ဒီဇင်ဘာ ၅၊ ၂၀၁၆
M-Media
– ယနေ့ခေတ်မှာ မွတ်စလင်အမည်ခံ အကြမ်းဖက်သမားတွေရဲ့ ကိုယ်ကျိုးရှာ လုပ်ရပ်တွေ၊ မွတ်စလင်လူ့အဖွဲ့အစည်းတစ်ချို့က သူတို့ရဲ့ လူမျိုးရေး ရိုးရာဓလေ့ထုံးတမ်းတွေကို မစွန့်လွှတ်နိုင်မှုတွေကြောင့် အစ္စလာမ်သာသနာအပေါ် စွပ်စွဲပြောဆိုမှုတွေ၊ အထင်အမြင်လွဲမှားမှုတွေဟာ မြင့်တက်လာခဲ့ပါတယ်။
အစ္စလာမ်သာသနာဟာ မတူကွဲပြားမှုကို သည်းခံမှုမရှိဘူး၊ အမျိုးသမီးတွကို နှိမ်တယ်၊ ဘာသာမတူသူတွေအပေါ် ရန်လိုတယ် စသဖြင့် ပြောဆိုမှုတွေကို နားနဲ့ မဆန့်အောင် ကြားရလေ့ရှိပါတယ်။ ဒါတွေဟာ မွတ်စလင်တွေရဲ့ မှားယွင်းတဲ့ လုပ်ရပ်တစ်ချို့ကို အပေါ်ယံကြည့် ပြောဆိုတာမျိုး၊ အစ္စလာမ်သာသနာကို တမင်သက်သက် ပုံဖျက်ပြောဆိုတာမျိုးသာ ဖြစ်ပါတယ်။
၁။ အမျိုးသမီးတွေကို နှိမ့်ချလား
အစ္စလာမ်က သတ်မှတ်ထားတဲ့ အိနြေ္ဒသိက္ခာရှိမှု တန်ဖိုးတွေ၊ အစ္စလာမ်ဘာသာကို လိုက်နာကျင့်သုံးကျတဲ့ လူ့အဖွဲ့အစည်းတွေက သူတို့ရဲ့ ယခင်ဓလေ့ထုံးတမ်းဟောင်းတွေကို မစွန့်ပယ်နိုင်တာတွေကို အခြေပြုပြီး အစ္စလာမ်သာသနာက အမျိုးသမီးတွေကို နှိမ့်ချတယ်ဆိုတဲ့ အမြင်က အခြားလူ့အဖွဲ့အစည်းတွေထဲမှာ ကျယ်ကျယ်ပြန့်ပြန့် ရှိနေပါတယ်။
ဒါပေမယ့် တကယ်တမ်းမှာတော့ အစ္စလာမ်က အမျိုးသမီးတွေရဲ့ အခွင့်အရေးကို မြှင့်တင်ပေးရုံသာမက၊ အစ္စလာမ်သာသနာ တိုးတက်ပြန့်ပွားရေးမှာလည်း အမျိုးသမီးတွေက အဓိကအခန်းကဏ္ဍကနေ ပါဝင်ပါတယ်။
အစ္စလာမ်သာသနာကို ပထမဆုံး လက်ခံယုံကြည်သူက အမျိုးသမီးဖြစ်ပြီး တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ရဲ့ ကြင်ယာတော် ခတီဂျာသခင်မ ဖြစ်ပါတယ်။ သခင်ဟာ အာရေဗျမှာ အောင်မြင်တဲ့ လုပ်ငန်းရှင်တစ်ဦးဖြစ်ပြီး၊ အဲဒီခေတ်အခါက အမျိုးသားတွေသာ လွှမ်းမိုးတဲ့ ကုန်သွယ်လုပ်ငန်းမှာ နေရာတစ်ခုကို ခိုင်ခိုင်မာမာ ဆုပ်ကိုင်ထားနိုင်သူပါ။
သခင်မ သက်တော် ၄၀ မှာ၊ သက်တော် ၂၅ နှစ်အရွယ် မုဟမ္မဒ်သခင်ကို လက်ထပ်ဖို့ ကမ်းလှမ်းခဲ့ပြီး၊ မုဟမ္မဒ်သခင်ရဲ့ ကြင်ယာတော်အဖြစ် တမန်တော်ရဲ့ သာသနာပြုလုပ်ငန်း၊ လူမှုရေးလုပ်ငန်းတွေမှာ မားမားမတ်မတ် ရပ်တည်ပေးခဲ့ကာ ပိုင်ဆိုင်သမျှ ပစ္စည်းအားလုံးကိုလည်း ထောက်ပံ့ပေးခဲ့သူ ဖြစ်ပါတယ်။
အစ္စလာမ်သာသနာဝင်ဖြစ်ပြီးနောက်ပိုင်း သခင်မရဲ့ စီးပွားရေးလုပ်ငန်းကို လွတ်လွတ်လပ်လပ် ဆက်လက်လုပ်ကိုင်နေမှုကို ကြည့်ခြင်းအားဖြင့် အစ္စလာမ်ရဲ့ အမျိုးသမီးတွေအပေါ် ထားရှိတဲ့ သဘောတရားကို တွေ့မြင်နိုင်ပါတယ်။ မွတ်စလင်အများစုရှိရာ နိုင်ငံတွေက အချို့သော အာဏာရှင်တွေ၊ ဘာသာရေးခေါင်းဆောင်တွေက အမျိုးသမီးတွေကို အလွန်အမင်း ဖိနှိပ်တာတွေဟာ အစ္စလာမ်ကြောင့်လို့ မှတ်ယူခြင်းက လွဲမှားမှုတစ်ခုပါပဲ။
တကယ်တော့ အမျိုးသမီးအခွင့်အရေးဟာ အစ္စလာမ်မှာ အဓိကကျတဲ့နေရာက ရှိနေပါတယ်။ လက်ထပ်ထိမ်းမြားတဲ့အခါမှာ အမျိုးသမီးရဲ့ သဘောတူညီချက်ပါမှ အတည်ဖြစ်တာ၊ အတင်းအဓမ္မ ထိမ်းမြားပေးခြင်း မပြုရလို့ တားမြစ်ထားတာ၊ အမျိုးသမီးတွေ ပစ္စည်းဥစ္စာပိုင်ဆိုင်ခွင့်၊ အမွေဆက်ခံခွင့်ရှိတာ၊ အိမ်ထောင်ကွဲသွားတာတောင်မှ ကိုယ့်ရဲ့ ပိုင်ဆိုင်မှုတွေကို စွန့်လွှတ်စရာမလိုတာတွေက အစ္စလာမ်ကပေးထားတဲ့ အမျိုးသမီးအခွင့်အရေးတွေထဲက တစ်ချို့တစ်ဝက် ဖြစ်ပါတယ်။
တမန်တော်မုဟမ္မသခင်နဲ့ နောက်လိုက်သာဝကကြီးတွေရဲ့ ခေတ်မှာ အမျိုးသမီးတွေ လွတ်လပ်စွာ ပညာသင်ကြားခွင့်၊ စီးပွားရေး လုပ်ခွင့်၊ အုပ်ချုပ်ရေးယန္တယားမှာ ပါဝင်ခွင့် ရခဲ့တာတွေကလည်း အစ္စလာမ်ရဲ့ အမျိုးသမီးတွေအပေါ် ထားရှိတဲ့ သဘောထားကို ရောင်ပြန်ဟပ်နေပါတယ်။ ဒီနေ့အချိန်အထိ အစ္စလာမ့်ဓမ္မပညာရှင်တွေ လက်ကိုင်ထား ကိုးကားရတဲ့ ဓမ္မသတ်ကျမ်းကြီးတွေကို ရေးသားခဲ့သူ ပညာရှင်အချို့ဟာ အမျိုးသမီး အစ္စလာမ့်ဓမ္မပညာရှင်တွေရဲ့ လက်အောက်မှာ သာသနာ့စာပေတွေကို လေ့လာဆည်းပူးခဲ့တာ ဖြစ်ပါတယ်။
၂။ အစ္စလာမ်ထဲ အတင်းသွတ်သွင်းလို့မရ
အကြမ်းဖက်အဖွဲ့အစည်းတစ်ချို့က အစ္စလာမ်ဘာသာဝင်မဟုတ်သူတွေကို ပစ်မှတ်ထား သတ်ဖြတ်တာ၊ မသေချင်ရင် အစ္စလာမ်ထဲဝင်ရမယ်လို့ အတင်းအဓမ္မခြိမ်းခြောက်တာတွေကြောင့် အစ္စလာမ်သာသနာက အဓမ္မ သာသနာပြုတယ်ဆိုတဲ့ အပြောမျိုးလည်း ရှိနေပါတယ်။
ဒါမျိုးဆောင်ရွက်တာဟာ လုံးဝမှားယွင်းကြောင်း ကုရ်အာန်ကျမ်းတော်မြတ် ကဏ္ဍ ၂၊ ပါတော် ၂၅၆ မှာ အတိအလင်း ပြောကြားထားပါတယ်။
“သာသနာတော်အတွင်းသို့ ၀င်ရောက်ရန်အတွက် အတင်းအဓမ္မ အနိုင့်အထက် အလျင်းမပြုရ”
တကယ်တော့ အစ္စလာမ့်သာသနာဟာ ချစ်ခြင်း၊ မုန်းခြင်း စတဲ့ စိတ်ခံစားမှုတွေကြောင့် ၀င်ရောက်ခြင်းကို ခွင့်မပြုထားပါဘူး။ သာသနာကို အမှန်တကယ် သိနားလည်ပြီး သာသနာတော်ရဲ့ ဘောင်အတွင်းမှာ နေထိုင်လိုစိတ်ရှိမှသာ ကိုယ်ဆန္ဒနဲ့ကိုယ် ၀င်ရောက်ခွင့် ရရှိတာဖြစ်ပါတယ်။
အစ္စလာမ့် ဓမ္မသတ်တွေမှာလည်း ဖိအားပေးမှု၊ ရပိုင်ခွင့်နဲ့ဆွယ်မှု စတာတွေကြောင့် သာသနာတော်အတွင်း ၀င်ရောက်မယ့် သူမျိုးကို အစ္စလာမ့်ဓမ္မပညာရှင်တွေအနေနဲ့ သွတ်သွင်းချင်းမပြုဖို့ တားမြစ်ထားပါတယ်။
၃။ တစ်ခြားဘာသာတွေကို လေးစားရမယ်
အစ္စလာမ်ဘာသာဝင်တစ်ယောက် ဖြစ်လာပြီဆိုတာနဲ့ အခြားသော ဘာသာတရားတွေကို လေးစားဖို့၊ မစော်ကားဖို့ဟာ မဖြစ်မနေ လိုက်နာရမယ့် စည်းကမ်း ဖြစ်လာပါပြီ။
ကုန်အာန်ကျမ်းတော်မြတ်မှာ ဂျူးနဲ့ ခရစ်ယာန်တွေရဲ့ တမန်တော်တွေဖြစ်တဲ့ တမန်တော် မူဆာ (မောရှေ)၊ တမန်တော် အီဆာ (ယေရှုခရစ်)၊ တမန်တော် အီဆာရဲ့ မိခင် မရ်ယမ်သခင်မ (မယ်တော် မေရီ) တို့အပါအ၀င် ဓမ္မဟောင်းနဲ့ ဓမ္မသစ်ကျမ်းမှာ ဖော်ပြထားတဲ့ တမန်တော်တွေ အမှန်တကယ်တည်ရှိခဲ့ကြောင်း ယုံကြည်ဖို့ တိုက်တွန်းထားပါတယ်။ နောက်ပြီး အဲဒီတမန်တော်ကြီးတွေရဲ့ အကြောင်းတွေနဲ့ နာမတော်တွေ၊ သူတို့အပေါ် ဘုရားခင်က ချပေးတဲ့ ကျမ်းစာတွေ အကြောင်းကိုလည်း ဖော်ပြထားပါတယ်။
မွတ်စလင်တစ်ယောက်အနေနဲ့ ဒီတမန်တော်ကြီးတွေ၊ ကျမ်းစာတွေ မယုံကြည်တာ၊ နောက်ပြောင်တာ၊ ကျီစယ်တာတွေ လုပ်တာဟာ ကြီးလေးတဲ့အပြစ်ထိုက်ပြီး အစ္စလာမ်သာသနာတော်ရဲ့ ပြင်ပကို ရောက်သွားမယ်လို့လည်း အစ္စလာမ်က အတိအလင်း ကြေငြာထားပါတယ်။
၎။ သည်းခံခွင့်လွှတ်မှု
ယနေ့ အချို့သော မွတ်စလင်လူ့အဖွဲ့အစည်းတွေမှာ သည်းခံမှု၊ ခွင့်လွတ်မှုတွေကို မတွေ့ရပေမယ့် အစ္စလာမ်ကတော့ ဒီအရာတွေကို ကုန်အာန်ကျမ်းတော်မြတ်ကနေတစ်ဆင့် အတိအကျ သတ်မှတ်ပြဌာန်းထားခဲ့ပြီသားပါ။
“အို- လူခပ်သိမ်းတို့။ မလွဲဧကန် ငါအရှင်မြတ်သည် အသင်တို့အား ယောက်ျားတစ်ယောက်၊ မ်ိန်းမတစ်ယောက်တို့မှ စတင်ဖန်ဆင်းတော်မူ၏။ ထို့ပြင် ငါအရှင်မြတ်သည့် အသင်တို့အချင်းချင်း တစ်ဦကိုတစ်ဦး ခွဲခြားသိမြင် မှတ်မိကြအံ့သောငှာ လူမျိုးစုအသီးသီး၊ မျိုးနွယ် အသွယ်သွယ်တို့ကို ပြုလုပ်တောမူခဲ့၏။ အသင်တို့အနက် အကျင့်သီလ အစင်ကြယ်ဆုံးသူသည်သာလျှင် အမြင့်မြတ်ဆုံး ဖြစ်တော်မူ၏” (ကုရ်အနာ် ၄၉၊ ၁၃)
အထက်ပါ ကျမ်းချက်ကတော့ အစ္စလာမ်သာသာရဲ့ လူသားထုအပေါ်ထားရှိတဲ့ သဘောထားကို ကွက်ကွက်ကွင်းကွင်း ဖော်ပြနေပါတယ်။
Ref : mic.com
