Author: Ko Lay

မလေးရှား ကွင်းလယ်လူတစ်ဦး ဖီဖာ၏ အကောင်းဆုံးဂိုးဆုရ ပထမဆုံး အာရှသားဖြစ်လာ

ဇန်န၀ါရီ ၁၀၊ ၂၀၁၇
M-Media

ဖီဖာ၏ တစ်နှစ်တာအကောင်းဆုံး သွင်းဂိုးဆု FIFA Puskas Award ကို ရရှိခဲ့ည့် မလေးရှား ကွင်းလယ်လူ မိုဟာမက် ဖာအစ်ဇ် ဆူဘရီ

– ၂၀၁၆ ခုနှစ် အကောင်းဆုံးဂိုးအတွက် ဖီဖာမှချီးမြှင့်သော FIFA Puskas Award ဆုကို မလေးရှားဘောလုံးသမား ဖာအစ်ဇ် ဆူဘရီက ရရှိသွားခဲ့ပြီး ထိုဆုအားရရှိသည့် ပထမဆုံး အာရှသားဖြစ်လာခဲ့သည်။

မလေးရှားလက်ရွေးစင် အလယ်တန်းလူဖြစ်သည့် အသက် ၂၉ နှစ်အရွယ် ဖာအစ်ဇ်မှာ မလေးရှားဆူပါလိဂ်ပွဲစဉ်အဖြစ် ဖေဖော်ဝါရီ ၆ ရက်နေ့က ပီနန်အသင်းနှင့် ပါဟန်းအသင်းတို့ ကစားခဲ့သည့်ပွဲတွင် ပြစ်ဒဏ်ဘောမှတစ်ဆင့် တိုက်ရိုက်ကန်သွင်းခဲ့သည့် ဂိုးဖြင့် ထိုဆုကို ရရှိခဲ့ခြင်းဖြစ်သည်။

ပီနန်ကွင်းလယ်လူ ဖာအစ်ဇ်မှာ ပြိုင်ဘက်အသင်း၏ ကွင်းတစ်ဝက်မှရရှိသည့် ပြစ်ဒဏ်ဘောကို တိုက်ရုိုက်ကန်သွားယူရာ ဘောလုံးမှာ ဂုိုးသမား၏ ညာဘက်ထောင့်ကို ဦးတည်ခဲ့ပြီးနောက် ဂုိုးနားရောက်သည့်အချိန်တွင် ဘယ်ဘယ်ထောင့်သို့ ဝေ့ကာ ဂိုးဝင်သွားခဲ့ခြင်းဖြစ်သည်။

ဖီဖာ၏ ဇကာတင် ၃ ဦးစာရင်းတွင် ဖာအစ်ဇ်၏ ထိုဂိုးက မဲအရေအတွက် ၅၉.၅၄ ရာခိုင်နှုန်း၊ ဘရာဇီးလ်မှ အဇီဗီဒို ဒါဆေးလ်ဗား၏ ဂိုးက ၂၂.၈၆ ရာခိုင်နှုန်၊ ဗင်နီဇွဲလားမှ အမျိုးသမီးဘောလုံးသမား ဒါနီဆူကာ ရော်ဒရီဂက်စ်၏ ဂိုးက ၁၀.၁ ရာခိုင်နှုန်း ရရှိခဲ့သည်။ ၂၀၀၉ ခုနှစ် ပထမဆုံး ချီးမြှင့်သည့်အချိန်တွင် ထိုဆုကို ပေါ်တူဂီတိုက်စစ်မှူး ရ်ာနယ်ဒိုက ရရှိခဲ့သည်။

ဇူးရစ်ခ်ျတွင် ကျင်းပပြုလုပ်ခဲ့သည့် ဆုပေးပွဲအခမ်းအနားတွင် FIFA Puskas Award ဆုကို ဘရာဇီးလ်တိုက်စစ်မှူး ရော်နယ်ဒိုက ဖာအစ်ဇ်အား ပေးအပ်ခဲ့သည်။

“ရိုးရိုးသားသားပြောရရင် ဒီလိုအဆင့်မျိုးကို ရောက်လာပြီး ကမ္ဘာအဆင့်ကစားသမားတွေနဲ့ အတူ ရှိနေရမယ်လို့ ကျွန်တော် ဘယ်တုန်းကမှ မမျှော်လင့်ခဲ့ပါဘူး” ဟု ဖာအစ်ဇ်က ဆုပေးပွဲအခမ်းအနားတွင် ပြောကြားခဲ့သည်။

ထိုဆုရရှိမှုမှာ မိမိ၏ ဘောလုံးသမားဘ၀နှင့် မိသားစုအတွက် အဆုံးအဖြတ်ပေးသည့် အချိန်ဖြစ်သည်ဟုလည်း FIFA TV နှင့် အင်တာဗျူးတွင် ဖြေဆိုခဲ့သည်။

“ပထမတော့ ကျွန်တော့် နည်းနည်းတုန်လှုပ်ပေမယ့် အခုတော့ စိတ်သက်သာရာ ရသွားခဲ့ပါတယ်” ဟု ဖာအစ်ဇ်က ပြောကြားခဲ့ပြီး မိမိကို အားပေးမှုနှင့် မဲပေးမှုများအတွက် မလေးရှား ပရိတ်သတ်များကို ကျေးဇူးတင်သည်ဟုလည်း ဆိုသည်။

https://www.youtube.com/watch?v=CEja1c_9vqA

Ref : CNA

January 10, 2017
နျူထိပ်ဖူးတပ်နိုင်သည့် ရေငုပ်သင်္ဘောပစ်ဒုံးကျည်ကို ပါကစ္စတန် စမ်းသပ်အောင်မြင်

ဇန်ဝါရီ ၉၊ ၂၀၁၇
M-Media

– မိမိတို့အနေဖြင့် ရေငုပ်သင်္ဘောအခြေပြု နျူထိပ်ဖူးတပ်ဆင်နိုင်သည့် ဒုံးကျည်ကို ပထမဆုံး အောင်မြင်စွာ စမ်းသပ်ပစ်လွှတ်နိုင်ခဲ့သည်ဟု ပါကစ္စတန်စစ်တပ်က ယမန်နေ့တွင် ပြာကြားခဲ့သည်။

Babur-3 ဟု အမည်ရသည့် အဆိုပါ ခရုဇ်ဒုံးကျည်ကို အိန္ဒိယသမုဒ္ဒရာအောက်ရှိ ရေငုပ်သင်္ဘောမှ ပစ်လွှတ်ခဲ့ခြင်းဖြစ်ပြီး ပစ်မှတ်ကို တိတိကျကျ ထိမှန်ခဲ့သည်ဟု ပါကစ္စတန်လက်နက်ကိုင်အဖွဲ့၏ မီဒီယာဌာန ISPR မှ ထုတ်ပြန်သည့် ကြေငြာချက်တွင် ဖော်ပြထားသည်။

“Babur-3 SLCM ရဲ့ မြေပြင်ကို တိုက်ခိုက်မှုအဆင့်မှာ ထိပ်ဖူးအမျိုးမျိုးကို သယ်ဆောင်နိုင်မှာဖြစ်ပြီး ပါကစ္စတန်အတွက် Second Strike Capability (နျူနှင့်တိုက်ခိုက်ခံရပါကာ နျူဖြင့် ပြန်လည်တိုက်ခံနိုင်စွမ်း) ကို ရရှိစေမှာ ဖြစ်သလို၊ ကာကွယ်ရေးစွမ်းအားကိုလည်း တိုးတက်စေမှာဖြစ်ပါတယ်” ဟု စစ်တပ် ပြောကြားခဲ့သည်။

စစ်တပ်၏ ထိုအောင်မြင်မှုကို ချီးကျူးခဲ့သူများတွင် ၀န်ကြီးချုပ် နအ်ဝဇ်ရှရစ်ဖ်လည်း ပါဝင်ပြီး ‘Babur-3 မှာ မိမိတို့တိုင်းပြည်၏ နည်းပညာတိုးတက်မှုနှင့် မိမိတို့ကိုယ် အားကိုးနိုင်စွမ်းကို ထင်ထင်ရှားရှား ပြလိုက်ခြင်းဖြစ်သည်’ ဟု ပြောကြားခဲ့သည်။

Babur-3 ဒုံးကျည်မှာ ဒီဇင်ဘာ ၂၀၁၆ ခုနှစ်က စမ်းသပ်ပစ်လွှတ်ခဲ့သည့် Babu-2 ဒုံးကျည်၏ ပစ်လယ်ပြင်အခြပြု အမျိုးအစားဖြစ်သည်။ ကီလိုမီတာ ၄၅၀ (မိုင်ပေါင်း ၂၈၀) အကွာအဝေးအထိ ရောက်ရှိနိုင်သည့် Babur-3 မှာ ပင်လယ်ရေအောက် တွန်းအားစနစ်၊ ပဲ့ထိန်းစနစ်၊ လမ်းကြောင်းပြစနစ်တို့ ပါဝင်ပြီး၊ အနိမ့်ပျံသန်းခြင်း၊ ရေပေါ်ရှပ်ပြေးခြင်းနှင့် ရေဒါရှောင်ကွင်းခြင်းတို့ကိုလည်း ပြုလုပ်နိုင်သည်။

Ref : RT

January 10, 2017
ဖီဖာ၏ တစ်နှစ်တာအကောင်းဆုံးကစားသမားဆု ရော်နယ်ဒို ရရှိ

ဇန်န၀ါရီ ၁၀၊ ၂၀၁၇
M-Media

ဆု လက်ခံရယူနေသည့် ရော်နယ်ဒို

– ရီးယဲလ်မက်ဒရစ်အသင်း တိုက်စစ်မှူး ခရစ္စတီယာနို ရော်နယ်ဒိုမှာ ကမ္ဘာ့ဘောလုံးအဖွဲ့ချုပ် ဖီဖာမှ ပေးအပ်ချီးမြှင့်သည့် တစ်နှစ်တာအကောင်းဆုံး ဘောလုံးသမားဆုကို ရရှိခဲ့ပြီး ထိုဆုကို ၄ ကြိမ်မြောက် ရရှိခြင်းလည်းဖြစ်သည်။

ကလပ်အသင်း၊ နိုင်ငံအသင်းအဆင့်တွင် ရီးယဲလ်၊ ပေါ်တူဂီအသင်တို့နှင့် နှစ်ထပ်ကွမ်း ဥရောပချန်ပီယံဖြစ်ခဲ့သည့် ရော်နယ်ဒိုမှာ ဘာစီလိုနာမှ မက်ဆီ၊ အက်သလက်တီကိုမှ ဂရီဇ်မန်းတို့ကို ကျော်ဖြတ်ကာ အဆိုပါဆုကို ဆွတ်ခူးနိုင်ခဲ့ခြင်းဖြစ်သည်။

“ပြီးခဲ့တဲ့နှစ်ဟာ တစ်ဦးတစ်ယောက်ချင်း အဆင့်မှာရော၊ ဘောလုံးအားကစားအဆင့်မှာပါ (ကျွန်တော့်အတွက်) ကြီးကျယ်တဲ့ နှစ်တစ်နှစ်ပါ” ဟု ရော်နယ်ဒိုက ပေါ်တူဂီတွင် ပြုလုပ်ခဲ့သည့် ဆုလက်ခံရယူပွဲ အခမ်းအနားတွင် ပြောကြားခဲ့သည်။

ဇကာတင် ၃ ဦးစာရင်းတွင် ရော်နယ်ဒိုက မဲအရေအတွက် ၃၅.၅၄ ရာခိုင်နှုန်း၊ မက်ဆီက ၂၆.၄၂ ရာခိုင်နှုန်းနှင့် ဂရီဇ်မန်းက ၇.၅၃ ရာခိုင်နှုန်း ရရှိခဲ့သည်။ မဲများကို နိုင်ငံအသင်းနည်းပြများ၊ အသင်းခေါင်းဆောင်များ၊ မီဒီယာသမားအချို့နှင့် ပရိတ်သတ်အချို့က ပေးခဲ့ခြင်းဖြစ်သည်။

မက်ဆီမှာ ဖီဖာ အကောင်းဆုံး ဘောလုံးသမားအဖြစ် ၅ ကြိမ် ရွေးချယ်ခံထားရပြီး ရော်နယ်ဒိုကမူ မက်ဆီကို လိုက်မီရန် တစ်ကြိမ်သာ လိုတော့သည်။

၂၀၁၆ ခုနှစ်အတွင်း ရော်နယ်ဒိုမှာ ယူရို ၂၀၁၆ ဖလား၊ ချန်ပီယံလိဂ် ဖလား၊ ကလပ်အသင်းများ ကမ္ဘာ့ဖလားတို့ကို ရီးယဲလ်၊ ပေါ်တူဂီလက်ရွေးစင်အသင်းတို့နှင့်အတူ ရရှိခဲ့ပြီး တစ်ဦးချင်းဆုအဖြစ် ဥရောပ အကောင်းဆုံး ဘောလုံးသမားဆု၊ ကမ္ဘာအကောင်းဆုံးဘောလုံးသမားဆု (Ballon D’Or)၊ ယခု ဖီဖာ၏ တစ်နှစ်တာ အကောင်းဆုံး ဘောလုံးသမားဆု တို့ကို ရရှိခဲ့သည်။

“တစ်ယောက်ချင်းရော၊ အဖွဲ့လိုက်မှာရော ကျွန်တော် ဆုဖလားတွေ တော်တော်များများ ရခဲ့ပါတယ်။ အဲဒီအတွက် ကျွန်တော် ဂုဏ်ယူပါတယ်” ဟု ရော်နယ်ဒိုက ဆိုပြီး၊ ယခုဆုဖလားကို ၎င်း၏ မွေးရပ်မြေ မာဒီရာကျွန်းတွင်ရှိသည့် ၎င်း၏ ပြတိုက်တွင် ထားရှိသွားမည်ဟုလည်း ပြောကြားခဲ့သည်။

Ref: USA Today

January 10, 2017
ဘင်္ဂါလီနိုဘယ်ဆုရှင်ကို အိန္ဒိယတက္ကသိုလ်က ဂုဏ်ထူးဆောင်ဒေါက်တာဘွဲ့ ချီးမြှင့်

ဇန်န၀ါရီ ၉၊ ၂၀၁၇
M-Media

– ဘင်္ဂလားဒေ့ရ်ှမှ လူ့အဖွဲ့အစည်းအခြေပြု ပြုပြင်ပြောင်းလဲရေးသမား နိုဘယ်ဆုရှင် မိုဟာမက် ယူနွတ်စ်ကို အိန္ဒိယတက္ကသိုလ်တစ်ခုက ဂုဏ်ထူးဆောင် သိပ္ပံဒေါက်တာဘွဲ့ ချီးမြှင့်ခဲ့သည်ဟု သိရသည်။

ပန်ဂျဘ်ပြည်နယ်ရှိ Chandigarh တက္ကသိုလ်ဖြစ်ပြီး ဇန်နန၀ါရီ ၈ ရက်နေ့က ပြုလုပ်ခဲ့သည် တက္ကသိုလ်၏ ညီလာခံသို့ ဖိတ်ကြားကာ ယခုကဲ့သို့ ဂုဏ်ထူးဆောင်ဘွဲ့ ချီးမြှင့်ခဲ့ခြင်းဖြစ်သည်။ ညီလာခံတွင် ပါမောက္ခ ယူနွတ်စ်မှာ မိန့်ခွန်းလည်း ပြောကြားခဲ့သည်။

တက္ကသိုလ်သို့ ရောက်ရှိလာသည့် မိုဟာမက် ယူနွတ်စ်ကို တာဝန်ရှိသူများက ပန်ဂျဘ်ရိုးရာဖြင့် ကြိုဆိုခဲ့ပြီး၊ တက္ကသိုလ် ပရ၀ုဏ်တစ်ခုလုံးတွင်လည်း ယူနွတ်စ်၏ပုံကို ပန်းများဖြင့် ပုံဖော်ထားသည်။

Chandigarh တက္ကသိုလ်၏ ဒုတိယ ပါမောက္ခချုပ်က မိမိတို့တက္ကသိုလ်တွင် ‘လူမှုစီးပွားရေးဆိုင်ရာ ယူနွတ်စ်စင်တာ’ ကို တည်ထောင်ကာ ဘင်္ဂလာဒေ့ရ်ှမှာ ယူနွတ်စ်စင်တာနှင့် ပူးပေါင်းဆောင်ရွက်သွားမည်ဖြစ်ကြောင်း လူမှုစီးပွားရေးရာ သင်တန်များ ပေးခြင်းအပြင် အိန္ဒိယနိုင်ငံတစ်ဝှမ်း၌ ‘နိုင်ငံလုံးဆိုင်ရာ လူမှုစီးပွားရေးဖိုရမ်’ ကို အဆိုပါ စင်တာမှ ကမကထပြုကာ နှစ်စဉ် ကျင်းပပေးသွားမည်ဖြစ်ကြောင်း ပြောကြားခဲ့သည်။

အတိုးမဲ့ ချေငွေးလုပ်ငန်းဖြင့် ဘင်္ဂလားဒေ့ရ်ှမှ မိသားစုများစွာကို ဆင်းရဲတွင်းမှ လွတ်မြောက်စေခဲ့သည့် ယူနွတ်စ်မှာ ပြီးခဲ့သည့်တစ်ပတ်ကလည်း အိန္ဒိယ၀န်ကြီးချုပ်မှ ချီးမြှင့်သည့် ရွှေတံဆိပ်ဆုကို လက်ခံရယူခဲ့သည်။

Ref: Sockial Businesspedia

January 9, 2017
မောင်းသူမဲ့ ထရပ်ကားများကို စင်ကာပူတွင် စမ်းသပ်ပြေးဆွဲမည်

ဇန်န၀ါရီ ၉၊ ၂၀၁၇
M-Media

စင်ကာပူတွင် စမ်းသပ်မည့် မောင်းသူမဲ့ ထရပ်ကားစနစ် အခြေပြပုံ

– မောင်းသူမဲ့ကားများနှင့် ဘတ်စ်ကား အမျိုးမျိုးကို စမ်းသပ်မှုပြုလုပ်ပြီးနောက် မိမိတို့အနေဖြင့် မောင်းသူမဲ့ ထရပ်ကားများကို စမ်းသပ်ရန် ရှိနေသည်ဟု စင်ကာပူ ပို့ဆောင်ရေးဝန်ကြီးဌာန (MOT) နှင့် PSA Corporation တို့က ကြေငြာလိုက်သည်။

ဆိပ်ကမ်းတစ်ခုမှ တစ်ခုမှ တစ်ခုသို့ ကွန်တိန်နာများကို ပို့ဆောင်ရာတွင် အသုံးပြုမည့် ထရပ်ကားများနေရာတွင် စမ်းသပ်မည်ဖြစ်ပြီး အဆိုပါ မောင်သူမဲ့စနစ်ကို ဖော်ဆောင်ရန်အတွက် ကားကုမ္ပဏီနှစ်ခုဖြစ်သော Scania၊ Toyota Tusho တို့နှင့် ယနေ့တွင် သဘောတူစာချုပ် ချုပ်ဆိုခဲ့သည်။ ထိုစနစ်အရ ယာဉ်မောင်းတစ်ဦး မောင်းနှင်သော ထရပ်ကားတစ်စီးမှာ မောင်းသူမဲ့ ထရပ်ကားများကို ဦးဆောင်ကာ မောင်းနှင်ခြင်းဖြစ်သည်။

MOT နှင့် PSA တို့မှ ပူးပေါင်းထုတ်ပြန်သည့် ကြေငြာချက်တွင် ထိုစနစ်က မိမိတို့၏ လူ့စွမ်းအားအရင်းအမြစ် ပြတ်လတ်မှုအတွက် အကူအညီဖြစ်စေမည်ဟု ဖော်ပြထားသည်။

“ဒီစနစ်က ထရပ်ကားဒရိုင်ဘာတွေကို ယာဉ်အုပ်စု ဦးဆောင်သူတွေ၊ မန်နေဂျာတွေအဖြစ် ကျွမ်းကျင်မှုပိုမြင့်တဲ့ အခန်းကဏ္ဍကနေ ပါဝင်စေနိုင်မှာပါ” ဟု ပို့ဆောင်ရေးဌာနမှ အမြဲတမ်းအတွင်းဝန်ဖြစ်သူ မစ္စတာ ပန် ကင် ကီအွန်က ပြောကြားခဲ့သည်။

အဆိုပါ စမ်းသပ်မှုကို ၂၀၁၇ ခုနှစ် ဇန်န၀ါရီလမှ ၂၀၁၉ ခုနှစ် ဒီဇင်ဘာလအထိ ၃ နှစ်အတွင်း အဆင့် ၂ ဆင့်ဖြင့် ဆောင်ရွက်မည်ဖြစ်သည်။

ပထမအဆင့်တွင် Scania နှင့် Toyota Tusho ကုမ္ပဏီတို့က ဆွီဒင်နှင့် ဂျပန်တို့ရှိ ၎င်းတို့၏ စက်ရုံများတွင် ဒီဇိုင်းများ၊ စနစ်များအတွက် သုတေသန ပြုလုပ်သွားမည်ဖြစ်ပြီး၊ MOT နှင့် PSA တို့ကမူ ပထမအဆင့်မှ ရရှိသော ရလဒ်များအပေါ် မူတူ၍ ဒုတိယအဆင့်အတွက် ပူးပေါင်းဆောင်ရွက်သွားမည်ဖြစ်သည်။

စမ်းသပ်မှုအတွက် လမ်းကြောင်းကို ၁၀ ကီလိုမီတာ သတ်မှတ်ထားသည်။

Ref : CNA

January 9, 2017