Author: Ko Lay

တရုတ်စစ်လေယာဉ်များကြောင့် ဂျပန်နှင့် တောင်ကိုရီးယားတို့ ကာကွယ်ရေး ပြင်ဆင်ခဲ့ရ

ဇန်န၀ါရီ ၁၀၊ ၂၀၁၇
M-Media

တရုတ်လေတပ်မှ လေယာဉ်တစ်စီး

– အရှေ့တရုတ်ပင်လယ်နှင့် ဂျပန်ပင်လယ်ပြင်တို့တွင် တရုတ်စစ်လေယာဉ်များ ပျံသန်းခဲ့သောကြောင့် ဂျပန်နှင့် တောင်ကိုရီးယား တိုက်လေယာဉ်များက ပျံတက် စောင့်ကြည့်ခဲ့ရသည်ဟု သိရသည်။

ယနေ့တွင် တရုတ်စစ်လေယာဉ် ၈ စီးက တူရှီမာ ရေလက်ကြားမှ အသွားအပြန် ပျံသန်းခဲ့ခြင်းဖြစ်ပြီး၊ မိမိတို့ လေကြောင်းကာကွယ်ရေးတပ်ဖွဲ့မှ တိုက်လေယာဉ်များလည်း ပျံတက်ကာ အခြေအနေကို ကြည့်ခဲ့ရသည်ဟု ဂျပန် ကာကွယ်ရေးဝန်ကြီးဌာနမှ တာဝန်ရှိသူများက ပြောကြားခဲ့သည်။

သို့သော်လည်း တရုတ်လေယာဉ်များမှာ ဂျပန်လေပိုင်နက်ကို ချိုးဖောက်ခဲ့ခြင်းမရှိဟု NHK သတင်းဌာနက ဖော်ပြခဲ့သည်။

တရုတ်လေယာဉ်အုပ်စုတွင် H-6 ဗုံးကျဲလေယာဉ် ၆ စီး၊ ရှေ့ပြေးလေယာဉ်တစ်ဦးနှင့် ထောက်လှမ်းရေးလေယာဉ်တစ်စီးတို့ ပါဝင်သည်ဟု ဂျပန်က ပြောကြားခဲ့သည်။

တောင်ကိုရီးယား၏ Yonhap သတင်းဌာနကလည်း တရုတ်လေယာဉ် ၁၀ စီးခန့်မှာ ကိုရီးယား လေကြောင်းစောင့် ကြည့်ဇုန်တွင် တနင်္လာနေ့က ၅ နာရီကြာ ၀င်ရောက်ပျံသန်းခဲ့ခြင်းကြောင့် တောင်ကိုရီးယား တိုက်ခိုက်ရေး တိုက်လေယာဉ်များ ပျံတက်ကာ သတိပေးမှု ပြုလုပ်ခဲ့ရသည်ဟု ဖော်ပြခဲ့သည်။

ထို့ပြင် တရုတ်လေယာဉ်များမှာ ဂျယ်ဂျူးကျွန်း တောင်ဘက်ကမ်းရိုးတမ်းအနီးတွင် အကြိမ်ကြိမ် ပျံသန်းခဲ့သည်ဟုလည်း ဆိုသည်။

ထိုအဖြစ်အပျက်များ ဖြစ်ပွားပြီးနောက် ဂျပန်ကာကွယ်ရေးဝန်ကြီးဌာနက တရုတ်လေယာဉ်များ ပျံသန်းရခြင်း၏ ရည်ရွယ်ချက်ကို သိရှိရန်အတွက် ဆန်းစစ်မှုပြုလုပ်နေသည်ဟု ပြောကြားခဲ့သည်။

၂၀၁၆ ခုနှစ် ဇန်န၀ါရီလကလည်း တရုတ်စစ်တပ်လေယာဉ်များကို တူရှီမာရေလက်ကြားတွင် တွေ့ခဲ့ရပြီး၊ သြဂုတ်လတွင် လေယာဉ် ၃ စင်းမှာ ထိုဒေသ၌ ခေါက်တုတ်ခေါက်ပြန် ပျံသန်းခဲ့သည်။

Ref: Aljazeera

January 10, 2017
တိုင်းရင်းသားဒေသများတွင် လူ့အခွင့်အရေး စိုးရိမ်မှုရှိသော်လည်း မြန်မာသို့ အစ္စရေးက လက်နက်ပို့မည်

ဇန်ဝါရီ ၁၀၊ ၂၀၁၇
M-Media

အစ္စရေးသို့ သွားရောက်လည်ပတ်စဉ် တွေ့ရသည့် ကာကွယ်ရေးဦးစီးချုပ်

– နိုင်ငံအတွင်း လူ့အခွင့်အရေးချိုးဖောက်မှုများ ရှိနေသောကြောင့် မြန်မာနိုင်ငံသို့ လက်နက်တင်ပို့မှုကို ရပ်ဆိုင်းရန် တက်ကြွလှုပ်ရှားသူများက တောင်းဆိုမှုကို အစ္စရေးက ပယ်ချလိုက်သည်ဟု သိရသည်။

ဇန်န၀ါရီ ၈ ရက်နေ့က ပေးပို့ခဲ့သော အစ္စရေးကာကွယ်ရေးဝန်ကြီးဌာန၏ စာတွင် နိုင်ငံခြားရေးဝန်ကြီးဌာနမှ သဘောတူထားပြီး၊ နိုင်ငံတကာ ဥပဒေနှင့် ကိုက်ညီသည့် စစ်လက်နက်ပစ္စည်းများ တင်ပို့မှုကို ဆက်လက်ဆောင်ရွက်သွားမည်ဟု ဖော်ပြထားကြောင်း ဂျေရုစလင်အခြေစိုက် လူ့အခွင့်အရေး ဥပဒေအကျိုးဆောင် အစ်တေး မက်ခ်က ဧရာဝတီ သတင်းဌာနသို့ အင်္ဂါနေ့တွင် ပြောကြားခဲ့သည်။

ထိုကဲ့သို့ ကာကွယ်ရေးဝန်ကြီးဌာနက ပယ်ချမှုကြောင့် မိမိအနေဖြင့် တရားရုံးချုပ်တက်ကာ အသနားခံစာ တင်သွားမည်ဟုလည်း မက်ခ်က ဆိုသည်။

မြန်မာအစိုးရစစ်တပ်မှာ နိုင်ငံမြောက်ပိုင်းနှင့် အရှေ့ပိုင်းတွင် လူနည်းစု တိုင်းရင်းသားလက်နက်ကိုင်များနှင့် တိုက်ခိုက်မှုများ ဖြစ်ပွားနေပြီး၊ နိုင်ငံအနောက်ပိုင်းတွင် ရိုဟင်ဂျာလူနည်းစုများအပေါ် ဆိုးဆိုးရွားရွား လူ့အခွင့်အရေး ချိုးဖောက်မှုများ ရှိနေသည့်အတွက် မြန်မာစစ်တပ်က ၀ယ်ယူထားသည့် လက်နက်တင်ပို့ရေး လိုင်စင်များကို ပြန်လည်သုံးသပ်ရန် မက်ခ်နှင့် အခြားတက်ကြွလှုပ်ရှားသူများက ကာကွယ်ရေးဝန်ကြီးဌာန၏ လက်နက်ရောင်းချမှု ဌာနခွဲကို ဒီဇင်ဘာလအတွင်း စာရေးတောင်းဆိုခဲ့ခြင်းဖြစ်သည်။

“အီရန်အပေါ် ပိတ်ဆို့မှုတွေကို ဆက်လက်ပြုလုပ်ဖို့ အသည်းအသန်ဖြစ်နေတဲ့ အစ္စရေးက အဆိုးရွားဆုံး ရာဇ၀တ်မှုတွေကို ကျူးလွန်နေမှုကြောင့် အမေရိကန်ရဲ့ အီးယူတို့က ပိတ်ဆို့ထားတဲ့ မြန်မာနိုင်ငံအပေါ် လိပ်ပြာသန့်သန့်နဲ့ လက်နက်ရောင်းနိုင်တာ အံ့သြစရာကောင်းပါတယ်” ဟု ဒီဇင်ဘာ ၁၁ ရက်နေ့က ပေးပို့ခဲ့သည့် အဆိုပါစာတွင် ဖော်ပြထားသည်။

၂၀၁၅ ခုနှစ် စက်တင်ဘာလအတွင်းက မြန်မာနိုင်ငံ၏ ကာကွယ်ရေးဦးစီးချုပ်နှင့်အဖွဲ့တို့ အစ္စရေးသို့ သွားရောက်စဉ် အစ္စရေးအခြေစိုက် လက်နက်ကုမ္ပဏီဖြစ်သော Elbit Systems၊ လေကြောင်းလုပ်ငန်း Israeli Aerospace Industries နှင့် ၎င်း၏ လက်ခွဲ Elta Systems Ltd သို့ သွားရောက်လည်ပတ်ခဲ့သည်။

အစ်တေး မက်ခ်က Elbit Systems နှင့် အခြားလက်နက်ကုမ္ပဏီ TAR Ideal တို့မှာ မြန်မာစစ်တပ်အား လက်နက်ရောင်းချရန် သဘောတူစာချုပ် ချုပ်ခဲ့ကြသည်ဟု ပြောကြားခဲ့သည်။

ကာကွယ်ရေးဦးစီးချုပ်နှင့်အဖွဲ့မှာ အစ္စရေး ရေတပ်စခန်း၊ တဲလ်အဗီးရှိ ကာကွယ်ရေးဝန်ကြီးဌာနနှင့် ဂါဇာကမ်းမြှောင်ရှိ ဗိမာန်တို့အား သွားရောက်လည်ပတ်ခဲ့သည်။ ကာကွယ်ရေးဦးစီးချုပ်၏ Facebook စာမျက်နှာတွင် ၎င်းအနေဖြင့် အစ္စရေးမှ စစ်လက်နက်ပစ္စည်းများ ၀ယ်ယူရန်နှင့် လေ့ကျင့်သင်ကြားပေးရန် အစ္စရေးကိုယ်စားလှယ်အဖွဲ့များနှင့် ဆွေးနွေးခဲ့သည်ဟု ဖော်ပြခဲ့သည်။

အစ္စရေးကာကွယ်ရေးဝန်ကြီးဌာနကမူ အစ်တေးမက်ခ်သို့ ပေးပို့သည့်စာတွင် နိုင်ငံခြားတိုင်းပြည်များနှင့် စစ်လက်နက် ရောင်းဝယ်ရေး သဘောတူညီချက်နှင့်ပတ်သက်၍ မည်သည့်ဖော်ပြချက်မှ မပါဝင်ပေ။

“မြန်မာစစ်တပ် အကြီးအကဲကတောင် ၂၀၁၅ စက်တင်ဘာက အစ္စရေးကို လည်ပတ်မှု၊ ၂၀၁၆ သြဂုတ်လမှာ အစ္စရေး လက်နက်တင်ပို့မှုအကြီးအကဲတွေနဲ့ နေပြည်တော်မှာ တွေ့ဆုံမှုတွေကို အသေးစိတ် ထုတ်ပြန်ခဲ့သေးတာပဲ။ (အစ္စရေး ကာကွယ်ရေးဝန်ကြီးဌာနရဲ့) ဒီလျှို့ဝှက်မှုက ထူးဆန်းနေတယ်ဗျ” ဟု မက်ခ်က ပြောကြားခဲ့သည်။

Ref: Irrawaddy

January 10, 2017
ဆရာတော် Phra Thep Seelawisuth (သို့) ဗုဒ္ဓသာသနာ၏ မေတ္တာတရားဖြင့် ထိုင်းပြည်သူများကို အေးချမ်းစေသူ

ဇန်န၀ါရီ ၁၀၊ ၂၀၁၇
M-Media

ဆရာတော်ကြီး Phra Thep Seelawisuth က မွတ်စလင်ပြည်သူများအား လိုက်လံတွေ့ဆုံ နှုတ်ဆက်စဉ်

– စနေနေ့က ထိုင်းနိုင်ငံတောင်ပိုင်းရှိ ဘုန်းကြီကျောင်းတစ်ကျောင်းတွင် ဗုဒ္ဓဘာသာဝင်များနှင့် မွတ်စလင်ပြည်သူ စုစုပေါင်း ၃၀၀၀ ခန့် စုရုံးခဲ့ကြပြီး ၎င်းတို့အကြား သဟဇာတဖြစ်မှုနှင့် ၎င်းတို့အား ကူညီဖေးမ ပေးခဲ့သည့် သံဃာတော်တစ်ပါး၏ ကျေးဇူးကို ဖော်ကျူးရန်ဖြစ်သည်။

နရာသီဝပ်ပြည်နယ် ဆွန်ဂိုင်းပဒီ ခရိုင်ရှိ Wat Prachum Cholthara ဘုန်းကြီးကျောင်းတွင် ထိုသို့ စုရုံးသည့် အခမ်းအနားမှာ ဆရာတော်ကြီး Phra Thep Seelawisuth ၏ သက်တော် ၇၉ နှစ်မြောက် မွေးနေ့မင်္ဂလာ အခမ်းအနားဖြစ်ပြီး တောင်ပိုင်းပြည်နယ်များမှ အစိုးရတာဝန်ရှိသူများလည်း တက်ရောက်ကြသည်။

နှစ်စဉ်ပြုလုပ်သည့် အဆိုပါ မွေးနေ့မင်္ဂလာအခမ်းအနားတွင် မွတ်စလင်ရိုးရာ အစားအသောက်များအပါအ၀င် အစားအသောက်၊ အ၀တ်အထည်၊ သစ်သီးဝလံမျိုးစုံ ခင်းကျင်းရောင်းချသည့် ပွဲဈေးတစ်ခုလည်း ပါဝင်ကာ မလေးရှားမှ မွတ်စလင်ခရီးသွားများပင် ထိုပွဲတော်သို့ တကူးတက လာရောက်ကြသည်။ အခမ်းအနားတွင် ဒေသတွင်းမှ ကျောင်းသားပေါင်း ၄၀၀ ခန့်ကို ပညာသင်ထောက်ပံ့ကြေး ပေးအပ်ပြီး၊ ဒေသခံများကလည်း ဘုန်းတော်ကြီးများအား လှူ ဖွယ်ဝတ္ထုများ ဆပ်ကပ်လှူဒါန်းကြသည်။

ထိုအခမ်းအနားက ဆရာတော်ကြီး Phra Thep Seelawisuth ၏ ငြိမ်းချမ်းစွာ အတူယှဉ်တွဲနေထိုင်ရေး ကြိုးပမ်း အားထုတ်မှုများ၏ အသီးအပွင့်ကို မီးမောင်းထိုးပြနေသည်။ တောင်ပိုင်းခွဲထွက်ရေး ပြဿနာကြောင့် လက်နက်ကိုင် ပဋိပက္ခဒဏ်ကို ခံစားနေရသော ဗုဒ္ဓဘာသာဝင်များနှင့် မွတ်စလင်ပြည်သူလူထုအား ကူညီလိုသည့် စိတ်ဆန္ဒကြောင့် ဆရာတော်ကြီးမှာ လွန်ခဲ့သည့် ၁၀ နှစ်အရင်ကတည်းက ငြိမ်းချမ်းစွာ အတူယှဉ်တွဲနေထိုင်ရေးလုပ်ငန်းကို စတင်ပြုလုပ်ခဲ့သည်။

ဆရာတော်ကြီးမှာ ရန်ပုံငွေရှာကာ တမ်ဘွန် ဆွန်ဂိုင်းပဒီတွင် မြေနေရာအများအပြားကို ၀ယ်ယူခဲ့ပြီး ရွာတည်ကာ လက်နက်ကိုင်ပဋိပက္ခကြောင့် အိုးအိမ်စွန့်ခွာ ထွက်ပြေးရသည့် ဗုဒ္ဓဘာသာဝင်များနှင့် မွတ်စလင်များကို လာရောက်နေထိုင်စေခဲ့သည်။

Ban Chalerm Prakiat ဟု အမည်ပေးထားသည့် ထိုရွာလေးက လူ့အဖွဲ့အစည်းနှစ်ခုမှာ သဟဇာတဖြစ်စွာ နေထိုင်နိုင်သည်ကို သက်သေပြနေခြင်းလည်း ဖြစ်သည်။ မတူကွဲပြားမှုများကို ဘေးဖယ်ကာ ထိုင်းပြည်သူများအကြား နားလည်မှုရရှိရေးကို အကူအညီဖြစ်စေရန် ကြိုးပမ်းအားထုတ်မှု တစ်စိတ်တစ်ပိုင်းအဖြစ် ဆရာတော်ကြီး Phra Thep Seelawisuth က ဒေသတွင်းပဋိပက္ခများကို မကြာခဏ ကြားဝင်ဖြေရှင်းပေးလေ့လည်း ရှိပေသည်။

Ref : Bangkokpost

January 10, 2017
၂၀၂၆ ကမ္ဘာ့ဖလားတွင် ၄၈ သင်း ၀င်ပြိုင်ရမည်

ဇန်န၀ါရီ ၁၀၊ ၂၀၁၇
M-Media

ဖီဖာဥက္ကဌ ဂီယန်နီ အင်ဖန်တီနို

– ၂၀၂၆ ကမ္ဘာဖလားပြိုင်ပွဲ နောက်ဆုံးအဆင့်ပွဲစဉ်များကို ၄၈ သင်းဖြင့် ကျင်းပသွားမည်ဟု ကမ္ဘာ့ဘောလုံးအဖွဲ့ချုပ် ဖီဖာက ကြေငြာလိုက်ပြီး လက်ရှိ ၃၂ သင်းတွင် ၁၆ သင်း ပေါင်းထည့်ခဲ့ခြင်းဖြစ်သည်။

၃ သင်း ၁၆ အုပ်စုပါဝင်မည့် အဆိုပါ အစီအစဉ်မှာ ဥက္ကဌ ဂီယန်နီ အင်ဖန်တီနို နှစ်သက်သည့် အစီအစဉ်ဖြစ်ပြီး ယနေ့ ဖီဖာကောင်စီတွင် တစ်ညီတစ်ညွတ်တည်း အတည်ပြုခဲ့သည်။ အန်ဖန်တီနိုမှာ ဖီဖာဥက္ကဌအဖြစ် ရွေးကောက်ပွဲ ၀င်စဉ်က ၎င်းအနေဖြင့် ကမ္ဘာ့ဖလား အသင်းအရေအတွက်ကို တိုးချဲ့သွားမည်ဟု ကတိပေးခဲ့သည်။

၂၀၂၆ ခုနှစ် ကမ္ဘာဖလားပြိုင်ပွဲမှာ မြောက်အမေရိကတွင် ပြုလုပ်ရန်ရှိနေပြီး ယခုကဲ့သို့ အသင်းတိုးချဲ့သည့် အစီအစဉ်ကြောင့် ယခင် ၆၄ ပွဲနေရာတွင် ပွဲ ၈၀ ဖြစ်လာမည်ဖြစ်သည်။

၂၀၁၈ ခုနှစ် ရုရှားတွင် ကျင်းပပြုလုပ်မည့် ကမ္ဘာဖလားပြိုင်ပွဲအတွက် မျှော်မှန်းဝင်ငွေမှာ ၅.၅ ဘီလီယံရှိပြီး ယခု အစီအစဉ်သစ်ကြောင့် ထုတ်လွှင့်ခွင့်နှင့် စပွန်ဆာကြေးမှ အပိုဝင်ငွေ ကန်ဒေါ်လာ ၁ ဘီလီယံ၊ လက်မှတ် ပိုမိုရောင်းချရမှုဝင်ငွေများ တိုးလာမည်ဟု မျှော်မှန်းထားသည်။

တိုက်ကြီး ၆ တိုက်မှာ တိုးချဲ့လိုက်သည့် အသင်းအရေတွက်ထဲမှ နေရာမည်မျှ ရမည်ဆိုသည်ကို မေလတွင်မှ သိရမည်ဖြစ်သည်။ ဥရောပကမူ ၀င်ရောင်ယှဉ်ပြိုင်ခွင့်ရမည့် အရေအတွက်ကို ၁၆ သင်းအထိ လိုချင်နေသည်။

၁၉၉၄ ခုနှစ် အမေရိကန်ကမ္ဘာဖလားနောက်ပိုင်း မြောက်အမေရိကတွင် ကမ္ဘာ့ဖလားပြိုင်ပွဲ ထပ်မံ ကျင်းပခွင့် မရသေးသောကြောင့် ၂၀၂၆ ခုနှစ် ကမ္ဘာဖလားပြိုင်ပွဲကို မြောက်အမေရိကတိုက်တွင် ကျင်းပရန် အလားအလာ ပိုများနေသည်။

Ref: Aljazeera

January 10, 2017
နောက်ကျောဓားနဲ့ထိုးမယ့် အစ္စရေးအကြံကို ယူကေလွှတ်တော်အမတ်များ ရှုတ်ချ

ဇန်န၀ါရီ ၁၀၊ ၂၀၁၇
M-Media

အလ်ဂျာဇီးရားမှ လျှို့ဝှက် ရိုက်ကူးနိုင်ခဲ့သည့် ဗီဒီယိုမှ အစ္စရေးသံရုံးတာဝန်ရှိသူ မာဆွတ်။ ၎င်းမှာ ဗြိတိန် ဒုတိယ နိုင်ငံခြားရေးဝန်ကြီးကို ဖြုတ်ချရန် ကြံစည်သူဖြစ်သည်။

– ပါလက်စတိုင်းပိုင်နက်မှာ အစ္စရေးက ကျူးကျော်ဆောက်လုပ်နေတဲ့ အိမ်ယာတွေနဲ့ပတ်သက်ပြီး ဝေဖန်တဲ့ ယူကေ ဒုတိယနိုင်ငံခြားရေးဝန်ကြီးကို ‘ပြုတ်သွားအောင်’ ပြုလုပ်ဖို့ စီစဉ်ချင်တဲ့ အစ္စရေး သံတမန်တစ်ဦးရဲ့ စကားကို ယူကေ ပါလီမန်ရဲ့ အကြီးတန်းတာဝန်ရှိသူတွေက ရှုတ်ချ ပြောဆိုလိုက်ပါတယ်။

လန်ဒန်က အစ္စရေးသံရုံးမှာ တာဝန်ထမ်းဆောင်နေတဲ့ နိုင်ငံရေးအကြီးတန်းတာဝန်ရှိသူ ရှာအီ မာဆွတ်က လောဘာပါတီရဲ့ နိုင်ငံခြားရေးရာအတွက် အရေးပါသူ အီမီလီ သွန်ဘာရီကို ဖြုတ်ချပစ်မယ်လို့ ပြီးခဲ့တဲ့ တစ်ပတ်မှာ ကြုံးဝါးခဲ့တာပါ။ ဒါဟာ ‘အင်မတန် ခံပြင်းစရာကောင်းတဲ့’ စကားဖြစ်ပြီး အစ္စရေးက ယူကေနိုင်ငံရေးစနစ်မှာ ဒီလို ၀င်ရောက်နှောက်ယှက်မှု အတိုင်းအတာကို စုံစမ်းစစ်ဆေးဖို့ ပါလီမန်အမတ်တွေက တောင်းဆိုခဲ့ပါတယ်။

မာဆွတ်ရဲ့ ဒီလိုခြိမ်းခြောက်ပြောကြားမှုကို အစ္စရေးသံအမတ်နဲ့ ဗြိတိန် အစိုးရ၀န်ထမ်းပေါင်းပြီး နိုင်ငံရေးသမားကြီးတွေကို ဘ၀ပျက်စေဖို့ ဆောင်ရွက်မယ့် အစီအစဉ်ကို ဖော်ထုတ်ခဲ့တဲ့ အလ်ဂျာဇီးရားသတင်းဌာန စုံစမ်းရေးအဖွဲ့ရဲ့ ၆ လကြာ လုပ်ငန်းအတွင်း လျှို့ဝှက်ဗီဒီယို ရိုက်ကူးနိုင်ခဲ့တာ ဖြစ်ပါတယ်။

“နိုင်ငံခြားရေးဝန်ကြီးဌာအနေနဲ့ ဒီကိစ္စကို ဒီအတိုင်းထားလိုက်လို့ ပြောလိုက်တာနဲ့ မလုံလောက်ပါဘူး။ ဒါဟာ အမျိုးသားလုံခြုံရေးပြဿနာပါ။ ဒီကိစ္စမှာပါဝင်တဲ့ အာဏာပိုင်တွေဟာ နှုတ်ထွက်သင့်ပါတယ်။ ပြီးတော့ မရိုးမသား နှောက်ယှက်မှုတွေ ဘယ်လောက်ရှိတယ်ဆိုတာကို အစိုးရက ချက်ခြင်းစုံစမ်းစစ်ဆေးသင့်ပြီး၊ ဒါမျိုးတွေကို အဆုံးသတ်ဖို့ အစ္စရေးအစိုးရကိုလည်း တောင်းဆိုပါတယ်” လို့ သွန်ဘာရီက ထုတ်ပြန်ခဲ့တဲ့ ကြေငြာချက်မှာ ဖော်ပြထားပါတယ်။

အလ်ဂျာဇီးရားအဖွဲ့က ရိုက်ကူးနိုင်ခဲ့တဲ့ ဗီဒီယိုမှာ အာဏာရ ကွန်ဆာဗေးတစ်ပါတီရဲ့ ဒုတိယဥက္ကဌဖြစ်တဲ့ လွှတ်တော်အမတ် ရောဘာ့တ် ဟဲလ်ဖွန်ရဲ့ ကိုယ်ရေးအရာရှိ မာရီယာ ထရစ်ဇိုလိုနဲ့တွေ့စုံစဉ်မှာ မာဆွတ်က သူတို့ပြုတ်သွားစေချင်တဲ့ လွှတ်တော်အမတ် အမည်စာရင်းတွေကို ပေးမယ်လို့ မာရီယာကို ပြောခဲ့တာပါ။

အဲဒီနောက်မှာတော့ ပါလက်စတိုင်းပိုင်နက်မှာ အစ္စရေးက ပြုလုပ်နေတဲ့ တရားမ၀င်အိမ်ယာ ဆောက်လုပ်မှုတွေဟာ နိုင်ငံတကာမှာ အစ္စရေးပုံရိပ်ကို စွန်းထင်းမှု ပိုကြီးစေတယ်လို့ ယုံကြည်ကြောင်း ပြောဆိုခဲ့တဲ့ ယူကေ ဒုတိယနိုင်ငံခြား ရေးဝန်ကြီး ဆာ အလန် ဒွန်ကန်ရဲ့ အမည်ကို ပေးခဲ့ပါတယ်။ ပါလက်စတိုင်းပိုင် အနောက်ဖက်ကမ်း ဟီဘရွန်မြို့က အစ္စရေးရဲ့ လုပ်ရပ်တွေကို လူမျိုးရေး ခွဲခြားဆက်ဆံမှုအဖြစ် ဝေဖန်ခဲ့တဲ့ ဒွန်ကန်ဟာ အစ္စရေးရဲ့ တည်ရှိခွင့်ကို လုံးဝထောက်ခံတယ်လို့ ၂၀၁၄ ခုနှစ်မှာ ပြောဆိုခဲ့ဖူးပါတယ်။

မာရီယာက ဒွန်ကန် ပြုတ်ကျသွားဖို့အတွက် နည်းနည်းပါးပါး လှည့်ကွက်ဆင်ရမယ်လို့လည်း မာဆွတ်ကို အရိပ်အမြွက် ပြောကြားခဲ့ပါတယ်။

အဲဒီတွေ့ဆုံမှုအတွင်းမှာ မာဆွတ်ဟာ ဗြိတိန်နိုင်ငံခြားရေးဝန်ကြီ ဘောရစ် ဂျွန်ဆင်ကို ‘အသုံးမကျသူ’ ‘တာဝန်ယူမှု မရှိသူလို့လည်း’ လည်း ပြောကြာခဲ့ပြီး မာရီယာကတော့ ၀န်ကြီးဟာ ‘အစ္စရေးအမာခံ’ ဖြစ်တယ်လို့ တုန့်ပြန်ခဲ့ပါတယ်။ အလ်ဂျာဇီးရားက ဒီတွေ့ရှိချက်တွေကို ထုတ်ပြန်ခဲ့ပြီး၊ နိုင်ငံတကာမီဒီယာတွေကလည်း ထပ်ဆင့်ဖော်ပြခဲ့ပြီးတဲ့နောက်မှာ အစ္စရေးသံရုံးက မာဆွတ်ဟာ မကြာခင်မှာ ‘သက်တမ်း အဆုံးသတ်တော့မှာ’ ဖြစ်တယ်လို့ Twitter စာမျက်နှာကနေ တုန့်ပြန် ပြောကြားခဲ့ပြီး၊ ယူကေဆိုင်ရာ အစ္စရေးသံအမတ် မာ့က် ရီဂျီဗ်ကလည်း ယူကေ ဒုတိယ နိုင်ငံခြားရေးဝန်ကြီး ဒွန်ကန်ကို တောင်းပန်ကြောင်း၊ မာဆွတ်ရဲ့ ဒီမှတ်ချက်တွေဟာ လုံးဝ လက်ခံနိုင်စရာမရှိကြောင်း ထည့်သွင်း ဖော်ပြခဲ့ပါတယ်။

တနင်္ဂနွေနေ့မှာတော့ မာရီယာ စထရစ်ဇိုလိုကလည်း သူမရဲ့ ရာထူးကနေ နှုတ်ထွက်သွားခဲ့ပါတယ်။

စကော့တစ်ရ်ှအမျိုးသားပါတီက လွှတ်တော်အမတ် အဲလက် ဆဲလ်မွန်က မာဆွတ်ကို တိုင်းပြည်ကနေ နှင်ထုတ်ဖို့ တနင်္ဂနွေနေ့မှာ တောင်းဆိုခဲ့ပါတယ်။

နောက်ပြီး ရွေးကောက်ခံထားရတဲ့ လွှတ်တော်အမတ်တွေ သူတို့ရဲ့ အလုပ်တွေကို အကောင်းဆုံး စွမ်ရည်တွေနဲ့ လွတ်လပ်စွာ လုပ်ကိုင်နိုင်ဖို့၊ အမြင်မတူတဲ့ တခြားနိုင်ငံသံရုံး တာဝန်ရှိသူတွေက သူတို့ရဲ့ ဂုဏ်သိက္ခာကို ညှိုးနွှမ်းအောင် လုပ်မလားဆိုတဲ့ စိုးရိမ်မှုမျိုး အမတ်တွေမှာ ရှိမလာဖို့အတွက် ဒီကိစ္စနဲ့ပတ်သက်ပြီးတရားဝင် စုံစမ်းစစ်ဆေးမှု ပြု လုပ်ဖို့ ထောက်ခံတယ်လို့လည်း ဆဲလ်မွန်က ထည့်သွင်းပြောကြားခဲ့ပါတယ်။

အစ္စရေး-ပါလက်စတိုင်း ပဋိပက္ခအကြောင်းရေးသားခဲ့တဲ့ သုတေသနပညာရှင် ဂျာနယ်လစ် ဘန်ဝှိုက်က ဗြိတိန်နိုင်ငံရေးသမားတွေပေါ်မှာ အစ္စရေးက ဒီလို လွှမ်းမိုးဖုိ့ ကြိုးစားတာဟာ အံ့သြစရာမဟုတ်ပေမယ့်၊ ဒီလို လျှို့ဝှက်ဗီဒီယို လူသိရှင်ကြား ထွက်လာတာက ထူးခြားတယ်လို့ ဆိုပါတယ်။

“မာဆွတ်လိုလူမျိုး အလုပ်လုပ်နေတဲ့ အစ္စရေး နိုင်ငံခြားရေးဝန်ကြီးဌာနဟာ အစ္စရေးရဲ့ မဟာဗျူဟာရေးရာ ၀န်ကြီးဌာနလို့ ပြောလို့ရပြီး အစ္စရေးဆန့်ကျင်ရေးလှုပ်ရှားမှု Boycott Divest and Sanctions ကို လမ်းကြောင်းပြောင်းဖို့၊ ဖျက်ဆီးဖို့အတွက် သူတို့ရဲ့ မျက်စိထဲမှာ အန္တရာယ်ရှိတယ်၊ ဒီလှုပ်ရှားမှုအပေါ်မှာ အလေးထားပြီး တက်တက်ကြွကြွလှုပ်ရှားတယ်လို့ ယူဆသူတွေကို တိုက်ခိုက်ဖို့ တော်တော်လေး အားစိုက်ဆောင်ရွက်ပါတယ် ” လို့ ၀ှိုက်က ပြောကြားခဲ့ပါတယ်။

ဒီအဖြစ်အပျက်ဟာ The Lobby လို့အမည်ပေးထားပြီး ဇန်န၀ါရီ ၁၁ ရက်နေ့ကနေ နေ့စဉ်ပြသသွားမယ့် အပိုင်းလေးပိုင်းပါ ဗီဒီယိုစီးရီးမှာ အလ်ဂျာဇီးရား စုံစမ်းဖော်ထုတ်ရေးအဖွဲ့ရဲ့ တွေရှိမှုများစွာထဲက တစ်ခုသာ ဖြစ်ပါတယ်။

အဲဒီဗီဒီယိုတွေမှာ အစ္စရေးအစိုးရအနေနဲ့ ဗြိတိန်နိုင်ငံရေးလောကမှာ ဘယ်လို ၀င်ရောက်လှုပ်ရှားနေသလဲဆိုတာကို ဖော်ထုတ်ထားပါတယ်။

အလ်ဂျာဇီးရား စုံစမ်းဖော်ထုတ်မှုအဖွဲ့နဲ့ အလုပ်အလုပ်နေတဲ့ လျှို့ဝှက် သတင်းသမား ရော်ဘင် (အမည်လွှဲ) ဟာ ၆ လတာ ကာလအတွင်းမှာ လန်ဒန် အစ္စရေးသံရုံးကနေတစ်ဆင့် အစ္စရေးအစိုးကနေ ထောက်ပံ့ပေးနေတဲ့ ဗြိတိန်က ၀ါဒဖြန့်ချီရေးကွန်ယက် အဖွဲ့ဝင်တွေနဲ့ တွေ့ဆုံခဲ့ပါတယ်။

နိုင်ငံရေး ပေါ်လစီတွင် ၀င်ရောက်လွှမ်းမိုးခြင်း

ရော်ဘင်နဲ့ တွေ့ဆုံစဉ်အတွင်းမှာ မာရီယာ စထရစ်ဇိုလိုက သူမအနေနဲ့ ယူကေရဲ့ နိုင်ငံခြားရေးပေါ်လစီမှာ အစ္စရေးက ထိပ်ဆုံးမှာ ရှိနေဖို့အတွက် ကိုယ်တွယ်ဆောင်ရွက်တဲ့ မဟာဗျူဟာ ရှိနေတယ်လို့လည်း ပြောကြားခဲ့ပါတယ်။

“အနည်းဆုံး လွှတ်တော်အမတ် တစ်စုလောက်ကို ကိုင်ထားနိုင်ရင် သူတို့ကို ဦးတည်လှုပ်ရှားလို့ရတယ်ဆိုတာ ရှင်လည်းသိမှာပါ။ လွှတ်တော်မှာ ပြဿနာတစ်ခုရောက်လာရင် ‘ရှင်တို့ ဘာမှ လုပ်စရာမလိုဘူး၊ ရှင်တို့ ဘာပြောရမလဲဆိုတာ ကျွန်မတို့ပေးမယ်၊ သတင်းအချက်အလက်အားလုံး၊ လိုတာအားလုံးပေးမယ်’ လို့ ကျွန်မတို့က လမ်းကြောင်းချပေးတာပါ” လို့ မာရီယာက ပြောကြားခဲ့ပါတယ်။

အပတ်စဉ်ပြုလုပ်တဲ့ လွှတ်တော်အမတ်တွေနဲ့ ၀န်ကြီးချုပ် အမေးအဖြေအစီအစဉ်အတွက် မေးခွန်းတွေကို ချဉ်းကပ်ရယူဖို့လည်း သူမက အကြံပြုခဲ့ပါတယ်။ အဲဒီ အစီအစဉ်ကို တီဗီကနေ တိုက်ရိုက်လွှင့်တာ ဖြစ်ပါတယ်။

နောက်ပြီး နိုင်ငံတော်အဆင့် အဲဒီဆွေးနွေးမှုမှာ ဗြိတိန်အစိုးရက အစ္စရေးကို ပစားပေးဖို့အတွက် သူမ လုပ်နိုင်ခဲ့မမှုကိုလည်း မာရီယာက ရော်ဘင်ကို ကြွားဝါပြောပြခဲ့ပါသေးတယ်။

ဒါကတော့ ၂၀၁၄ ခုနှစ်က ဗြိတိန်လွှတ်တော်က အစ္စရေးနဲ့ ပူးပေါင်းဆောင်ရွက်ရေးအဖွဲ့ Conservative Friends of Israel နဲ့အတူ အစ္စရေးကို သူမ ရောက်ရှိနေချိန်မှာ ဗြိတိန်လွှတ်တော်အမတ်တစ်ဦးဖြစ်တဲ့ ဟဲလ်ဖွန်ကို ပျောက်ဆုံးပြီး အသတ်ခံလိုက်ရတယ်လို့ ယူဆရတဲ့ အစ္စရေး လူငယ် ၃ ဦးအတွက် အစိုးရရဲ့ တုန့်ပြန်ဆောင်ရွက်မှုတွေကို မေးမြန်းခိုင်းခဲ့တာဖြစ်ပါတယ်။ ဟဲလ်ဖွန်ဟာ ဒီမေးခွန်းကိုမေးခဲ့ပြီးတဲ့နောက် ‘ဟားမက်အကြမ်းဖက်ကွန်ယက်တွေကို ချေမှုန်းဖို့ ဘာမဆိုလုပ်ရမယ့်’
အစ္စရေးအစိုးရကို အပြည့်အ၀ထောက်ခံဖို့လည်း ၀န်ကြီးချုပ်ဒေးဗစ်ကင်မရွန်းကို တိုက်တွန်းခဲ့ပါတယ်။

အဲဒီမေးမြန်မှုအတွက် ၀န်ကြီးချုပ်ကင်မရွန်းဟာ အစ္စရေးဖက်က ရပ်တည်ပေးမယ်လို့ ပြန်လည်ဖြေကြားခဲ့ရပါတယ်။

Ref: Aljazeera

(အလ်ဂျာဇီးရားသတင်းဌာနမှ UK MPs urge probe into Israeli plot against politicians ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

January 10, 2017