိုးရာလိုက်ပြေးပြီး တစ်လအကြာ မိခင်အိမ်သို့ပြန်လာစဉ် ပါရ်ဝမ်နှင့် အဟ်မာရ်တို့က သူမအား ကုတင်ပေါ်တွင် ကြိုးဖြင့်တုတ်ကာ ဓာတ်ဆီလောင်း၍ မီးရှိုခဲ့ခြင်းဖြစ်သည်။
‘ဂုဏ်သိက္ခာအတွက်သတ်ဖြတ်ခြင်း’ ဟူသည့် အဆိုပါ ရိုးရာဓလေ့ကို အိန္ဒိယနှင့် ပါကစ္စတန်တို့ရှိ အချို့ဒေသများတွင် ကျင့်သုံးလေ့ရှိသည်။
သို့သော်လည်း အဆိုပါဓလေ့ ကျင့်သုံးသူများကို ပြင်းပြင်းထန်ထန် အပြစ်ပေးရန်နှင့် လွတ်မြောက်မှုမရှိစေရန်အတွက် ဥပဒေသစ်တစ်ရပ်ကို ပါကစ္စတန်က ပြီးခဲ့သည့်နှစ် အောက်တိုဘာလတွင် အတည်ပြုခဲ့သည်။
Ref: CNN